Hinn vitiborni vagnverji ...

Hinn greinótti & glöggi dr. Gylforce gekk glámskyggn til vagna sinna um helgina hvar hann hefir ekki enn fengið bót meina sinna. Hvað um það.

Dr.-inn hefir tekið þá ófáa hringina með leið 35 um helgina & einatt fengið hina sænskættuðu jálka frá verktakanum vestur á Kársnesi. Nú má ljóst vera að hinn engilsaxneski 304 MAN vagn sé kominn upp á lyftu & orðinn bilaður enn & aptur. Nema hvað.

Hinn aldni vagnverji hefir aukinheldur haldið á vit vagna með hinn unga & óreynda verja. Feðgarnir hafa & komist í kynni við hina glænýju & glæstu Crossway vagna á leið leiðanna, leið 1. 

Varðandi leið 1 er það allra athyglivert að eitt sinn var hún ekin með lengri vögnum vegna þess hve margir vagnverjar tóku vagninn. Gott mál & gleðilegt. En nú virðist það hending ein ef 13,7 metra vagnarnir - 3ja hásinga - aki leið 1. Nema þá kannski sem aukavagnar. Samt er ekki að sjá að fækkun hafi orðið meðal vagnverja. Leið 1 er t.a.m. þéttsetin um helgar á ákveðnum tímum & færi betur á því að hafa lengri vagna til taks á vígvöllum veganna. Humm, humm??? 

Feðgarnir áttu góðar stundir í 148 & 149 vögnunum á leið leiðanna & enduðu vitaskuld för með einum sænskættuðum á leið 35 í Stútulautina.

Í blæðandi morgunsárinu einhenti svá doksi kallinn sér á aukavaktina á leið 35. Þar lullaði hinn stutti Heuliez 156 vagn & var öngvu líkara en vagninn sá væri að gefa upp öndina. Doksi veit að systurvagn hans, 157, er ekki á leið & á leið til feðra sinna & spurning hvort slíkt hið sama gerist senn með þennan???

Í vögnum ég friðinn finn
frelsi & gott næði.
Situr þar vagnverjinn
vill yrkja sín kvæði.



Neðri mynd: citybus.piwigo.com

Sífellt sýktur ...

Hinn kotungs- & kyrpingslegi dr. Gylforce er kátur eigi þessa dagana & er með böggum hildar. Doksi kallinn hefir nefninlega nælt sér í slæma sýkingu í annað augað & á því erfitt um vik að halda á vit vagna. 

Dr.-inn lét þó hvorki hugarvíl né harmkvæli stöðva sig á hvíldardaginn síðasta hvar hann tók hús á nokkrum vina sinna, vagnanna.

Til að auka unaðinn hapði hinn aldni vagnverji hinn unga sér til fulltingis sem var vitaskuld fullur af fjöri & feginleik yfir því að komast í vagnana. En ekki hvað???

Hinn ungi & aldni hófu leik venju samkvæmt með því að stíga í vænginn við hinn engilsaxneska MAN 304 vagn á leið 35. Eftir unaðshring um Voginn - er vaggaði börnum & blómum - fóru þeir á fjörurnar við hinn glænýja & glæsta Crossway vagn á leið leiðanna, leið 1. Nú skyldi í höfuðstaðinn haldið!

Feðgarnir áðu við Hörpu hvar þeir hittu vagnverja af erlenda berginu & áttu gott spjall við þá. Eptir gott innlit & andvara við sjávarsíðuna vildu þeir feðgar komast upp á Hlemm. Þeir hóuðu í leið 3 & fengu annan glæsnýjan & glæstan vagn.

Það hinsvegar vachti gjörhygli Gylforce-ins hvar leið 3 breyttist ekki í leið 4 við Hlemminn líkt & opt áður. Vera kann að Strætó bs. sé að draga út róteringu á vögnunum? Það væru góðar fréttir því þá væri betra að merkja vagnana að innan & líkurnar á rangri leiðamerkingu að utan yrðu minni. Hvað um það.

Hinn ungi & aldni tóku ansi þéttan tvist til að komast í heimkynni sín. Þeir einhentu sér inn í leið 12 & fengu að þessu sinni Karosa 264 vagninn & héldu í Mjódd þeirra Breiðhyltinga. Langt var í leiðir 1,2, & 4 frá Hlemmi & því allt eins gott að tylla sér inn í hina 12. leið. 

Frá Mjódd þeirra Breiðhyltinga voru leikin kunnugleg stef í fegurst laut jarðarinnar. 

Amen!

Á Gylforce er að grassera
glámskyggni ei ágætis.
Er í rénun að rótera
raunum vagna strætis?

 

 

Augnamynd: ersdesigns.co

Merk merking ...

Hinn lágstemmdi & ljúflegi dr. Gylforce hefir opt leitt hugann að því hve vinir vorir - vagnarnir - eru illa merktir að innanverðu. Í öllum löndum sem doksi hefir komið til er reynt að hafa upplýsingaflæðið til vagnverja eins & best er á kosið. Hér er því vart til að dreifa. Nema hvað.

Hvar sem maður kemur er t.a.m. stórt & skýrt skilti í vagninum sem sýnir hvaða leið vagninn er að fara. Allar stoppustöðvar eru inn á kortinu og jafnvel tengimöguleikar við aðrar leiðir. Hér sést ekkert slíkt heldur bara eitt skilti á stangli um að setja nú ekki fæturnar í sætin, óþarfa spjall við vagnstjóra ekki heimilt o.s.frv.

Hjá Strætó bs. hafa vagnamálin þróast á þann veg að mikil rótering er á vögnum byggðasamlasgins. Í kvöld- & helgaráætluninni keyrir einn vagn t.d. þrjár leiðir, þ.e. leiðir 2,3 & 4. Slík ráðstöfun flækir mjög allar merkingar á vögnum hvað einstaka leið varðar.

Dr.-inn hepði haldið að nær væri að hverfa aftur til þess þegar einn vagn ók eina leið & hefjast handa við að merkja vagnana vel.

Það verk skal vanda, oss vagnverjum til handa!



Merkja skal nú vagna vel
svo verjar munu fagna.
Ég þann draum í brjósti el
að fá í alla vagna.

Þriggja vachta ...

Hinn funheiti & engilsaxneski MAN 304 vagn er aptur kominn á leið 35 hvar það rauk nú hressilega úr honum fyrir nokkru dögum síðan. Nema hvað.

Verktakinn vestur á Kársnesi hefir náð að klambra honum saman & er hann sumsé kominn aptur á allar vachtirnar þrjár; morgun-, dag- & kvöldvacht. En ekki hvað???

Þriggja vakta vagn
um Voginn fer.
Gott & mikið gagn
gerir oss hér.

Dr. Gylforce hefir verið aufúsugestur í hinum engilsaxneska vagni undanfarið. Hinsvegar virðist ástandið á honum blessuðum á þann veg að betur færi ef verktakinn ætti nýrri vagn á leið 35 & hepði 304 vagninn til vara. En að öðru.

Það hefir & vakið gjörhygli Gylforceins að á heimasíðu Vogarins, kopavogur.is, er tilgreint að fimm strætisvagnaleiðir aki um Kópavog. Það er nefninlega það. 

Dr.-inn hefir talið & talið & alltaf telur hann að vagnaleiðirnar séu sex; leiðir 1, 2, 4, 24, 28 & 35. Opinber síða sveitarfélagsins telur ekki með leið 24, sem ekur Smárahvammsveg, hjá Smáralind & um Dalveg.

Leið 24 er ekki áberandi í hinu kópvægska leiðakerfi en það ætti nú öngvu að síður að telja hana með.


Neðsta mynd: citybus.piwigo.com

Friðarvika frelsarans ...

Hinn glettni & gemsaði dr. Gylforce hefir gengið afar greitt til vagna sinna í kyrravikunni sem opt & einatt er þekkt undir nafninu dymbilvika. Nema hvað.

Dr. Gylforce fór þekktar leiðir að Hlemmtorgi þeirra Reykvíkinga, þ.e. tók einn sænskættaðan á leið 35 & svá einn glæstan & glænýjan Crossway á leið 4. En ekki hvað???

Doksi kallinn lagði við hlustir á torginu góða & heyrði einn vagnstjóra lýsa því hve skrýtin vacht hans væri. Hann taldi svo til að hann æki um 10 strætisvögnum á nokkrum leiðum á einni vacht! Hann þarf sumsé að hlaupa á milli vagna til þess að dæmið gangi upp. Þarna þarf byggðasamlagið að gera bragarbót á & bæta vachtkerfi vagnstjóranna. Hvað um það.

Dr. Gylforce gaumgæfði að þessu sinni leið 14. Langt er síðan hann tók sér far með henni & því tilvalið að kynna sér laugdælska vagnverja & íbúa í Vogunum. Dr.-inn fékk meginlandsvagn númer 211 frá verktakanum suður í Firði. Þetta er hinn ágætasti Irisbus Crossway vagn, líklega um 4-5 ára gamall. Hann varð fljótt sneisafullur af áðurnefndum vagnverjum & sat doksi kallinn sem fastast með hinni fjórtándu leið að Verzlunarskólanum.

Það er aukinheldur allra athyglivert að við Borgarspítalann koma leiðir 2, 11, 14 & 18 nánast á sömu mínútunni á annatíma. Dr.-inn settist líka í 208 Crossway vagninn á leið 14 & fór með honum til baka, þ.e. frá Verzló, um Voga, um hinn ljúfa Laugardal & Langholtsveg unz hann staðnæmdist svo við Hlemminn.

Dr. Gylforce dreymdi um að komast í hinn glæsta & glænýja 150 Crossway vagn á leið leiðanna, leið 1. Vagninn sá hefir ekki mikið verið á vígvöllum veganna en er nú kominn á fulla ferð. Því miður atvikuðust hlutir á þann veg að dr.-inn hitti ekki á vagninn en fékk í stað hans hinn sænskættaða 114 Omnilink & 147 Crossway á hinn fyrstu leið.

Dr.-inn hafði ennfremur hug á að hoppa inn í aukavagna er aka á leiðum 1 & 6. Hann sá hinsvegar öngva slíka & spurning hvort þeir fái frí í dymbilvikunni hvar langflestir skólar eru komnir í páskafrí???


Dymbilvika er dásamleg
dýrleg & án háska.
Með gleð´& gáska segi ég:
Gleðilega páska!


Efri myndir 2: citybus.piwigo.com
Neðsta mynd: mbl.is

Armæða Englendings ...

 

 

Hinn óttagjarni & uggandi dr. Gylforce fylgdist áhyggjufullur með afdrifi hins engilsaxneska & funheita 304 MAN vagns í Hamraborginni á þriðjudaginn. Doksi kallinn var í hægðum sínum á bóksafninu hvar hann horfði reglulega út um gluggann á dýrð vagnanna. En ekki hvað?

Dr.-inn sá hvar hvítur reykur steig upp úr vélarrúmi MAN vagnsins. Dr.-inn rauk vitaskuld út & tók nokkra vagnverja tali. Þeir sögðu að töluverð reykjarlykt hepði verið inn í vagninum. Þeim engilsaxneska var því snarlega kippt af leið & einn sænskættaður kom í hans stað.

Í sömu andrá bilaði einn sænskættaður Omnilink vagn á leið leiðanna, leið 1, í Hamraborginni svo segja má að viðgerðarmenn vagnanna hafi haft í nógu að snúast þennan annars ágæta Týsdag.

Armæða Englendings
alhvítur reykur.
Vagn þessi vesalings
virkilega smeykur!


Mynd: citybus.piwigo.com

Fiðringur frjádagsins ...

Hinn vel fæddi & frjálsi dr. Gylforce fagnaði frjádeginum með fiðringi & flaug nánast út í skýli sitt hér við Kársnes & Kastala hvar hann varð hreinlega að komast á vit vagna. Nema hvað. 

Aldrei þess vant var veður dágott & gráupplagt fyrir hinn dísæta Gylforce að fara á fjörurnar við vini vora, vagnana. 

Dr.-inn tók hring hlutvandan með leið leiðanna, leið 1 & fékk sér til fulltingis hinn sænska 106 Omnilink. Það er einmitt sami vagn & sjónvarpsmaðurinn geðþekki & síglottandi Gísli Marteinn notaði í nýja sjónvarpsþætti sínum sem hóf göngu sína í gær, Þú ert hér. Gaman af því. Þarna er gott innslag sem sýnir vel dásemd & dýrð sænska stálsins. Maður lifandi.

Dr. Gylforce fékk 169 Karosavagn til að flytja sig frá Engihjallanum að Mjódd þeirra Breiðhyltinga. Frá Mjóddinni sá dr. Gylforce 155 Karosa vagninn á leið 17. Langt er um liðið síðan doksi kallinn sté síðast í þennan 10 ára gamla meginlandsvagn. Það varð úr & fékk dr.-inn sannkallaða salibunuferð með vagninum. Vagnstjórinn brunaði eins & hann ætti líf sitt að leysa & hoppaði doksi & skoppaði í sæti sínu. Kannski var flýtirinn ekkert skrýtinn hvar doksi sá sama vagnstjóra vera kominn á leið 2 við Hamraborg skömmu síðar. Nóg að gera jafnt hjá vagnverjum sem & vagnstjórum að ná vögnum!

Heimferð dr. Gylforce var nokk þekkt. Hann einhenti sér inn í leið leiðanna & fékk hinn sænskættaða 110 Omnilink. Sá var mjög tímanlega kominn upp í Hamraborg okkar Kópvæginga hvar enn & aptur beið sænskt stál eptir doksa. Nú var það vitaskuld leið 35 sem færði Stútulautarhertogann í fegurstu laut jarðarkringlunnar.

Amen!

Í reiðileysi ráfaði
reynd´að finna vagn.
Með sænskum blíður brunaði
braust þá út gott fagn.

 

Glýjaður Gylforce ...

Hinn galgopaskapaði & gemsaði dr. Gylforce gat ekki setið á sér í gær hér við mennta- & menningarsetrið vestur við Kársnes & Kastala & varð hreinlega að komast á vit vagna. 

Það var aukinheldur ekkert vit í öðru hvar veðurguðirnar skörtuðu loksins sínu fegursta & því gráupplagt að hefja vagnarannsóknir. En ekki hvað???

Leiðangrar hins lipra doksa voru vel flestir í þekktari kantinum enda aðeins ein vagnaleið sem ekur um Kársnesið, leið 35. Byggðasamlagið bauð upp á traustan, stuttan 158 Heulizvagn með rauðu áklæði á sætunum. Spennandi.

Dr.-inn setti niður fótinn á leið 4 eystur við Engihjalla & skellti í eina "selfie" & hélt svo rakleitt með 167 Karosavagninum að Mjódd þeirra Breiðhyltinga. 

Í Mjóddinni var venju samkvæmt urmull vagnverja & fjöldinn allur af eðal vögnum sem gott væri að rannsaka. Doksi kallinn átti afar erfitt með að ákveða sig að þessu sinni & ráfaði um gólf þeirra Breiðhyltinga. Að lúkningu lagði hann leið sína í leið 12 & tyllti sér inn í 239 Crossway vagn þeirra Fjarðarmanna. 

Doktorinn um gólfin gekk
glens var verja á meðal.
Í mörg glitti gúmmídekk
á glæsivögnum eðal.

Dr. Gylforce var meðal um 25 vagnverja um borð í meginlandsvagninum á leið 12 sem sveif um sundin blá, inn Kirkjusandinn, framhjá Wall street okkar Mörlendinga hvar hann áði loks við Hlemmtorgið. Doksi kallinn hoppaði út en vagninn hélt áfram að Skeljanesi. Það var og.

Það er alltaf jafn unaðslegt að lóna aftur & fram við Hlemminn & sjá mannmergðina & marbreytileika vagna sem þó hefir farið minnkandi undanfarið. Hvað um það.

Dr. Gylforce sá glitta í hinnn glæsta & glænýja 177 Crossway á leið 4 & hlammaði sér niður í huggulegheitin, um Háaleitisbraut & alla leið í Hamraborg okkar Kópvæginga.

Neðri mynd: citybus.piwigo.com

Algjört nýnæmi ...

Hinn gassi & gomsari dr. Gylforce gekk hnarreistur til vagna sinna í gær hvar hann hitti fyrir hina glæstu & glænýju Crossway vagna. Eins & komið hefir hér fram hafa þeir nánast yfirtekið sviðið á vígvöllum veganna. 

Enda þótt dr.-inn sachni nú sænska stálsins, þ.e. Scania Omnicity & -link, má ekki líta framhjá þeirri staðreynd að milli kl. 9-14 virka daga, kvöld & helgar getur byggðsamlagið Strætó hæglega boðið okkur vagnverjum upp á nánast alla vagna sem eru innan við tveggja ára.

Verktakinn suður í Firði er aukinheldur yfirleitt líka með Crossway vagna á sama tíma sem ekki eru eldri en 4-5 ára. Þetta er mikil breyting frá því sem áður var þegar flestir vagnar voru allt að 15-20 ára gamlir. Maður lifandi.

Undantekningin er verktakinn vestur á Kársnesi. Hann leyfir oss vagnverjum reyndar að kynnast sænska Volvo-stálinu sem er yfirleitt um 12 ára gamalt. Bara eins & eðal viskí!

Hinir engilsaxnesku & funheitu MAN 304 & 305 eru 11 ára gamlir & ættu að eiga nóg eptir. Það verður fróðlegt fyrir oss Kópvæginga að sjá hvað gerist eptir næsta útboð Strætó á leiðum sínum.

Hver mun í Vogi aka haustið 2016???

Vinir eru vagnarnir
vinareitur okkar.
Akandi um auðfarnir
eins & herflokkar.

Mynd: mbl.is

Ofsaveður - öngvir vagnar ...

Hinn stórviðrasami & vitaskuld stórvitri dr. Gylforce stóð vart á sama í ofsaveðrinu síðastliðinn laugardag hvar hann ríghélt sig heima & hugði á öngvar vagnaferðir. Það var aukinheldur hyggilegt því upp úr dúrnum kom að vagnarnir - vinir vorir - hættu öllum akstri vegna ofsans & héldu sig í vari við endastöðvar sínar.

Griðlönd okkar vagnverjanna - biðskýlin - hentust á lopt í sterkviðrinu & þeyttust í allar áttir eins & sjá má í myndskeiðinu hér að neðan sem Egill nokkur Jóhannsson tók. Nema hvað.

Þegar veðrinu slotaði hélt dr. Gylforce vitaskuld á vit vagna. Við Hamraborg okkar Kópvæginga kom aðvífandi upp rampinn frá Garðbæingum hinn glænýi & glæsti 149 Crossway vagn á leið leiðanna, leið 1. 

Hinn aldni vagnverji hapði hinn unga með sér í för í leið 1 & hjó eptir því að vagninn var nánast fullur af vagnverjum sem voru af erlenda berginu. Merkilegt & mjög ánægjulegt en þorðu Íslendingarnir ekki út eptir veðurhvellinn???

Hinn ungi & aldni sáu í tvígang hinn sænskættaða Scania 105 Omnilink sem heldur betur varð fyrir barðinu á æðiveðrinu. Sennilega hefir framhlífin á vagninum fokið út í veður & vind & sagði hinn ungi vagnverji í sífellu: "Þessi strætó á ekki að keyra, hann er bilaður." Hvað um það.


Á hvíldardeginum hélt dr.-inn í hægviðrinu í leið 4. Þrátt fyrir að doksi kallinn sé þybbulegur & þrekinn tókst honum eigi að síður að fylgjast grannt með leiðum 1,2 & 4. Hann sá öngva sænskættaða á ferð enda er nú sú staða uppi að starfskrafta þeirra gerist ekki þörf á sunnudögum eptir að byggðasamlagið fékk 20 glænýja & glæsta Crossway vagna. 

Þá er bara að treysta á verktakann vestur á Kársnesi hvar hann hefir hina sænskættuðu Volvovagna ætíð í akstri á leiðum 28 & 35.

Það gjörði doksi & fékk ágætisrúnt með 303 Volvovagninum á leið 28.


Allir vita að skítur skeður,
skýlin hentust vel á flug.
Kom hér algjört ofsaveður
öngvir vagnar höfðu dug.