Ölinu úthýst ..

Hinn dagfarsprúði & drýgindalegi dr. Gylforce dreif sig á dögunum á vit vagna eptir mikilfenglegar mínútur í mennta- & menningarsetrinu við Fannborg, hvar hann dvaldi aðallega í leiðum 2 & 3. Nema hvað.

Dr.-inn var heppinn & fékk hinn 16 ára gamla sænskættaða Scania Omnilink á leið 2 frá Hamraborginni. Doksa kallinum telst svo til að vagn þessi sé einn sá elsti í flotanum, ef ekki sá elsti. Hvað um það.

Þegar skyggja tók var röðin aptur komin að hinni annarri leið. Leiðin sú er heldur í styttri kantinum; fer frá Hlemmi eystur um Suðurlandsbraut, um Grensás, Borgarspítala & Kringlu, Hamraborg, Smáralind & tímajafnar sig svo við Versali.

Við hina sílöngu Suðurlandsbraut gengu góðglaðir vagnverjar um borð í tvistinn. Hér voru efalítið ferðamenn á ferð en nokkur hótel & gistiheimili er að finna í kringum Laugardalinn. Höfðu þeir ölföng meðferðis en voru vitaskuld stoppaðir af með það áður en þeir komu inn í vagninn. 

Þeir fengu að svolgra miðinum niður í snarhasti & hoppa svo um borð. Vel gert vagnstjóri!

Dr.-inn kvaddi tvist við Grensás & gekk í hægðum sínum að Skeifunni, hvar hann henti sér inn í leið 3 áleiðis upp í Breiðholtið.

"Blessaðir" sagði bílstjórinn
& bauð þeim sæti.
Ekki fara inn með bjórinn
annars verða læti.

Ásgarður & auka ...

Í baki mínu er ávallt beinn
bísperrtur að híma.
Í Ásgarði var alltof seinn
á annatíma.

Hinn hnarreisti & hnakkakerti dr. Gylforce hefir óvænt hangið í vögnunum undanfarna daga, hvar hann hefir hitt fyrir urmul vagna & viðfellda vagnverja. Nema hvað.

Einhverju sinni háttaði svo til að hið gamla hró doktors var á flakki & flækingi við Ásgarð þeirra Garðbæinga. Doksi kallinn ákvað að hóa í leið 24 & huga að hvurnig vagninum reiðir af að komast upp í Mjódd á réttum tíma.
Í stuttu máli kom vagninn 5 mínútum of seint í Ásgarð & fannst dr.-num vagnstjórinn gera lítið til þess að hraða för vagnsins. Leið 24 kom síðan 7 mínútum á eftir áætlun í Mjóddina. Þar hinkraði vagninn um stund sem var enn skrýtnara því allar aðrar leiðir voru löngu farnar! Hvað um það.

Í blæðandi morgunsárinu hoppaði dr. Gylforce í 3ja hásinga Volvovagn, sem er aukavagn á leið 3, við Stútulautarselið sitt. 

Eins & dr.-inn hefir greint hér frá er alltaf jafn ankannarlegt að láta aukvagn á leið 3 aka eins & leið 4 um Breiðholtið. Frá Mjódd "breytist" hann í leið 3 & brunar í bæinn.

Öngvu að síður var unaðslegt að komast í einn sænskættaðan í morgun. Maður lifandi! 

Í nýja vagna komast vil ...

Hinn kjörgengi & kumpánlegi dr. Gylforce var í þungum þönkum í gær & aldrei þess vant eigi á leið í vagna.

Doksi kallinn var nokk hugsi yfir nýja stjórnmálaflokknum, Miðflokknum. Nafnið er heldur sérstakt en er þá ekki málið fyrir annan flokk - sem gjarnan kallar sig kjölfestu í íslenskum stjórnmálum - að kalla sig Miðfótinn???

Þeir virðast allavega hafa mikinn áhuga á honum & eiga í erfiðleikum með að halda honum innanklæða. Hvað um það.

Dr. Gylforce var einsamall kúreki á heimleið í gærkvöldi, hvar hann sá glænýjan & glæstan Iveco Crossway vagn á leið 4!!! 

Loksins, loksins, nýir vagnar hjá byggðasamlaginu :)

Dr.-inn tók sér þrásetu og langdvöl í þessum nýja vagni sem hefir fengið númerið 125. Forveri hans brann nú við Grensás - ósælla minninga - & vonandi verða örlög þessa yndisvagns betri.

Í nýja vagna komast vil
& vera með þeim memm.
Í ferðum þeirra allt ég skil
þó ekki flokkinn M.

Vagninn á völlinn ...

Vonandi fara sem flestir með vagninum í Laugardalinn í kvöld. 

Margar leiðir eru í boði til þess að nálgast dalinn fagra; t.d. númer 2, 5, 14, 15, 17.

Áfram Ísland!




Með vagninum á völlinn
vil ég fá að sjá.
svo örkum við öll inn
í landið Rússíá.







Mynd: FB-síða Strætó

Hollendingurinn floppandi ...

Hinn pólitíski & pungsveitti dr. Gylforce paufaði sér á vit vagna frjádaginn góða, hvar hann hitti einvörðungu fyrir Hollendinginn að þessu sinni. & ekki voru þeir allir fljúgandi - maður lifandi!

Dr. Gylforce stakk sér inn í hinn hollenska VDL-vagn á leið 17 frá Mjódd okkar Breiðhyltinga þegar færi gafst til. Doksa kallinn langaði að kanna hring hans um Breiðholtið, hvar hann reynist opt knappur timinn til þess að aka um Vestur- & Austurberg & koma svá aptur í Mjóddina. Nema hvað.

Hin seytjánda leið er á ábyrgð Kynnisferða & yfirleitt ekin af tveimur hollenskum VDL-vögnum. Að þessu sinni hjó gjörhygli Gylforce-ins eptir því að upplýsingataflan í vagninum virkaði ekki.

Hin íðilfagrarödd Herdísar grýlu heyrðist ekki nema endrum & sinnum & sagði bara eitt: Mjódd - tenging við aðrar leiðir. Skipti þá öngvu að vagninn var lengst upp í efra-Breiðholti aukinheldur sem á skiltinu stóð ævinlega bara "Mjódd"!!!

Þetta var döpur lífsreynsla en öngvu að síður hélt dr.-inn með vagni þessum alla leið að Hlemmtorgi okkar Reykvíkinga. Þar tók við annar Hollendingur, að þessu sinni á leið 12 sem var öllu betri. Góðu heilli.

Úr þrasi mínu & þrugli
þaut ég í Hollending,
sem var með rödd í rugli
& raunalegan hring.

Lokað við lækinn ...

Það var aukinheldur ánægjulegt þegar dr. Gylforce arkaði um Fjörðinn fagra, fyrr í vikunni, að upplifa aðra leið með hinni 21. leið. Nema hvað.

Venjulega ekur leið 21 niður Lækjargötu áleiðis að Firði, hvar hún hefir sína tímajöfnun. Vegna framkvæmda & endurnýjunar á Lækjargötunni beygir vagninn hinsvegar upp Hringbraut & keyrir um Grænukinn, Flensborgarskóla & Suðurbæjarlaug. Þetta er jú sami rúntur & leið leiðanna, leið 1, tekur i Firðinum.

Það var aðeins eitt sem truflaði gjörhygli Gylforce-ins í ferð þessari. Leið 21 var heldur sein að koma að Firði því nýi rúnturinn lengir leiðina. 

Dr.-inn átti erfitt með að hóa í næstu leið því þær fóru nánast á sama tímapunkti & doksi kallinn sté úr vagninum. Þarna verða vagnstjórar að vera á tánum & bíða eptir öllum leiðunum. Maður lifandi!



Leiðirnar við lækinn
á leið nýrri nú.
Ferðin varð framsækin
ég fór hana edrú.

Gaflari gengur af göflunum ...

Hinn margrómaði & margsaga dr. Gylforce mjakaði sér í loksins í vini vora, vagnana, í gærkvöldi.

Dr.-inn hapði & hug á því að heilsa upp á Hafnfirðinga, hvar hann hóaði því í hinn huggulega Iveco Crossway vagn frá Kynnisferðum á leið 21 við Mjóddina. Nema hvað.

Ferðin með leið 21 var hin yndislegasta unz hún kom að Kauptúninu. Þá hjó doksi kallinn eptir því að vagninn stanzaði við hverja stoppistöð sem er ekki óeðlilegt því einhver vagnverji hapði jú þrýst þéttingsfast - en þó fimlega - á stanzrofann.

Hinsvegar fór aldrei neinn út. Gerðist þetta trekk í trekk. Aukinheldur vorum vér vagnverjarnir bara þrír í vagninum.

Eptir nokkur stopp var greinilega farið að fjúka í vagnstjórann. Hann stöðvaði vagninn, vatt sér að ungmenni með stóran klút & las yfir hausamótunum á honum.

Eptir það rann leið 21 þýðlega um þjóðlendur Gaflara & áði við Fjörðinn fagra.

Vel gert vagnstjóri!

Á stanzrofann stöðugt þrýsti
með stóran ljótan klút.
Vagnstjóranum fljótt fýsti
að fleygja honum út.

Kyrrt um hríð ...

Öngvar ferðir, ömurð ein
endalaust ég ragna. 
Sitjandi með kvart & kvein
kem mér ei til vagna.

Enda þótt dr. Gylforce sé lendur maður, vellauðugur af vagnverja að vera; hálfbergrisi að afli, vexti og kynferði; forkunnarfagur, fríður sýnum & hinn mesti atgervismaður, hefir hann ekki haldið á vit vagna undanfarið. 

Verður þá kyrrt um hríð.

Gylforce út á galeiðuna ...

Hinn sukksami & svallaði dr. Gylforce hélt út á galeiðuna í gærkvöldi, hvar hann vitaskuld ferðaðist einvörðungu með vinum vorum, vögnunum.

Dr.-inn mælir eindregið með því að fólk noti vagnana þegar það hyggur á glasalyptingar í borg óttans. Það sparar aurinn fyrir utan nautnina að sitja meðal vagnverjanna. Maður lifandi.

Dr.-inn tyllti sér tignarlega í leiðir 3, 4 & 11. Tilbaka settist doksi kallinn svo í leið leiðanna, leið 1 & fékk fyrirmyndar 3ja hásinga sænsktættaðan vagn. Mammamía!

Vonandi verða næturvagnarnir að veruleika á næsta ári fyrir þá sem vilja leika lengur.

Hristi af mér hrollinn
& hélt niður í bæ,
í svinaríssollinn
& sukkaði sí & æ.

Riff elt á röndum ...

Hið bráðsnjalla byggðasamlag, Strætó bs., gaf það út í gær á Vinatorginu (Facebook) að einn vagn á leið 15 væri í tengslum við RIFF kvikmyndahátíðina & sýndi stuttmyndir á leið sinni milli Mosó & Meistaravalla. Snilld!

Dr. Gylforce var ekki lengi að losa sig við ungviðið í mennta- & menningarsetrinu, sem nú er við Fannborg, & halda á vit vagna. Maður lifandi!

Áskorunin var góð, hvar átta vagnar aka leið 15 á annatíma & doksi kallinn hapði öngva hugmynd um í hvaða vagni myndirnar væru. Hann taldi þó ólíklegt að þær væru sýndar í aukavögnunum fjórum sem koma inn á háannatíma. Nema hvað.

Dr.-inn endasentist milli Mosó & Meistaravalla, með viðkomu á Hlemmi, Grensás & Ártúni, í leit að vagni þessum en tókst því miður ekki. 

Öngvu að síður átti doksi þrásetur & langdvalir í hinum sænskættuðu 107, 114, 115, 116 & 117 Scania Omnilinkvögnum ásamt Irisbusi 141 & 142, að ógleymdum femininstavagninum, KÞBAVD vagni númer 180.

Öngvin þessara vagna var með skjáinn góða svo nú verður dr.-inn bara að sverma fyrir honum um helgina.

Gengur bara betur næst!



Doksi natinn & næmur
netta vagna sá.
Stuttar Riffsins ræmur
reyndi þar að sjá.



Myndir: Strætó bs.