Barbarar í Brussel ...

Hinn ferðaglaði & fráleitt frakkneski dr. Gylforce hefir ferðast fljótt & frækilega meðal vagnanna þennan annars voveifilega dag í lífi Flæmingja.

Doksi kallinn sendir þeim hér með sínar dýpstu samúðarkveðjur & veit að allar almenningssamgöngur liggja niðri í Brussel þessa stundina. Maður lifandi.

Dr. Gylforce fékk hinn 10 ára gamla Karosa 162 vagn á leið 35 í morgun. Það er ótrúlega þægilegt að hafa leið 35 á fimmtán mínútna fresti á annatíma þótt ekki hepði verið svosem verra ef leið 36 hepði verið endurvakin fyrir oss vagnverja vestur á Kársnesi. Nema hvað.

Dr.-inn tók aukinheldur leið 28 frá Smárahverfinu í morgun áleiðis að Mjódd þeirra Breiðhyltinga. Enn saknar hann þess að ekki skuli vera í pípunum að framlengja leið 2 framhjá Kóra- & Vatnsendahverfi & enda í neðra Breiðholtinu. 

Dr.-inn veit þó að leið 28 er afar vel nýtt & byggðasamlagið feikilega ánægt með innstiginn i vagnana sex sem leiðina aka þegar best lætur. En ferðatíminn er langur - en ljúfur - & á stundum verða vagnverjar að komast milli staða hratt & örugglega. Þá er hinn 28. leið ekki fýsilegur kostur.

Ef ráðamenn í Voginum fagra vilja betrumbæta leiðakerfið ennfrekar ættu þeir að endurvekja leið 36. Hún gæti ekið skemur en síðast & verið t.d. bara á annatímanum, kl. 7-9 & 14-18 virka daga. Þá er brýnt að framlengja leið 2 niður í Mjódd en hún er stofnleið & lýtur því aðeins öðrum lögmálum en hverfisleiðirnar hvað fjármögnun varðar.

Dátt ég nú í vögnum dvel
dymbilvika páska.
Barbararnir í Brussel
borgara setj´í háska.

Verktakinn í vestri ...

Hinn lágstemmdi & ljúfi ljúflingur, dr. Gylforce, lék sér í vögnunum - vinum vorum - eins & lævís köttur þennan annars léttlynda sunnudag. Nema hvað.

Degi áður hapði dr.-inn reyndar hoppað inn, ásamt unga vagnverjanum, í hinn sænskættaða 309 vagn á leið 28. Sá er sem fyrr gerður út af verktakanum vestur á Kársnesi, Kynnisferðum. Þeir hyggja á landvinninga mikla í hinu lostfagra leiðakerfi í haust & hefir heyrst orðrómur um að þeir leiti nú logandi ljósi að á annan hundrað bílstjórum í Póllandi. Maður lifandi.

Hinn ungi vagnverji hefir gaman af því að sitja aptast í vögnunum. Hann fékk að ráða því í 309 vagninum & blasti þessi ófagra sjón við; eitt sætið gatslitið. 

Doktor er það til efs að slíkt hirðuleysi myndi sjást í vögnum sem Strætó bs. á sjálft. Svona sleifarlag einkennir suma verktaka (sá í Firðinum er yfirleitt undanskillinn) & minnir sá í vestri óþægilega mikið á Teita kallinn á Dalveginum. Úff!

Vonandi taka nýju útboðssamningarnir á svona fúski & sjá til þess að verktakarnir sinni starfinu sínu með viti. 

Verktakinn í vestri
í villu & svíma.
Með allt í ólestri
öngvu virðist tíma.

Fimm "sunnudagar" framundan ...

Strætó bs. hefir bætt þjónustu sína um hátíðar & fáum vér vagnverjar sunnudagsþjónustu byggðasamlagsins fimm sinnum í dymbilvikunni og á páskum. Nema hvað.

Venju samkvæmt aka vagnarnir samkvæmt áætlun á pálmasunnudegi & páskadegi. Við bætast svá skírdagur, föstudagurinn stutti sem & annar í páskum.

Það má því búast við því að gömlu sænskættuðu vagnarnir, 101-119 Omnilink & 188, 192-199 Volvovagnarnir fái kærkomna hvíld. Hvað um það.

Nú mun doksi kallinn halda senn á vit vagna & taka þá grimmt um helgina. En ekki hvað???

Athuganir á áklæði ...

Hinn áferðarfallegi & andlegi dr. Gylforce var enn við rannsóknir fyrir hönd áklæðadeildar vagnanna nú í kvöld. En ekki hvað???

Það var kynngimagnað að koma inn í hvern vagninn á fætur öðrum & öngvinn þeirra með sama áklæðið á sætunum. Reyndust rannsóknir þessar með þeim raunalegri & erfiðari sem doksi kallinn hefir lent í um alllangt skeið eins & myndin af honum ber glögglega með sér. Nema hvað.

Hinir sænskættuðu vagnar hafa mjög fjölskrúðugt litaval & munstur. Maður lifandi.

Þannig virðist Scania fyrirtækið laðast að rauða litnum en bæði Scania Omnicity & Omnilink hafa slíkan lit; falleg sæti & hafa verið endurnýtt í aðra vagna sem er hið besta mál.

Volvo-menn hafa aptur á móti gengið í lið með blámanum en næstum allir slíkir hér á vígvöllum veganna eru með bláum sætum.

Sömu sögu er að segja af Irisbus Crossway vögnunum sem eru í eigu byggðasamlagsins. 

Hinsvegar virðast Irisbus-menn hafa verið í taumlausu stuði þegar þeir bólstruðu vagnana sem verktakinn suður í Firði á; blátt, grænt, rautt & gult. & munstrið kassalegt & kósý.

Þvílík fegurð - meira svona!

Athugull með áklæði
í öndvegis ferðum.
Áferð, efni & þræði
sem er´af mörgum gerðum.

Áklæði & gluggatjöld ...

Hinn treggáfaði & tornæmi dr. Gylforce tvistaði takfast við næstum tylft vagna hvar hann svá endaði með því að tríta sig með einum blágulum. Maður lifandi - þvílíkur mánudagur!

Dr.-inn tók leið 35 í þrígang & voru það ekki einu sænskættuðu vagnar dagsins. Merkileg nokk. Meir um það síðar.

Doksi kallinn brá á það ráð að sitja sem fastast í leið 4 hvar hún ók fagurt um lendur Breiðhyltinga. Hvur veit nema dr.-inn þurfi að kynna sér þetta svæði til hlítar áður en langt um líður. Til taks var hinn glæsti & glænýi 179 Crossway vagn.

Í Mjóddinni hitti dr. Gylforce á 261 Karosavagninn á leið 12. Hann hefir þessi fagurrauðu sæti sem hljóta eitt sinn að hafa verið í Scania Omnicity vagni. Allavega eru þau nákvæmlega eins. Hvað um það.

Dr.-inn hélt hnarreistur að Hlemmi með hinni tólftu leið. Þar kom annar gamall en góður; 229 Citelis vagn á leið 14. Hann hefir þessi fagurbláu sæti sem voru mjúk og þægileg. Bæði 261 & 229 eru á hendi verktakans í Firði sem er víst þessi misserin afar fúll eptir síðasta útboð byggðasamlagsins. 

Með hinni fjórtándu leið hélt dr. Gylforce rakleitt að BSÍ. & þar kom dýrðin & unaðurinn svo doksi kallinn hélt vart vatni - maður lifandi.

Dr.-inn gat ekki sleppt þeim unaði að taka einn rúnt með 3ja hásinga 701 MB vagninum, þýska stálinu á leið 55. Vagninn sá var á leið upp að Leifsstöð en tók mjög skemmtilegan hring um miðbæ þeirra Reykvíkinga.

Leið 55 hentar afbragðsvel fyrir skælingana; við Fríkirkjuveg stöðvar hann & þar geta Kvennskælingar búsettir í Hlíðahverfinu, Garðabæ & Hafnarfirði komið sér vel fyrir. Næsta stopp var Ráðhúsið & þar einhentu hafnfirskir nemendur úr Lærða skólanum sér inn í vagninn en leið 55 er mun fljótari í förum en leið leiðanna, leið 1, frá miðbænum að Firði. Nema hvað.


Við Kringluna geta svo Verzlingar & MH-ingar skellt sér með þessum eðalvagni. Þeir nýta sér aukinheldur vagninn grimmt & voru um 35 vagnverjar með í för, fæstir á leið að Leifsstöð.

Þá tók doksi eptir því að nú getur vagnstjórinn á þeim blágula talið nákvæmlega inn í vagninn. Hann spyr verjana hvert þeir séu að fara & stimplar það inn í tölvuna sína.

Þetta eru gríðarlega mikilvægar upplýsingar fyrir Strætó bs. en byggðasamlagið þyrfti að búa yfir slíkum vagnverjatölum á öllum leiðum sínum til þess að nýta fjármagnið sitt sem allra best.

Ígrundandi klæðin á
alls konar vögnum.
Ljót & sæt doksi sá
í sínum gögnum.

Sunnudags ...

Hinn sunnlægi & suðandi dr. Gylforce lét strekkinginn eigi á sig fá hvar hann skellti sér í vagnarannsóknir. Nema hvað.

Hið gamla hró dr.´s hjó eptir því hve fáir vagnverjar voru á ferli í kvöld. Ugglaust hefir hvassviðrið hapt áhrif á vini mína, vagnverjana. Hvað um það.

Dr. Gylforce hóaði í leið 13 við Hávallagötu hvar hann fékk hinn glæsta & geysifagra 180 Crossway vagn. Doksi kallinn var hinsvegar eini vagnverjinn áleiðis að Hlemmtorginu.


Dr.-inn lét eigi staðar numið við hina þrettándu leið. Ó, nei. Einvörðungu Crossway vagnar voru á vachtinni sem er orðið alþekkt á hinum heilaga hvíldardegi. Doksi kallinn sté næst inn í leið 3 við Hörpuna. Strætóskýlið við tónleikahöllina er skemmtilegt & knúið áfram með grænni orku. Vonandi verða fleiri svona út um borg & bí áður en langt um liður.

Öngvinn vagnverji var í 174 Crossway vagninum á leið 3 sem var á leið upp á Hlemm. Að mörgu leyti er það skiljanlegt hvar stutt er í endastöðina en öngvu að síður leiðir það hugann að því hvers vegna leiðir 1,3 & 6 þurfa allar að enda á Hlemmi. Í hinu lostfagra leiðakerfi er hver ekinn kílómetri dýr & því skiptir það miklu máli að nýta fjármagnið sem allra best. Það er vart gert með þvi að aka þremur leiðum yfirleitt galtómum frá Lækjartorgi að torginu við Hlemminn. Eða hvað???

Dr. Gylforce langaði til að komast í kynni við vini sína - vagnverjana - & hélt því næst í leið 1 frá Hlemmi. Við Lækjartorg koma yfirleitt a.m.k. 10-15 verjar inn svá doksi kallinn trúði ekki öðru en hann yrði nú ekki einmana & yfirgefinn í þessum eðalvagni. En öðru nær.

Það voru einvörðungu þrír vagnverjar sem sátu í hinum glæsta & glænýja 156 Crossway vagninum á leið 1 alla leið að Hamraborg okkar Kópvæginga.

Dr.-inn man nú ekki eptir svona fámennri ferð í leið leiðanna, leið 1.

Síðla á sunnudegi
sit sem yngismey.
Vagnarnir á vegi
vagnverjarnir ei.


Mynd af leið 3: http://flickriver-lb-1710691658.us-east-1.elb.amazonaws.com/photos/73096525@N02/tags/iceland/

Egó í snjó ...

Hinn árrísuli & uppfinningasami dr. Gylforce einhenti sér í hinn sænskættaða eðalmálm á leið 35 i morgun hvar hann þurfti að aka unga vagnverjanum í Undralandið. Nema hvað.

Dr.-inn & ungi vagnverjinn tóku vagninn utan annatíma & varð doksi kallinn enn & aptur fyrir vonbrigðum með seinkomu vagnsins. Gylforce-inn greip í rauntímakortið á straeto.is & sá klukkan 9:41 að leið 35 var enn upp í Hamraborg, orðin 4 mínútum of sein. Vagninn kom svo ekki fyrr en kl. 9:45 við Stútulautina sem er 5 mínútna seinkun.

Það hapði gert ofankomu náttina áður en hún var heldur lítil & vart til þess að tefja vagninn svona hressilega. Ólíklegt verður aukinheldur að teljast að leiðir 1,2 & 4 úr miðbæ á leið í hverfi hafi verið um átta mínútum of seinar. Þær eiga að koma upp í Hamraborg okkar Kópvæginga kl. 9:33-9:34 & leggja svo af stað kl. 9:37, líkt & leið 35.

Það er alltof algengt að vagnstjórar verktakans vestur á Kársnesi virði tímatöflur vagnanna að vettugi.

Dr. Gylforce hlakkar ekki til næsta hausts en þá mun þessi verktaki aka miklu fleiri leiðum en einungis þeim kópvægsku.

Í morgun var mættur
í muggu & snjó.
Gylforce gleiðfættur
með geðveikt egó.

Tjallans tímatöflur ...

Hinn spaki & sprellaði dr. Gylforce spekúlerar opt & einatt í því hví vér Frónbúar reynumst svona aptarlega á merarfjandanum hvað upplýsingar til vagnverja varðar.

Það virðist ætla að ganga treglega hjá Strætó bs. að setja í alla vagna plakat með mynd af leiðinni sem viðkomandi vagn ekur. Vissulega eru komnar stafrænar upplýsingatöflur & hin íðilfagra rödd Herdísar Grýlu hljómar - "næsta stopp er ...". En betur má ef duga skal.

Það væri mikill akkur í því að fá stafrænar tímatöflur á helstu stoppistöðvar í hinu lostfagra leiðakerfi höfuðborgarsvæðisins. Þær eru vel þekktar í helstu stórborgum Evrópu, eins & í Lundúnum, Berlín, París, Hamborg, Dublin & víðar.

Á neðri myndinni er dr. Gylforce t.a.m. staddur á Oxford stræti í London & hugðist taka leið 10 vestur í Kensington hverfi. Með afar skýrum & einföldum hætti gat hann séð að hann varð að bíða einungis í þrjár mínútur.

Vonandi gerir byggðasamlagið bragarbót á þessu & við sjáum töflur eins & á myndinni þegar fram líða stundir.

Fiskur, kolla & kartöflur
á kránni margar gerðir.
Flottur Tjallinn með töflur
toppa þær allar ferðir.

Dagskort doktors ...

Hinn hugdjarfi & hófsami dr. Gylforce hefir velt vöngum undanfarið yfir dagskortum eptir að hann kom frá Mekka. Maður lifandi.

Dr. Gylforce keypti tvö slík í Lundúnum. Fyrir gjaldsvæði 1 (zone one) greiðir maður heil 5 pund sem eru rúmar 900 íslenskar eðalkrónur.

Til samanburðar kostar dagskort í vagnana á höfuðborgarsvæðinu 1500 kr. Verðið á þeim hefir næstum þrefaldast frá því kortið kom fyrst á sjónarsviðið fyrir um átta árum. Nema hvað.

Þetta er allra athygliverður munur; 900 kr. vs. 1500 kr. Það er spurning hverjir það eru sem kaupa dagskort hér á Klakanum. Ætla mætti að viðkomandi vagnverji verði að fara a.m.k. 4 ferðir þann daginn & án þess að notast við skiptimiða. Hver ferð kostar nú þá skrýtnu tölu 420 kr. Leiða má líkum að því að ferðamenn séu duglegastir til þessa að festa fjár í dagskortum. Hvað um það.

Dr. Gylforce, hertoginn af Stútulaut, hapði í hyggju að hitta jarla, Játvarða & hertogann af Jórvík í heimsókn sinni til Bretaveldis en hapði nú ekki mikið erindi sem erfiði að þessu sinni. Doksi kallinn lét sér duga að dratthalast með dagskortið í double-decekernum fram hjá Buckingham palace & Downingstræti svo fátt eitt sé nefnt.

Dr.-inn situr heima í laut sinni & dreymir um fleiri ferðir til Mekka. En ekki hvað???

Nú skal um unað ort
eðalinn í plasti.
Doktorsins dagskort
draumur flottasti!

Reykvískt rökkur ...

Hinn sortni en þó fráleitt svartsýni dr. Gylforce sveimaði í gærkvöldi á vit vagna. Doksi kallinn hefir komist upp á lagið með að taka leið 2 & 13 er hann langar að skella sér í miðbæ þeirra Reykvíkinga. Hvað um það.

Það fer yfirleitt vel á því að taka leið 2 frá Hamraborg áleiðis að Hlemmtorgi. Hún mætir ávallt fyrst meðal vagnanna & því biðtíminn í lágmarki þegar skipt er úr leið 35 í númer 2.

Dr. Gylforce hélt með annarri leið að RÚV & skipti þar snarlega yfir í leið 13. Svo virðist sem vagnarnir tveir sem annast hina þrettándu leið séu nú hinir glæstu 180 & 184 Crossway vagnar.

Á annatíma eru svo hinir sænksættuðu gul/grænu Scania Omnilink 118 & 119 metan vagnarnir kallaðir inn á vígvelli veganna á leið 13. Nema hvað.

Dr.-inn tók leið 4 tilbaka úr solli miðbæjarins. Síðla sunnudags skal hin fjórða leið leggja af stað frá Hlemmi 16 & 46 mínútur yfir heila tímann. Það reynist of snemmt þegar vagnverjar eru fáir aukinheldur sem umferð er lítil. Byggðasamlagið þarf að breyta þessu í ágúst & láta vagninn hefja leik kl. 18 & 48 á sunnudagskvöldum.

Út í hið reykvíska rökkur
í rólegheitunum.
Sá kópvægski varð klökkur
er kom hann að vögnunum.