Nætur(sjón)auka ...

2018708Hinn vel strengdi & strangheiðarlegi dr. Gylforce hefir fagnað umræðunni undanfarna daga, hvar borgin fagra hefir loksins opnað á þá hugmynd að fá næturvagna á nýjan leik. Dr.-inn man nú vel eptir vögnunum sem Almenningsvagnar, AV (Hagvagnar), óku um nætur um helgar í Voginn fagra & suður í Fjörðinn. Maður lifandi.

Tvær ferðir voru í boði frá kl. 01:20 & svá aptur kl. 03:20. Doksi tók nú bara seinni vagninn! Hann var nær alltaf troðfullur & var það saga segin að yfireitt var einn að míga inn í vagninum, annar að æla & einn til tveir strompreyktu meðan á för stóð. Góðu heilli var að þetta voru Renault PR-100 vagnarnir en dr.-num þótti nú ekki mikið til þeirra koma. Hvað um það.

Strætó bs. var líka með næturferðir fyrir nokkrum árum en dr.-inn rekur ekki minni til að hafa brúkað þær, því miður.

Það er allavega fagnaðarefni ef vagnarnir fara að ganga lengur á kvöldin & á næturnar um helgar. Heyr heyr!

Næturvagnar á nýjan leik
notalegir & huggó.
Djammarar í djúpum sleik
& doktorinn abbó!

IMG_0462Aukinheldur hefir dr. Gylforce nýtt sér aukavagnana á leið 3 hér upp við Stútulautarselið. Nema hvað. Þeir koma askvaðandi um kl. 7:26 & 7:41 - yfirleitt eðal 3ja hásinga sænskættaður - & færa doksa kallinn fljótt & örugglega að Mjódd okkar Breiðhyltinga. 

Dr.num finnst það samt furðulegt að hvergi á síðu Strætó er hægt að fá upplýsingar um þessa aukavagna. Hvað um það.

Úr Mjódd er það svá alltaf saman sagan; leið 4 & svá leið 35 í mennta- & menningarsetrið. Maður lifandi.

Aukavagnar á vegunum
verjar fjölmennir.
Þýtur doksi með þristinum
þeir eru hér tvennir.


Strætó bs. gefur í ...

15044743_10154171735573348_1121779471_o (2)Hinn ögrandi & örvandi dr. Gylforce er afar ánægður með byggðasamlagið þessa dagana, hvar það hefir augljóslega hafið ímyndar- & markaðssókn. Góðu heilli.

Á samskiptamiðlum hefir Strætó bs. greinilega gefið í & segir oss nú sögur af vagnverjum, starfsmönnum & fleira skemmtilegt. Meira svona! 

Það er mat dr.´s að alltof fáir þekkji til samgöngukortsins svokallaða. Það er árskort í vagnana á aðeins ríflega um 5000 kr. á mánuði. Fyrirtæki verða reyndar að sækja um hjá byggðasamlaginu en það ætti nú að vera auðsótt mál.

Strætó bs. er loksins komið á fleygiferð, reyndar beint í fimmta gír en er þó ekki enn farið að leyfa gæludýr. Það kemur vonandi innan tíðar.

Maður lifandi!

Samgöngukortið

Byggðasamlagið brýnir loks
að bæta við fleiri verjum.
Að ígrunda út fyrir box - 
undir komið einum og hverjum!



Vinarþel hjá vinum vorum ...

16122217 10154410714193348 503526755 oSkynja í vagni vinarþel
vagnverjarnir blíðir.
Löngum stundum í strætó dvel
sterkir eru & þýðir.

Hinn mjúki & meyri dr. Gylforce átti munúðarfullar & magnaðar ferðir meðal vina vorra - vagnanna -  í gær, hvar hann dvaldi löngum stundum þristinum & fjarkanum. Enda hvað segir ekki máltækið góða? Tvistur, þristur - Jesús Kristur. Nema hvað.

20140831123734-2d12b191Dr. Gylforce reis upp við fyrsta hanagal í gær, hvar hann hóaði í leið 4 um klukkan rúmlega sjö við Stútulautarselið sitt.

Að þessu sinni skeiðaði um Seljahverfið hinn huggulegasti 155 Karosavagn með urmul vagnverja. Það er greinilegt að Breiðhyltingar taka daginn snemma!

Dr.-inn hreyfði sig hvergi í fjarkanum unz hann áði við Hamraborg þeirra Kópvæginga. Þá var tími til kominn til að arka út & taka hús á Iveco Crossway vagni á leið 35 & halda að mennta- & menningarsetrinu við Kársnes & Kastala.

Amen.


Leið 4: Hlemmur - Bergfell ...

136Hinn ferðbúni & fjörugi dr. Gylforce hefir verið fyrirferðarmikill & líkt & eilífur augnakarl í fjarkanum - leið 4 - undanfarna daga, hvar hann hefir ferðast ótt & títt milli Mjóddar okkar Breiðhyltinga & Hamraborg þeirra Kópvæginga. Nema hvað.

5349081d66ba0Dr.-inn gerði sig lítið fyrir nú um kvöldmatarleytið & náði í eina 55 mínútna unaðsþrásetu & langdvöld í leið 4. En ekki hvað???

Doksi kallinn ætlaði sér að skipta um vagn í Mjóddinni & halda í þristinn en leið svo vel á leið 4 að hann hreyfði sig hvergi. Hann hélt út glaður í bragði við Stútulautarselið sitt eptir rúnt frá Hlemmi & bíður nú þess einvörðungu að eiga unaðsstundir með vögnunum - vinum vorum - á morgun. Hvað um það.

Maður lifandi.

Ég ferðast um í fjarkanum
fer hann um með stæl.
Með vinum mínum vögnunum
er veröldin indæl.


Ólag í ofankomu ...

20140831123734-2d12b191Hinn lágstemmdi & lúpulegi dr. Gylforce lét sitt ekki eptir liggja hvað vagna varðar í gær, hvar hann jók leti sína í urmul þeirra. Hvað um það.

Dr. Gylforce gekk í sínum huggulegu hægðum að Hamraborg þeirra Kópvæginga. Hinn alræmdi annatíma var runninn upp aukinheldur sem ofankoma hapði verið talsverð & því ljóst að erfitt yrði fyrir vagnana að halda áætlun. Nema hvað.

16130112_10154413168703348_2126032695_oDr.-inn hugði á unaðsferð með leið 4 frá Hamraborg að Mjódd kl. 16:21. Sá vagn kom 14 mínútum of seint, hvorki meira né minna. Á meðan gladdi það hró dr.´s að sjá hinn þýskættaða Mercedes Benz liðvagn á leið leiðanna, leið 1, & var hann auðvitað sneisafullur - en ekki hvað???

Dr.-inn átti unaðslega þrásetu & langdvöl í 168 Karosa vagninum á leið 4 frá Hamraborg að Stútulautarselinu. Þetta var u.þ.b. 35 mínútna rúntur. Vagnstjórinn var greinilega á hraðferð enda tókst honum að vinna upp 5 mínútur því fjarkinn kom níu mínútum of seint við stoppistöð dr.´s.

AR-756234808Í tíðafari sem þessu er mikilvægt að vagnarnir hafi sérakreinar svo þeir tefjist ekki ennfrekar vegna umferðarinnar. Vonandi verður hinu margfræga grettistaki lypt í þá veru nú vor - maður lifandi!



Seinkomur í snjóþekju
sárlega vér kveinum.
Vagninn ætti að ósekju
að aka á sérreinum.


Unaður í auka ...

16144939 10154410714578348 1178930663 oHinn árrísuli & alhressi dr. Gylforce var með hýrri há við aftureldingu, hvar hann spígsporaði að skýli sínu & tók aukavagninn á leið 3 upp við Selin. Maður lifandi.

IMG_0462Að þessu sinni var öngvan 3ja hásinga Volvo gæðing að finna. Í staðinn kom frændi hans frá Svíaríki, Scania Omnilink, 113 vagninn, með konung kokteiltónlistarinnar við stýrið, sjálfan André Bachmann. Hann var að venju afar kurteis, bauð öllum góðan dag & greinilegt er á öllu að hann skilur að Strætó bs. er fyrst & fremst þjónustufyrirtæki. Vonandi taka fleiri vagnstjórar hann sér til fyrirmyndar.

16122217 10154410714193348 503526755 oÍ Mjódd okkar Breiðhyltinga skildu leiðir dr.´s & Svíans, hvar doksi kallinn hóaði í 177 Iveco Crossway vagninn á leið 4 & hélt með honum rakleitt að Hamraborginni háu & fögru. 

16144624 10154410714823348 2064597884 nHann var þétt setinn vagninn á fjarkanum & vagnstjórinn röskur & skilaði honum tímanlega í tenginguna við aðrar leiðir í Voginum fagra. Vel gert vagnstjóri!

Nú í aukavagninn arka
er á meðal ljúflinga.
Almenningur með annmarka
eltandi Grænlendinga.


Almenningssamgöngur upp á borð ...???

4dab5bbcea-415x230_o-380x230Hinn vitiborni & velþekkti dr. Gylforce getur nú vart annað en kreist kjúkur; skríkt & skellt upp úr, hvar hinir geðþekku forvígismenn nýrrar hægri stjórnar hyggjast láta til sín taka í almenningssamgöngumálum!!!

Öðruvísi honum áður brá; vagnar, vinir mínir - keyriði mig heim for kræing ád lád. Maður lifandi!

Málaflokkurinn mun vitaskuld heyra undir samgöngu- og sveitarstjórnarráðherrann Jón Gunnarsson. Doksi kallinn hefir nú reyndar ekki mikla trú á Kópvægingnum enda virðist karleplið vera með Reykjavíkurflugvöll á heilanum. Nema hvað.

Dr. Gylforce hyggst þó gefa Jóni & ráðuneyti hans 100 daga & sjá hvort almenningssamgöngur komast á dagskrá í ráðuneytinu. Spennandi - en ekki hvað???

Til í skyndi Bensi býr
bræðralag við Proppé.
Sáttmálinn í roði rýr
ránfuglinn fær metfé.

Treggáfun, svik & tál
trauðla er nú geim.
Almenningssamgöngumál
upp á borð hjá þeim???



Stjórnarsáttmálinn



Mynd: eyjan.is



Ný stjórn í hjarta Kópvox ...

911251Allt á leið til helvítis
umferðin að springa.
Ég er á nálum öldungis
vegna Engeyinga.

Hinn bjúgvaxi & bogni dr. Gylforce er með böggum hildar þessa dagana hvar Engeyingar - plús Proppé - hafa enn fastar náð taki á valdataumum landsins. Maður lifandi.

Það vakti því furðu - en þó jafnvel gleði - að sjá að minnst er á Borgarlínuna í nýjum stjórnarsáttmála ríkisstjórnarinnar. Ríkisvaldið hefir hingað til komið lítið að almenningssamgöngum, fyrir utan samning, sem gerður var í tíð Ögmundar skakka, til að styrkja þær á landsbyggðinni. Sjallinn & Kópvægingurinn Jón Gunnarsson verður samgönguráðherra & fróðlegt mun verða að sjá hvort hann hafi einhvern áhuga á léttlestar- eða hraðvagnakerfi á höfuðborgarsvæðinu. Hvað um það.

027Dr. Gylforce er óðum að átta sig betur á unaðnum hvað vagna varðar í hverfinu sínu. Doksi kallinn er til að mynda afar ánægður með að fá leið 4 kl. 18:11, 18:26 & 18:41 virka daga, eða með korterstíðni, þrátt fyrir að hinn skilgreindi annatími sé liðinn. Það er vel gert hjá byggðasamlaginu. 

Dr.-inn rétt missti hinsvegar af 18:26 vagninum í gær en tók hinn dægilegasta 164 Karosavagn kl. 18:41 & hélt með honum rakleitt í Hamraborg þeirra Kópvæginga. Maður lifandi.


Chronicles membrum vehiculo - annáll vagnverjans

vdl 301Hinn vel fægði & fágaði dr. Gylforce hefir verið að líta yfir farinn veg & vagn undanfarna daga hvar ekki úr vegi að gjöra slíkt þegar nýtt unaðslegt ár gengur í garð. Nema hvað.

Það bar helst til tíðinda á undangengnu ári að Engeyingar, undir merkjum Kynnisferða, hófu innrás sína af krapti inn í hið lostfagra leiðakerfi höfuðborgarsvæðisins. Þeir höpðu reyndar áður séð um akstur í Voginum fagra en bæta nú vel í & aka nú um 8 strætisvagnaleiðum með 35 vögnum innanborðs.

IMG_0433Engeyingar gerðu þó vel í að festa kaup á fjörutíu nýjum vögnum til þess að annast aksturinn. Þeir leituðu víða fanga eptir hentugum drossíum & enduðu á að fá til sín 30 VDL-vagna frá Hollandi & 10 minni Iveco Crossway frá Frakklandi. Hvað um það.

Það er ekki auðvelt að sjá í reikningum Kynnisferða hvað vagnarnir kostuðu því þeir festu aukinheldur fjár í nokkrum rútum frá VDL verksmiðjunum. Það er hinsvegar ljóst að verðið á þeim er mun lægra en á Iveco Crossway vögnunum sem Strætó bs. hefir verið að fá til undanfarin ár.

Niðurlöndin búin að ná
nokkuð mörgum leiðum.
Engeyingar glotta þá 
úr sínum silfurskeiðum.

LLLestÞað má með sanni segja að almenningssamgöngur hafi loksins komist á kortið á síðasta ári. Sveitarfélögin á höfuðborgarsvæðinu hafa sammælst um að koma upp svokallaðri Borgarlínu sem verður annaðhvort léttlestar- eða hraðvagnakerfi.


Borgarstjóri Reykvíkinga er brattur & áætlar að kerfið verði komið að einhverju leyti í gagnið innan 5-10 ára.

Vonir um Borgarlínu innan fimm til tíu ára

Vonandi reynist hann sannspár.




Innskráning

Ath. Vinsamlegast kveikið á Javascript til að hefja innskráningu.

Hafðu samband