Kolsvart kaupæði ...

blackfridayBrölti um bæinn
beið hér & hvar.
Önugur, óvæginn
afundinn, snar.

Dr. Gylforce sté í vagna sína í gær sem andlegur undirbúningur fyrir hinn biksvarta búðardag á hinni þeldökku þjakkargjörðarhátíð vestanhafs. Nema hvað.

blackfriday1Hin kolsvarta kaupgleði hefir vitaskuld hafið innreið sína í Litlu-Ameríku hvar urmull af ómissandi tilboðum flæðir yfir oss vagnverja nú sem aldrei fyrr. Maður lifandi!

18426229_10154731390778348_30638254_oEptir því sem doksi kemst næst er þó sama (lága) verðið í vagnana, vini vora á þessum Svartfözz. Jú, litlar 460 krónur fyrir unaðsrúnt & enn billegra ef verjinn hefir í fórum sínum einhvers konar kort frá Strætó bs. Hvað um það.

220px-StrætóÁ kolsvörtum degi
kaupæði hér.
Í vagni á vegi
vé mitt hann er.

Dr. Gylforce einhenti sér í hina seytjándu leið frá Mjódd okkar Breiðhyltinga í gær & hélt með henni að Hlemmi. Þaðan hélt doksi kallinn með leið 14 að Gömlu-Hringbraut en förinni var þangað heitið.

Í dag hyggst dr. Gylforce reyna að halda aptur af hinum meinilla Mammon & stíga inn í sem flesta vagna til þess að fita sitt sálartetur.

Yfir&út!


« Síðasta færsla | Næsta færsla »

Bæta við athugasemd

Ekki er lengur hægt að skrifa athugasemdir við færsluna, þar sem tímamörk á athugasemdir eru liðin.

Innskráning

Ath. Vinsamlegast kveikið á Javascript til að hefja innskráningu.

Hafðu samband