Styttri strætóferðir ...???

Á þig set ég allt mitt traust
í unaðslegum ferðum.
Þegar fer að húma í haust
hollvinir við verðum.

Hinn hrjúfi & heiti dr. Gylforce huggnast nú eigi sá ráðahagur byggðasamlagsins, hvar það ætlar að stytta þær leiðir sem koma til með að aka á næturnar um helgar eptir áramót. Nema hvað.

Með styttingu leiða hlýtur að vachna sú spurning hvort ekki verði hreinlega að nefna þær nýjum númerum. Ankannalegt er að mati doksa að vera t.d. með leið leiðanna, leið 1, með öðrum hætti á næturnar en að degi til.

Þetta þekkist reyndar í dag á leið 12 sem ekur aðra leið í gegnum Bergin í Breiðholtinu á daginn en á kvöldin. Hvað um það.

Aukinheldur verða næturvagnarnir með þeim hætti að þeir koma til með að aka bara í aðra áttina ef svo má segja, þ.e. þeir sjá um að ferja oss vagnverjana úr miðbænum & heim til okkar en ekki öfugt. Er það miður en minnir óneitanlega á vagnana sem Hópbílar sáu um að aka fyrir um aldarfjórðung eða svo.

En vissulega er þetta jákvætt skref að Strætó bs. hefji næturakstur & bíður dr.-inn í ofvæni eptir að prufa þennan ferðamáta.

Maður lifandi!

Athugasemdir

[Jón Valur Jensson, 13.11.2017 kl. 04:41]

Gilbert allar gæsir þrá og gleðja vilja

í vagnaferðum, Sjöfn og Silja,

sjá að hann vill þær ólmur gilja. 

[Jón Valur Jensson, 13.11.2017 kl. 04:50]

Þessa vísu þarf að laga (skömm að því að fara rangt með nafn þitt).

 

Gylforce allar gæsir þrá og gleðja vilja

í strætóferðum, Sjöfn og Silja,

sjá að hann vill þær ólmur gilja.

[Jón Valur Jensson, 13.11.2017 kl. 05:10]

Og fín var vísa þín í upphafi þessa bloggs!

(Og sleppa skal kommunni á eftir: Silja)