Borgarferð með bestu leiðinni ...

Borgarferð, betra verð

boðsferð sem rokkar!

Annálsverð, unaðsferð

eykur velferð okkar.

Byggðasamlagið Strætó er heldur betur í stuði á 20 ára afmæli sínu hvar þeir bjóða nú aftur í júlímánuði upp á spennandi tilboð fyrir fjölskylduna. Maður lifandi!

Börn, sem eru 17 ára og yngri & í fylgd með forsjáraðila, fá frítt í strætó á höfuðborgarsvæðinu í júlí. Takk fyrir túkall!

Hinn fullorðni skal framvísa gildu fargjaldi, eins & strætókorti, appi, farmiðum eða pening og börnin sem eru í fylgd þeirra fá að ferðast frítt með.

Strætó - besta leiðin fyrir borgarferð!

 

 

Byggðasamlag í tugi tvo ...

Verið með oss í tugi tvo
til að bæta ferðir.
Unaðurinn hann altsvo
endalaust mig serðir. 

Í tilefni af tuttugu ára afmæli byggðasamlagins Strætós bs. hefir dr. Gylforce tekið vagnana - vini vora - grimmt dag þennan til að minnast þessara merku tímamóta. En ekki hvað???

Vitaskuld lá straumurinn í rafvagna byggðasamlagsins kvöld þetta & var ekkert lát á unaðinum í þeim efnum. 

Næstu dagar munu fara í hátíðarhöld af tilefni þessu & því gott fyrir vagnverja - nær & fjær - að fylgjast með vefi þessum.

Amen.

Góðan daginn allan daginn ...

Hinn prúðbúni & fráleitt mikli predikari dr. Gylforce hefir verið sem eilífur augnakarl í leiðum sínum til & frá Stútulautarselinu sem eru jú leiðir 3 & 4.

Að minnsta kosti tvennt hefir vakið gjörhygli Gylforce-ins. Nema hvað.

Í fyrsta lagi eru komin í nokkra vagna skemmtileg handföng sem eru með auglýsingu. Það er nýbreytni.  Þetta hefir doksi kallinn ekki áður séð & verður gaman að sjá hvort þetta verði sett upp í alla vagna. En ekki hvað???

Annað sem er allra athyglivert eru auðvitað vagnstjórar & -stýrur. Langflest eru þau til fyrirmyndar en þó er grautfúlt að mati dr. Gylforce að hitta á einn slíkan sem ekki býður góðan dag, horfir ekki til manns & lætur eins & vér vagnverjar séum ekki um borð. 

Dr. Gylforce mætti því miður einum slíkum í dag á leið 4. Vonandi hittir hann öngva slíka á morgun hvar fögnuður verður enda nákvæmlega 20 ár liðin frá stofnun Strætós bs. Það er eitthvað!

Af hverju vagnstjóri ertu?
Við aksturinn mjög laginn?
Á skemmtilegheitum skerptu
skjóttu á oss: Góðan daginn!

Straumurinn liggur í vagninn ...

Bylting hófst fyrir hundrað árum
hvarf þá myrkrið svart.
Lýsislampana út bárum
& leiddum strauminn skarpt.

Á hvíldardegi þessum eru nákvæmlega 100 ár frá því að Rafstöðin í Elliðaárdalnum hóf starfsemi og Reykjavík reið inn í nútímann. Maður lifandi!

Af þessu tilefni hefir Strætó bs., í samstarfi við Orkuveitu Reykjavíkur & Elliðaárstöð, látið útbúa þennan forláta & flotta rafvagn. 

Rafvagn þessi verður væntanlega á leiðum 2, 3, 4, 6 & 18 næstu vikurnar & er dr. Gylforce afar spenntur að sjá hann á vígvöllum veganna. 

Grímulaust í gulum ...

Nú grímulaus göngum til
gulra stórra vagna.
Varlega ég fara vil
víst er of snemmt að fagna.

Grímulaus gleði

Frá og með morgundeginum verður grímuskylda í vinum vorum - vögnunum - afnumin & allt verður eins & það var áður. Þessu ber að fagna!

Kæru vagnverjar, njótið laugardagsáætlunarinnar án grímunnar en munum samt eptir persónulegum sóttvörnum & tillitssemi um borð í vögnunum.

Amen.

Vagnstjórar horfi fram á veginn ...

Loksins geta þeir kátir keyrt
kúnnana látið í friði.
Röfl í þeim er reyndar fáheyrt
rennur sitt skeið; farmiði.

Farmiðar fara í frí

Stoppin mín ...

Stokk´- & Stíflusel
stoppin eru mín.
Ég þar daga dvel
fæ dásemdarsýn.

Dr. Gylforce valhoppaði vitaskuld í vagnana þennan heldur kalda en þó fagra hvíldardag.

Eins & vera ber voru rafvagnarnir í aðalhlutverkinu á leiðum doktors, leiðir 3 & 4 - & jafnvel metanið líka. Maður lifandi!

Eitt var þó hvimleitt. Í sumum rafvögnunum er slökkt á upplýsingatöflunni. Doksi kallinn hefir minnst á þetta áður en fátt virðist gerast í þeim efnum. 

Að mati dr.´s verður byggðasamlagið að kippa þessu í liðinn því þónokkrir vagnverjar stóla á þær til að vita hvunær eigi að fara út úr vagninum.

Yfir&út!

Góðir vagnar & glaumstund ...

Skrapp nú Gylforce á glaumstund
fyrst góða vagna fann.
Brósi einatt blíður í lund
& bjórinn niður rann.

Hinn gleðisami & glysgjarni dr. Gylforce var í gærkvöldi á galeiðunni, hvar hann girnist mjög að gæla við þann görótta. Auðvitað!

Eptir afar vel valdar vagnaleiðir með leiðum 4 & 12, var dr.-inn óðara kominn i sollinn í miðbænum. En ekki hvað???

Gylforce-inn bauð öngvra boða við að kneyfa ölið & hapði brósa sér til fulltingis. Nema hvað.

Það vakti gjörhygli Gylforce-ins að sjá leið 3 aka upp Hverfisgötuna á leið á Hlemmtorg í stað Sæbrautar. Dr.-inn hefir hvergi séð að slíkt eigi að gera aukinheldur sem þristurinn skeiðaði svá með dr.-inn um títtnefnda Sæbraut áleiðis í Mjódd. Unaðsrúntur það - maður lifandi!

Þjóðhátíðarrúnturinn ...

Á þjóðhátíð af stað ég þaut
í þægilegan gulan.
Stjálkaðist úr Stútulaut
í stóra heiminn hverfulan.

Hinn reikuli & ráfandi dr. Gylforce rauk vitaskuld til vina sinna - vagnanna - til að halda þjóðhátíðardaginn hátíðlegan. En ekki hvað???

Unaðurinn náði hámarki á Hlemmtorgi hvar dr.-inn barði alla rafvagnana augum. Leiðir 2, 3, 4, & 18 stútfullar af umhverfisvænum vögnum meðan eymings verktakar á vegum Strætós spúuðu mengun út í andrúmsloftið. Hvað um það.

Í dag heldur dr. Gylforce á vagnavit von bráðar & gott ef ekki mun þá kasta tólfunum. Maður lifandi!

17. júní ...

Hæ-hó & jibbí jei!
Jón Sig & smá lögg.
Hátíð í bæ - ókey
eitt sinn vagn með flögg.

Í dag er fögnuður mikill hvar þjóðhátíðardagur vorrar þjóðar er upprunninn. Maður lifandi!

Illu heilli eru vinir vorir - vagnarnir - með sunnudagsáætlun en látum það eigi spilla gleði oss.



Til hamingju með daginn!






Myndir: Strætó bs. og halli.is