Bjórdrukkinn & blekaður
brölti inn í vagn.
Í þristinum góðglaður
eptir gott magn.
Dr. Gylforce lætur ekki sitt eptir liggja hvað varðar djamm & djús helgi þessa. & vitaskuld heldur doksi kallinn í sollinn með vögnunum, vinum vorum - en ekki hvað???
Dr.-inn var meðal vagnverja í leið 3 í gærkvöldi. Það var gleðilegt hve margir voru með í för en vagninn var þéttsetinn um hálf ellefuleytið hvar hinn evrópski Iveco Crossway hélt úr gleðinni í miðbænum yfir í gettó okkar Breiðhyltinga.
Amen.
Bloggar | 30.9.2018 | 18:08 (breytt kl. 18:12) | Slóð | Facebook | Athugasemdir (0)
Í síðustu ferð eptir sull
settist ég í tvistinn.
Fáir á ferli, ég með bull
- fín var annars vistin!
Dr. Gylforce vantaði unaðslegar vagnaferðir frá Stútulautarseli sínu niður í dal þeirra Kópvæginga í gærkvöldi. Nema hvað.
Dr.-inn skokkaði í Voginn fagra um áttaleytið & tók hús á hollenskum VDL vagni á leið 28. Biðstöð hans við Hvammsveg er með staur & erum vér vagnverjar ill sjáanlegir þar í skammdeginu. Góðu heilli tók vagnstjórinn eptir doksa & fékk hann stuttan rúnt að smárunum í dalnum.
Dr. Gylforce stóð vaktina stórmannlega í staupaþinginu þetta haustlega frjádagskvöld. Að lúkningu læddi hann sér í síðustu ferð leiðar 2, hélt í salahverfið & gekk þaðan hröðum skrefum í fegurstu lautarsel jarðarinnar, Stúlautarselið.
Unaður.
Bloggar | 29.9.2018 | 15:40 (breytt kl. 15:44) | Slóð | Facebook | Athugasemdir (0)
Bíllaus dagur dýrlegur
dásemd er sú sæla.
Vagninn ávallt vænlegur
en vagnstjóri með stæla.
Dr. Gylforce valhoppaði af gleði út í næsta skýli á þessum fallega en heldur svala degi. Ástæðan var vitaskuld bíllausi dagurinn & sú staðreynd að fríkeypis var í alla vagna. Maður lifandi.
Dr.-inn hapði sér til fulltingis tvo unga vagnverja í ferðum sínum. Annar þeirra tók fák sinn með sem var auðvitað hið besta mál. Leiðir doksa & drengja var velþekkt; þristur & fjarki. Nema hvað.
Þríeykið skellti sér í leið 4 við Efstahjallann í Kópavoginum. Kom þar 174 Iveco Crossway vagninn askvaðandi. Doktorinn beindi ungviðinu að taka fákinn & fara með hann inn að aptanverðu. Sjálfur hugði hann á inngöngu á venjubundnum stað. Beið doksi nokkra stund en ekki opnaði vagnstjórinn hurðina. Dr.-inn horfði á hann loksins & benti hann doksa með þumli & þjósti á að fara líka inn að aptan.
Vagnstjóranum var í lófa lagið að opna fyrir dr.-num að framan. Þess í stað ákvað hann að sýna stæla & hroka & það á sjálfum bíllausa deginum! Vissulega var frítt í vagninn & því kannski allt í lagi að ganga inn um allar dyr. Samt sem áður, dr.-inn stóð fyrir framan fremstu hurð eins & vera ber & bað um það eitt að gaurinn myndi opna hurðina.
Vonandi breytir stjóri þessi "stælahátterni" sínu ellegar finnur sér annan starfsvettvang.
Punktur. Basta.
Bloggar | 22.9.2018 | 19:05 (breytt kl. 19:05) | Slóð | Facebook | Athugasemdir (0)
Fögnuður, nú verður frítt
fyrirtak ég segi.
Eitt er þó aðeins of skítt
að hafa það á laugardegi.
Á morgun er fríkeypis í vagnana mínir virðulegu vagnverjar!
hipp-hipp-húrrey!
Bloggar | 21.9.2018 | 17:50 (breytt kl. 17:54) | Slóð | Facebook | Athugasemdir (0)
Framgangan nær örugg nú
á nýrri Borgarlínu.
Verkefnið fær von & trú
vel gert þið framsýnu!
Uppbygging Borgarlínu tryggð
Dr. Gylforce hoppaði hæð sína í lopt upp - margopt - hvar hann las fréttir frá borgarstjórn Reykjavíkur um að framganga Borgarlínu sé nú væntanlega tryggð. Vel gert!
Enda þótt dr.-inn sé talsmaður línunnar hvetur hann þó til þess að varlega verði stigið til jarðar hvað uppbyggingu varðar. Mesta þörfin er væntanlega línur milli Valla í Hafnarfirði og niður í miðbæinn & svá frá Mosfellsbæ að miðborginni. Þetta eru einmitt leiðir 1 & 6 í strætisvagnakerfinu.
Líklegt má telja að fyrst verði hafist handa við þessar línur en stefnt er að því að opna fyrir útboð á verkinu árið 2020.
Bloggar | 20.9.2018 | 10:03 (breytt kl. 10:05) | Slóð | Facebook | Athugasemdir (0)
Strætófarþegar stynja & dæsa
staðsetning á vögnum er
flunkuný því verið er að fræsa
fyrir vagna á Hlemmi hér.
Það var heldur betur handagangur í öskjunni í gærkvöldi þegar dr. Gylforce gekk hnarreistur, hár & brattur um Hlemmtorgið. Nema hvað.
Vegna fræsingar urðu vagnarnir að stoppa á furðulegum stöðum & hapði byggðasamlagið útbúið fínar skýringarmyndir á þessari breytingu aukinheldur sem fréttatilkynning hapði ugglaust verið send á flesta fjölmiðla. Hvað um það.
Öngvu að síður sá dr.-inn villuráfandi vagnverja um allt torgið þetta kvöld enda margir vagnar að stoppa við Rauðarárstíg & plássið ekki mikið þar til að athafna sig.
Dr. Gylforce hapði hug á huggulegri ferð með leið 4 úr gettói sínu að Hlemmtorginu góða. Í Hamraborginni sá doksi kallinn hinn sænskættaða Volvovagn á leið leiðanna & var ekki lengi að svissa yfir & halda með honum alla leið að endastöðinni.
Bloggar | 19.9.2018 | 09:06 (breytt kl. 09:09) | Slóð | Facebook | Athugasemdir (0)
Í ellefuna arkaði
eptir bestu getu.
Dátt í henni dottaði
dreymdi um þrásetu.
Hinn þrákelni & þrautseigi dr. Gylforce þrammaði í þynnkunni á hvíldardeginum í Mjódd okkar Breiðhyltinga. Nema hvað.
Dr. Gylforce sá nýjasta vagn þeirra Fjarðarmanna, hinn gulleita & geysifallega 219 Iveco Crossway á leið 11, & vitaskuld hélt doksi kallinn á vit vagna & ævintýra. En ekki hvað???
Vagninn sá var lengi fjarverandi frá vígvöllum veganna en er nú greinilega kominn með rétt drif & dekk & var unaður fyrir dr.-inn að taka góðan hring með honum meðal Seltirninga. Hvað um það.
Ú-je!
Bloggar | 18.9.2018 | 21:23 (breytt kl. 21:26) | Slóð | Facebook | Athugasemdir (0)
Með síðasta þristi þaut
þráðbeint að holti
breiðu með ljúfri laut
& lauk mínu brambolti.
Hinn bljúgi & beitti dr. Gylforce brá sér í vagninn eptir brilljant brullaup hjá systur sinni. Góðu heilli var partýið í miðbænum & því gráupplagt að taka vagninn heim. En ekki hvað???
Vissulega hugði dr. Gylforce á næturvagninn líkt & svo opt áður en þraut hið margumtalaða öreindi - nú sem fyrr. Hvunær nær doksi kallinn næturleiðinni sinni, leið 103??? Humm, humm.
Dr. Gylforce skáskaut sér inn í síðustu leið 3 er leggur af stað frá Hlemmi kl. 00:24. Doksi kallinn var fyrsti vagnverjinn frá Hlemmtorginu en óðara mættu þeir í vagninn & gott ef ekki um 12 verjar hafi setið alla leiðina að Mjódd okkar Breiðhyltinga. Innstigin voru þó fleiri. Hvað um það.
Bloggar | 16.9.2018 | 10:21 (breytt kl. 14:43) | Slóð | Facebook | Athugasemdir (0)
Í unaðsveðri með ungviðið
út að leita gagna.
Sjálfstæðisbaráttan markmiðið
& setjast í góða vagna.
Dr. Gylforce fór við annan mann með ungviðið, sem taldi um 55 stykki, í vagnana í yndislegu veðri í gær. Dr.-inn ákvað að troða þeim ekki í leið 36 áleiðis upp í Hamraborg þeirra Kópgvæginga þótt það hepði nú vel verið hægt. Nema hvað.
Þess í stað gekk ungviðið upp í Hamraborg hvar hinn álitlegasti 182 Iveco Crossway vagn beið okkar á leið leiðanna, leið 1. Vitaskuld fylltum við nánast vagninn en öngvu að síður hélt hann áætlun & skilaði okkur að Latínuskólanum á hárréttum tíma. En ekki hvað???
Eptir að dr.-inn hapði ausið úr vizkubrunni sínum af mikilli áfergju fyrir framan Lærða skólann, Stjórnarráðið & Austurvöll, kjaftfylltum vér lánsvagn númer 130 sem var á leið 1 tilbaka.
Strætó bs. fékk tvo vagna lánaða frá Kynnisferðum fyrir nokkrum vikum & var unaðslegt að standa í honum alla leið að Hamraborginni háu & fögru.
Yfir&út!
Bloggar | 15.9.2018 | 11:06 (breytt kl. 11:08) | Slóð | Facebook | Athugasemdir (0)
Hinn teinrétti en tornæmi dr. Gylforce tók eptir því í fjölmiðlum vorum að enn á ríkisvaldið eptir að ræða við Samtök sveitarfélaga á höfuðborgarsvæðinu, SSH, um Borgarlínuna margumræddu.
Ekki er gott að sjá í yfirliti með fjárlagafrumvarpinu fyrir næsta ár hvort framlag þar sé til Borgarlínunnar. Hinsvegar segir í núverandi stjórnarsáttmála að stutt verði við verkefnið, hvað sem það nú þýðir í reynd.
Það verður því afar spennandi & fróðlegt að sjá hvað kemur út úr viðræðum milli ríkisvaldsins & SSH á næstu vikum. Vonandi verður einhver niðurstaða því breyting eða úrbætur á ferðavenjum á höfuðborgarsvæðinu þolir litla bið.
Úrbóta er þörf. Maður lifandi!
Um Borgarlínu er babblað enn
byrjum á okkar strætum.
Ferðavenjum breytum senn
& fjölbreytnina bætum.
Samgönguráðherra um Borgarlínu
Bloggar | 13.9.2018 | 10:49 | Slóð | Facebook | Athugasemdir (0)
Færsluflokkar
Bloggvinir
Heimsóknir
Flettingar
- Í dag (20.4.): 0
- Sl. sólarhring:
- Sl. viku: 3
- Frá upphafi: 0
Annað
- Innlit í dag: 0
- Innlit sl. viku: 3
- Gestir í dag: 0
- IP-tölur í dag: 0
Uppfært á 3 mín. fresti.
Skýringar