Langhlaupið ...

Það berast ekki mikil gleðitíðindi í hálfsárs uppgjöri Strætó bs. Í upphafi árs var þjónustan bætt til muna sem ekki hefir skilað sér auknum fargjaldatekjum byggðasamlagsins. Má þar t.d. nefna næturakstur um helgar & sama tíðni yfir sumartímann.

Hafa verður þó í huga að sala á árskortum er áberandi betri seinni hluta árs, einkum vegna árskorta nema, þannig að skoða verður árið í heild.

Gleymum heldur ekki því að auka hlut almenningssamgangna í ferðavenjum höfuðborgarbúa er langhlaup.

Vonandi hefir stjórn Strætó bein í nefinu til þess að halda áfram að efla leiðakerfið þótt vissulega sé ljóst að breytingar, eins & gerðar voru í janúar, kosti talsverða fjármuni.

Vagnarnir eru jú vinir okkar!

Aksturstíminn var aukinn
öngvu breytir það.
Forkólfar fá á baukinn
hvur fjandinn er að???

Hálfsársuppgjör Strætó

Teppa við Túnin ...

Eptir strit held á vagnavit
vel gullituðu glæstu.
Sáttur sit með lærdómsrit
sjálfsálitið í hæstu.

Dr. Gylforce gat vart beðið eptir að losna úr hinum kópvægska vesturbæ & halda á vit vagna. Doksi kallinn sá rafvagn á vappi á leið 4 við Hamraborg þeirra Kópvæginga & beið öngvra boða. En ekki hvað???

Vagninn reyndist vera úr fyrra hollinu sem voru nokkur vonbrigði því dr.-inn á eptir að einhenda sér í rafvagnana fimm sem komu á dögunum. Nema hvað.

Leið  4 ók með Gylforce-inn um Háaleitisbraut, Miðbæinn sem þar er & niður að Borgartúni. Kárnaði þar gamanið - maður lifandi!

Malbikunarframkvæmdir stóðu yfir í Borgartúninu sem töfðu umferðina umtalsvert. Vagnstjórann á fjarkanum þraut öreindið eptir um 30 mínútna stopp & ók Sóltúnið upp á Laugarveginn & þaðan niður á Hlemmtorgið. Það var vel til fundið hjá stjóranum & gaman að fá ferð með vagninum um þetta tún í fyrsta sinn.

Dr. Gylforce spígsporaði um Hlemminn dágóða stund & passaði sig að taka ekki leiðir sem fara um hið íslenska Wall Street á heimleiðinni.

Amen.

Miðflokksmuldrið ...

Hinn skilningsríki & skapgóði dr. Gylforce skilur lítt í borgarfulltrúa Miðflokksins, hvar hún kvartar & kveinar yfir auglýsingum á vögnum Strætó þessa dagana. Nema hvað.

Vigga í vagnarugli

Aukinheldur hefur hún fundið því allt til foráttu að ríkið leggi til tæplega 900 milljónir króna til almenningssamgangna á höfuðborgarsvæðinu ár hvert. Samt er þetta sama manneskjan & vildi gefa frítt í vagnana í síðustu borgarstjórnarkosningum. Humm, humm???

Auglýsing Miðflokksins - frítt í strætó

Ef slíkt yrði gert kæmi það í hlut sveitarfélaganna sex, sem reka Strætó bs., að bæta við tæplega 2000 milljónum, sem eru fargjaldatekjur, við þær rúmlega 3000 milljónir sem þegar eru settar með sérstöku framlagi frá sveitarfélögunum í hið lostfagra leiðakerfi.

Vitaskuld er ríki ekki sama & sveitarfélag en öngvu að síður er málflutningur borgarfulltrúans ruglingslegur; má ríkið ekki styrkja samgöngur í höfuðborginni en eys svo miklum fjármunum í þær á landsbyggðinni???

Hér er eitthvað sem stemmir ekki. En hvað um það - yfir&út!

Miðflokksmuldrið ekkert nýtt
mig langar til að æla.
Vildu í vagna hafa frítt
en nú er Vigga að skæla.

Hinn kópvægski Hvammsvegur ...

Stóran hring eða stutta ferð
strætisvagninn gefur.
Kætir meir en kvæðagerð
komur sjaldan tefur.

Hinn bolalegi & brokkgengi dr. Gylforce brá sér á leið í blíðunni. Doksi kallinn fékk sér til fulltingis einungis flæmska vagna að þessu sinni & stoppaði í þeim stund stutta - maður lifandi!

Dr. Gylforce gekk ásamt litla vagnverjanum úr gettóinu yfir í kópvægskar koppagrundir. Þeir höpðu í hyggju að skella sér í leið 28 við Hvammsveginn & halda að þessu sinni í stutta ferðir með hollensku VDL-vögnum þeirra Kynnisferða. Nema hvað.

Ferðir feðga gengu afar vel & ber að hrósa vagnstjórunum fyrir að vera tímanlega & tímajafna vagnana þegar þeir voru komnir á undan áætlun.

Hinsvegar voru fáir vagnverjar á ferli eins & jafnan er á hvíldardegi þessum.

Á morgun, mánudag, má svá aptur búast við handagangi í öskjunni á vinum vorum, vögnunum.

Yfir&út!

Langt um liðið ...

Hinn mikli mógúll & menningarþyrsti dr. Gylforce var aldrei þess vant nokk vant við látinn á menningarnátt. Dr.-inn gat þvi ekki fylgst með tæmingu Strætó í miðbænum eptir flugeldaskýninguna góðu á laugardagskveldinu. Nema hvað.

Samkvæmt fréttum brúkaði byggðasamlagið yfir 70 vagna sem óku eptir ákveðnum leiðum úr miðbænum í úthverfin. Hepðbundið leiðakerfi var þá rofið & hafist handa við að koma vagnverjum heim til sín.

Hvað um það.

 Vagnarnir tæma miðborgina


Hinn virðulegi verji, Dr. Gylforce, tók sér far með leið leiðanna, leið 1, leið 4 & 21 í kvöld. Öngvir rafvagnar sáust enda aðallega notaðir á annatíma virka daga. 

Á morgun hefjast svá ný ævintýri í nýjum vögnum á öðrum leiðum. Eða jafnvel sömu - en ekki hvað???


Langt er síðast er lét ég vaða
leiðir hafa fengið frí.
Doktorinn gerir verja glaða
gjörir flest með kurt & pí.




Efri myndir: mbl/Eyþór Árnason.

Gáleysi & glannaskapur ...

Það var heldur aumt að lesa í netmiðlum um vagnstjórann á leið 51 sem eitthvað hefir þrotið dómgreindina í Þrengslunum. Að öllu jöfnu ekur leið 51 ekki þar en Hellisheiðin var lokuð þennan dag.

Góðu heilli var sá sem stýrði færður til í starfi hjá Hópbílum, sem annast akstur á þessari leið, enda erfitt að réttlæta svona háttalag.

Glanni glæpur undir stýri


Komst í hann krappan
hvað kom fyrir tappann?
Að glanna er glæpur
gaurinn virkar tæpur
það þarf að tukta til kappann.

Til átta allra ...

Vagnar liggja til allra átta
þú einn ræður för.
Doktorinn daga & nátta
dreymir þeirra púströr.

Forðumst fábreytileikann ...

Já, mínir viðurlegu vagnverjar. Munum að forðast fábreytileikann i vögnunum & fagna fjölbreytileika leiðanna.


Fábreytileikann forðumst
í vagnaferðum.
Vináttuböndum bindumst
af býsna mörgum gerðum.


Amen.

Til Mekka - fimm stoðir vagnverjans ...

Í tilefni þess að hinn munúðarfulli dr. Gylforce heldur senn til Mekka, er ekki úr vegi að rifja upp fimm stoðir vagnverjans:

1) Trúarjátningin – yfirlýsing um að það sé enginn guð annar en vagnarnir og vagnverjar séu sendiboðar þeirra.

2) Bænin – biðja a.m.k. fimm sinnum á dag og krjúpa í átt að Hlemmi (Hestháls og Mjódd sleppur).

3) Fastan – Að sleppa því að borða, drekka og stunda kynlíf í langdvölum og þrásetum í vögnunum, sérstaklega í tunglmánuðinum (Ramadan).

4) Ölmusa – hjálpa ávallt öðrum vagnverjum sem ekki eiga fyrir farinu.

5) Pílagrímsferð – fara a.m.k. einu sinni á ævinni til Mekka (London).

Ankannanlegur akstur ...

Hinn dálaglegi & daglegi doktor Gylforce dreif sig í dægilega heimsókn til vina sina, vagnanna. Nema hvað. Doksi kallinn datt inn í leið 3 við Mjódd & vantaði svá vagn tilbaka frá Hlemmtorginu. En ekki hvað???

Dr. Gylforce ákvað að taka leið 12 sem fer frá Hlemmi kl. 17:15. Tveimur mínútum fyrr kom tólfan líðandi & var þar á ferð hinn laglegi 344 Iveco Crossway vagn. Hélt nú dr.-inn að vagninn myndi tímajafna sig í tvær mínútur við Hlemminn. Ó-nei!

Vagninn rykkti af stað & var kominn að kínverska sendiráðinu við Bríetartún þegar klukkan sló 17:15. 

Svo virðist sem vagnstýran hafi áttað sig á því að vera á undan áætlun stuttu síðar því vagninn tók góða tímajöfnun við Hótel Cabin. Gallinn var hinsvegar sá að ekkert útskot eða vasi er fyrir vagninn þar & myndaðist því löng bílaröð fyrir aptan hann. 

Það sem eptir lifði ferðar upp í Mjódd stoppaði vagninn á öllum biðstöðvum, hvort sem einhver ætlaði inn eða út. Var það heppilegra því yfirleitt var vasi fyrir vagninn eða minni umferð en í Borgartúninu þar sem ávallt er ys & þys.

Akstur ankannanlegur
alls staðar stöðvað.
Doksi seiminn dregur 
& dró í pung augað.