Frá Háholti á hálftíma ...

Öngvin þarf að hok´& híma
er heimsækir Mosfellsbæ.
Frá Háholti á hálftíma
í Hamraborg ég næ.

Dr. Gylforce var á dögunum á vappi meðal mosfellskra vagnverja. Doksi kallinn fór á fjörurnar við leið 15 þeirra Kynnisferða sem var þéttsetinn enda á annatíma. 

Þegar að dr.-inn hugði að heimferð, eða öllu heldur í Voginn fagra, kom það honum þægilega á óvart hve fljót & fín ferðin sú var.

Dr.-inn tók sér stöðu um kl. 03 yfir heila tímann í Háholti þeirra Mosfellinga. Það tók hann liðlega 32 mínútum hvar hann var kominn alsæll & unaðslegur í Hamraborg þeirra Kópvæginga!

Dr. Gylforce tyllti sér í leið 15 frá holtinu háa. Leiðin sú brunaði á korteri í Ártúnið hvar doksi kallinn hoppaði yfir í sænskættaðan metanvagn á leið 18. 

Sá sænski skilaði dr.-num á Grensásveginn hvar leið 2 kom í humátt á eptir leið 18.

Ferðalagið gekk allt hið besta & eins & áður segir er að mati doksa viðunandi að komast frá Háholti að Hamraborg á rúmum hálftíma.

Yfir&út!

Á milli selja & sala ...

Úr holtinu breiða yfir í bæ
byggðan hjá vogum tveimur.
Heldur doktorinn í húllumhæ
hollenskur er hans keimur.

Dr. Gylforce hefir fært sig enn frekar upp á skaftið hvar hann hefir nú tekið grimmt leið 28 við Hvammsveg í salahverfi þeirra Kópvæginga.

Það er einungis um 5 mínútna gangur úr selum yfir í sali. Er hér því um fínan rúnt að ræða & buðu Kynnisferðir, sem annast akstur í leið 28, upp á hina hollensku VDL-vagna í gær á hvíldardegi okkar kristinna manna. Nema hvað.

Með leið 28 á dr. Gylforce ákaflega hægt um vik með að komast í húllumhæið við Smáralind & -torg.

Vitaskuld er hægt að fara með leið 4 niður í Mjódd okkar Breiðhyltinga & gera sér far með leið 21 að þessum vinsæla verslunarkjarna. Aukinheldur nemur leið 24 staðar líka í Voginum fagra en hún gengur nú ekki á sama tíma & leið 4 við Mjóddina. Hvað um það.

Fimm vagna fönn ...

Fimm vagna fönn
flottum hjá.
Rosalegt rönn
reinunum á.

Hinn vel nefndi & nefstutti dr. Gylforce náði aðeins að sjá einn rafvagn á vígvöllum veganna í gær. Á leið 4 bauð byggðasamlagið upp á 194 dásemdina en að öðru leyti varð doksi kallinn að drattast í dísilvagnana. Nema hvað.

Dr. Gylforce ákvað hinsvegar að taka hús á vagnverjum í hinum reykvíska vesturbæ. Doksi kallinn gerði sér því far með leiðum 11 & 15 & sá aukinheldur leið 13 á vappi.

Verjar í vesturbænum
virðulegir nokk.
Blómlegir í blænum
blása eptir skokk.

Á horni Kaplaskjólsvegar & Ægisíðu koma nefninlega leiðirnar þrjá um svipað leyti. Dr.-inn hóaði í leið 15 frá Hlemmi & hélt með honum að Kaplaskjóli.

Þar þurfti dr.-inn að bíða aðeins stutta stund hvar leið 11 kom aðvífandi. Í millitíðinni sást aukinheldur til leiðar 13 á leið út á Eiðistorg.

Dr. Gylforce einhenti sér í ellefuna á þessu yndislega götuhorni þeirra vesturbæinga & fékk sér unaðslegan 30 mínútna rúnt upp í Mjódd okkar Breiðhyltinga.

Takk fyrir mig! 

Á vit rafvagna ...???

Held nú senn á vagnavit
vafra um mín stræti.
Með verjunum sæll ég sit
& sýni af mér kæti.

Dr. Gylforce er farinn á vit vagna. Vonandi eru rafvagnar á vígvöllum veganna þennan ágæta laugardag.

Vagnverjar - sjáumst!

Vogar fossa & kópa ...

Tengingar nýjar & tillögur
tekst doksa vel að fanga.
Um Fossvog virkar hljómfögur
fram nær vart að ganga.

Verum á vagna vegum ...

Morgunblaðið hefir fjallað um hugmyndir um nýja strætóvegi sem viðraðar eru í nýrri & góðri skýrslu sem fjallað var um í borgarráði í vikunni.

Ein framsæknasta tillagan er efalítið hugmyndin um að gera 270 metra strætóveg milli Fossvogshverfis & hverfi Snælendinga í Voginum fagra.

Fossvogurinn er ein helsta útivistarparadís höfuðborgarsvæðisins & ljóst að vanda yrði ákaflega vel til verka til þess að spilla ekki þeirri gersemi.

En spennandi er hugmyndin - haf skýrsluhöfundar þökk fyrir það. Maður lifandi! 

Ráðleysi rauðgulra ...

Á rauðgulum er bölvað bras 
bagl á degi hverjum.
Gjaldþrot gróft & argaþras
& gleyma sínum verjum.

Ruglsemi rauðgulra

Það virðist ekki vera hátt risið á rauðgulu vögnunum um þessar mundir en þeir sjá um að ferja fatlaða vagnverja. Óhætt er að segja að gengið hafi á ýmsu í starfsemi þessari frá því að hún færðist yfir til Strætó bs. & í nýjustu fréttum leggur kennitöluflakksfnyk um allan bæ. 

Vonandi er þetta síðasta dapra fréttin af akstri þeirra rauðgulu & að starfsemin komist í gott horf því mikilvæg er hún.

Maður lifandi!

Vel mætt um miðdegi ...

Þristur þéttsetinn
það segist hérmeð!
Vagninn velmetinn
það vingar mitt geð.

Hinn gjörhygli dr. Gylforce tók eptir því á dögunum hvar vel setið var í vagni hans rétt fyrir um hádegisbil. Doksi kallinn var í þristi sínum eigi svá alls fyrir löngu & var á vappi utan hins vel skilgreinda annatíma, kl. 7-9 & kl. 14-18 virka daga.

Nær öll sæti í hinum þokkalega Irisbus Crossway vagni voru upptekin & virðist það vera hending ein ef dr. Gylforce situr í tómlegum þristi þessi misserin.

Aukinheldur getur doksi kallinn vart beðið & hamið sig hvar leiðin sú mun ná 7,5 mínútna tíðni eptir rúmt ár ef allt gengur að óskum. Maður lifandi!

Yfir&út!

Þungamiðja í þéttbýli ...

Um Ártúnshöfða & holt
hugguleg línustöð.
Vagnar með raf & volt
úr vegi ryðja örtröð.

Þungamiðja

Í undirbúningi hjá arkitektarstofum, sem báru sigur úr býtum í samkeppni, er gert ráð fyrir nýju torgi upp í Ártúnsholti sem fengið hefir nafnið Krossmýrartorg. Lykilatriði í því verður fyrirhuguð Borgarlína sem koma mun þar i gegn.


Þungamiðja þjónustu 
þetta verður stuð.
Líða um þeir liprustu
ef lofar minn góði Guð.

Borgarlínan verður hraðvagnakerfi með sérstaklega löngum & liprum rafvögnum & þéttri tíðni. Hún mun skiptast í 4 meginlínur; A, B, C & D. Gert er ráð fyrir að B-línan komi til með eiga tengistöð við fyrirhugað Krossmýrartorg & má eiga von á líflegu verslunar- & þjónustusvæði þarna í kring, líkt & víða er erlendis.

Spennandi - maður lifandi!


Efsta mynd: Teikning/ARKÍS

Vagnstjórar á villigötum ...

Netflix, sukk & syfja
sækir stjóra á.
Á leiðunum án lyfja
er líklega goðgá.

Starað við stýrið

Víndrukkinn ávagni

Lúrt á ljósum

Gáleysi & glannaskapur

Ef litið er til ofangreinda frétta um vagnstjóra á villigötum, er morgunljóst að mikil vinna bíður þeirra er sjá um starfsmannamál hjá Strætó bs, hvort heldur um er að ræða verktaka á vegum þess eða akstursdeildina sjálfa.

Vissulega eru fjögur tilvik með fjórum einstaklingum ekki há prósenta af allri stéttinni en öngvu að síður er hér um alvarleg atvik að ræða.

Vagnstjórar; upp með fagmennskuna - niður með fokkið!

Rafvagna á fulla ferð ...

Fljótlega í notkun fulla
finnst kominn tími til.
Láta þá hætta að lulla
& líða um torg & gil.

Fullt páer

Hinn brjóstgóði & fráleitt brokkgengi dr. Gylforce brosti í kampinn, hvar hann las í miðlum dagsins að fljótlega fara rafvagnarnir á fulla ferð. Mikið var!

Rafvagnarnir eru nú níu talsins en verða í ársbyrjun 2019 orðnir 14 á vígvöllum veganna. Á sama tíma er stefnt að þvi að hver rafvagn komi til með að keyra tæplega 100.000 km. árlega með tilheyrandi dísilsparnaði fyrir Strætó bs.

Þetta eru gleðileg tíðindi & í vændum er að sjá rafvagna líða um frá morgni til miðnættis. Unaður.




Miðmynd: visir.is