Gylforce brenndur & bitur
böðlast samt á leið.
Fráleitt er verjinn vitur
sem væflast í bifreið.
Hinn sívali & síþreytti dr. Gylforce sá í gögnum byggðasamlagsins að gert er ráð fyrir um 300 milljónum króna til vagnakaupa árlega á næstu fimm árum. Máske þykja mönnum það dágóð upphæð en er það svo???
Ef festa á fjár í umhverfisvænum vögnum, eins & fleiri rafvögnum úr Austurvegi, fást um fjórir vagnar á hverju ári. Það eru nú öll herlegheitin aukinheldur sem ólíklegt þykir að fleiri komi þaðan; bíða skal & sjá hvernig þessir fjórtán sem þegar eru hér, reynast á vígvöllum veganna.
Líklegt má telja að eigi fleiri rafvagnar komi í bili enda hefir Strætó bs. gefið það út að ætlunin sé að kaup metanvagna í ár. Jibbíkóla!
Dr.-num líst afar vel á það. Akureyrarbær er með þrjá slíka í rekstri - & gengur vel - aukinheldur sem verð á einum slíkum er umtalsvert lægra en á rafvagni. Kaupa má um sjö metanvagna fyrir um 300 milljónir króna í stað fjögurra rafvagna.
Vonandi verður umboðsaðili Scania hlutskarpastur í útboði sem nú stendur fyrir dyrum & vér vagnverjar komum til með að sjá nýja sænskættaða metanvagna á vígvöllum veganna hér syðra á þessu ári.
Maður lifandi!!!
Amen.
Meginflokkur: Umhverfismál | Aukaflokkar: Bílar og akstur, Lífstíll, Samgöngur | 23.4.2019 | 16:00 (breytt kl. 16:18) | Facebook
Færsluflokkar
Bloggvinir
Apríl 2024 | ||||||
S | M | Þ | M | F | F | L |
---|---|---|---|---|---|---|
1 | 2 | 3 | 4 | 5 | 6 | |
7 | 8 | 9 | 10 | 11 | 12 | 13 |
14 | 15 | 16 | 17 | 18 | 19 | 20 |
21 | 22 | 23 | 24 | 25 | 26 | 27 |
28 | 29 | 30 |
Heimsóknir
Flettingar
- Í dag (23.4.): 1
- Sl. sólarhring: 2
- Sl. viku: 3
- Frá upphafi: 118891
Annað
- Innlit í dag: 1
- Innlit sl. viku: 3
- Gestir í dag: 1
- IP-tölur í dag: 1
Uppfært á 3 mín. fresti.
Skýringar
Bæta við athugasemd [Innskráning]
Ekki er lengur hægt að skrifa athugasemdir við færsluna, þar sem tímamörk á athugasemdir eru liðin.