Ferðalag ...

Hinn gamla Gylforce langar i ferðalag. Á morgnana um það bil þegar sjómenn ýta frá landi, er doksi kallinn mættur upp í Hamraborg, hvar hann vill fara á fjörurnar við vagnana, vini vora. Nema hvað.

Hinn aldni vagnverji ávarpar vagnstjórana einn af öðrum & segist þurfa að komast suður, vestur, norður & jafnvel eystur. Þeir synja ekki hinum kópvægska & kankvísa dr. um far & bjóða honum aptur til ferðar næsta dag. & jafnvel þar næsta dag. En ekki hvað??? 

Það getur vart boðað mikla ólukku að lofa hinum aldna vagnverja að fljóta með vagninum & koma honum á biðstöð einhvers staðar á nestá eða jafnvel stutt frá Stútulautinni. Maður lifandi. 

Um borð í vögnunum hittir dr.-inn opt aðra virðulega vagnverja; sérvitringa veldrukkna af brennivíni, huggulega hálfbjána, tautandi tatara & auma innflytjendur & jafnvel einn fyrrum formann & kommatitt norðan úr Þistilfirði. Hvað um það.

& þegar vagnarnir fjarlægast Voginn fagra sér dr. Gylforce Hádegishóla & Hnoðraholt blána í fjarska. 

En hvert er förinni heitið???

Vesenis tesenis tera
vagnverja tel ég mig vera
hallara stallara strætó
himneskur með hugarró

Notalegir Niðurlendingar ...

Hinn lausláti en þó látlausi dr. Gylforce fylltist ógurligri löngun er hann kom til byggða, hvar hann varð að taka hús á nýju VDL vögnum þeirra Kynnisferða. En ekki hvað???

Vetraráætlun Strætó bs. hepst 14. ágúst með nokkrum breytingum. Til að mynda mun verktakinn Kynnisferðir auka verulega hlut sinn í akstri leiða & hafa þeir því fest fjár í 40 nýjum vögnum, hvorki meira né minna. Maður lifandi.

Langflestir vagnarnir, þrjátíu talsins, eru hollenskir & af gerðinni VDL Citea. Hinir tíu eru Iveco Crossway líkt & byggðasamlagið sjálft hefur á sinni könnu. Nema hvað.

Dr. Gylforce hefir ekki undir höndum hvaða leiðir Kynnisferðir koma til með að aka en líklega taka þeir við leiðum 5, 12, 14 af Hópbílum aukinheldur sem þeir munu ugglaust halda áfram akstri á hinum kópvægsku leiðum 28 & 35. Svo er spurning hver kemur til með að annast akstur á leiðum 21 & 24, humm, humm? Hópbílar halda síðan áfram akstri á hverfaleiðum í Firðinum. Hvað um það.

Dr.-inn valhoppaði ásamt unga vagnverjanum inn í glænýjan VDL-vagn á leið 28 í gær. Fyrsti vagninn sem doksi kallinn sté inn í þessum mikla flota var 317 vagninn. Nýju VDL-vagnarnir fá vinnuheitið 301-330.

Dr.-inn tók góðan rúnt með 317 VDL á leið 28 áleiðis að Smáratorgi hvar hann hitti fyrir 324 VDL á bakaleiðinni & beið öngvra boða & hoppaði inn.

VDL vagnarnir líta út fyrir að vera hinu ágætustu. Það er trappa í þeim til þess að komast í aptari sætin aukinheldur sem hann inniheldur þrjú þrep út um öptustu hurðina.

Nú er bara að sjá á hvaða leiðum 301-330 verða. Spennandi!


Konungar, gyllini & gras
gullaldarár í denn.
Maastricht þar & áin Maas
& magnaðir vagnar senn.

Hinn fagri flugvagn ...

Hinn glöggi & gáskafulli dr. Gylforce hélt út fyrir landsteinana ljúfu & tók hús á Katalónum hvar hann hitti fyrir vagna þeirra í Barcelona, Terragona & Salou. Nema hvað.

Vagnarnir eru sem fyrr algjört bjútí í Barcelona. Yfirleitt bjóða Börsungar okkur vagnverjum upp á fyrirtaks Mercedes Benz Citaro vagna líkt & fleiri borgir í Evrópu. Maður lifandi.

Dr. Gylorce stanzaði heldur stutt í þessari stórkostlegu borg að þessu sinni en tókst eigi síður að skella sér í leiðir 41, 55 & 59. Í sinni fyrstu för fór doksi kallinn afar stutt með leið 41, aðeins um torgið katalónska en reyndist það eigi að síður unaður einn. 

Með leið 59 hélt dr.-inn frá Römblunni að ströndinni. Í boði var þýskættaður MB Citaro & sælan hríslaðist um hið gamla hró dr.´s. Með leið 55 hélt Gylforce-inn svá aukinheldur upp til fjalla til þess að berja fegurð borgarinnar almennilega augum.


Það sem stóð hinsvegar upp úr meðal Börsunga voru hinir hrikalegu fallegu flugvagnar; lostafullir & ljósbláir; þægilegir, þíðir & þriggja hásinga. Maður lifandi.

Hinir lostfögru ljósbláu vagnar eru merktir annaðhvort A-1 eða A-2 & fer það eptir því hvort vagnverjar séu á leið í terminal eitt bygginguna á flugvellinum ellegar númer tvö. Hvað um það.

Vagna þessa þarf dr. Gylforce að kanna mun betur næst þegar bregður sér af bæ & hittir Börsunga á ný. En ekki hvað???

Meira síðar - þó ekki nærbuxur.

Þessa vagna þrái ég
þokki Katalóna.
Ljósbláir um víðan veg
vagnverjunum þjóna.

Hugljúfur um hjartað ...

Hinn hjartahreini & hugheili dr. Gylforce trúði vart sínum eigin augum hvar leið 35 kom aðvífandi að hjarta okkar Kópvæginga, Hamraborginni. Þetta varð doksi að prófa - sem & hann gjörði. Maður lifandi.

Dr.-inn hóaði því í hinn sænskættaða 302 Volvo vagn á leið 35 um kl. 16:41 við fegurstu laut jarðarinnar, Stútulautina. 

Eptir hepðbundinn rúnt um Kársnesið beygði vagninn upp Auðbrekkuna vegna malbikunarframkvæmda á Nýbýlaveginum. Þvílikur unaður - & ekki var hann búinn - maður lifandi - keyriði mig heim!

Leið 35 beygði upp Skeljabrekkuna & fékk dr.-inn þvílíka nostalgíu hvar hann sat eitt sinn í leiðum 21 & 23 hjá SVK á þessum slóðum fyrir rúmlega 25 árum síðan. Eða síðar - þó ekki nærbuxur!

Sá sænskættaði ók svá eystur eptir Hamraborginni & mátti litlu muna að doksi kallinn missti sig gjörsamlega. Þarna ók leið 20 í denn hvar hún kom úr Reykjavíkinni & tók eðalhring um Hamraborg & Skólatröð áður en hún áði við skiptistöð okkar Kópvæginga.

Á þessum slóðum keyrði aukinheldur leið 21 & hélt svá áfram Álfhólsveginn áður en hún hélt suður í Hvammana. Þetta voru dagarnir; Benz vagnar SVK; Y-373, Y-550, Ikarus-inn; Y-370, Y-371, Y-372 & Y-10372. Síðar komu þýsku, notuðu Benz fangavagnarnir, LT-582, MN-273 & TK-755. Ó - já.

Vagnaferðir með SVK voru ógleymanlegar & vitaskuld hinir nafntoguðu vagnstjórar; Hitler, Stalín, Satan & Sá kölski. Þeir vissu sko hvað þjónusta var - eða þannig!

Þessum unaði mun dr. Gylforce gleyma seint - ef þá nokkurn tíma.

Hugljúfur um hjartað
með heilögum Svía.
Keikur, gat ei kvartað
kallaði - Mamma mía!

Eini VDL vagninn - ennþá ...

Hinn raddfagri & rennislétti dr. Gylforce rasar sjaldan um ráð fram en á þó til að vera raupsamur mjög. Maður lifandi.

Undanfarna daga hefir dr.-inn hitt vini vora - vagnana - nokk vel en verið þeim mun latari við að færa slíkt í letur; virðist vera betur fær um það um vetur. Sjáum hvað setur.

Sællegur að sumri til
sit í góðri fegurð.
Inn í Vaff-Dé-Ellin vil
vesæl er hans hurð.

Dr. Gylforce hugðist ganga hnarreistur inn í eina VDL-vagninn á vígvöllum veganna nú í kveld en sá er á leið 28. Fljótlega mun það breytast þegar Kynnisferðaverktakinn kynnir til sögunnar urmul af hinum hollensku VDL-vögnum. Meir um það síðar.

Doksa kallinum gramdist mjög að sjá útganginn á VDL-vagninum. Ein hurðin er augljóslega biluð & því ætti þessi vagn ekki að vera á leið. Biluð hurð - bilaður vagn.

Vonandi er þetta ekki það sem koma skal hjá Kynnisferðum hvar þeir senda brátt um 30 VDL-vagna út á vígvelli veganna á hinum ýmsum leiðum. Maður lifandi.

Breskt & bilað ...

Hinn höfðinglegi & hjálpsami dr. Gylforce hefir nú ekki lagt það í vana sinn að fagna þegar vinir vorir - vagnarnir - bila eða jafnvel geispa golunni. Öðru nær.

Því var þó öðruvísi farið síðastliðinn mánudag þegar hinn engilsaxneski & funheiti MAN 305 vagn kom aptur á leið 35 eptir langa fjarveru. & sá stoppaði stutt - maður lifandi.

Klukkan var að verða hálfátta á mánudagsmorgni þegar eitthvað gaf sig í honum blessuðum. Sá enski komst ekki langt & varð að taka hlé í Digranesbrekkunni.

Dr.-inn vissi að það þýddi eitthvað jákvætt enda kom það á daginn (eða kvöldið) þegar landsleikur fór fram milli Frónbúa & Tjallans hvar hinir fyrrnefndu höpðu sigur.



Eitt gleðilegt hapði gerst
gafst hann upp þessi. 
Á þeim degi er allt breskt
endaði í messi.

Nú vonast dr.-inn að sjá Irisbus eða Iveco vagn bilaðan á sunnudaginn enda eru þeir frakkneskir. Áfram Ísland!

 

Langt um liðið ...

Hinn blásaklausi & blettótti dr. Gylforce brá fyrir sér betri fætinum hvar hann sótti leiðir 13 & 14 heim síðdegis. Maður lifandi.

Dr. Gylforce stóð spenntur eins & sléttuúlfur við Sléttuveginn & var slétt sama þótt vagninn kæmi um tveimur mínútum á eptir áætlun.

Á leið 13 taka nú tveir vagnar slaginn í stað fjögurra á veturna; 180 & 184 Iveco Crossway vagnarnir. Það var einkar snoturt að sitja í vagninum að þessu sinni hvar hann leið ljúflega frá Borgarspítalanum að Borgarleikhúsi, inn meðal Hamrahliðarmenntskælinga, inneptir Lönguhlíð, niður Flókagötu áleiðis á Hlemminn. 

Dr.-inn hélt með hinni þrettándu leið alla leið að Lækjartorgi hvar hann hugði halda áfram með næstu leið í röðinni, þeirri 14.

Það er alltof langt síðan doksi kallinn fékk sér almennilegan rúnt með leið 14. Gylforce-inn gekk inn i 211 vagn þeirra Fjarðarmanna sem senn hætta nú akstri á leið þessari. Hvað um það.

Dr.-inn náði um 45 mínútna þrásetu í þægilegum vagni meðal urmul vagnverja - en ekki hvað???

Nú bíður dr.-inn bara spenntur að sjá þegar Kynnisferðir hefja akstur á leið þessari. Það verður eitthvað.





Gugginn doksi er & grár
gjarn fer inn í vagna.
Undir húfu - fátt um hár
& húðin byrjuð að flagna.

Visthæfur vagn ...

Í flotann komið er nýtt krydd
frá konungsveldi Svía.
Gulur er & glæstur hybrid
sem gufuhvolfið mun fría.

Hinn lánsami & leiði-gjarni dr. Gylforce læddi sér í leið 12 á dögunum hvar mikið er nú rætt um tólfuna á hinum ýmsu samfélagsmiðlum. Reyndar er talan sú iðulega sett í samhengi við Frakkland en vitaskuld eru til urmull leiða með númerið 12 meðal Frakkverja - en ekki hvað???

Dr.-inn rakst hinsvegar á þennan eðal Volvo hybrid vagn við Breiðhöfðann. Doksi kallinn ýtti þéttingsfast en þó fimlega - & umframallt tímanlega - á stanzrofann & vippaði sér út til þess að bera dýrðarvagn þennan augum.

Að öllum líkindum er hér um lánsvagn að ræða en dr.-inn veit þó ekki hver af þeim sem annast akstur hins lostfagra leiðakerfis hefir nælt sér í hann þennan. Hvað um það.

Dr.-inn verður með puttann á púlsinum & strætókortið sitt í stuttbuxunum, tilbúinn að hoppa upp í vagninn um leið & hann heldur á vígvelli veganna.

Vagnverjans víðreisn ...

Hinn ymjandi & uslkenndi dr. Gylforce átti unaðsstundir í alúðargóðu veðri gærdagsins hvar hann gerði hosur sínar gular fyrir urmul vagna. En ekki hvað???

Dr.-inn hóf sinn leik keikur við Tún þeirra Reykvíkinga hvar þar stoppa bæði leiðir 4 & 14.

Doksi kallinn hvorki anaði fyrirhyggjulaust né flanaði með reigðu höpði heldur gekk inn í leið 14 & hélt með henni að hinni hnignandi miðstöð, BSÍ. 


Þar skyldi dýrðin aptur litin. Maður lifandi. Ójá, seisei, mikil ósköp. Aptur gerði dr. Gylforce sér far með leið 55 að Firði & hapði nú hug á að kanna aðstæður vagnverjans þar suðurfrá. Hvað um það.

Dr.-inn stóð eins & meyjan hreina í limgerði í Firðinum & vissi vart hvaða vagn hann ætti að taka. Hann ákvað þó eptir mikinn svita að skella sér í góðan hring með leið 21 að Mjódd þeirra Breiðhyltinga. 

& það varð úr, mínir virðulegu vagnverjar. Leið 21, Irisbus númer 217. Nema hvað.

Víðreisn verjans
er mikils virði
Háreysti herjans
í Hafnarfirði

Greið leið fyrir Gaflara & Garðbæinga ...

Hinn frjálsi & ferðagalaði dr. Gylforce var ferðugur mjög í gær hvar hann fýsti í hina bráðsnjöllu blágulu vagna er annast oss vagnverja sem ætla út fyrir borgarmörkin. En ekki hvað???

Dr. Gylforce þusti þóttafullur um þessa annars lúnu miðstöð samgöngumála í henni Reykjavík. Já, BSÍ má muna sinn blómlega haga fegurri ef svo má segja. Það er löngu tímabært að ríki & borg kaupi sér buxnalarfa svo þeir geti hið minnsta byrjað á því að hneppa upp um sig. Maður lifandi. Þessi bygging er vart boðleg fyrir oss vagnverja. Hvað um það.

Ferðalagið hófst jú hér
í hnignandi miðstöð.
Með blágulum í Fjörðinn fer
með fagurlegan mjöð.



Dr.-inn gerði sér far með leið 55 hvar hún fer frá BSÍ að FLE (Leifsstöð). Doksa kallinn langaði mjög að fara suður með sjó & alla leið í Bítlabæinn. Því miður tókst það ekki að þessu sinni. Hvað um það.

Leið 55 hentar afar vel fyrir Gaflara & Garðæinga er stunda nám &/eða vinnu í miðbænum. Þeir geta valhoppað að Ráðhúsinu & eru komnir á örkotsstundu að Ásgarði eða Firði. Sá bláguli stoppar nefnilega við Kringlu en síðan brunar hann framhjá Voginum fagra & að Göflum & Görðum. Maður lifandi.

Gaflarar & Garðbæingar!

Þetta er ekki spurning. Kaupa kort. Núna. Öngvar refjar.