Eðal auka ...

Brasa ég margt & bauka
í bítið optast næ
sænskum eðal auka
áleiðis niðrí bæ.

Hinn árrísuli & eðalborni dr. Gylforce var óðara mættur í skýli sitt við Selin fögru í morgun, hvar hann hefir nú um 2 eðal 3ja hásinga vagna á aukaleið 3 úr að moða, kl. 7:26 ellegar 7:41. & ekki nóg með það, heldur ekur hinn sænskættaði aukavagn sem leið 4 um Breiðholtið, hvar hann svá skellir sér í búning leiðar 3 frá & með Mjódd & niður í miðbæ. Magnað, maður magnað.

Hinn ungi & aldni vagnverji fengu 192 3ja hásinga Volvovagn sem aukavagn í morgun. Viðmót vagnstjórans var til fyrirmyndar & brunaði svo "bössinn" í tengingu við aðrar leiðir, hvar þeir feðgar einhentu sér í 126 Citelisvagninn á leið 4 & héldu til Hamraborgar. En ekki hvað???

Tölvukerfi í mennta- & menningarsetri Kárness var í henglum þennan daginn & ungviðið enn í fríi svá doksi kallinn var ekki lengi að halda á vit vagna. Hvað um það.

Eptir gott spjall við vagnverja frá San Francisco í leið leiðanna, hélt dr.-inn í leið 21 að Mjódd frá Firði. Þar langaði hann að endurnýja kynni sín við 219 Iveco Crossway vagninn á leið 11.

Fyrirfram hepði maður haldið að fáir vagnverjar væru í leið þessari á miðjum degi. En öðru nær - góðu heilli. Dr.-inn var spældur að hafa ekki talið innstigin í vagninn því hann var nokkuð þéttsetinn alla leið að Hlemmtorginu. Maður lifandi.

Gylforce-inn endaði svá þessa veislu með 175 vagninum á leið 3 & hélt afar glaður upp í sitt sel, sem er vel. Nema hvað.

Ömurleg aðstaða ...

Hinn lýríski & ljóðelski dr. Gylforce lagði leið sína úr Selunum áleiðis að Hamraborg Kópvæginga, hvar hann staðnæmdist við aðstöðu vagnverja þar eða öllu heldur aðstöðuleysi. Maður lifandi.

Fyrir hartnær 10 árum síðan var Skiptistöðin geðþekka rifin í Kópavoginum & þá tekið skýrt fram af Almenningsvögnum bs., sem þá sáu um aksturinn í Voginum, að varanleg aðstaða fyrir vagnverja kæmi þegar byggt yrði yfir gjánna. Þetta var fyrir 10 árum síðan!


Dr.-inn tók fjarkann sinn við Stokkasel & stímdi með honum rakleitt að miðbæ Kópvæginga. Aðstaða til að bíða eptir vögnunum er víða ábótavant í hinu lostfagra leiðakerfi Strætó bs. & verður ekki annað séð en að lyfta verði grettistaki hvað þetta varðar. Má í því sambandi benda á Hlemm nú um stundir, Ártún sérstaklega, Hamraborg & Spöngina.

Koma svoooooo!

Yfir kaldlynt Kaldasel ...

Hinn brosandi & breiðhylti dr. Gylforce er brátt að komast upp á lag með að gjöra leiðir 3 & 4 að tesu dagsins. Maður lifandi.

Dr.-inn var hvorki haldinn þurrafúa né þröngsýni, hvar hann þjösnaðist inn í 177 Iveco Crossway vagninn á leið 4 síðdegis. Nema hvað.

Strætó bs. er vinveitt & gjöfult við okkur vagnverja seljanna & bjóða upp á 174-180 Iveco vagnana á leiðum 3 & 4. Þetta eru um það bil tveggja ára vagnar með mjúk sæti & munúðarfulla fjöðrun. En ekki hvað???

Dr. Gylforce skipti úr 4 í 3 við Mjódd okkar Breiðhyltinga & hélt rakleitt með 122 Citelisvagninum að Sæbrautinni. Vagnar númer 120-126 eru ennfremur aufúsugestir á leiðum 3 & 4 á annatíma (nema 125 vagninn sem er útbrunninn!) aukinheldur sem 160-162 Karosa vagnarnir eru aldrei langt undan. Hvað um það.

Dr.-inn sté einmitt inn í 160 Karosavagninn á leið 3 við Hlemminn klukkan rúmlega 17. Doksi kallinn var einmana & yfirgefinn í vagninum í fyrstu en það átti svo - góðu heilli - snarlega eptir að breytast eins & myndirnar sýna. Maður lifandi! Meira svona!

Yfir kaldlynt Kaldasel
kúldrandi ég sveima.
Tölti í mitt Teigasel
tek vagninn hér heima.

Vagnavit er gult að lit ...

Hinn ódauðlegi & einarði dr. Gylforce átti eitt augnalok aflögu eptir amstur gærdagsins, hvar hann var ekki lengi að halda á vit vagna. Nema hvað.

Dr.-inn hélt í fagran Iveco Crossway vagn á leið 4 hér við selin sælu. Hann hefir nú um helgina tekið unaðslega hringi meðal vinanna, vagnanna. Annar þeirra er með leið 21 yfir i Fjörð frá Mjóddinni & þaðan með leið leiðanna, leið 1, að Hlemmtorgi.

Hinn hringurinn er svá hin magnaða leið 24 frá Mjóddinni upp í Spöngina. Þaðan er svo brunað með leið 6 (í rétta átt!) að Hlemmi.

Það er dr.-num enn hugðarefni hví byggðasamlagið Strætó bs. vill að báðar leiðir 6 stoppi á sama stað í Spönginni; önnur er á leið í Mosó en hin í miðbæinn.

Það kom upp úr hinum margfræga dúr í kvöld að vagnverjar tveir fóru í rangan vagn. Góðu heilli náðist svá að leiðrétta mistökin en erfitt að skilja hví vagnarnir séu ekki í sitt hvoru horninu eins & gjört er við leið leiðanna i Firðinum. Hvað um það.

Í landsins vögnum fegurð finn
& framtíð glæstra vona.
Gáfulegi Gylforce minn
er göfugastur sona.

Lest fyrir rest ... ???

Vagnverjar & vinir tveir
vagninn þá upp herðir.
Indælt yrði ef báðir þeir
upplifðu lestarferðir.

Hinn ungæðislegi en þó indæli dr. Gylforce einhenti sér með ungviðið í vagnana síðdegis, hvar hann kynnti fyrir þeim leiðir 4 & 35. Maður lifandi.

Vonandi upplifa þessir tveir - sem & þeirra kynslóð - öflugar almenningssamgöngur hér á landi á með léttlestarkerfi, hraðvögnum & hefðbundnum strætisvögnum.

Dr.-inn ber aukinheldur þá von í brjósti að hann sjálfur komi til með að sjá slíkan unað en stundum finnst honum eins & hlutirnir gerist einum of hægt hér.

Til að mynda, hvar eru fleiri forgangsreinar fyrir vagnana? Upplýsingatöflur í strætóskýlum, hve langt er í næsta vagn? Leiðamerkingar inn í vögnunum? Rafrænt greiðslukerfi? Betri merkingar þegar breytingar verða? Samgöngumiðstöð í miðbænum, betri aðkoma vagna & vagnverja í Ártúni, Hamraborg & víðar o.s.frv.???




Neðri mynd: mbl.is

Rasandi með rasista ...

Gylforce við að gæla
þá gulu æ & sí.
Sífelld vagna sæla
sem ég lifi í.

Hinn glaðlyndi & gerski dr. Gylforce gekk glaður til vagna sinna í dag, hvar hann hitti fyrir átta unaðsleiðir & vagna, mínir hávelbornu vagnverjar. Maður lifandi!

Dr. Gylforce hefir úr tveimur leiðum að moða í námunda við híbýlin nýju sem er tvöföldun miðað við það sem áður var. Góðu heilli. Dr.-inn einhenti sér inn í leið 4 rétt eptir hádegið & fékk 136 Irisbus vagninn. 

Í Mjódd okkar Breiðhyltinga víxlaði hinn aldni vagnverji um vagn & vafraði inn í leið 21. Doksa kallinn fýsti í að komast í hverfaleið í Firðinum enda mjög langt um liðið síðan hann tók hús á systurleiðunum 43 & 44 - en ekki hvað???

Gylforceinn varð hálfgáttaður í leið 21, hvar hann tók allt í einu eptir konu einni sem sífellt var að skipta um sæti í vagninum, þ.e. annaðhvort sat hún við ganginn eða gluggann. Nema hvað.

Skyndilega uppgötvaði dr.-inn ástæðuna. Konan settist alltaf í sætið við ganginn þegar útlendingur sté inn í vagninn til þess að koma í veg fyrir að hann settist hjá henni! Vagninn var nokkuð þétt setinn & því allt eins mögulegt að ókunnugur vagnverji væri við hliðina á manni. Hún gerði þetta ekki þegar Íslendingur kom inn í vagninn. Rasistavagnverja - ja, hérna hér. Dr.-inn var of seinn til að taka mynd af þessu en náði þó mynd af konueplinu.

Dr.-inn settist inn í leið 44 eptir langa fjarveru. Vagninn sá brunaði um lendur þeirra Gaflara & er pínu skrýtinn að mati doksa. Of opt ekur hann inn í hverfi, snýr við & heldur svo áfram. Kannski eru þau bara svona furðulega skipulögð hjá Göflurunum. Hvað um það.

Dr.-inn hoppaði út við Haukahúsið & hélt inn í 3ja hásinga sænska dýrð á leið leiðanna, leið 1.
Með þessum unaðslega 199 Volvovagni hélt dr.-inn að endastöð við Hlemmtorgið. Nema hvað.

Fjórir vagnir, fjórir eptir. Meir um það síðar. Maður lifandi.

Sel, Fell & Hólar...

Opt hann Gylforce gólar:
Gaman er á leið.
Um snotur Sel & Hóla
sem & Fellin greið.

Hinn Breiðhylti & breiðleiti dr. Gylforce brokkaði í leiðir þrjár sem aka um Selin, hvar hann gleymdi víst að minnast á leið 12 hér á dögunum. 

Hin tólfta leið rennir sér aðeins inn í Seljahverfið þótt hún sé nú nokkuð fjarlæg híbýlum doksa karlsins. Hvað um það.

Dr. Gylforce hóf leik með leið 3 um kl. 16:25 við Skógarselið. Hinn glæsti Iveco vagn númer 175 kom 7 mínútum of seint en tókst að vinna það upp & áði við Mjódd okkar Breiðhyltinga kl. 16:51.

Dr.-inn hélt með vagni þessum alla leið að Lærða skólanum hvar hann sá leið 12 í humátt á eptir hinni þriðju. Málið dautt.

Dr.-inn valhoppaði inn í VDL-vagninn á leið 12 & sat sem fastast með honum alla leið að Fellaskóla. 



Bæði leið 3 & 12 sitja fastar í umferðarteppu síðdegisins hvar doksi kallinn vildi nú að skurkur yrði gerður í forgangsreinum vagnanna. Nema hvað.

Leið 12 & 4 hittast í hverfi Fellanna & gekk dr. Gylforce að lúkningu hnarreistur inn í hina fjórðu leið & hélt í hina nýju Stútulaut sína við Stúfselið. Maður lifandi.

Slembidemba í sólarhring ...

Hinn vel tilgreindi & téði dr. Gylforce var trauðla mikið meðal vinanna, vagnanna, í vatnselgi gærdagsins. Maður lifandi.

Hinn væni verktaki, Kynnisferðir, hefir þann háttinn á hér í Voginum að skipta út vagninum á leið 35, þ.e. Iveco-num númer 340, & skella inn á vígvelli veganna hinum hollenska 301 VDL-vagni, sem öllu jafna er á leið 28. 

Dr.-inn þekkir ekki ástæður þess en hefir tekið eptir því að kl. 9:37 er 340 vagninn á vaktinni & svo aptur kl. 12:37. Einhvers staðar í millitíðinni er 301 vagninum skellt á leið 35. Hvað um það.

Dr.-inn var óheppinn í morgun hvar hann svaf yfir sig & missti af aukavagninum á leið 3 upp í Selum. Illu heilli. Vonandi nær doksi kallinn þessum eðal 3ja hásinga Volvo vagni á morgun. Nema hvað.

Mikið var hér vatnsveður
í vagna jókst nýtingin.
Gylforceinn ávallt gleður
grenjandi rigningin.



Neðri mynd: mbl.is

Síkátur í Selunum ...

Ferðirnar hjá feðgunum
fita tetrið sálar.
Si & æ úr Selunum
senn þær verða hálar.

Hinn stanzlausi & stöðugi dr. Gylforce hefir staðið í ströngu upp í Selum, hvar hann hefir jú fylgst grannt með leiðum 3 & 4. Maður lifandi.

Dr.-inn hefir séð að 2 3ja hásinga Volvo vagnar er rennt út á vígvelli veganna sem aukavagnar á leið 3. Reyndar aka þeir hringinn sem leið 4 á að gera en hvað um það. 

Hinir aukalegu birtast dr.-num um kl. 7:25 & kl. 7:40 & arka rakleitt að Mjódd okkar Breiðhyltinga, hvar þeir breytast svo í hina réttu leið 3 & bruna niður í bæ. Nema hvað.

Í fyrramálið hyggja vagnverjarnir tveir á ferðir - & hvur veit nema að aukavagninn verði fyrir valinu.

Sel-búinn síkáti ...

Hinn mikli Sela-kóngur dr. Gylforce hefir tekið sig til & fært fegurstu laut jarðarkringlunnar, Stútulautina, upp í Sel. & verður sumum þá vart um sel við þessar frjettir - maður lifandi.

Dr. Gylforce beið öngvra boða eptir flutninginn um helgina, hvar hann hugði á vagnaferðir meðal Breiðhyltinga. En ekki hvað???

Tvær leiðir halda upp í Sel, leiðir 3 & 4, hvar önnur ekur réttsælishring um Berg/Fell/Sel meðan hin tekur hringinn rangsælis. Nema hvað.

Í blæðandi morgunsárinu hugðu vagnverjarnir, hinn aldni & ungi, taka leið 4 kl. 7:27 við Stúfsel & halda með honum í Mjódd & þaðan rakleitt í Hamraborg okkar Kópvæginga. Samkvæmt leiðalýsingu Strætó bs. stoppar bara leið 4 í þessu skýli en gegnt því stöðvar leið 3 á leið upp í hverfi. Hvað um það.

Um kl. 7:25 kemur aðvífandi 3ja hásinga 195 Volvo vagn sem á stendur leið 3 - aukavagn. Frábært & héldu vagnverjarnir með honum í Mjóddina. En hvers vegna er aukavagn á leið 3 látinn keyra leið 4?!?!

Við stýrið á aukavagninum var vitaskuld konungur kokteiltónlistarinnar, sjálfur André Bachmann, & spurði dr.-inn hann hví þessi vagn væri að koma þarna. Hann svaraði því til að þetta væri aukavagn á leið 3. Furðulegt svar!


Dr.-inn hefir sumsé lært það að aukavagninn á leið 3 ekur eins & leið 4 um hverfi Breiðholtsins & að Mjódd. Þaðan ekur hans eins & um leið 3 væri að ræða. 

Ja, hérna hér - maður lifandi.

Í ljúfri laut ég núna dvel
sem liggur Vogi hjá.
Telst það vera Teigasel
tvær leiðir býður uppá.