Í vætunni ég vagninn tók
vildi komast í geim.
Loks mér fjarkinn indæll ók
alla leiðina heim.
Hinn fráleitt óði & ærlegi dr. Gylforce var ístöðulaus & órólegur á þessum vætusama vikudegi, hvar hann varð að halda á vit vagna. En ekki hvað???
Dr. Gylforce hóf sinn leik ásamt sínu fríðu föruneyti (Pepsi Max) á blautum en blíðlátum hvíldardegi með því að hóa í leið 4 hér upp við hin reykvísku Sel. Það var afar rólegt yfirbragð í fjarkanum, hvar vagnverjar voru heldur fáir & ákvað doksi kallinn að kanna aðrar leiðir í Mjóddinni. Nema hvað.
Dr.-inn tók hús á leið 11 í Mjóddinni. Systravagnarnir Iveco Crossway & Irisbus Crossway voru allsráðandi á vígvöllum veganna í kvöld aukinheldur sem hinir hollensku VDL vagnar tóku slaginn á nokkru leiðum. Hvað um það.
Í miðbæ okkar Reykvíkinga var optsinnis að finna þennan ófétis jazz & kom það vart á óvart. Hinn 30. apríl er alþjóðlegur jazzdagur & gott fyrir þá sem hafa lyst á list - en ekki hvað???
Dr.-inn fékk nóg af rölti um hana Reykjavík & rýndi í vagnaferðir. Doksi kallinn einhenti sér í leið 4 & lét hin ljúfa & lostafulla Iveco Crossway vagn leiða sig að fegursta Stútulautarseli jarðarinnar.
Bloggar | 30.4.2017 | 22:12 (breytt kl. 22:45) | Slóð | Facebook | Athugasemdir (0)
Vagnarnir með bros á brá
bæta verjans flóru.
Ætíð þrái ég ilminn frá
ykkar pústum stóru.
Hinn snari & snúni dr. Gylforce snéri sér að vögnum sínum, hvar boðið er upp á leið 3 & 4 í hverfi hans í sitt hvora áttina. Maður lifandi.
Á morgnana er optar en ekki handagangangur í öskjunni enda vagnverjar á leið til vinnu & skóla. Strætó bs. býður oss verjunum upp á tvo aukavagna á leið 3 sem þó aka eins & leið 4 um Breiðholtið. Það breytist síðan niðrí Mjódd.
Það er góð þjónusta - & ekki vanþörf á aukavögnunum - en skrýtið að geta hvörgi séð það á tímatöflum, í biðskýlunum eða á heimasíðu Strætó.
Humm,humm???
Bloggar | 27.4.2017 | 09:19 (breytt kl. 09:19) | Slóð | Facebook | Athugasemdir (0)
Heimkoman var hugguleg
hoppandi milli vagna.
Gleðin alveg guðdómleg
gekk ég svá til sagna.
Hinn dyggi & drenglundaði dr. Gylforce hefir farið á fjörurnar við vini vora, vagnana, hér heima undanfarna daga eptir munúðarfulla & magnaða ferð til Mekka. Maður lifandi.
Doksi kallinn er ríkur & ráðvandur, frækn um allt & fullhugi hinn mesti eins & segir einhvers staðar - en ekki hvað???
Dr.-inn var um daginn í miðborginni & gældi við þann görótta eptir glæsta ferð með gullvagninum á leið 2. Hvað um það.
Vonandi fá fleiri vagnverjar að njóta hans en bara þeir sem eru á leið á annarri leið. Nema hvað.
Hinn hægi & hversdagslega gæfi dr. Gylforce sat að sumbli drykklanga stund, hvar hann hóaði svá í hinn glæsilega & ekki lengur glænýja Iveco Crossway vagn á leið 3 & hélt sæll í sinni upp að Stútulautarseli sínu.
Yfir&út!
Bloggar | 26.4.2017 | 13:11 (breytt 30.4.2017 kl. 21:45) | Slóð | Facebook | Athugasemdir (0)
Í Lundúnum með ljóðunum
í lausavísum hjakka.
Í ferðunum með fljóðunum
fer ég með reistan makka.
Hinn margláti & magnaði dr. Gylforce var ekki lengi að breyta um leið við High Street Kensington götuna, hvar hann sá vagnverju fríða. Ó, mamma mía!
Í stað þess að skáskjóta sér enn & aptur í hverfaleið númer 70 með Dennisvagninum hélt doksi kallinn þegar í stað með doubledekker á leið 10, áleiðis að King´s Cross í miðbænum, með hinu fagra fljóði - en ekki hvað???
Maður lifandi!
Bloggar | 19.4.2017 | 15:45 (breytt kl. 15:46) | Slóð | Facebook | Athugasemdir (2)
Fögur var London á fríðum vordegi
í frelsinu ég vagninn tók.
Notalegir, því neitað verður eigi
um nágrennið ég með þeim ók.
Hinn fráleitt smáfelldi & skillitli dr. Gylforce hefir skemmt sér konunglega í Lundúnum yfir páskahátíðararnar & farið í urmul vagna. Já, doksi kallinn endurtekur: Urmul! Maður lifandi!
Dr. Gylforce einbeitti sér að þessu sinni að leiðum í Kensington hverfinu sem aka um hliðargötur & gætu kallast hér uppi á Fróni almennar eða jafnvel hverfaleiðir. Hvað um það.
Þar var aðallega um að ræða leiðir 70, 328 & 452. Hin sjötugasta leið býður oss vagnverjum ekki upp á dobbeldekkerinn heldur yfirleitt hina bresku Dennisvagna. Þá þekkjum við frónversku vagnverjarnir en slíkir minni vagnar voru eitt sinn á hafnfirzkum leiðum hér fyrir nokkrum árum. Hvað um það.
Tíðnin var yfirleitt mjög góð eins & sést á einni myndinni. Það var helst leið 70 sem gat verið á 11-15 mínútna fresti hluta af deginum.
Meira síðar.
Bloggar | 18.4.2017 | 14:14 (breytt kl. 14:51) | Slóð | Facebook | Athugasemdir (0)
Hinn vitiborni vagnverji, dr Gylforce, er á leið á leið, áleiðis til Mekka.
En ekki hvað í þessu nýja 2007 rugli???
Bloggar | 13.4.2017 | 14:36 (breytt kl. 16:07) | Slóð | Facebook | Athugasemdir (0)
Gylforce-inn á vald sig gefur
glæsivögnum hvar sem er.
Með þeim allt hann farið hefur
á heimsenda, það ég sver!
Hinn hreini & heilsugóði dr. Gylforce heilsaði upp á leið leiðanna í dymbilvikunni, hvar hann sótti hana heim. Þvílíkt geim!
Dr. Gylforce ráfaði um í reiðileysi síðasta virka dag kyrravikunnar unz hann tók hús á Hlemmtorgi. En ekki hvað???
Nú sem endranær vafraði doksi kallinn þar um & var með valkvíða mikinn. Eins & opt áður sá hann hinn sænskættaða Volvo vagn á leið leiðanna - & öngvra boða beið. Nú skyldi haldið á leið - & alla leið í Fjörðinn. Maður lifandi!
Dr. Gylforce gekk hnarreistur inn í vagninn & heilsaði vagnstjóranum með virktum. Öngvir hottintottar voru í vagninum, bara virðulegir vagnverjar sem gladdi hið gamla hró dr.´s. Hvað um það.
Dr.-inn fékk - nú sem endranær - fyrirtaks 35 mínútna ferð í Fjörðinn með 199 Volvovagninum & var meðal 40 vagnverja þegar mest lét. Í framhaldinu hugði doksi kallinn á ferðir með leið 43 í Firðinum.
En kom þá babb í bát.
Bloggar | 12.4.2017 | 21:31 (breytt kl. 21:34) | Slóð | Facebook | Athugasemdir (0)
Langt er síðan lét ég vaða
í lausavísna rugl & bull.
Vagnverjum þó ei til skaða
því veröldin er gáskafull.
Hinn dymbaði & dyggi dr. Gylforce dreif sig í upphafi dymbilvikunnar til þeirra Gaflara, hvar hann hitti fyrir hina geðþekku hverfaleið númer 44.
Leið 44 ekur aðeins eptir hádegið virka daga í Firðinum. Góðu heilli er leiðin sú með korterstíðni & sjá Hópbílar um aksturinn. Þeir bjóða oss vagnverjum yfirleitt upp á 214-217 Irisbus vagna sína. Hvað um það.
Leið 44 ekur í nokkra króka & kima sem vekur upp spurningar. Vagninn brunar að Brekkuási, tekur þar hring & fer aptur til baka. Sama er uppi á teningnum varðandi Ásvallalaug. Þar ætti byggðasamalagið að hafa í huga að leið leiðanna, leið 1, brunar þarna framhjá með góðri tíðni & því spurning hvort hverfaleið þurfi að aka þarna um líka.
Doksi veit að leiðakerfið í Firðinum er í endurskoðun enda ættu þeir að reyna að hafa leið 44 sem hringleið & draga úr þessum útúrdúrum.
Það verður spennandi að sjá hvernig Göflurum tekst að leysa leiðakerfismálin sín & kynna nýtt kynngimagnað kerfi í haust, vagnverjum til handa.
Yfir&út!
neðsta mynd; fjardarfrettir.is
Bloggar | 11.4.2017 | 12:42 (breytt kl. 12:51) | Slóð | Facebook | Athugasemdir (0)
Hinn spígsporandi spjátrungur, dr. Gylforce, hefir ekki látið garðbæzk ellegar hafnfirzk spor hræða, hvar henn hefir verið vaskur & vinnusamur í leið 21 undanfarið.
Fyrir dyrum standa nokkuð veigamiklar leiðakerfisbreytingar í haust sem doksi kallinn bíður spenntur eptir. Þar er leið 21 nefnd til sögunnar - & ekki er vanþörf á því!
Leið 21 er um margt skrýtin. Vagninn brunar úr Mjóddinni & fer beinustu leið að Vífilsstaðabrúnni & sleppir að aka í gegnum Smáratorg & Smáralind, eitt helsta verslunar- & þjónustusvæði höfuðborgarsvæðisins.
Þannig er það í báðar áttir. Það hljóta að vera til nokkuð margir hafnfirzkir vagnverjar sem vilja komast frá Firði að Smáralind. Það er hægt reyndar í dag með leið 1 frá Firði & taka svo leið 24 í Ásgarði Garðabæ en auðvitað er betra að beintengja leið 21 við svæðið.
Aukinheldur stendur til að tengja leið 21 betur við hverfin í Firðinum & láta hann aka að Holti. Það er vel til fundið & sleppa því að hann hafi endastöð við verslunarmiðstöðina. Vitaskuld mun hann stoppa í námunda við hana, hvar vér vagnverjar getum tengst öðrum leiðum þar.
Þá hefir doktornum borist það til eyrna að hverfaleiðirnar, 22, 33, 34, 43 & 44 í Hafnarfirði séu til endurskoðunar, líkt & í Voginum fagra varðandi leiðir 2, 28 & 35.
Það er vel; þessi mál þurfa að vera í stöðugri endurskoðun.
Vagninn styrkir veikan þrótt,
vekur hjá mér kæti.
Doksi bæði dag & nótt,
dvelur í þeirra sæti.
Bloggar | 5.4.2017 | 08:52 (breytt kl. 10:52) | Slóð | Facebook | Athugasemdir (0)
Hinn skjálfhenti & fráleitt skelkaði dr. Gylforce skaust á hvíldardaginn eptir helgarþrifin vestur í bæ með vinum vorum, vögnunum.
Doksi kallinn hefir heyrt af heimilislegu & huggulegu kaffihúsi í 107 hverfinu, hvar hann hapði hug á að taka hús á því. Maður lifandi.
Dr. Gylforce gekk glaður í bragði upp í leið 11 við Mjóddina & fékk tæpan 30 mínútna rúnt að Melaskóla.
Þegar dr.-inn kom að dyrum kaffihússins þyrmdi yfir hann enda tignarfólk í tonnavís innandyra. Hvað um það.
Dr. Gylforce hrökklaðist út & hóaði stuttu síðar í leið 15 sem stoppaði við KR-völlinn.
Já, það fer betur á því fyrir doksa kallinn að halda á vit vagna frekar en að lenda í djúpum samræðum um Epalhönnun & Evrópusambandið við gáfumennin í eitthundrað&sjö - en ekki hvað???
Skúringar eru puð & púl
paufast ég að gera gagn.
Á Kaffi Vest ég þótt´ei kúl
& kom mér í næsta vagn.
Ljúfir vagnar lífs og friðar
leiða doksa um gæfuveg.
Venjulegt fólk; Dögg & Viðar
vagnverjar eru eins& ég.
Bloggar | 3.4.2017 | 20:05 (breytt kl. 20:12) | Slóð | Facebook | Athugasemdir (0)
Færsluflokkar
Bloggvinir
Heimsóknir
Flettingar
- Í dag (19.4.): 0
- Sl. sólarhring:
- Sl. viku: 3
- Frá upphafi: 0
Annað
- Innlit í dag: 0
- Innlit sl. viku: 3
- Gestir í dag: 0
- IP-tölur í dag: 0
Uppfært á 3 mín. fresti.
Skýringar