Nú kastar tólfunum ...

Að tólfunni ég tölti nú
tek mér væna ferð.
Hef á Hollendingnum trú
- hönnunin lofsverð.

Hinn blíðki & blíðláti dr. Gylforce brunaði beint í bössana í bliðunni í gær, hvar hann hapði lokið dagsverki sínu við mennta- & menningarsetrið hér við Kársnes & Kastala. Nema hvað.

Dr. Gylforce sté inn í tólfuna bæði við Mjódd okkar Breiðhyltinga & Hlemmtorg þeirra Reykvíkinga. 

Verktakinn Kynnisferðir sér um akstur leiðar 12 & hefur sér til fulltingis 8 hollenska VDL-vagna til þess arna á annatíma.

Að mati dr.´s líta hinir niðurlensku vagnar vel út að utan en eru aðeins síðri að innanverðu. Áður en verktakinn fékk til sín þessa vagna áttu þeir einn VDL-vagn sem nú ekur ei meir. Hann hlýtur að hafa verið annarrar gerðar hvar hann var vandaðri að innan & betra að sitja í honum. 

Dr.-inn skipti nokkuð ört á milli 319, 320 & 321 vagna Kynnisferða á leið 12 í gær. Samkvæmt talningu í vagnana er þessi leið einna helst í sókn & voru t.a.m. öll sæti skipuð í leið 12 kl. 18:21 frá Mjódd í gær áleiðis í miðbæinn. Það er dágott.

Aukinheldur tók dr. Gylforce sér far með leið leiðanna, leið 1. Doksi kallinn sat í sneisafullum vagni frá Hlemmtorgi að Firði. Ferðin tók að þessu sinni rúmlega 40 mínútur enda á háannatíma & færðin ekki upp á marga fiska. Hvað um það.

Frónverzkir vagnar ...

Frá Hlemmi að Firði
fór doksi án trega.
Verjans mikils virði
að vera tímanlega.

Hinn ærukæri & áreiðanlegi dr. Gylforce átti litla stund aflögu í gær, hvar hann var fljótur að nýta hana & hélt á vit vagna. Nema hvað.

Dr. Gylforce hélt með þýðum Iveco Crossway vagni að Hlemmi okkar Reykvíkinga. Þar sá Gylforce-inn hinn glæsta & glæsilega 3ja hásinga sænskættaða Volvo 199 vagn á leið leiðanna, leið 1. 

Dr.-inn settist inn & þaut sænska stálið á rúmum 30 mínútum suður að Firði. Enn & aptur verður að segjast að slíkur ferðatími er ásættanlegur. Vagninn var vel setinn & leið hálftíminn eins & 5 mínútur á leið, leið leiðanna, leið 1.

En ekki hvað???

Ferð til Mekka - alhajja Makkat ...

Hinn ljúfi & fráleitt lundýgi dr. Gylforce hefir lokið pílsgrímsför sinni til Lundúna, hvar hann komst enn & aptur í hinar sjúklegu álnir & algjöra alsælu. Enn & aptur; já, enn & aptur - maður lifandi!

Nú sem endranær var urmul vagna & vagnverja að finna í þessari makalausu & mergjuðu miðstöð samgangna og viðskipta; fjármála & þjónustu. En ekki hvað???

Ungi & aldni vagnverjinn ólu manninn einkum í leiðum 9, 10, 27 & 49 enda bjuggu þeir í Kensington hverfi í Vestur-Lundúnum.

Aukinheldur fóru þeir feðgar á fjörurnar við hverfaleiðina 70, sem fer um Suður-Kensington á um 9-11 mínútna fresti virka daga sem & leið 274 þegar þeir tóku hús á dýragarðinum, London Zoo.

Leiðir 9 & 10 aka á um 6-10 mínútna fresti frá morgni til miðnættis & er afar þægilegt að hoppa inn & út úr þeim.

Fyrsta verk vagnverjanna var vitaskuld að fylla á Oyster-strætókortið til þess að geta komist út um hvipp & hvapp í höfuðstað Bretaveldis.

Þessi ferð var unaður í alla staði & getur doksi kallinn vart beðið eptir að komast aptur til hinna bresku vina sina, vagnanna. 

Nema hvað.

Huggulegt ég mjög það hapði
hjá henni Betu beib.
Í Lundúnum með sir & lafði
látlaust í vagna greip.

Laukferskur á leið til Lundúna ...

Alls ekki farinn að fúna
laukferskur hugurinn.
Á leið senn til Lundúna
með litla verjann minn.


Kórrétt, hárrétt, laukrétt. Dr. Gylforce er á leið á leið með litla vagnverjann til Mekka. 

Nú skal sá stutti kynnast dýrðinni - maður lifandi.

Hór við Hlemm ...

Hinn trúi & tryggi dr. Gylforce tróð sér meðal vina vorra - vagnanna - á dögunum, hvar hann áði við hið áður vinalega & viðmótsþýða Hlemmtorg.

Nú er sem öld sé önnur - en ekki hvað???

Við Hlemminn er orðið alltof þröngt um vini vora aukinheldur sem urmull af rútuskröttum eiga þarna leið hjá sem bætir ekki ástandið nema síður sé.

Mýmörg hótel hafa á reit þessum risið og verður að segjast að hátt er ekki risið á sumum þeirra; nema þá kannski holdris á einstaka karleplum á herbergjunum - maður lifandi.

Brátt breytist byggingin - Hlemmurinn - í Mathöll & ljóst á öllu að vagnarnir eru á útleið frá þessu annars ágæta & þekkta kennileiti borgarinnar. Hvað um það.

Í millitíðinni verður doksi kallinn eilífur augnakarl við Hlemminn, arkandi á leið. Nema hvað.




Villuráfandi í vagninn fór
vafraði hann að Hlemmi.
Alls konar fólk að drýgja hór
að mér sótti tremmi.


Myndir: visir.is o.fl.

Öngvin vegalengd í Voginn ...

Hinn órafjarlægi ólátabelgur dr. Gylforce óar óhugsandi við því hve stutt er yfir í Voginn fagra frá seli hans & laut; Stútulaut. Maður lifandi!

Dr.-inn valhoppaði um vinalega göngustíga við Selhrygginn & eptir aðeins fimm mínútur var doksi kallinn kominn að stoppistöð leiðar 28 við hinn kópvægska Hvammsveg. Þvílík nautn að vita af henni svo nærri. Þvílík gleði!

Á annatíma iða um Lindir, Kóra & Smára sex Hollendingar af splunkunýrri VDL-gerð á leið 28 sem bætast nú við leiðir 3 & 4 hér við Stútulautarselið.

Magnað - nema hvað!

Yfir í Voginn fagra fór
fimm mínútna spölur.
Vagninn kom úr Mjódd & kór
keyrði mig á útsölur.

Feiknar dýrkun fortíðar ...

Hinn fíkni & fýsilegi dr. Gylforce fór heldur betur á fjörurnar við fortíðina á fimmtudaginn (í gær), hvar hann hitti fyrir hina sterku & sænskættuðu Scania Omnilink vagna. Maður lifandi.

Hinn ruglkenndi doksi reikaði & rölti um Mjódd sína síðdegis í gær, hvar hann sá hinn sænskættaða 102 Omnilink á leið 4 - & var sá á leið með dekk sín & drif niður í bæ. Málið dautt; inn vildi dr.-inn!

Omninlink II (102 vagninn) leið þýðlega um vígvelli veganna með urmul vagnverja um borð uns hann kom að Háaleitisbraut. Brautin sú er ansi hlykkjótt & átti Svíinn í mesta basli við að halda dekkjum sínum á réttum stað. Hvað um það.

Við Hlemmtorgið var 101 Omnilinkinn að búa sig til ferðar á leið leiðanna, leið 1. Þessi eðal dreki var keyptur árið 2001 & vappaði inn á vígvellina í janúarmánuði 2002, sumsé 15 ára þjarkur - & á nóg eptir!

Vagnstýran gómaði vagnverja tvo af erlendi berginu, hvar kort þeirra eiga að renna út 29. febrúar en sá dagur er víst ekki á dagatalinu á þessu ári! Spurning hvar þessir öndvegis piltar hafa fengið kort þessi?!?! Hvað um það.

Dr.-inn fékk tæplega 40 mínútna unaðsrúnt frá Hlemmi að Firði & hóaði þar í spánnýjan Iveco Crossway á leið 21 til þess að komast aptur áleiðis að laut sinni.

Yfir&út!

Í vagna spái spánnýja
spennandi & hlýja.
Í nepjunni nostalgía
í notalegum Svía.



Myndir: citybus.piwigo.com
 

Vagnarnir komnir vel á leið ...

Kúldrast eins & karlepli
kúri í fjarka & þrist.
Bus-arnir í brennidepli
að bruna með þeim er list.

Hinn snarpi & snöggi dr. Gylforce hefir snarlega tekið eptir því að málefni strætó eru svo sannarlega komin á dagskrá. Það er fagnaðarefni & gleður hið gamla hró dr.´s. 

Í því sambandi nægir að nefna næturvagna, gæludýr í vagnana að ógleymdu hinu gleymda leyndarmáli í samgöngumálum okkar vagnverjanna; samgöngukortið.

Samgöngukort of dýrt
Gæludýr í vagnana

Það er einlæg ósk dr.´s að vinnu við að koma upp næturvagna verði hraðað eins & kostur er & þeir settir inn í leiðakerfið í ágúst. Strætó bs. breytir kerfinu bara tvisvar á ári; janúar & ágúst. Hvað um það. Meir um það síðar - þó ekki nærbuxur.

Dr.-inn skáskaut sér í leið 4 seint í gærkvöldi hvar hann fýsti í fjögurra vagna ferð. Maður lifandi.

Dr.-inn var með í unaðsferðum frá Stútulautarselinu sæla með leið 4 að Mjóddinni & síðan leið 12 að Hlemmtorgi okkar Reykvíkinga. Nema hvað.

Við Hlemmtorgið rak dr. Gylforce glyrnur sínar í hinn kynngimagnaða 3ja hásinga 199 Volvo-vagninn á leið leiðanna, leið 1, & þurft þá ekki að spyrja að leikslokum; dr.-inn skellti sér suðureptir!

Dr. Gylforce lék að lúkningu svá kunnugleg stef til þess að komast í Stútulautina fögru við Selin; fór í fjarkann & þaut í þristinn.

Amen.

Nætur(sjón)auka ...

Hinn vel strengdi & strangheiðarlegi dr. Gylforce hefir fagnað umræðunni undanfarna daga, hvar borgin fagra hefir loksins opnað á þá hugmynd að fá næturvagna á nýjan leik. Dr.-inn man nú vel eptir vögnunum sem Almenningsvagnar, AV (Hagvagnar), óku um nætur um helgar í Voginn fagra & suður í Fjörðinn. Maður lifandi.

Tvær ferðir voru í boði frá kl. 01:20 & svá aptur kl. 03:20. Doksi tók nú bara seinni vagninn! Hann var nær alltaf troðfullur & var það saga segin að yfireitt var einn að míga inn í vagninum, annar að æla & einn til tveir strompreyktu meðan á för stóð. Góðu heilli var að þetta voru Renault PR-100 vagnarnir en dr.-num þótti nú ekki mikið til þeirra koma. Hvað um það.

Strætó bs. var líka með næturferðir fyrir nokkrum árum en dr.-inn rekur ekki minni til að hafa brúkað þær, því miður.

Það er allavega fagnaðarefni ef vagnarnir fara að ganga lengur á kvöldin & á næturnar um helgar. Heyr heyr!

Næturvagnar á nýjan leik
notalegir & huggó.
Djammarar í djúpum sleik
& doktorinn abbó!

Aukinheldur hefir dr. Gylforce nýtt sér aukavagnana á leið 3 hér upp við Stútulautarselið. Nema hvað. Þeir koma askvaðandi um kl. 7:26 & 7:41 - yfirleitt eðal 3ja hásinga sænskættaður - & færa doksa kallinn fljótt & örugglega að Mjódd okkar Breiðhyltinga. 

Dr.num finnst það samt furðulegt að hvergi á síðu Strætó er hægt að fá upplýsingar um þessa aukavagna. Hvað um það.

Úr Mjódd er það svá alltaf saman sagan; leið 4 & svá leið 35 í mennta- & menningarsetrið. Maður lifandi.

Aukavagnar á vegunum
verjar fjölmennir.
Þýtur doksi með þristinum
þeir eru hér tvennir.

Strætó bs. gefur í ...

Hinn ögrandi & örvandi dr. Gylforce er afar ánægður með byggðasamlagið þessa dagana, hvar það hefir augljóslega hafið ímyndar- & markaðssókn. Góðu heilli.

Á samskiptamiðlum hefir Strætó bs. greinilega gefið í & segir oss nú sögur af vagnverjum, starfsmönnum & fleira skemmtilegt. Meira svona! 

Það er mat dr.´s að alltof fáir þekkji til samgöngukortsins svokallaða. Það er árskort í vagnana á aðeins ríflega um 5000 kr. á mánuði. Fyrirtæki verða reyndar að sækja um hjá byggðasamlaginu en það ætti nú að vera auðsótt mál.

Strætó bs. er loksins komið á fleygiferð, reyndar beint í fimmta gír en er þó ekki enn farið að leyfa gæludýr. Það kemur vonandi innan tíðar.

Maður lifandi!

Samgöngukortið

Byggðasamlagið brýnir loks
að bæta við fleiri verjum.
Að ígrunda út fyrir box - 
undir komið einum og hverjum!