Flórídaferð!

flórídaHeld nú í Flórídaferð
fokking olræt!
Bus-ar þar af bestu gerð
& but light.

Hinn útitekni & affæragóði dr. Gylforce ku alsæll vera þessa dagana hvar hann hyggur á vagnarannsóknir í henni Ameríku næstu daga.  Maður lifandi!

downloadDr. Gylforce ber niður í Orlando í Flórída að þessu sinni & verður fróðlegt mjög að sjá í landi einkabílsins hvurnig almenningssamgöngum reiðir þar af.

Spenna! 





Spánnýir ávallt spennandi ...

221Með raunir mínar rogast
rata inn í vin.
Að spánnýjum ég sogast
sit þar auðfundinn.

Hinn gæfi en guðhræddi dr. Gylforce gekk til vina sinna - vagnanna - hvar hann hapði eigi hug á því að horfa á júrakeppnina á Rúv líkt & þorri vagnverja. Nema hvað.

Eptir góðan en stuttan rúnt með leið 4 sá doksi kallinn einn spánnýjan vagn á leið 11 í Mjóddinni sem ættaður er sunnan úr Firði. Málið var steindautt.

52654467_487096328487740_8974750746754940928_nInn vildi dr.-inn.

Dr. Gylforce sté stoltur inn í glænýjan & glæstan 221 Iveco Crossway á leið 11 við Mjóddina. Það eimir enn af nýju lyktinni inn í honum sem einkennir nýjar sjálfrennireiðar. Maður lifandi!

52014009_551367588678966_707037872749805568_nDr.-inn hélt mjúkur & meyr með vagninum alla leið að Þjóðleikhúsinu hvar hann ákvað þar að skella sér í leið 13 en á leið þeirri eru líka nýir vagnar. Unaður.

Aukinheldur sást einn rafvagn á vaktinni á leið 4, 168 Yutong úr Austurvegi, en illu heilli náði dr.-inn ekki eiga unaðsþrásetu með honum að þessu sinni.

Yfir&út!



 


Samgönguráðherra stórhuga ...

Almenningssamgöngur blmfundur 2019 02 14Almenningssamgöngur fyrir landið allt

Það er óhætt að segja að ánægjuleg tíðindi berist úr ranni stjórnsýslunnar þessa dagana hvað almenningssamgöngur varðar.

2018LCNNBKcCA4Ráðherra málaflokksins, Sigurður Ingi, kynnti á dögunum að í bígerð sé að samræma allar almenningssamgöngur í landinu og setja á stofn einn samræmdan upplýsingavef. Það yrði afskaplega kærkomið fyrir vagnverja, flugverja & sæfarendur, maður lifandi.

2018LCNNAsJsa7Þá er aukinheldur stefnt að því að hafa fimm stærri skiptistöðvar á landinu þar sem huga þarf að skipulagningu á samgöngumiðstöðvum. Þær yrðu á höfuðborgarsvæðinu, Borgarnesi, Akureyri, Egilsstöðum og Selfossi. Sjö minni skiptistöðvar kæmu einnig til að vera í kerfinu fyrir afmarkaðri svæði.

Dr. Gylforce á eptir að skoða til hlítar stefnu þessa í samráðsgátt stjórnvalda en það sem komið er, líst honum afar vel á. 

Vitaskuld er skrýtið að árið 2019 sé enn verið að vinna að stefnu eins & þessari en eigi að síður vel gert hjá samgönguráðherranum og ráðuneyti hans.

Samgönguráðherra sýnir dug
sá mun verja kæta.
Allir vagnar, ferjur & flug
ferðalög munu bæta.


Hingað ég leita ...

Myndanifdeg;urstafdeg;a fyrir rafmagns strfbrvbar;tfsup3;

Hingað ég leita & hér ég dvel
í hlýjum sætum þínum.
Glaður ég þér mína forsjá fel
með fallegum ljóðlínum.




Leiðakerfið úr skorðum ...

32730218_10155681354513348_5015479782532448256_nKerfið út úr korti
kemur ei mín leið.
Paufast í þessu porti
pungsveittur ég beið.

Hinn glaði en guðhræddi dr. Gylforce fór ekki varhluta af seinkunum í hinu lostfagra leiðakerfi Strætós í gær, hvar hann þurfti að bíða lon & don í Mjóddinni. Nema hvað.

6Dr. Gylforce var aldrei þess vant vopnaður snúru úr síma sínum, hvar hann langaði að nýta sér plöggin í rafvögnunum. Doksi kallinn sá aukinheldur að rafvagnarnir voru venju samkvæmt á leiðum 3 & 4 & vildi þar inn. Því beið hann & beið. & beið & beið. Öngvir komu vagnarnir enda háannatími & færð á vígvöllum veganna með heldur lakara móti. Hvað um það.

Dr.-inn þraut svá öreindið & tók einn af gömlu Citelisvögnunum á leið 2 & Karosa á leið 4 tilbaka frá Hamraborg. Ekki það sem til stóð en það gengur bara betur næst.


Lúði á leið ...

Í þristinum æstur er 
orðbragð viðhafði.
Þjösnaðist við þjónustuver
þrasaði & tafði.

Hún var heldur skrýtinn ferð dr. Gylforce með leið 3 á laugardaginn. Doksi kallinn settist inn í vagninn við Hlemminn um kl. 15:50 enda hapði hann hug á að endurnýja kynni sín Sæbrautina & Hörpu. Nema hvað.

Við Háskóla Íslands gerðist leiðinlegt atvik. Vagnverjar af erlendu bergi brotnir, líklega ferðamenn, ætluðu út en virðast hafa gleymt að ýta á stanz-rofann. Vagninn stoppaði þó því inn vildu nokkrir vagnverjar.

Þegar vagninn lagði af stað ýttu þau lox á bjölluna en það reyndist of seint. Brást þá íslenskur verji ókvæða við, rauk fram til vagnstjórans & las honum pistilinn. Illu heilli virðist sá er sat við stýrið hafa verið með heyrnartól og því ekki heyrt þegar kallað var á hann. Það var að mati dr.´s það eina sem hann hepði betur getað gert. 

Sá íslenski hapði ekki lokið máli sínu. Ó-nei. Hann settist aptur, tók upp tólið & hringdi látlaust í þjónustuver Strætós.

large_Straeto_250x256Þar virðist hann hafa verið settur á bið sem var vart að hans skapi. Hann settist við að skrifa í símann kvörtun líklega & tók myndir í vagninum í gríð & erg. Aukinheldur hapði verji þessi á orði við fólk í kringum sig að vagnstjórinn æki eins & óður maður en ekki tók dr.-inn nú eptir því. 

Þvert á móti var vel gert hjá vagnstjóranum að ná að koma tímanlega í Mjóddina en urmull vagnverja var um borð & ugglaust erfitt að halda áætlun á þessu laugardagssíðdegi. Hvað um það.

Vonandi er vagnverji þessi búinn að ná sér & heldur áfram að taka vini vora, vagnana.

Yfir&út!





Vagnafrítt á Vetrarhátíð ...

737-f78642e8c6Safnanáttin um að ske
safna milli ekur.
Eðalleiðir A til D
unað minn upp vekur.

Um helgi þessa er hin sívinsæla Safnanátt sem ku vera hluti af Vetrarhátíðinni. Strætó bs. hleypir þá af stokkunum fjórum nýjum fríkeypis leiðum sem bera bókstafina A-D.

Leiðirnar munu aka milli safna á höfuðborgarsvæðinu & er gráupplagt fyrir vagnverja að nýta sér þá. Strætó kemur aukinheldur meira við sögu á safnanátt þessari & er hægt að lesa meira um það hérna.

 

Yfir&út!


Mynd: strætó.is


Verndarengill barna ...

35jjmgl


Vagnstjórinn á vappi

Brunandi á brautinni
bílstjórinn atarna.
Vagnstjórinn á vaktinni
verndarengill barna.

Vagnstjóri á leið 4 í gærkvöldi sýndi snarræði & snilld sína hvar það blasti við honum ófögur sjón í Voginum fagra.

Börn biðu eptir vagninum við Engihjallann & kom þar einhver aðvífandi & réðst á blessuð börnin. Góðu heilli vippaði hann sér út úr vagninum & elti ódæðismanninn uppi. Skömmu síðar komu laganna verðir & tóku við.

Vel gert en hvað varð um vagn hans & vagnverja á meðan??? Bara chill & bið??? 


Metan við Mjódd ...

metanstraetoEkki er kúl kyrrsetan
kvölin töluverð.
Gulgrænum mætti metan
á mikilli ferð.

Dr.-inn hrósaði happi hvar hann gat loxins stigið upp úr stól eptir uppfræðslu ungviðisins & haldið á vit vagna.

Copy_of_Straeto_mid (1)Illu heilli fór dr. Gylforce á mis við 118 metanvagninn í Mjóddinni sem var á leið 4. Það gladdi þó hið gamla hró doktors að sjá metanið á fjarkanum, ekki opt sem það gerist. Hvað um það.

Vonandi nær dr.-inn að njóta þjóns náttúrunnar sem allra fyrst, helst á morgun.

Amen.


 


Borgarlína & breytingar ...

busbsiVagnverjar eins & við
verum eigi hrædd.
Breytingar settar í bið
Borgarlína rædd.

Breytingar aðeins að hluta

Byggasamlagið Strætó sendi frá sér fréttatilkynningu í dag, hvar vakin er athygli á því að enn frestast sumar breytingar á ýmsum leiðum vegna framkvæmda á Landspítalareitnum.  

busbsi2CaptureUm næstu helgi koma til framkvæmda nokkrar breytingar sem finna má í slóðinni hér að ofan. Svá verður gefið meira í hinn 26. mars með veigameiri breytingum. Þar má benda á akstur leiða 5 & 15 sem fara munu m.a. um Barónsstíg & Egilsgötu í ferðum sínum til & frá Hlemmi. Spennandi.

Á meðan þessu líður skrafa kjörnir fulltrúar á hinu háa Alþingi um samgönguáætlun ríkisstjórnarinnar en þar er m.a. að finna kafla um Borgarlínuna.

Vonandi horfa þingmenn eigi til austurs & halda til klausturs í kvöld, heldur einbeiti sér að samgönguáætluninni & ljúki annarri umræðu um hana sem allra fyrst.

Yfir&út!

 

 


Næsta síða »

Innskráning

Ath. Vinsamlegast kveikið á Javascript til að hefja innskráningu.

Hafðu samband