Baltneski tígurinn belgir sig ...

Hinn litríki & lauflétti dr. Gylforce hefir líkt & endranær farið um víðan völl meðal vagnanna - vina vorra - enda unaðsferðamáti. En ekki hvað???

Nú berast okkur þær fregnir að vagnstjórar verði að baltnesku bergi brotnir í sumar. Illa gengur að finna Frónbúa til aksturs enda búið að setja dekk á allar mögulegar hásingar til þess að þjónusta tæplega tvær milljónir ferðamanna sem spássera ætla um landið okkar í sumar. Maður lifandi.

Byggðasamlagið hyggst ráða til sín 25 vagnstjóra frá Lithaugalandi. Það er vel & fagnar doksi kallinn þessari ráðstöfun. Vonandi verður þó undibúningi þeirra vel háttað en doksa er enn í fersku minni þegar hann sat í leið 35 & vagnstjórinn vissi ekkert hvert hann átti að fara. Sá var af erlenda berginu & nýbyrjaðir í starfi. Hvað um það.

Þetta verður spennandi & vonandi sýna Litháarnir að þeir eru vel í stakk búnir til þess að aka hér á vígvöllum veganna.

http://www.mbl.is/frettir/innlent/2016/04/21/lithaar_keyra_fyrir_straeto/


Í sumar verður ekkert slen
sæla algjör & geðfró.
er launmorðingjar frá Litháen
leggja í´ann hjá Strætó!!!

Akstur um öngvegi ...

Hinn aðþrengdi & aumi dr. Gylforce varð algjörlega miður sín er fréttir bárust af árekstri vagna við Hlemmtorg þennan annars ágæta frjádag. Já, þetta var agalegt alveg hreint. Maður lifandi.

Tveir ágætis Irisbusvagnar (kannski var annar Iveco), Karosa & Crossway lentu í kröppum dansi & verða nú að hvíla sig frá vígvöllum veganna um hríð. Sorglegt.

Flestum má það ljóst vera að aðkoman að Hlemmi er ekki boðleg fyrir vini vora, vagnana. Á annatíma fara um 50 vagnar þarna á einni klukkustund & þrengslin alltof mikil. 

Þá hefir það alltaf verið ráðgáta í huga dr.´s Gylforce hví vagnarnir á Hlemmi eru ekki í réttri akstursstefnu. Til að mynda er öngvu líkara en að leiðir 1, 3 & 6 séu á leið austur Laugaveg eða suður Rauðárarstíg en ekki á leið niður á Lækjartorg.

Vonandi verða leiðindaatvik á borð við þetta til þess að flýta fyrir för vagnanna frá Hlemmtorginu að nýrri samgöngumiðstöð við BSÍ. Nema hvað.

Lentu saman leiðir tvær 
lá svo mikið á.
Tenging ferða, nær & fjær
færa þarf - ójá!




Mynd: mbl.is/julius

Drepið á dyr ...

Hinn dólgs- & djöfullegi dr. Gylforce dundaði sér við að drepa á dyr vagna á þessum annars drifna & djarfa Drottins degi. Nema hvað.

Doktorinn varð dökkur & drungslegur á ferðum sínum hvar hurðir vagnanna voru ekki í lagi. Í tvígang mátti doksi kallinn sætta sig við að aptasta hurðin var úr leik & öngvu líkara en vagnstjórum á vögnum þessum þætti það bara eðlilegt. Því miður.

Þetta voru 148 Iveco Crossway vagninn á leið 2, sem er í eigu Strætó bs., & hinn sænskættaði 309 vagn þeirra Kynnisferða á leið 28.

Að mati doktorsins er vagn með hurð sem ekki virkar bilaður & á að fara hið snarasta í viðgerð; punktur & basta.

Ei er doksi með sjóndepurð
dugmikill er á ferð.
Eðalvagn með ónýta hurð
á að far´í viðgerð.

Vol & strit við Volstrít ...

Hinn glampandi & gloprulegi dr. Gylforce gjörðist víðförull vagnverji um Wall Street okkar Frónbúa þennan annars ljúfa laugardag & hapði litla vagnverjann með i för. Nema hvað.

Máske þekkja margir götuna aukinheldur undir nafninu Borgartún. Leiðir 4, 12 & 16 aka þar um & mynda þéttriðið net vagna enda er hægt að finna vinnustaði margra vagnverja á þessum bletti.

Fallegasta & frægasta bygging svæðisins er efalítið Höfði. Þetta glæsilega hús var byggt af frönskum konsúl en eptir hans daga hapði þar aðsetur athafnaskáldið Einar Ben um hríð.

& gleymum eigi heimsviðburðinum mikla er Reagan & Gorbi hittust þar & heimsbyggðin hékk á hurðarhúninum & reyndi að hlusta hvað á gekk. Hvað um það.

Fleiri fyrirtæki & stofnanir eru þarna að finna; Hamborgarafabrikkuna, Höfðatorg, Hótel Cabin, Arion banka, Landsbanka & doksi veit ekki hvað & hvað.

Einhverja hluta vegna fór dr. Gylforce götu þessa í þrígang í dag með leiðunum þremur; fjögur, tólf & sextán. Þetta voru allt unaðsferðir í sjálfu sér en kannske ekki alveg planlagðar í þaula.

Dr.-inn var nefninlega staddur við Holtagarða ásamt unga vagnverjarnum & hugði á för að Smáralind okkar Kópvæginga.

Fyrsta hugdetta doktorins var að hóa í leið 12 upp í Mjódd & taka þaðan leið 24 að verslunarmiðstöðinni. Gott & vel en leiðirnar ríma afar illa saman við Mjóddina svo happadrýgra reyndist að skella sér í leið 12 áleiðis að Hlemmi & tylla sér svo í leið 2 alla leið að Smáralindinni.

Doksa kallinum finnst eitthvað ankannalegt við það að þurfa að fara niður á Hlemm frá Holtagörðum þegar ferðinni er heitið í Smáralindina!!!

Hér ber þó að hafa í huga að bæði leiðir 12 & 24 eru á hálftímafresti á laugardögum en þetta hepði ugglaust ekki verið umræðuefni þegar báðar leiðirnar bera fimmtán mínútna tíðnina. 

Nóg tuð í bili - yfir&út!


Hótel Cabin & hammarar
& Höfði Einars Bé.
Í glerhýsunum gangsterar
er girnast allt þitt fé.

Á mála hjá Mosfellingum ...

Hinn vagnhæfi & fráleitt vanhæfi dr. Gylforce var i essinu sínu hvað vagna áhrærir hvar hann steig hamstola dans við sólargeisla gærdagsins. Nema hvað.

Þráin til að halda á vit vagna helltist yfir doksa kallinn eins & 1700 vindstig & girntist Gylforce-inn þrásetur miklar & langdvalir meðal vina vorra, vagnanna.



Dr. Gylforce beindi för sinni að Mosfellingum & brunaði í 35 mínútna unaðsrúnt með leið 15 frá Hlemmi að Háholti í Mosfellsbæ. En ekki hvað???

Strætóskýlin þar í bæ eru ákaflega litskrúðug & ljómandi falleg. Fyrir nokkrum árum fengu Mosfellingar þá smellnu hugmynd að fá ungmennin til að mála þau. Útkoman er hin glæsta & er virkilega gaman að líða um í vagninum & fara framhjá Lágafellsskóla, Þverholti, Skeiðholti & enda við Háholtið. 


Aukinheldur er góð strætótenging hjá Strætó bs. við Háholtið. Þar flútta saman leiðir 6 & 15 & eptir að hafa spásserað um meðal Mosfellinga hélt doksi kallinn rakleitt í 50 mínútna langdvöl í leið 6 frá Háholti að Hlemmtorgi.

Unaður einn. Punktur.


Stefnan sett með stolti
á stærðarinnar hring.
Frá Hlemmi að Háholti
er hugans góð lækning.


Myndir af strætóskýlum: www.behance.net

Vesæld við Versali ...

Hinn vel þokkaði & þægilegi dr. Gylforce gekk einn morgun árla út að skemmta sér. Dagurinn gaf doksa varla, dýra birtu af sér; framhjá fögru laut sinni sem var furðu fögur að þessu sinni. En vitaskuld er þetta allt eptir hans brigðula minni. En ekki hvað???

Dr.-inn fór á fjörurnar við leið 28 - sem opt er kölluð kópvægska tómstundavagnsleiðin - hvar hann fýsti í að komast upp í þing & á hina hörðu velli í kórahverfinu. Nema hvað.

Doksi hapði litla vagnverjann. Nóa, sér til fulltingis í ferð þessari. Nói nærri mundi hve nálega stormur á oss dundi við sundlaug Kópvæginga í Versölum. Hvað um það.

Við Versali stigu tvær hnátur inn í leið 28 & spurðu vagnstýruna hvort vagninn væri ekki á leið í Smáralind. Hún jánkaði því en dr.-inn rak í stans roga við tíðindin. Hann & vissi að vagninn var á leið um Kóra, Þing & Mjódd þeirra Breiðhyltinga en alls ekki á leið í verslunarmiðstöðina.

Þetta er ekki i fyrsta skiptið sem vagnverjar ruglast á vögnunum á leið 28. Þeir koma á svipuðum tíma inn í hringtorgið við Versalina & mættu merkingar þar vera mun betri. Brilljant væri að láta vagnana stoppa á mismunandi stöðum til þess að koma í veg fyrir misskilning.

Doksi kallinn kallaði til vagnstýrunnar hvort hún væri ekki á leið í Mjódd. Öööö jú, svaraði hún. Þá heimtaði hann að vagninn yrði stöðvaður án tafar svo hnáturnar gætu nú hoppað út & tekið réttan vagn.

Vagnstjórar verða aukinheldur að vera betur á vaktinni þegar ungir & óöryggir vagnverjarnir spyrja þá um hvert förinni sé heitið. 

Vagninn ók svo í burtu sem mest hann mátti; doksi þetta reit & öngvin aptur leit. 

Amen.

Um leiðakerfið saman tölum
trauðla fer nú þarna.
Vagnverjar hjá Versölum
villast sumsé gjarna.

 

Hinn glímni Gylforce ...

Hinn ótvistaði & alhressi dr. Gylforce hefir undrast undanfarin misseri af tímatöflum byggðasamlagsins. Þar virðist vera tilhneiging til þess að láta vagnana - vini vora - aka ávallt af stað á sama tíma, burtséð frá umferðarþunga & fjölda vagnverja.

Doksi kallinn hepði t.a.m. haldið að það sé nánast útilokað fyrir leið leiðanna, leið 1, að komast frá Hlemmi að Hamraborg okkar Kópvæginga á mesta annatíma, sérstaklega milli kl. 16-17. Væri þá ekki nær að gefa út tímatöflur sem einfaldlega segja það??? Það mætti setja á blað að ásinn svokallaði sé væntanlegur kl. 16:44 í Hamraborgina en ekki kl. 16:34 sem er óraunhæft með öllu.

Humm, humm??? Doksi hepði nær haldið það. Nema hvað.

Glíminn stundum Gylforce er
& glöggskyggn á leiðir.
Tímatöflur hist & her
hamingjunni eyðir.

 

Útslitið út um allt ...

Hinn gauðslitni en fráleitt geðbilaði dr. Gylforce hefir farið mikinn í vögnunum undanfarið hvar hver eðalleiðin hefir rekið aðra. Maður lifandi.

Enda þótt Gylforce-inn sé einarður aðdáandi hinna sænskættuðu vagna fer það vel i taugarnir á honum hve slitið áklæðið er í flestum Volvovögnum þeirra Kynnisferða. Nema hvað.

Það er kannski ekkert skrýtið að áklæðið láti á sjá þegar vagnstjórarnir sjálfir eru með fæturna upp í sætunum eins & sést á efstu myndinni. Þarna sitja þeir tveir félagarnir í MAN 305 vagninum á leið 35 & annar þeirra með bífurnar beinstífar i sætinu!!!

Þessi sami verktaki mun taka við urmul leiða næsta haust & vonandi kemur hann til með að sinna vögnunum sínum betur en hann gerir nú.

Yfir&út!


Að baksa við brauðstritið
bardúsandi & móður.
Ef Gylforce sér gatslitið
ga-ga verður & óður!

Einn, tveir & frír ...

Hinn tasvígi & tanntúðugi vagnadoktor hefir farið algerlega hamförum í vini vora - vagnana - undanfarna daga. Doksi kallinn hefir verið sem eilífur augnakarl í leið 35 hvar yfirleitt hefir hinn funheiti & engilsaxneski 305 vagn verið til taks. Nema hvað.

Doksi kallinn á að baki urmul unaðsferða undanfarið & hefir verið einstaklega ánægjulegt að kynnast leið 16 um Kirkjusand & Klettagarða. Meir um það síðar - en ekki hvað???

Hinn dáleiddi vagnadoktor hefir aukinheldur heillast af nýjustu útgáfunni af strætó-appinu. Maður lifandi. Nú er hægt að vera í áskrift í gegnum smáforritið & fá þriðja hvern mánuð frían, sjá hvar vagnar eru, hvar er næsta biðstöð, sent miða á annan notenda o.s.frv.

Þetta er byggðasamlaginu til sóma. Vagnverjar, drífið ykkur að hala þessu appi niður, þið sjáið ekki eptir því!

& nú hefir doksa borist til eyrna að innan skamms verði kynnt ný & mun betri heimasíða hjá Strætó.

Hann bíður spenntur!


Hinn kópvægski kappi
kom sér af stað
í vagna á vappi
& vagnverjinn kvað:

Nú ég hrósa happi
huggulegt það
yfir strætó appi
sem er geggjað!

Í hægðum sínum á Hlemmi ...

Hinn þjáði & vel þjakaði dr. Gylforce þrjóskaðist með vinum vorum að Hlemmtorgi á þessu þjáningarfulla frjádagskveldi.

Hið lostfagra leiðakerfi var í sunnudagsbúningi hvar urmull var af nýjum Iveco Crossway & nokkrum Irisbus Crossway vögnum. Nema hvað.

Vagnverjar voru í færri kantinum enda efalítið halda þeir sér til hlés heima við í kvöl & pínu á þessum degi. En ekki hvað???

Dr.-inn gekk í hægðum sínum að turninum enda var hans verkefni ærið:
 
Þarna ég geng til örna minna
ætíð reynist það jafngott.
þegar drullu loks fer að linna
læt ég upp mitt sæluglott.