Dr. Gylforce frá Stútulaut

Í febrúar er frumraun
í firði Hafnar.
Ekur nú um Hellnahraun
sem hratt vex & dafnar.

Byggðasamlagið Strætó kynnti til leiks nýja leið í hinu lostfagra leiðakerfi höfuðborgarsvæðisins. Um er að ræða svokallaða pöntunarþjónustu sem ætlað er að tengja Hellnahraun í Hafnarfirði við leiðakerfið í gegnum Vellina. Nema hvað.

Eins og hér að ofan segir verður leið þessi í pöntunarþjónustu sem þýðir að viðskiptavinir panta ferð með því hringja í Hreyfil í síma 5885522 minnsta kosti 30 mínútum fyrir áætlaða brottför skv. tímatöflu.

Eingöngu er hægt að greiða fyrir ferðina um borð leigubílnum með því að sýna Klapp kort, KLAPP tíu eða fargjald í Strætó appi eða Klapp appi.

Gleðilegt ár mínir virðulegu vagnverjar!

Megi árið 2022 færa oss gæfu & gleði í nýju metanvögnunum & vonandi spánnýjum spennandi rafvögnum þegar líða tekur á árið.

Amen.

Blaðamaður á flugið fer
með fullyrðingum ósönnum.
Í Spönginni endalaust er
unaðurinn í hrönnum.


Vagninn í vistþorpið

Loksins grillir í að vinir vorir - vagnarnir - aki um hið nýja vistþorp í Gufunesinu. Það er löngu tímabært þótt fyrst um sinn verði um svokallaða pöntunarþjónustu að ræða. Nema hvað.

Í fyrirsögn Rúv er látið í það skína að þetta fyrirkomulag sé einkar óþægilegt hvar vagnverjinn verði að panta fyrst leigubíl sem aki honum að næstu biðstöð eins og segir þar. Næsta stoppistöð er hinsvegar ekkert slor hvar hún er sjálf Spöng þeirra Grafvæginga með urmul vagna og góða tíðni, sérstaklega á annatímum virka daga.

Þá ekur leið 6 á 10 mínútna fresti. Það er eitthvað og mun betra en t.d. boðið er upp á í Stútulaut doktorsins. 

Þannig er nú það.





Epstu 2 myndir: ruv.is og mbl.is

Klárt og klappað
komið af stað
allt afslappað
en ekki hvað???

Nýja greiðslukerfi hjá Strætó, sem hefir fengið nafnið Klapp, er nú komið í prófanir til þess að sníða síðustu agnúa af kerfinu, ef einhverjir eru.

Dr. Gylforce hefir fengið þann heiður að vera eitt af tilraunadýrunum. Vel hefir gengið að nota kortið & ekkert komið upp á ennþá hjá doksa kallinum en hafa skal í huga að ekki liggja margar ferðir að baki.

Það er norskt hugbúnaðarfyrirtæki sem annast uppsetningu Klappsins & svipar það mjög til Oyster kortsins svokallaða sem margir þekkja frá Lundúnum. 

Vonandi lítur Klappið svo dagsins ljós fyrir vagnverja á fyrstu mánuðum næsta árs.