Burðardagur í blíðunni ...

Hinn smjasmandi & smjattandi dr. Gylforce smaug á vit vagna í gær, hvar dagurinn sá var burðardagur doksa karlsins. Eitt klapp fyrir því! Nema hvað.

Dr.-inn tók hús á hinum glænýja 339 Iveco vagni á leið 35. Það voru vonbrigði að sjá slökkt á upplýsingartöflunni inn í þessum spánnýja vagni. Kynnisferðir, sem annast aksturinn, ættu að sjá sóma sinn í því að setja ekki á vígvelli veganna vagna með óvirka töflu. Hvað um það.

Frá Hamraborg okkar Kópvæginga skellti hinn aldni vagnverji sér með leið 2 að þessu sinni. Þetta var á annatíma hvar hinn 149. Crossway vagn - 2C vaktin - sveif um göturnar unz hann áði við Hlemmtorgið.

Það var sannkallaður handagangur í öskjunni við Hlemminn hvar breytingar standa yfir á húsnæðinu; biðstöðin harðlæst & vagnverjarnir allir úti við enda einmunablíða á höfuðborgarsvæðinu þessa dagana. Maður lifandi.


Illu heilli sá þó dr.-inn vin sinn sænskættaðan; særðan & beygðan & hapði lokið leik á vígvöllum veganna í bili. Hinir sænsku Omnilink vagnar hafa greinilega átt erfitt uppdráttar í ágúst enda þeir elstu orðnir 15 ára gamlir.

Dr. Gylforce sté upp í hinn sænskættaða 109 Omnilink á leið leiðanna, leið 1, rétt fyrir fimmleytið & kom sá í Kópavoginn á kórréttum tíma; öngvan bilbug var að finna á þeim Svía.

Það var gaman að sjá að stuttu eptir að sá vagn lagði úr vör frá Hlemmi kom annar á leið 1 enda tíðnin þétt - tíu mínútur - & líklegt að stundum nái vagnar að hringa hver annan - en ekki hvað???

Unaðsdag minn átti
eðal vagni í.
Og malbikið mátti
maula hans gúmmí.

Vanmætti vagna ...

Hinn magnstola & máttvana dr. Gylforce var mæddur mjög eptir ferðir gærdagsins, hvar hann kom inn á Hlemm með leið 6 & blasti þar við honum ófögur sjón. Maður lifandi.

Dr. Gylforce hapði fyrr um daginn náð unaðsferðum með glænýjum Iveco vagni á leið 24 upp í Spöng & þaðan fékk hann líka glæstan Iveco Crossway vagn númer 187 á leið 6. Nema hvað.

Dr.-inn kom með leið 6 um sexleytið inn að Hlemmi hvar vesaldómurinn & volæðið æpti á hinn aldna vagnverja. Hinn sænskættaði & jafnan trausti 110 Omnilink var bilaður á stæði leiðar 6.

Dr.-inn sté út úr sinni sexu & hugðist taka leið leiðanna, leið 1 upp í Hamraborg okkar Kópvæginga. Tók þá ekki betra við; hinn 15 ára gamli 101 Scania Omnilink hreyfði hvorki dekk né drif & fór hvergi. 


Góðu heilli fara leiðir 2 & 4 líka upp í Hamraborg aukinheldur sem ekki var langt í næsta vagn á leið leiðanna. Doksi kallinn ákvað að einhenda sér í leið 2 & settist inn í hinn frakkneska 161 Irisbus Karosa vagn. 

& enn héldu vandræðin áfram. Vagninn sá drap alltaf á sér í hvert skipti sem vagnstjórinn þurfti að stöðva. Brá hann þá á það ráð að skella vagninum í hlutlausan & gefa honum vel inn! Sá frakkneski náði með naumindum að komast í Hamraborgina hvar dr.-inn sté út & var ansi feginn að komast í glænýjan & glæstan vagn frá Kynnisferðum á leið 35!

Já, það var ekki heilla dagur í gær; að halda á vit vagna; að halda á vit sænskra vagna - & frakkneska! Maður lifandi.

Þeir orðnir eru úrvinda
örmagna voru í röð.
Varð að láta mér þá lynda
- á leið á endastöð?

Á vit nýrra vagna ...

Hinn gallharði en þó stundum grátgjarni dr. Gylforce hefir vart getað hamið sig, hvar urmull glænýrra & glæsta vagna geysast þessi dægrin um vígvelli veganna. Nema hvað.

Dr.-inn tók leið 4 að Hlemmi síðdegis í gær til þess að fylgjast með dýrðinni - & tilkomumikil var hún - maður lifandi.

Dr. Gylforce bauð í grun að illa hafi gengið hjá Kynnisferðum að halda áætlun á leiðum 12 & 14 á annatíma síðdegis. Til að mynda beið doksi kallinn í 7 mínútur eptir 17:28 vagninum á leið 14. Þá þraut honum öreindið & sté inn í leið 12. Stuttu áður, eða um kl. 17:25 hapði dr.-inn séð 314 vagn þeirra Kynnisferða á leið 12 merktan Mjódd/Ártún. 

Dr.-inn tók svo þennan sama vagn kl. 17:54 (kom 2 mínútum of seint) við Þjóðarbókhlöðuna á leið upp í Mjódd þannig að hann hefir mátt vera ansi fljótur að aka inn í Laugarnes, Kleppsveg, upp í Mjódd, Breiðholtið, Ártúnið & svo allt til baka á 30 mínútum! Vissulega gerði vagninn það ekki & má telja líklegt að gleymst hafi að breyta merkingunni framan á vagninum & setja "Skeljanes". Það ruglar oss vagnverja mikið í ríminu. Hvað um það.

Eins & áður segir kom leið 12 um tveimur mínútum of seint við Þjóðarbókhlöðuna. Vagnstjóranum virtist vera alveg sama um áætlunina & skilaði vagninum átta mínútum of seint í Mjóddina eða um kl. 18:28.

Vissulega er tímatafla leiðar 12 knöpp en hepði þá ekki verið skynsamlegt að reyna að breyta því nú í ágúst? 

 
Í fögrum vagni fékk ég mér
fljótlega sæti.
Ljúft í nýjum ávallt er  
um öll þessi stræti.

Endurnýjun flotans ...

Hinn þroskaði & þróaði dr. Gylforce hefir þráð að standa þráðbeinn & þráðlaus, hvar leið leiðanna, leið 1, stoppar nú í Hamraborg okkar Kópvæginga á leið í bæinn. Maður lifandi. 


Hopposí & herjans
hingað koma nú.
Aðkoma er verjans
austan við brú.

Dr. Gylforce hélt rakleitt á vit vagna í gær, hvar hann fékk nettan valkvíða enda líklega um 35 spán- & splunkunýir vagnar á vígvöllum veganna. Nema hvað.


Dr.-inn gekk greiðlega inn í einn glænýjan & glæstan Iveco vagn á leið 35. Þar hafa 338-340 vagnarnir tekið slaginn yfirleitt. Vagninn var vitaskuld þýður, vakur & vinveittur þótt doksi kallinn sjái nú aðeins á eptir hinum funheita & engilsaxneska MAN vagni. Hvað um það.

Stútlautardoksi fékk far með leið 2 að Hlemmi & hjó eptir því að 155 Karosavagninn & hinn sænskættaði 118 Omnilink voru aukavagnar á þeirri leið.

Doksi kallinn sá spánnýjan 322 VDL-vagn á leið 17 við Hlemminn & beið öngvra boða. Maður lifandi.

Með tilkomu 40 nýrra vagna á leiðum 12, 14, 16, 17, 21, 24, 28 & 35, hefir meðalaldur vagnanna á vígvöllunum lækkað snarlega. Góðu heilli.  

Utan annatíma geta nú allir sem aka fyrir Strætó - & byggðasamlagið sjálft - boðið okkur vagnverjum upp á vagna sem eru 0-6 ára. Dr.-inn man ekki eptir betra ástandi í þeim efnum.

Það er glæsilegt & vonandi það sem koma skal.

Meira síðar.

Vei, vei vagnverjar ...

Hinn fráskotuli en ávallt frásagnarverði dr. Gylforce hefir algjörlega farið af límingunum í mennta- & menningarsetrinu vestur í Kársnesi, hvar urmull nýrra vagna hefir skeiðað út á vígvelli veganna & hann þarf að láta sig nægja að horfa á leið 35 út um gluggann. Aarrg!

Dr.-inn hefir þó séð að glænýir & glæstir Iveco Crossway númer 339 & 340 annast akstur á leið 35. Aukinheldur eru spánnýir & spennandi VDL-vagnar á leið 28 & má sjá á myndinni 301 & 304 að hvíla sig í Hamraborginni; hafa líklega tekið slaginn á annatíma á frístundaleiðinni miklu upp í efri byggðri Kópavox. Nema hvað. 

Dr. Gylforce hjó eptir því að nú stoppar leið leiðanna, leið 1, í rennunni austan við hina hepðbundnu biðstöð í Hamraborg okkar Kópvæginga.

Loksins, loksins! Með því móti nær vagninn að hraða för sinni niður í bæ sem getur skipt máli þegar umferð er mikil & vagnverjaös; vel gert byggðasamlag að nota loks þessa ónýttu rennu. Hvað um það.

Innreið nýju vagnanna er greinileg á leiðum 12, 14, 21 & 24 en doksi kallinn veit ekki enn hverjir aka leið 11. Það verður spennandi að athuga það - en ekki hvað???

Blýfastur inni að bisa
brestur doksi í grát.
Úti er vagnsins upprisa
& hann er alveg mát.

Spennandi spenna ...

Blíðlátur ég sem nú brag
biðinni verð að nenna. 
Magnast upp fyrir mánudag
meiriháttar spenna!

Hinn réttmæti & fráleitt ruglaði dr. Gylforce rennur í grun að hann verði nú illa vinnufær á mánudaginn, hvar fjörutíu nýir vagnar þeirra Kynnisferða koma til með að halda á vígvelli veganna. Maður lifandi.

Dr.-inn er aukinheldur orðinn afar spenntur að sjá hvaða leiðir Kynnisferðir eigi að sjá um; eptir lokað útboð á leiðunum er ljóst að Kynnisferðir auka hlut sinn verulega á kostnað þeirra Hópbílsmanna suður í Firði. 

Kynnisferðir hafa fest fjár í 10 Iveco Crossway sem eru styttri & aðeins með eina apturhurð. Doksa kallinum býður í grun að vagnar þessir komi til með að aka leiðum 21, 24 & 35. Hinir hollensku VDL-vagnar verða að öllum líkindum settir á leiðir 12, 14 & 28 & svá vantar eitthvað meira. 

Heimildir herma að byggðasamlagið sjálft aki leið 5 & annist þar með allar stofnleiðir (1-6). Aukinheldur hefir heyrst að verktakinn suður í Firði aki leiðum 11, 13, 22, 23, 31, 33, 34, 43 & 44.

Hvað um það. Þetta er orðin óbærileg spenna. Þá er ekki úr vegi að spenna greipar.

Amen.

 

Vetraráætlun hefst 14. ágúst

Tíðari tíðni ...

Hinn sveitalegi & sveitti dr. Gylforce hefir svolgrað í sig nýju vetraráætlun Strætó bs., hvar hann hnaut um það að ekki verða gerðar miklar breytingar á leiðakerfinu að þessu sinni. Nema hvað.

Ein undantekning er á því þó en það snertir leið leiðanna, leið 1. Frá & með 15. ágúst nk. verður hin fyrsta leið með 10 mínútna tíðni á annatíma. Maður lifandi.

Þetta mun þýða að leið 1 kemur ekki til með að tengjast öðrum leiðum enda með öfluga tíðni & því biðtíminn stuttur eptir öðrum vögnum. Hvað um það.

Aukavagnar munu aukinheldur hætta enda var alltaf eitthvað skrýtið að sjá aukavagn aðeins á undan leið 1 & kannski báðir hálffullir af virðulegum vagnverjum.

Nú er bara leið 1 kominn með 10 mínútna tíðni en þannig hófst nú hið lostfagra leiðakerfi árið 2005, þ.e. stofnleiðirnar áttu að vera á 10 mínútna fresti frá kl. 7-9 á morgnana & klukkan 16-18 síðdegis. En ekki hvað???

Þetta verður gaman að sjá & líklega þarf eina 12 vagna til þess að keyra leið 1 á annatíma.

 

Öflug verður leiðanna leið
með ljúfa verja & gesti.
Tíðari tíðni, leiðin greið
á tíu mínútna fresti.

Ferðalag, flakk & fardagar ...

Hinn júnklegi & jarpi dr. Gylforce hefir gengið um jarmandi af spenningi hér upp á Ökrum, hvar tugir fjórir vagna hefja leik á mánudaginn á höfuðborgarsvæðinu. Maður lifandi. Já, mínir virðulegu vagnverjar; 40 stykki á einu bretti. Dr.-inn man ekki eptir öðru eins. Nema hvað.

Dr. Gylforce gerði sér ferð í Voginn fagra & sá hvar yndislegur Iveco Crossway vagn hefir hafið störf á leið 35. Þetta er Crossway vagn af styttri gerðinni með aðeins eina apturhurð en öngvu að síður fagur & fengið númerið 335 hjá verktaka sínum, Kynnisferðum.

Hringleið með honum þessum
hugguleg um Voginn.
frakkneskum vagn með vessum
virðulegur leiðtoginn.

Hin haukfrá augu dr.´s höpðu áður séð VDL vagnana 317 & 324 komna á leið 28.

Svá er bara spurning hvaða leiðir Kynnisferðir koma til með aka. Heimildir doksa herma að þeir muni annast leiðir 12, 14, 21, 24, 28 & 35. Þær hljóta þó að vera fleiri.

Spennan magnast - maður lifandi!

Nýju VDL vagnar Kynnisferða ...

Ferðalag & fardagar ...

Hinn gamalreyndi Gylforce hefir tekið eptir því að komið er framyfir fardaga. Doksi kallinn gerir sér aukinheldur far með vinum vorum - vögnunum - & aðallega þeim blágulu á þessum blíðlátu sumardögum. Nema hvað.

Dr.-inn lætur sér líða vel & með lýriskri lotningu horfir hann út um gluggann á grænan mosann í hrauninu. Hann ímyndar sér kvakið glaða & líflega í fuglunum úti fyrir & hann veit að við næsta stopp hyggst hann valhoppa út & fara ei lengra. Hvað um það.

Dr.-num verður hugsað til höfuðborgarinnar, hvar hann veit að í næstu viku hefst nýr kafli meðal vagnanna; fjörutíu nýir vagnar stíga samtímis á bensíngjöfina & vafra út á vígvelli veganna, þar af þrjátíu Niðurlendingar. Maður lifandi.

Klukkan tifar, ei skal tefja
tug nýrra vagna
urmul þeirra, hátt skal hefja
hátíð & lengi fagna!

Þar verður dr.-inn að vera - en ekki hvað???