Á vit þess gyllta ...

Ef þú fyllist ferðaþrá
ferðastu með lagni.
Ferð þín byrjar ætíð á
eðal strætisvagni.

Spígsporaði við Spöngina
spenntur þar lengi beið.
Gylforce-inn varð glaðsinna
sá gyllti var á leið!


Hinn gróni & fráleitt gisni dr. Gylforce var gæfusamur & glaðsinna í kvöld, hvar hann komst í hinn geysi fallega gullvagn byggðasamlagsins, Strætó bs. Maður lifandi!


Það er greinilegt á öllu að með tilkomu nýrra markaðsmanna á skrifstofu Strætó bs. hefir starfsemi og ímynd vagna & vagnverja tekið stakkaskiptum. Samskiptamiðlar hafa verið virkjaðir - vagnverjum til handa - & nú bætir um betur með skemmtilegri skreytingu á einum af Iveco Crossway vögnunum - en ekki hvað???

Vagn númer 148, sem hefir einatt tekið slaginn á leið 2, var á leið 6 í kvöld þegar dr. Gylforce beið öngvra boða. Aldeilis ekki.

Dr.-inn einhenti sér í sexuna við Spöng & sat sem fastast í þeim gyllta alla leið að sjálfri endastöðinni, Hlemmi.

Á dögunum var 174 Crossway vagninn skrýddur í tengslum við Hönnunarmars & ekur nú fagurlega fjólublár um vígvelli veganna.

Þetta er skemmtilegt, mitt hávelborna byggðasamlag.

Meira svona!






Mynd 2: FB síða Strætó
Mynd 4: straeto.is

Leið leiðanna - ásinn ...

Vagnverjinn í skýli sat
vafrar senn um stræti.
Verður í vagni máske at
verð ég kyrr í sæti???

Hinn hægláti & huggulegi dr. Gylforce hugði á vagnaferð í blíðu gærdagsins, hvar hann gat vart annað en að heimsækja dekk & drif á leið leiðanna, leið 1.

Dr. Gylforce sté stoltur & státinn í leið leiðanna, leið 1, við Hamraborg þeirra Kópvæginga. Vitaskuld var 138 Irisbus vagninn sneisafullur & náði doksi kallinn í síðasta lausa sætið. Það var &. Nema hvað.

Dr. Gylforce hapði & hug á því að taka leið leiðanna á háannatíma frá Hlemmi & halda með honum að Firði. Það er um 35-40 mínútna eðalrúntur með urmul vagnverja & mikið havarí & gaman. Sem & raunin varð - en ekki hvað???

Dr.-inn fékk aptur 138 Irisbus vagninn sem varð stútfullur eptir stopp við Lækjartorg. Þannig hélt þessi mikilvæga leið upp í Hamraborg, að Ásgarði & áði svo farsællega í Firðinum. 

Amen.

Vagnheill á geði ...

Vappa mér í vagninn minn
vonandi finn gleði.
Virðulegur, vagnbúinn
& vagnheill á geði.

Hinn vagnmáttugi & vel metni dr. Gylforce hefir farið á fjörurnar sem & sopið hana meðal vina sinna - vagnanna - undanfarna daga. 

Dr.-inn tók sér far með leiðum 1 & 13 niður Hverfisgötuna, hvar vinir vorir aka nú aptur þá unaðsleið.

Það spillti ekki fyrir að Irisbus númer 134 var á leið leiðanna, leið 1, sem er afar sjaldgæft & gat doksi kallinn ekki annað en tekið með honum einn góðan rúnt í Fjörðinn. Nema hvað.

Leið leiðanna var vitaskuld sneisafull - enda doksi á vappi á háannatíma. Þótt leið 1 aki nú með tíu mínútna tíðni á annatíma er leiðin nánast sprungin; kalla þarf inn 2 aukavagna á morgnana & aka þá 14 vagnar þessari kynngimögnuðu leið. Hvað um það.

Dr. Gylforce hóaði að lúkningu í leið 3 hvar hann hélt afar kátur & keikur upp í Stútulautarselið sitt. 

En ekki hvað???

Hverfi skatan á ný ...

Vellur unaður æ & sí
ég leik senn sónötu
því eðalleiðir aka á ný 
um Hverfisgötu.

Hinn rauðbirkni & raufalegi dr. Gylforce réð sér vart kæti, hvar hann sá að vagnarnir - vinir vorir - ætla aptur að skella sér upp & niður Hverfisgötuna. Jí-ha!

Niður Hverfisgötu á ný

Dr.-inn getur vart beðið eptir að ná í langdvöl & þrásetu í vögnunum upp ellegar niður Hverfisgötuna & komast enn betur í snertingu við miðborgina.

Nema hvað - en ekki hvað???

Átján - fráleit áþján ...

Doksi hefir komið í kring
kynja ýmsum sögnum.
Hefir uppgötvað nýjan hring
með huggulegum vögnum.

Brunnar, Holt & Biskupsgata
Borgar líka spítalinn.
Hjá Reynisvatni mun hann rata
rennilegur vagninn minn.



Hinn reffilegi & raunagóði dr. Gylforce var fráleitt á refilstigu á dögunum, hvar hann tók hús & dekk & drif á leið 18. Maður lifandi.

Á annatíma eru átta vagnar til taks á þessari löngu leið sem leggur úr vör frá Hlemmi, heldur um Bústaðaveg & Grensásveg að Ártúni, ekur austur að Húsasmiðju við Þúsöld, tekur þar hverfin hjá Ingunnar- & Sæmundarskóla, ekur fram hjá Reynisvatni áleiðis í Úlfarársdal, þaðan er svo stefnan tekin á Grafarvog, alla leið að Spönginni. Takk fyrir túkall!

Dr. Gylforce kom sér vel fyrir í hinum frakkneska 134 Citelisvagni & sá á leiðinni Crossway vagnana, 156, 172, 189; Karosavagninn 161 & Citelis númer 120 & 131. 

Byggðasamlagið hefir róterað vögnum mikið á leiðum undanfarnar vikur sem eru vonbrigði því doksi kallinn var að vonast eptir því að leiðamerking yrði sett í vagnana. Þá þarf hver vagn að vera nokkur fastur á leið. Nema hvað.

Vonandi tekur Strætó bs. þetta föstum tökum og merkir vagnana að innan svo vér vagnverjar séum alveg klárir á því á hvaða leið vagninn er - en ekki hvað???

Nú kastar tólfunum ...

Að tólfunni ég tölti nú
tek mér væna ferð.
Hef á Hollendingnum trú
- hönnunin lofsverð.

Hinn blíðki & blíðláti dr. Gylforce brunaði beint í bössana í bliðunni í gær, hvar hann hapði lokið dagsverki sínu við mennta- & menningarsetrið hér við Kársnes & Kastala. Nema hvað.

Dr. Gylforce sté inn í tólfuna bæði við Mjódd okkar Breiðhyltinga & Hlemmtorg þeirra Reykvíkinga. 

Verktakinn Kynnisferðir sér um akstur leiðar 12 & hefur sér til fulltingis 8 hollenska VDL-vagna til þess arna á annatíma.

Að mati dr.´s líta hinir niðurlensku vagnar vel út að utan en eru aðeins síðri að innanverðu. Áður en verktakinn fékk til sín þessa vagna áttu þeir einn VDL-vagn sem nú ekur ei meir. Hann hlýtur að hafa verið annarrar gerðar hvar hann var vandaðri að innan & betra að sitja í honum. 

Dr.-inn skipti nokkuð ört á milli 319, 320 & 321 vagna Kynnisferða á leið 12 í gær. Samkvæmt talningu í vagnana er þessi leið einna helst í sókn & voru t.a.m. öll sæti skipuð í leið 12 kl. 18:21 frá Mjódd í gær áleiðis í miðbæinn. Það er dágott.

Aukinheldur tók dr. Gylforce sér far með leið leiðanna, leið 1. Doksi kallinn sat í sneisafullum vagni frá Hlemmtorgi að Firði. Ferðin tók að þessu sinni rúmlega 40 mínútur enda á háannatíma & færðin ekki upp á marga fiska. Hvað um það.

Laukferskur á leið til Lundúna ...

Alls ekki farinn að fúna
laukferskur hugurinn.
Á leið senn til Lundúna
með litla verjann minn.


Kórrétt, hárrétt, laukrétt. Dr. Gylforce er á leið á leið með litla vagnverjann til Mekka. 

Nú skal sá stutti kynnast dýrðinni - maður lifandi.

Öngvin vegalengd í Voginn ...

Hinn órafjarlægi ólátabelgur dr. Gylforce óar óhugsandi við því hve stutt er yfir í Voginn fagra frá seli hans & laut; Stútulaut. Maður lifandi!

Dr.-inn valhoppaði um vinalega göngustíga við Selhrygginn & eptir aðeins fimm mínútur var doksi kallinn kominn að stoppistöð leiðar 28 við hinn kópvægska Hvammsveg. Þvílík nautn að vita af henni svo nærri. Þvílík gleði!

Á annatíma iða um Lindir, Kóra & Smára sex Hollendingar af splunkunýrri VDL-gerð á leið 28 sem bætast nú við leiðir 3 & 4 hér við Stútulautarselið.

Magnað - nema hvað!

Yfir í Voginn fagra fór
fimm mínútna spölur.
Vagninn kom úr Mjódd & kór
keyrði mig á útsölur.

Feiknar dýrkun fortíðar ...

Hinn fíkni & fýsilegi dr. Gylforce fór heldur betur á fjörurnar við fortíðina á fimmtudaginn (í gær), hvar hann hitti fyrir hina sterku & sænskættuðu Scania Omnilink vagna. Maður lifandi.

Hinn ruglkenndi doksi reikaði & rölti um Mjódd sína síðdegis í gær, hvar hann sá hinn sænskættaða 102 Omnilink á leið 4 - & var sá á leið með dekk sín & drif niður í bæ. Málið dautt; inn vildi dr.-inn!

Omninlink II (102 vagninn) leið þýðlega um vígvelli veganna með urmul vagnverja um borð uns hann kom að Háaleitisbraut. Brautin sú er ansi hlykkjótt & átti Svíinn í mesta basli við að halda dekkjum sínum á réttum stað. Hvað um það.

Við Hlemmtorgið var 101 Omnilinkinn að búa sig til ferðar á leið leiðanna, leið 1. Þessi eðal dreki var keyptur árið 2001 & vappaði inn á vígvellina í janúarmánuði 2002, sumsé 15 ára þjarkur - & á nóg eptir!

Vagnstýran gómaði vagnverja tvo af erlendi berginu, hvar kort þeirra eiga að renna út 29. febrúar en sá dagur er víst ekki á dagatalinu á þessu ári! Spurning hvar þessir öndvegis piltar hafa fengið kort þessi?!?! Hvað um það.

Dr.-inn fékk tæplega 40 mínútna unaðsrúnt frá Hlemmi að Firði & hóaði þar í spánnýjan Iveco Crossway á leið 21 til þess að komast aptur áleiðis að laut sinni.

Yfir&út!

Í vagna spái spánnýja
spennandi & hlýja.
Í nepjunni nostalgía
í notalegum Svía.



Myndir: citybus.piwigo.com
 

Vagnarnir komnir vel á leið ...

Kúldrast eins & karlepli
kúri í fjarka & þrist.
Bus-arnir í brennidepli
að bruna með þeim er list.

Hinn snarpi & snöggi dr. Gylforce hefir snarlega tekið eptir því að málefni strætó eru svo sannarlega komin á dagskrá. Það er fagnaðarefni & gleður hið gamla hró dr.´s. 

Í því sambandi nægir að nefna næturvagna, gæludýr í vagnana að ógleymdu hinu gleymda leyndarmáli í samgöngumálum okkar vagnverjanna; samgöngukortið.

Samgöngukort of dýrt
Gæludýr í vagnana

Það er einlæg ósk dr.´s að vinnu við að koma upp næturvagna verði hraðað eins & kostur er & þeir settir inn í leiðakerfið í ágúst. Strætó bs. breytir kerfinu bara tvisvar á ári; janúar & ágúst. Hvað um það. Meir um það síðar - þó ekki nærbuxur.

Dr.-inn skáskaut sér í leið 4 seint í gærkvöldi hvar hann fýsti í fjögurra vagna ferð. Maður lifandi.

Dr.-inn var með í unaðsferðum frá Stútulautarselinu sæla með leið 4 að Mjóddinni & síðan leið 12 að Hlemmtorgi okkar Reykvíkinga. Nema hvað.

Við Hlemmtorgið rak dr. Gylforce glyrnur sínar í hinn kynngimagnaða 3ja hásinga 199 Volvo-vagninn á leið leiðanna, leið 1, & þurft þá ekki að spyrja að leikslokum; dr.-inn skellti sér suðureptir!

Dr. Gylforce lék að lúkningu svá kunnugleg stef til þess að komast í Stútulautina fögru við Selin; fór í fjarkann & þaut í þristinn.

Amen.