Lúði á leið ...

Í þristinum æstur er 
orðbragð viðhafði.
Þjösnaðist við þjónustuver
þrasaði & tafði.

Hún var heldur skrýtinn ferð dr. Gylforce með leið 3 á laugardaginn. Doksi kallinn settist inn í vagninn við Hlemminn um kl. 15:50 enda hapði hann hug á að endurnýja kynni sín Sæbrautina & Hörpu. Nema hvað.

Við Háskóla Íslands gerðist leiðinlegt atvik. Vagnverjar af erlendu bergi brotnir, líklega ferðamenn, ætluðu út en virðast hafa gleymt að ýta á stanz-rofann. Vagninn stoppaði þó því inn vildu nokkrir vagnverjar.

Þegar vagninn lagði af stað ýttu þau lox á bjölluna en það reyndist of seint. Brást þá íslenskur verji ókvæða við, rauk fram til vagnstjórans & las honum pistilinn. Illu heilli virðist sá er sat við stýrið hafa verið með heyrnartól og því ekki heyrt þegar kallað var á hann. Það var að mati dr.´s það eina sem hann hepði betur getað gert. 

Sá íslenski hapði ekki lokið máli sínu. Ó-nei. Hann settist aptur, tók upp tólið & hringdi látlaust í þjónustuver Strætós.

Þar virðist hann hafa verið settur á bið sem var vart að hans skapi. Hann settist við að skrifa í símann kvörtun líklega & tók myndir í vagninum í gríð & erg. Aukinheldur hapði verji þessi á orði við fólk í kringum sig að vagnstjórinn æki eins & óður maður en ekki tók dr.-inn nú eptir því. 

Þvert á móti var vel gert hjá vagnstjóranum að ná að koma tímanlega í Mjóddina en urmull vagnverja var um borð & ugglaust erfitt að halda áætlun á þessu laugardagssíðdegi. Hvað um það.

Vonandi er vagnverji þessi búinn að ná sér & heldur áfram að taka vini vora, vagnana.

Yfir&út!

Vagnafrítt á Vetrarhátíð ...

Safnanáttin um að ske
safna milli ekur.
Eðalleiðir A til D
unað minn upp vekur.

Um helgi þessa er hin sívinsæla Safnanátt sem ku vera hluti af Vetrarhátíðinni. Strætó bs. hleypir þá af stokkunum fjórum nýjum fríkeypis leiðum sem bera bókstafina A-D.

Leiðirnar munu aka milli safna á höfuðborgarsvæðinu & er gráupplagt fyrir vagnverja að nýta sér þá. Strætó kemur aukinheldur meira við sögu á safnanátt þessari & er hægt að lesa meira um það hérna.

 

Yfir&út!


Mynd: strætó.is

Verndarengill barna ...

Vagnstjórinn á vappi

Brunandi á brautinni
bílstjórinn atarna.
Vagnstjórinn á vaktinni
verndarengill barna.

Vagnstjóri á leið 4 í gærkvöldi sýndi snarræði & snilld sína hvar það blasti við honum ófögur sjón í Voginum fagra.

Börn biðu eptir vagninum við Engihjallann & kom þar einhver aðvífandi & réðst á blessuð börnin. Góðu heilli vippaði hann sér út úr vagninum & elti ódæðismanninn uppi. Skömmu síðar komu laganna verðir & tóku við.

Vel gert en hvað varð um vagn hans & vagnverja á meðan??? Bara chill & bið??? 

Metan við Mjódd ...

Ekki er kúl kyrrsetan
kvölin töluverð.
Gulgrænum mætti metan
á mikilli ferð.

Dr.-inn hrósaði happi hvar hann gat loxins stigið upp úr stól eptir uppfræðslu ungviðisins & haldið á vit vagna.

Illu heilli fór dr. Gylforce á mis við 118 metanvagninn í Mjóddinni sem var á leið 4. Það gladdi þó hið gamla hró doktors að sjá metanið á fjarkanum, ekki opt sem það gerist. Hvað um það.

Vonandi nær dr.-inn að njóta þjóns náttúrunnar sem allra fyrst, helst á morgun.

Amen.

 

Borgarlína & breytingar ...

Vagnverjar eins & við
verum eigi hrædd.
Breytingar settar í bið
Borgarlína rædd.

Breytingar aðeins að hluta

Byggasamlagið Strætó sendi frá sér fréttatilkynningu í dag, hvar vakin er athygli á því að enn frestast sumar breytingar á ýmsum leiðum vegna framkvæmda á Landspítalareitnum.  

Um næstu helgi koma til framkvæmda nokkrar breytingar sem finna má í slóðinni hér að ofan. Svá verður gefið meira í hinn 26. mars með veigameiri breytingum. Þar má benda á akstur leiða 5 & 15 sem fara munu m.a. um Barónsstíg & Egilsgötu í ferðum sínum til & frá Hlemmi. Spennandi.

Á meðan þessu líður skrafa kjörnir fulltrúar á hinu háa Alþingi um samgönguáætlun ríkisstjórnarinnar en þar er m.a. að finna kafla um Borgarlínuna.

Vonandi horfa þingmenn eigi til austurs & halda til klausturs í kvöld, heldur einbeiti sér að samgönguáætluninni & ljúki annarri umræðu um hana sem allra fyrst.

Yfir&út!

 

 

Batterí & brunagaddur ...

Batteríin fyrr búin
í brunagaddi dags.
Drattast af stað díselknúinn
dröslar mér heim strax.

Kuldinn og rafvagnar

Kuldinn sem verið hefir gerir það að verkum að rafhlaðan í rafvögnunum dugar skemur en ella. Það er alþekkt með tæki með batteríum & vagnarnir vitaskuld engin undantekning á því. Nema hvað.

Eins & svo opt áður hefir verið nefnt er brýnt að koma upp hleðslustöð fyrir rafvagnana svo hægt sé að koma þeim í svokallaða fulla notkun. Hausverkurinn er hinsvegar hvar slíkar stöðvar eigi að vera. 

Gott væri að setja upp eina hleðslustöð á Hlemmi. Hinsvegar gæti það reynst vafasöm fjárfesting til lengri tíma, hvar til stendur að vagnarnir fari þaðan & aki með dekk sín & drif til & frá BSÍ.

Mjóddin hentar ekki & því spurning með eins & Spöngina. Þar eru bara 3 leiðir, 6,7 & 18 & því ljóst að úr vöndu er að ráða hjá byggðasamlaginu.

 

Góðir hálsar ...???

Að hálsinum nú huga þarf
heilmargt þar sem seiðir.
Munu eiga þar athvarf
enn fleiri leiðir?

Strætó bs. hefir í mörg horn að líta varðandi hið lostfagra leiðakerfi. Stjórn byggðasamlagsins fær reglulega sent erindi inn á borð til sín þess efnis að breyta & bæta leiðum.

Ein af þeim er frá fyrirtækjum upp á hálsi. Aðeins ein leið, leið 16, ekur um hálsahverfið með heldur takmörkuðum hætti aukinheldur sem leiðir 5  & 15 aka þarna rétt hjá.

Strætó bs. hefir uppi hugmyndir um hvernig megi efla þjónustustigið á þessu svæði. Og eru þær nokkuð djarfar að mati doksa. Það er láta leið 24 fara um hálsahverfið og sleppa akstri til og frá Ártúni. Með þessu móti tengjast hálsarnir Grafarvogi, Mjódd, Kópavogi og Garðabæ sem yrði efalítið mjög gott.

Á móti kemur að það hlýtur að teljast afar óheppilegt að sleppa leið 24 við tengingu við allar hinar leiðirnar í Ártúninu. Allt er þetta þó bara á umræðustigi enn sem komið er. 

Sjáum hvað setur.

 

Greiðfært að Granda...

Út hann fór með ungviðið
alla leið að Granda.
Leiðangurinn með liðið
ljúfur var að vanda.

Dr. Gylforce viðraði ungmennin úr mennta- & menningarsetrinu við Kársnes í gær & hélt með þau áleiðis að Grandagarði. En ekki hvað???

Dr.-inn hapði hug á því að kanna breytinguna sem varð á leið 14 um áramótin. Sem & hann gerði.

Dr. Gylforce fór með ungviðið með leið leiðanna, leið 1, frá Hamraborg að Hlemmi. Þar tók við örstutt & hnitmiðuð ferð með leið 14 niður Hverfisgötu að Grandagarði. Allt annað líf í stað þess að ráfa um Gömlu-Hringbraut & Háskóla Íslands. Nema hvað.

Þessi breyting á leið 14 er góð fyrir okkur sem viljum kíkja á það sem Grandinn hefir upp á að bjóða. Maður lifandi.

Vesen á verktaka ...

Mikil er hér handvömm
hjá verkstæði.
Gert með skít & skömm
skortir hrein gæði.

Dr. Gylforce varð heldur dapur í vögnum gærdagsins, hvar einn fallegur vagn frá verktakanum inn við sundin var ekki eins & hann á að sér. Nema hvað.

Gylforce-inn gekk hröðum & glöðum skrefum inn í leið 21 í Firðinum & hitti fyrir 337 vagninn. Doksi tyllti sér í eitt af öptustu sætunum & blasti þá þessi ófagra sjón við.

Tvö sæti vantaði í vagninn & viðgerðarmennirnir ákváðu að taka ekki gulu stöngina sem er þarna eins & álfur út úr hól. Usss-usss.

Menn hljóta að geta gert betur en þetta hvað frágang varðar þegar baksa þarf við vini vora, vagnana.

Einn með einum ...

Stjórinn með stjórnklefann
stýrir af festu.
Indæl er ellefan
með þeim allra bestu.

Dr. Gylforce var léttur, nettur & traustur sem klettur er hann hélt á vit vagna í kuldanum. Fyrr um daginn hapði doksi kallinn messað yfir samkennurum sínum um ágæti almenningssamgangna & því rökrétt að einhenta sér á leið. Nema hvað.

Að þessu sinni var dr. Gylforce eitthvað einn því sá ágæti tölustafur, þ.e. 1, reyndist tesa dagsins. Dr.-inn fór á fjörurnar við hina glænýju Iveco Crossway vagna á leið 11, þaðan tók hann unaðsrúnt frá Hlemmi að Firði með leið leiðanna, leið 1, & lauk sér svo af í leið 21 frá Firði að Mjódd. 11-1-21, unaður.

Gjörhygli Gylforce-ins gerði það að verkum að hann sá að verktakinn suður í Firði hefir stillt upp spánnýjum & spennandi 221-223 vögnunum á leið 11. Líklega eru þá 219-220 á leið 13. Hvað um það.

Dr.-inn gerði sér að leik á leið sinni frá Hlemmi að Firði með leið leiðanna, leið 1, að telja alla ásana er hann sá. Tíu stykki komu fyrir sjónu doksa af ýmsum stærðum & gerðum. Maður lifandi!