Stjórinn með stjórnklefann
stýrir af festu.
Indæl er ellefan
með þeim allra bestu.
Dr. Gylforce var léttur, nettur & traustur sem klettur er hann hélt á vit vagna í kuldanum. Fyrr um daginn hapði doksi kallinn messað yfir samkennurum sínum um ágæti almenningssamgangna & því rökrétt að einhenta sér á leið. Nema hvað.
Að þessu sinni var dr. Gylforce eitthvað einn því sá ágæti tölustafur, þ.e. 1, reyndist tesa dagsins. Dr.-inn fór á fjörurnar við hina glænýju Iveco Crossway vagna á leið 11, þaðan tók hann unaðsrúnt frá Hlemmi að Firði með leið leiðanna, leið 1, & lauk sér svo af í leið 21 frá Firði að Mjódd. 11-1-21, unaður.
Gjörhygli Gylforce-ins gerði það að verkum að hann sá að verktakinn suður í Firði hefir stillt upp spánnýjum & spennandi 221-223 vögnunum á leið 11. Líklega eru þá 219-220 á leið 13. Hvað um það.
Dr.-inn gerði sér að leik á leið sinni frá Hlemmi að Firði með leið leiðanna, leið 1, að telja alla ásana er hann sá. Tíu stykki komu fyrir sjónu doksa af ýmsum stærðum & gerðum. Maður lifandi!
Bloggar | 31.1.2019 | 21:54 (breytt kl. 22:24) | Slóð | Facebook | Athugasemdir (0)
Reglulega berst stjórn byggðasamlagsins alls konar óskir & beiðnir um breytingar á leiðakerfinu. Eðlilega. Margt má bæta og hið lostfagra leiðakerfi þarf að vera í stöðugri þróun. En ekki hvað???
Leiðakerfið i mörgum hverfum og borgarhlutum eru til skoðunar hjá sérfræðingum Strætós. Þeir hljóta samt að vera heldur tvístígandi um að gera breytingar á kerfinu á næstu misserum og árum því þær verða væntanlega óhjákvæmilegar eptir nokkur í ár í tengslum við borgarlínuna. Þá þarf heldur betur að aðlaga leiðakerfið að hinni nýju línu.
Já, Grandagarður, vesturbær Reykjavíkur, atvinnusvæðið upp á hálsum, Hafnarfjörður innanbæjar og svona mætti lengi telja. Á öllum þessum stöðum þarf að þétta kerfið & jafnvel bæta við leiðum. Það verður því fróðlegt að sjá hvað byggðasamlagið telur brýnast.
Grafarvogur & Grandinn
gervallur vesturbærinn.
Hafnarfjörður & Hálsinn
hér eru verkefni ærin!
Bloggar | 29.1.2019 | 22:10 | Slóð | Facebook | Athugasemdir (0)
Yngist flotinn umtalsvert
eptir nýja fjóra.
Við öll segjum - vel gert
& viljum í þeim slóra.
Dr. Gylforce bar augum einn af nýju vögnunum á vígvöllum veganna um hádegisbilið. Illu heilli komst doksi kallinn ekki á leið en þessi spánnýi & spennandi Iveco Crossway vagn númer 223 var á leið 11. En ekki hvað???
Eins & sjá má á myndum vantar merkingar á vagninn - besta leiðin - en eigi að síður ber að fagna endurnýjun flotans hjá verktakanum suður í Firði. Nema hvað.
Við komu vagnanna fjögurra yngist flotinn umtalsvert & telst doksa nú til að vagnar á aldrinum 0-7 ára séu að verða 100 talsins á vígvöllum veganna.
Það er vel gert. Maður lifandi.
Bloggar | 28.1.2019 | 15:41 (breytt kl. 15:47) | Slóð | Facebook | Athugasemdir (0)
Fínt það hljómar, frítt á leið
fagna þá öll hverfi.
Siglum við í samdráttarskeið
sljákkar í leiðakerfi.
Fríkeyps fjör í Lúxemborg
Margir leita nú leiða til þess að stemma stigu við umferðarvanda höfuðborgarsvæðisins & koma málum í viðunandi horf. Fyrirséð er mikil fjölgun fólks á svæðinu á næstu áratugum & því löngu tímabært að bretta upp ermar & fara að gera eitthvað róttækt í samgöngumálunum. Nema hvað.
Ein hugmynd sem heyrist af & til er að hafa ókeypis í vagnana. "Af hverju er ekki bara frítt í strætó? Þá myndi fleiri nota kerfið". Þetta heyrir dr. Gylforce reglulega & eins & sjá má á slóðinni hér að ofan ætla Lúxemborgarar að fara þessa leið.
Það er góðra gjalda vert að hafa gjaldfrjálst í vagnana. Eigendur Strætós, sveitarfélögin, yrðu reyndar að punga út um 2000 fleiri milljónum á hverju ári en þau gera nú þegar. Veit nú ekki alveg hvort þau séu reiðubúin til þess.
Hinsvegar má velta því fyrir sér hvað kæmi til með að gerast í niðursveiflu hagkerfisins ef það væri frítt í vagnana. Sveitarfélögin yrðu að draga saman seglin & líklega að skera hressilega niður í leiðakerfinu. Það hugnast dr. Gylforce ekki því það mun aldrei fjölga vagnverjum að draga úr því sem nú er.
Því er skárri kostur að láta vagnverja greiða í vagnana svo þjónustan haldist sem best.
Jæja, meira síðar.
Bloggar | 27.1.2019 | 12:35 | Slóð | Facebook | Athugasemdir (0)
Af glæsilegri gerð
er Gylforce tilbiður.
Friðsæll einn á ferð
friður sé með yður.
Þessi stolna mynd af fréttavefnum visir.is segir meir en mörg orð um ástandið í samgöngumálum á höfuðborgarsvæðinu.
Myndin er tekin síðdegis á Miklubrautinni um virkan dag þegar nánast allir eru á heimleið í austurátt á einkabílnum sínum. Nema hvað.
Á mynd þessari gefur að líta einn af fáu Volvovögnum sem eptir eru á vígvöllum veganna. Þessi er aukinheldur í lengri kantinum, svokallaður 3ja hásinga vagn, heldur kraftlaus en þægilegur fyrir oss vagnverja & nánast alltaf á leið leiðanna, leið 1. Hvað um það.
Ef sérakrein væri fyrir strætó á allri Miklubrautinni & þar færu langir & umhverfisvænir vagnar á 3-7 minútna fresti (stundum kallað Borgarlína) gæti hugsast að bílaröðin yrði styttri öllum til hagsbóta.
Góðu heilli mun sú framkvæmd - Borgarlínan - fara á gott flug á næstu misserum & árum. Það eru því spennandi tímar framundan. Maður lifandi.
Mynd: Vísir/Stefán
Bloggar | 26.1.2019 | 22:52 (breytt kl. 22:59) | Slóð | Facebook | Athugasemdir (0)
Ónotaðir loks af stað
yndislegt, hvað um það.
Á akreinunum afkastað
unaður - en ekki hvað?
Jú, rétt mínir virðulegu vagnverjar. Nú er rokk & roll í vesturbæ Reykjavíkur; vagg & velta á vígvöllum veganna.
Samkvæmt áreiðanlegum heimildum dr. Gylforce eru nýju vagnarnir fjórir frá verktakanum suður í Firði komnir í gagnið. Þeir koma til með að keyra á leiðum 11 & 13 & getur doksi kallinn vart hamið sig af spenningi.
Þetta kallar á að halda á vit vagna um helgina. Vonandi verða þeir í fullum skrúða þá. Maður lifandeeeee!!!
Bloggar | 25.1.2019 | 17:21 (breytt kl. 17:27) | Slóð | Facebook | Athugasemdir (0)
Í ofankomu arka
inn fer við Nettó.
Sit í fögrum fjarka
ferðast um gettó.
Dr. Gylforce hélt út í hjarnið eins & blessað barnið í gærkvöldi, hvar rafvagn varð enn & aptur á vegi hans. Yndislegt.
Dr.-inn einblíndi að þessu sinni á leið 4 sem vitaskuld vafraði hring eptir hring um hið fagra gettó Gylforce-ins. Nema hvað.
Vögnunum gekk yfirleitt vel í efri byggðum þótt 2-3 mínútna seinkun væri ekki óeðlileg.
Nú þarf dr. Gylforce að mjaka sér í morgunumferðina & kanna hvurt ekki sé þar virkilegt fönn í fönninni. Hvað um það.
Bílar og akstur | 23.1.2019 | 12:57 (breytt kl. 18:13) | Slóð | Facebook | Athugasemdir (0)
Á vígvöllunum þæfingsfærð
varlega er farið.
Mikil er yfir verjum værð
vilja þó sumarið.
Það er óhætt að segja að vetrabúningur sé kominn á vígvelli veganna, hvar leiðir eiga fullt í fangi með að halda áætlun & komast upp í efri byggðir. Nema hvað.
Dr. Gylforce gerði sér far með tveimur leiðum eptir kvöldmatinn meðan snjó kyngdi niður. En ekki hvað???
Dr.-inn dáðist að vagnstjórunum sem náðu vel að halda áætlun á leiðum 3 & 11. Ugglaust hefir það gengið mun verr í morgun & svá aptur síðdegis.
Svo er ekki annað að sjá en það verði handagangur í öskjunni í fyrramálið eptir ofankomuna í kvöld. Maður lifandi!
Samgöngur | 21.1.2019 | 22:22 (breytt kl. 22:25) | Slóð | Facebook | Athugasemdir (0)
Kvöldin eru koldimm
kemst ég þó í vagn.
Milli fjögur & fimm
fer af allt rafmagn.
Hinn hrifnæmi & háskalegi dr. Gylforce hélt vitaskuld á vit vagna í fannfergi laugardags þessa, hvar hann vildi fá að upplifa hvernig unaðsleiðum reiddi af í ofankomunni. Nema hvað.
Í snjómuggunni hitti dr.-inn fyrir hinn snotra 104 rafvagn á leið 4 & snáfaði með honum að Mjódd okkar Breiðhyltinga. Þar endaði hann veru sína á vígvöllum veganna enda klukkan að verða fimm síðdegis. Öngvar hleðslustöðvar eru til fyrir rafvagnanna nema upp á Hesthálsi, þar sem þeir eru geymdir. Hvað um það.
Til þess að byggðasamlagið geti nýtt rafvagnanna til fullnustu - eins & hlýtur að vera stefnan því hér um fjárfestingu upp á tæpan milljarð að ræða - þarf að koma upp hleðslustöðvum. Full nýting á nýjum vagni er um 8000 km akstur á mánuði en eins & staðan er núna er aðeins að nást um 50% nýting á rafvögnunum fjórtán.
Í stað 104 rafvagnsins kom til skjalanna 178 Iveco Crossway vagn sem skrýddur var vel í tengslum við Gaypride síðasta sumar. En ekki hvað???
Samgöngur | 19.1.2019 | 22:23 (breytt kl. 22:37) | Slóð | Facebook | Athugasemdir (0)
Þeir eru eigi hastir
indælir að sjá.
Suður í Firði fastir
fjandinn gengur á?!
Dr. Gylforce þraut öreindið & hélt í leiðangur í leit að nýju vögnunum fjórum sem ættu að aka um lendur Seltirninga & vesturbæ þeirra Reykvíkinga á leiðum 11 & 13 en gjöra ei. Hví?
Jú, þeir virðast pikkfastir suður í Firði hjá verktakanum sínum. Það er ekki einu sinni búið að fjarlægja plastið af sætunum á a.m.k. einum vagnanna!
Vonandi verða þeir tilbúnir hið snarasta & mun þá eigi standa á doksa kallinum að halda út á galeiðuna vestur í bæ.
Bílar og akstur | 18.1.2019 | 16:51 (breytt kl. 21:01) | Slóð | Facebook | Athugasemdir (1)
Færsluflokkar
Bloggvinir
Heimsóknir
Flettingar
- Í dag (20.4.): 0
- Sl. sólarhring:
- Sl. viku: 3
- Frá upphafi: 0
Annað
- Innlit í dag: 0
- Innlit sl. viku: 3
- Gestir í dag: 0
- IP-tölur í dag: 0
Uppfært á 3 mín. fresti.
Skýringar