Allt klappað og klárt ...???

Klárt og klappað
komið af stað
allt afslappað
en ekki hvað???

Nýja greiðslukerfi hjá Strætó, sem hefir fengið nafnið Klapp, er nú komið í prófanir til þess að sníða síðustu agnúa af kerfinu, ef einhverjir eru.

Dr. Gylforce hefir fengið þann heiður að vera eitt af tilraunadýrunum. Vel hefir gengið að nota kortið & ekkert komið upp á ennþá hjá doksa kallinum en hafa skal í huga að ekki liggja margar ferðir að baki.

Það er norskt hugbúnaðarfyrirtæki sem annast uppsetningu Klappsins & svipar það mjög til Oyster kortsins svokallaða sem margir þekkja frá Lundúnum. 

Vonandi lítur Klappið svo dagsins ljós fyrir vagnverja á fyrstu mánuðum næsta árs.