Við sænskættaða í slagtogi
í þrásetunni dvaldi
Gylforceinn í Grafarvogi
- glaður þar vagna taldi.
Hinn kratíski en þó fráleitt klunnalegi dr. Gylforce var alls ekki á kunnuglegum slóðum í gær hvar hann heimsótti grafvogska vagnverja. Að mati doksa eru þeir lukkunnar pamfílar hvar þeir fá einatt sænskættaða vagna á hinni sjöttu leið & voru þeir nú ekki af verri endanum í gær. Öðru nær.
Scania Omnilink réð ríkjum í gær & ók um gerskar grundir Grafarvogs. Á leið 6 voru eðalvagnarnir 101, 103, 107 & 110 Omnilink með allri sinni mýkt & þýðleika. Líklegt má þó telja að vagnar þessir kveðji vígvelli veganna þegar nýju Crossway vagnarnir koma öðru hvoru megin við áramótin.
Grafvogskir vagnverjar líta vart á sig sem Reykvíkinga & er óhætt að segja að hverfisvitund sé mjög rík í þessum bæjarhluta. Gjörhygli doksa greindi mikla nálægð Grafvoginga við náttúruna & vitaskuld margar forvitnilegar vagnaleiðir. Þarna aka t.d. leiðir 6, 18, 24, 26 & 31. Ekki aka þær þó allar um helgar.
Dr.-inn tók til kostanna leið 6 & átti unaðsstundir með þeim eins & myndbandið glögglega sýnir. Áður hapði doksi kallinn hóað í 215 Crossway á leið 24 & vitaskuld hinn sænskættaða 302 Volvovagn sem ók leið 35 að þessu sinni.
Mynd: citybus.piwigo.com
RSSFærsluflokkar
Bloggvinir
ragnagrondal
jonvalurjensson
loncexter
leifurl
| Sept. 2025 | ||||||
| S | M | Þ | M | F | F | L |
|---|---|---|---|---|---|---|
| 1 | 2 | 3 | 4 | 5 | 6 | |
| 7 | 8 | 9 | 10 | 11 | 12 | 13 |
| 14 | 15 | 16 | 17 | 18 | 19 | 20 |
| 21 | 22 | 23 | 24 | 25 | 26 | 27 |
| 28 | 29 | 30 | ||||
Nýjustu myndir
Heimsóknir
Flettingar
- Í dag (11.9.): 1
- Sl. sólarhring: 1
- Sl. viku: 27
- Frá upphafi: 124120
Annað
- Innlit í dag: 1
- Innlit sl. viku: 27
- Gestir í dag: 1
- IP-tölur í dag: 1
Uppfært á 3 mín. fresti.
Skýringar
Athugasemdir
Ég held að einu vagnarnir sem detti út verði fimm af Heuliez dvergvöxnu vögnunum og Scania liðvagninn.
K.v.
Jón Þ
Jón Þórarinsson (IP-tala skráð) 23.11.2014 kl. 21:19
Það er ánægjulegt að heyra. Mér fannst bara eins og Strætó bs. væri að nota Omnilink 101-110 meira en venjulega & því að reyna að keyra þá út. Ég er mjög ánægður með Omnilink vagnanna enda þótt þeir séu að verða 14 ára gamlir :)
Dr. Gylforce, 25.11.2014 kl. 12:15
Bæta við athugasemd [Innskráning]
Ekki er lengur hægt að skrifa athugasemdir við færsluna, þar sem tímamörk á athugasemdir eru liðin.