Módern fernd ...

Hinn vopnfimi & vígkæni dr. Gylforce var meðal vina sinna - vagnanna - í gærdag hvar hann áði & spáði í urmul vagna sem voru á vachtinni þennan annars munúðarfulla mánudag. Áður en sól hneig til viðar hapði dr.-inn tekið traustataki fyrirtaks fernd & voru vagnar af hinum ýmsum gerðum. Nema hvað.

Dr. Gylforce buktaði sig & beygði venju samkvæmt þegar hinn sænskættaði Volvo vagn á leið 28 kom upp að Hörðuvöllum. Sænska stálið þaut um Þingin & endaði í Mjódd þeirra Breiðhyltinga. 

Í Mjóddinni iðaði allt af lífi; ferðamenn komnir á kreik & spókuðu sig & öfluðu sér upplýsingar um hina mikilsmegandi & mektugu blá/gulu vagna er kanna lendur landsbyggðar aukinheldur sem mörlandinn muldraði eitt & annað fyrir munni sér & hoppaði inn í þá heiðgulu. En ekki hvað???

Doksi lék kunnugleg stef í Mjóddinni & kannaði leið 4 um kópvægskar koppagrundir. Hann sótti unga vagnverjann skammt frá Hamraborg & Hálsatorgi okkar Kópvæginga & hélt með honum á vit vagna.

Við Hálsatorgið kom hinn spánnýi & spennandi 307 vagn Kynnisferða á leið 28. Þrásetuþrá & langdvalarlöngun heltók feðgana um hæl & hentu þeir sér inn í vagninn & settust aptast.

Eptir langan unaðshring með spánnýja vagninum var komið að ferð í fegurstu laut jarðarkringlunnar. Hinir engilsaxnesku MAN vagnar númer 304 & 305 virðast fjarri vígvöllum veganna & sótti hinn sænskættaði 303 vagn þá feðga á leið 35 & hélt rakleitt í Stútulautina. 

Í helgum dómi doktorinn
& drjúgur með sig. 

Þrálátur & þverbrotinn
það er bara þannig! 

Harðasprettur hálffimm ferðar ...

Hinn útsmogni & íbogni dr. Gylforce fær stundum að kenna á því meðal vina sinna, vagnanna. Eins & fram hefir komið vill doksi kallinn að leið 35 bíði upp í Hamraborg okkar Kópvæginga eptir borgarvögnunum, leiðum 1,2 & 4, þótt um háannatíma sé að ræða. Hvað um það.

Dr. Gylforce mætti galvaskur á dögunum út við biðskýli sitt við Stútulautina & fýsti í ferð með hinum sænskættaða góðmálm á leið 35. Klukkan var stundvíslega 16:41 en þá á vagninn að lenda við lautina fögru. Doksa beið í grun að hann kæmi nokkrum mínútum of seint hvar vagninn þarf að bíða í Hamraborginni eptir öðrum leiðum. Svá kom sá sænski & hinn ungi & aldni vagnverji stigu um borð.

Þeir voru varla búnir að greiða gjaldið þegar vagninn hentist af stað. & þvílík svaðilferð!!!

Vagnstjórinn steig allt í botn við hvert tækifæri & sló lítt af við hraðahindranir & þrengingar. Máttu hinir miklu vinir vagnanna taka mikið mark á skiltinu góða: Haldið fast meðan vagninn er á ferð.

Loks komst vagninn upp í Hamraborg og var þar um kl. 17:04. Það er því greinilegt að leið 35 þarf að fara á harðaspretti til þess að ná hinum unaðsgóða hring um Voginn. Nema hvað.

Örlög Gylforce stundum grimm
& gleðin kengbogin.
Harðasprettur klukkan hálf-fimm
sem hendir þér um Voginn.

Beisk bið ...

Hinum geiglausa & gunnreifa dr. Gylforce var gert gramt í geði í vagnaferðum dagsins. Doksi kallinn var á kunnuglegum slóðum í þrennd sinni hvar hann lenti í nokkrum leiðindum & er ekki par sáttur fyrir hönd vagnverja. Nema hvað. 

Dr.-inn tyllti sér inn í hinn sænskættaða 309 eðalmálm á leið 35 um kl. 16:37 í Hamraborg okkar Kópvæginga. Eins & vera ber bíður vagninn sá eptir leiðum 1,2, & 4 neðan úr bæ eða það hélt doksi kallinn hið minnsta. Hinn grábirkni & yfirleitt geðugi vagnstjóri á leið 35 leiddist greinilega þófið í Hamraborginni & æddi af stað þremur mínútum of seinn án þess að leiðir 1 & 2 væru komnar.

Það var sárgrætilegt að sjá hann leggja af stað því leið 1 var að koma upp rampinn. Þetta var því spurning um að bíða í 1 mínútu. Hafa ber í huga að leið 35 ekur aðeins á 30 mínútna fresti & því er ansi hart fyrir vagnverja að sjá á eptir henni & þurfa að bíða í um 30 mínútum eftir næsta vagni. Allt annað gildir t.d. um leið 28 sem kemur stundarfjórðungslega. Hvað um það.

Vonandi gerist þetta ekki aptur í bráð.

Eitt á eigi að líða
í vagnaferðunum.
Bið ég menn að bíða

eptir borgarvögnunum. 

Langdvalarlöngun ...

Hinn heimtufreki en þó heimakæri dr. Gylforce hélt á vit vagna á Handritadaginn hvar þetta hefir ávallt verið merkisdagur í hugarþeli doktorsins. Helst vildi doksi kallinn halda í þrásetu & langdvöl með vögnunum - vinum vorum - niður að kaja & upplifa söng kinnunganna en lét sér nægja kópvægskar koppagrundir að þessu sinni. Nema hvað.

Löngun í langdvöl
& sá litli með.
Eptir spott´& spöl
spangólar mitt geð.

Hinn ungi & aldni vagnverji urðu ásáttir um að einhenda sér í afar ljúfa langdvöl með hinum spánnýja & spennandi 307 VDL-vagni á leið 28 í dag. Þeir báru kost sinn um borð sem að þessu sinni var Doddi (fýlulegur hundur unga vagnverjans) & munúðarfull flaska af MAX-inu sem aldni vagnverjinn hélt traustataki á. En ekki hvað???

Þeir feðgar flutu fagurlega með vagni þeirra Kynnisferða frá kópvægskum smárum hvar þeir höpðu kannað hin ýmsu leiktæki bæjarins & héldu með vagninum í gegnum efri byggðirnar alla leið að Mjódd þeirra Breiðhyltinga. 

Í Mjóddinni æfði sá ungi sig í að telja með aðstoð vagnanna meðan hinn aldni sat sveittur við að fylgjast með hverju fótmáli vagnverja & dekkjarförum þeirra gulu. Hvað um það.

Feðgarnir skáskutu sér inn í meginlandsvagn á leið 4 hvar þeir vildu ólmir komast í Hamraborgina háu. Þar beið svá hinn sænskættaði sem hinn ungi kallar ávallt "Gamli nýi strætó".

Sænska stálið færði þá félaga að fegurstu laut jarðarkringlunnar hvar hinn ungi hélt áfram vagnaglápi sínu meðan hinn aldni hélt ótrauður áfram vinnu sinni við að færa í letur ferðir sínar á kálfskinn líkt & forfeður hans í denntíð.

Yfir&út!

 

Mynd: arnastofnun.is 

Písl & píning ...

Hinn píreygði & pyntaði dr. Gylforce paufaðist í vagnana hvar píslarvika stendur nú sem hæst. Það var gleðilegt að upplifa að vagnarnir - vinir vorir - tóku slaginn á vígvöllum veganna á föstudaginn langa. Það hefir ekki alltaf verið svo. Nema hvað.

 

Krists kvöl

á krossi
gleð´& öl

hjá Gylforcei 

Það var ólíku saman að jafna hjá þeim frændum Kristi-num & Gylforce-num á þjáningardeginum. Dr. Gylforce fagnaði komu vagnanna með gleði & þeim görótta & tók þrásetur þrjár meðal þeirra meðan Kristur forðum hékk á krossinum fyrir okkur syndarana. Hvað um það.

Litli & stóri vagnverjinn tóku hinn sænskættaða á leið 35 & fengu sérferð að Hamraborg okkar Kópvæginga. Sá stutti var heldur þreyttur & lúrði meðan vagninn renndi sinn unaðshring. 

Í Hamraborginni hóuðu þeir feðgar í Crossway 140 á leið 4 & héldu með honum þráðbeint - eða því sem næst - að Hlemmtorginu. Aðeins einn annar vagnverji var með í för.

Að lúkningu settust sá litli & stóri í Crossway vagn á leið 14 að þessu sinni. Vagnstýran kepptist við að vera ekki á undan áætlun & stöðvaði nánast við allar biðstöðvar.

Feðgarnir fræknu kvöddu vagn þeirra Fjarðarmanna við Lækjartorg hvar þeir héldu út í rokið, éljaganginn & sólarglennurnar!

Þrásetuþrá ...

Hinn staffírugi & státni dr. Gylforce hefir stigið vel í vagnana í kyrraviku þessari hvar hann hefir horfst í augu við urmul vagna & ógrynni vagnverja ásamt sérlega aðstoðarmanni sínum. Nema hvað.

Litli & stóri vagnverjinn sinntu vagnarannsóknum sínum síðasta hvíldardag af einstaka natni & nákvæmni. Þeir voru hreyfingarléttir & kvikulir milli vagna - einkum leiða 2, 28 & 35 - & áttu unaðsþrásetur & afbragðslangdvalir meðal vagnanna - en ekki hvað???

Öllum stundum inn í nýja

ágirnist vagnverjinn. 

Dásömuð er sú drossía
- svo dýrðleg ljóskerin!

Nú sem endranær stóð upp úr hringurinn með hinum spánnýja & spennandi 307 VDL-vagni þeirra Kynnisferða sem var á leið 28. Vonandi festa þeir fjár í fleiri slíkum vögnum því ekki virðist vanþörf á. Ekki verður annað séð en að hinn sænskættaði 302 Volvo-vagn & hinn engilsaxneski 304 MAN-vagn séu nánast horfnir af vígvöllum veganna. Svo var vagnahallæri verktakans mikið í gær að það sást til 129 Citelisvagns byggðasamlagsins á leið 28. Hvað um það.

Í dag - skírdag - er stund milli stríða hjá þeim feðgum hvað vagnarannsóknir áhrærir. En á morgun - þá er vert að fylgjast með mínir virðulegu vagnverjar!

Hvarvetna í hvívetna ...

Hinn hversdagslegi & kvikinski dr. Gylforce hefir tekið gnótt vagna undanfarna daga hvar hann hefir aukinheldur verið eigi maður einsamall við vagnarannsóknir sínar. Nema hvað.

Litli vagnverjinn hefir nefnilega látið vel í sér heyra & vill ólmur taka þátt í rannsóknum þessum. Sá stutti vill t.a.m. komast í "nýja strætó" (hinn spánnýja & spennandi 307 VDL-vagn) eða bara í "gamla-nýja" (hinir sænskættuðu Volvo-vagnar Kynnisferða) & eiga þar langdvalir & þrásetur - líkt & karl faðir hans. Hvað um það.

Feðgarnir víðförlu hafa því farið mikinn & m.a. komist í kynni við leiðir 2, 24, 28 & 35.

Gullfallegir & heiðgulir
geysast þeir um bæi.
Í hvívetna mjög hvikulir
& hvarvetna í lagi.*

*sérstaklega eptir að Teiti kallinn hætti akstri. 

Þrammað í þrennd ...

Hinn þrumulostni & magnþrungni dr. Gylforce þrammaði af stað í sína ginnheilögu þrennd í gær. Örlítil sólarglenna sást hér ofar snælínu hvar doksi kallinn hélt af stað & fékk - nú sem endranær - einn eðal sænskættaðan vagn á leið 28. Vagninn er mjög sjaldan á réttum tíma við Hörðuvelli en nær sér svo á strik þegar hann paufast í park-gírinn við Mjódd þeirra Breiðhyltinga. Hvað um það.

Í Neðra-Breiðholti örlaði aðeins á vorstemmningu í loptinu. Gleðilegt. Dr. Gylforce bukkaði sig með virktum fyrir Irisbus Crossway vagni er kom aðvífandi á leið 4. Hann hélt með honum með hýrri há alla leið að hinni hamfögru & haglegu Hamraborg okkar Kópvæginga. Allt þekktar stærðir - nema hvað???

Til þess að komast í fegurstu laut jarðarinnar skáskaut doksi kallinn sér enn & aptur inn í hinn stutta engilsaxneska 305 MAN vagn á leið 35 & gladdi það hið gamla hró hvar urmull vagnverja var um borð.

Umræðan hér er klisjukennd
kemur lítt á óvart.
Þrammaði í eðal þrennd
þýðlyndur óspart!



Mynd: http://citybus.piwigo.com/

Ráf & skrjáf ...

Hinn stífi & stirðbusalegi dr. Gylforce komst lox úr útlegð sinni úr Hrútafirðinum hvar fátt var um fína drætti hvað vagna varðar. Nyrðra sást einvörðungu til leiðar 57 tvisvar á dag & var reyndar gleðilegt að horfa upp á þjóðveginn & koma auga á blá/gulu vagna þeirra Fjarðarmanna. Hvað um það. 


Ráfandi um Reyki
reikandi án vagns
iðkandi knattleiki
öngvum til gagns!

Dr. Gylforce beið öngvra boða um helgina & hélt á leið - en ekki hvað??? Hann hapði & litla vagnverjann sér til fulltingis enda hapði sá stutti öngvar vagnaferðir fengið í heila viku. Agalegt.

Þeir feðgar sáu strax hinn spánnýja & spennandi 307 VDL-vagn á leið 28 & skelltu sér um borð. Með honum héldu þeir glaðir í bragði að Hamraborg okkar Kópvæginga. Nú skyldi haldið til hennar Reykjavíkur & alla leið niður í miðbæinn. Er þá & affarasælast að taka leið 1 sem & þeir feðgar gerðu. 

Eptir stutta bið kom hinn sænskættaði 188 Volvo á leið 1 drekkhlaðinn vagnverjum. Feðgarnir rétt komust inn í vagninn & var hvergi sæti að fá. Heldri kona kom þá til skjalanna & bauðst til að halda á litla vagnverjanum á leiðinni - afar vingjarnlegt af henni.

Dr.-num finnst það skrýtið að byggðsamlagið Strætó bs. noti ekki lengri vagna sína (3ja hásinga) á leið 1 um helgar. Aðeins einn slíkur var á vachtinni, 198 vagninn. Fjölmargir vagnverjar voru á leið niður í bæ um helgar - enda veður dágott - & því tilvalið að nota stærri vagna. Nema hvað.

Feðgarnir hóuðu að lúkningu aptur í leið 1 við Sæbrautina hvar þeir fengu hinn sænskættaða 190 vagn. Hann lenti í mikilli umferðarteppu við Hörpuna & áði þremur mínútum of seint í Hamraborg okkar Kópvæginga. Þaðan komust þeir svá loxins í hinn engilsaxneska & stutta 305 MAN vagn á leið 35 - sem er aptur kominn á stjá - & héldu með henni að fegurstu laut jarðarkringlunnar, Stútulautinni.

Loxins loxins komnir heim :)


Myndir: http://citybus.piwigo.com/

Hinn viðþekkti vagnverji...

Hinn dulmagnaði en þó dauðhreinsaði dr. Gylforce dreif sig meðal vagnanna í gær hvar hann náði fimmfaldri gleði & fullnægingu eptir ferðir dagsins. Nema hvað.

Doksi kallinn fór á fjörurnar við leið 2 við aftureldingu á hinum þekkta vippudegi hvar hann fékk 127 Citelisvagninn. Hann sté inn við Salalaug & skyldi nú ekið með fumlausum hætti framhjá Hádegishólum, niður Lindir, framhjá Engjaborg & alla leið að Hálsatorgi okkar Kópvæginga. Leið 2 lagði fyrr úr vör en áður sem þýddi að hún var á góðum tíma í Hamraborginni. Hvað um það.

Doktorinn í dagskímu
drollaði af stað.
Haldinn sinni vagnsvímu
vitaskuld - auðvitað!

Dr. Gylforce hélt með hinni annarri leið að Hlemmtorgi þeirra Reykvíkinga. Þar brá doksi kallinn á það ráð að endasentast með leið 19 að Ártúni. Nýlegur Crossway vagn þeirra Fjarðarmanna færði dr.-inn ásamt 12 öðrum vagnverjum farsællega að Ártúni hvar hann hóaði næst í leiðina sem bindur allt heila vagnakerfið saman; leið 24.

Aptur var það eðal Crossway vagn á leið 24 sem sveimaði að Mjóddinni hvar doksa kallinum var farið að lengja eptir einum sænskættuðum eða svo.

Í þeim sænskættaða komst dr.-inn heilu & höldnu upp að Hörðuvöllum & hélt svá síðar uppteknum hætti & heimsótti Svíann. Að þessu sinni var hann á leið 35 hér í Voginum því enn virðast hinir stuttu en funheitu MAN vagnar vera víðsfjarri vígvöllum veganna.




Mynd: http://citybus.piwigo.com/