Rafvagnar & rennbleyta ...

Gylforce-inn er við margt að glíma
en sú gula reynist fátíð.
Rauðgulu eru á réttum tíma
í rennblautri sumartíð.

Hinn alvitri & alvoti dr. Gylforce var ánægður & ásáttur, hvar hann hitti aðeins fyrir rafvagninn númer 196 á leið 3 í gær. Nema hvað.

Rafvagninn er sá glæsilegasti af þeim fjórum sem komnir eru til landsins. Það skýrist nú fyrst & fremst á merkingunum á honum sem er fallegar & flottar.

Vætan á vígvöllum veganna - & alls staðar raunar - virðist ekki skipta vagninn neinu máli sem er hið besta mál. Dr. Gylforce brunaði með þristinum um breiðar lendur Breiðholtsins, að Háskólanum við Melana & aptur heim. 

Dr.-inn bíður i ofvæni eptir næsta skammti af rafvögnunum sem hlýtur að koma í næsta mánuði - en ekki hvað???

Aptansöngur á annatíma ...

Hinn annasami en fráleitt annarlegi dr. Gylforce hapði alhug á því í gær að einhenda sér í vagna, hvar hann hapði góðan tíma & stóð aukinheldur bísperrtur í Mjódd okkar Breiðhyltinga á annatíma. Nema hvað.

Dr. Gylforce hélt á vit vagna & settist í leið 3 áleiðis í miðbæinn. Til fararinnar var hinn þokkalegasti Irisubus Karosa númer 166, 13 ára jálkur sem virðist samt orðinn nokk þreyttur. Hvað um það.

Doksi kallinn hapði varla tyllt sér þegar hin verstu óþægindi í maga gerðu vart við sig. Hvað var að ske? Bakteríupartý í þörmum? Sníkjudýrasukk í görn? Allt heimsins lopt í mallakút á doksa? 

Enda þótt ys & þys sé í vögnunum á háannatíma var ljóst að aptansöngur doksa kæmi til með að yfirgnæfa allt & alla. Jesús María - maður lifandi!

Dr.-inn rétt náði að víxla & koma sér meðal vagnverja í leið 3 áleiðis í Sel & Fell & hundskast heim á dolluna!

Yfir-aptan-&út!

Hér áður var Gylforce gæfur
glaðsinna dægrin löng.
Hann er ei í vagna hæfur
með háværan aptansöng.

Umbreyting í uppsiglingu...???

Fækka hjá fjórtán
fjölga hjá þrettán.
Lán eða ólán
lukka eða áþján?

Hinn vel spennti & fráleitt spánnýi dr. Gylforce hefir spáð & spekúlerað í þær fréttir sem honum hefir borist til eyrna.

Nú ku vera uppi hugmyndir um að breyta leið 14 þess efnis að vagninn hætti að fara framhjá Háskóla Íslands á leið sinni út á Granda & að Verzlunarskóla Íslands. 

Það virðist vera góð hugmynd hvar þrjár aðrar leiðir, 1,3 & 6, fara þennan spotta. Verji úr Háskólanum getur tekið eina af þessum leiðum & farið svo út við BSÍ. & svá öfugt, hægt verður að taka vagninn við skólann & fara út á Fríkirkjuvegi á leið sinni út á Grandagarð.

Með þessari ráðstöfun er mögulegt að fækka um einn vagn á leið 14 & færa hann yfir á leið 13 án verulegrar kostnaðarhækkunar. 

Hin þrettándi leið, Sléttuvegur-Eiðisgrandi, hefir átt í miklum erfiðleikum með að halda áætlun, einkum seinni part dags. Gott verður því að fá inn aukavagn.



Myndir: citybus.piwigo.com

Gakk & vagn ...

Hinn léttleikandi & ljúfi dr. Gylforce ákvað að gjörast Göngu-Hrólfur á hvíldardeginum, hvar hann stjáklaði um í heimabyggð sinni. Nema hvað.  

Dr.-inn spígsporaði um holtin breiðu & fann bæjarstæði hvar Breiðholtsbærinn stóð forðum aukinheldur sem bænhús var þar helgað hinum heilaga Blasíus. Hvað um það.

Gylforce-inn gekk hröðum skrefum, eptir að hafa drekkt í sig þennan fróðleik, að Mjódd okkar Breiðhyltinga. Leið 12 áði í báðar áttir & vitaskuld var málið þar með steindautt.

Eptir þrammið, þráin gaus
þetta var nú streð.
Í vagna orðinn viðþolslaus
ég varð að fara með.
Hollendingurinn bilandi, VDL, var til taks bæði niðrúr & inneptir & ákvað doksi að fara í miðbæðinn með leið 12.

& tilbaka í selið fagra fékk dr. Gylforce líka hinn hollenska VDL-vagn.

Vagnstjórar - stoppið í rétt stæði ...

Tvisturinn & tuttugu&eitt
tetrið sálar kremur.
Stæðin verða að vera óbreytt
þegar verjinn kemur.

Hinn eitilharði & ógnvekjandi dr. Gylforce hefir glímt við slen & slappleika helgi þessa, hvar hann þó hefir gefið sér tíma til að halda á vit vagna. En ekki hvað???

Dr. Gylforce lét hvorki krankleika né kúguppgefni aptra sér til að valhoppa í Mjódd okkar Breiðhyltinga á ljúfum laugardegi. Nema hvað.

Byggðasamlagið Strætó heldur áfram á góðri vegferð með bættum merkingum í Mjódd okkur vagnverjum til handa. Upp er komið gott skilti sem sýnir hvar allir vagnar eigi að koma og stanza og meira að segja flokka þá í A, B, C o.s.frv.

En vagnstjórar & -stýrur fara sum ekki eptir þessu. Í gær stoppaði t.d. leið 2 í stæði leiðar 21 - & ekki í fyrsta sinn. Varð leið 21 að stöðva fyrir aptan tvistinn eins & epsta myndin sýnir. Maður lifandi!

Þetta er hvimleitt & varð doksi kallinn heldur súr í leið 2 hvar hann fór um efri byggðir Kópvæginga, í gegnum Smárasvæðið, framhjá Hamraborginni & alla leið að Rúv allra landsmanna. 

Yfir&út!

 

Afspyrna í fótspyrnu ...

Eptir skelfilegan skell
skreið ég í minn vagn.
Fokkaðist um Fell
fór með bölv & ragn.

Hinn tapsári & tornæmi dr. Gylforce tölti í skýlið sitt í gærkvöldi til að trappa sig niður eptir skellinn í fótspyrnunni. En ekki hvað???

Á freyju- & frjádaginn virtist allt á sömu bókina lært. Dr.-inn tók þristinn um Sel og Fell og þaðan niður í Mjódd okkar Breiðhyltinga. Doksi arkaði svá inn í ellefuna á leið í miðbæinn. 

Þegar vagninn á leið 11 var að leggja af stað renndi hinn rennilegi rafvagn á leið 3 í hlað. Illu heilli náði doksi kallinn honum ekki & heldur ekki á leiðinni tilbaka upp í selið sitt.

Aaaaarrrrggg!!!

Fótspyrnufrjádagur ...

Fjarri verið vögnum
viðþolslaus af eymd.
Fótspyrnu nú fögnum
flatneskja öll gleymd.

Hinn fjörugi & frakki dr. Gylforce, sem fráleitt er Frakki, var meðal vina vorra, vagnanna, á þjóðhátíðardegi vorum hinn seytjánda þessa mánaðar. Nema hvað.

Doksi kallinn vappaði með litla vagnverjann á menningartorfu þeirra Kópvæginga, hvar í skyndi kom skýfall mikið. Þá einhentu feðgar sér í leið 35 í Voginum fagra & tóku góðan hring. En ekki hvað???

Leið 35 lenti í alls kyns drolli & doki vegna hátíðahaldanna & fengu feðgarnir unaðsrúnt um gervallan Voginn á rúmlega 40 mínútum í stað hálftíma.

Það reyndist hið besta mál hvar votviðrið var á bak & burt er þeir stigu út úr vagninum á sama stað, Hamraborginni háu & fögru.

Yfir&út! 

Meira hjá meirihluta ...

Meiri tíðni, meira fjör
hjá meirihluta nýjum.
Skal nú gera loks gangskör
Gylforce er ofar skýjum!

Hinn spánnýi & nokk spennandi meirihluti í Reykjavík hefir talsvert metnaðarfulla áætlun í málefnum almenningssamgangna, m.a. um að auka tíðni á ákveðnum leiðum niður í 7,5 mínútur á álagstíma. Það er vel!

Vonandi er líka ætlunin að bæta hið lostfagra leiðakerfi í samráði við hin sveitarfélögin. Það er mikilvægt að einblína ekki einvörðungu á annatíma heldur bæta tengingar á milli hverfa alla daga. Nema hvað.

Aukinheldur hyggst meirihlutinn halda áfram að vinna að Borgarlínunni, ásamt hinum sveitarfélögunum vitaskuld, & er stefnt að því að taka eitthvað af henni í notkun á kjörtímabilinu. 

Það verður allra athyglivert. Maður lifandi!

Góð nýting í gettóinu ...

Stirður í baki, böðlast samt
útí biðskýlið nánast skreið.
Sitjandi með geðið gramt
sem gjörbreytist á leið.

Hinn síkáti & söngelski dr. Gylforce hefir setið vel í vögnunum sínum sem keyra um Stútulautarselið. Nema hvað.

Doksi kallinn hefir verið eins & þeytispjald með leiðum 3 & 4 síðdegis á þessum heldur þungbúna hvíldardegi. Nema hvað.

Það kemur dr.-num hinsvegar alltaf jafn þægilega á óvart hve vel vagnar eru nýttir hér í gettóinu.

Einhvur mýta er í minni doktors þess efnis að vagnar aki um tómir & tættir á kvöldin & um helgar. Öðru nær.

Dr.-inn náði í síðasta sætið í leið 4 sem var á leið upp í hverfi frá Mjódd okkar Breiðhyltinga. Svipað var uppi á teningnum fagra þegar doksi kallinn hugði á ferðir með leið 3 niður í miðbæinn. Vel gert vagnverjar!

Þetta eru gleðitíðindi. Maður lifandi. 

Steypa & malbik ...

Er ég ferðaðist forðum
fokkaðist tíminn opt.
Í gær fór allt úr skorðum
- ég þurfti meira lopt!

Hinn stórkostlegi & stórkostulegi dr. Gylforce skellti sér í vagnana í gær, hvar hann varð vitaskuld að kíkja á nýja stuðningsmannavagn Tólfunnar. En ekki hvað???

Það vachti gjörhygli Gylforce-ins að vagnakerfið var allt farið úr skorðum síðdegis. Skýringin var líklega sú að malbikunarframkvæmdir eru nú út um hvippinn & hvappinn í höfuðborginni. Nema hvað.

Dr.-inn hugði á unaðsferðir með leið 17 & var vagninn sá með um 6 mínútna seinkun í Mjódd okkar Breiðhyltinga. Tilbaka var hin seytjánda leið fimm mínútum of sein á Suðurlandsbrautinni, sem var allra athyglivert því vagninn er þá ný lagður af stað frá Hlemmtorginu. Hvað um það.

Dr.-inn komst heilu & höldnu með Hollendingnum bilandi, VDL-vagni, á leið 17 upp í Mjódd okkar Breiðhyltinga & lék svá kunnugleg stef þaðan & upp í selið sitt.

Yfir&út!


Efsta mynd: citybus.piwigo.com