Þrásetur & langdvalir ...

Hinn þrákelkni & þverlyndi dr. Gylforce þrengdi sér í vagna nokkra í gær. Doksi kallinn buktaði sig & beygði hvar hann sá 112 Omnilink á leið 4 í Mjóddinni & leið með honum sína leið, alla leið að Hlemmtorgi þeirra Reykvíkinga. Mikil & unaðsför var það, mínir virðulegu vagnverjar.

Inn á Hlemmi var vinalegt um að lítast; urmul vagnverja á leið á leið eða á leið úr leið, allt eptir behag hvers & eins. Dr.-inn sat hinsvegar spakur með sitt Max & horfði með eptirtekt & aðdáun á vini sína; vagnana & vagnverjana. 

Doksi kallinn sá svá hinn spánnýja 140 Crossway á leið 4 & beið ei boða; tak mig í Voginn upp að Hálsatorgi þú nýi vagn!

Í Hamraborg okkar Kópvæginga fjölgaði í liði dr.´s hvar litli vagnverjinn fékk að vera með. Tóku þeir feðgar eina netta langdvöl & þrásetu í hinum stutta 304 MAN vagni á leið 35 - nú sem endranær - & var erfitt að sjá hvor hapði meir gaman af.

Mynd: http://citybus.piwigo.com/

Hringeygð hrifning ...

Doktorinn fer opt á stjá
út að taka hring
inní einn & jafnvel þrjá
endalaus hrifning!

Hinn hrifnæmi & hringaði dr. Gylforce hefir vel tekið á vögnum vorum undanfarið en einbeitt sér þó að þeim er aka um kópvægskar koppagrundir.

Í gær var 304 vagninn tekinn með trompi á leið 35 & hringaður vel. Með í för var litli vagnverjinn sem réð sér vart fyrir kæti í hvert sinn sem þrýst var þéttingsfast - en þó fimlega - á stanzrofann. Vel heyrist í bjöllugarminum í hinum stutta 304 vagni & ekki spillir fyrir skærrautt ljós sem birtist fyrir ofan upplýsingatöfluna. Hreinn unaður alla leið!

Í blæðandi morgunsárinu hapði dr.-inn afskipti af tveimur sænskættuðum vögnum þeirra Kynnisferða hér upp á þeim hörðustu. Doksi kallinn hóaði í 308 & 310 vagna á leið 28 & var akstur þeirra fumlaus & fágaður um Sali, Kór & Þing. Þvílík hrifning!

Mynd: http://citybus.piwigo.com/

Allt & sumt - salt & aumt ...

Hinn forkunnarfagri en fráeitt frussandi dr. Gylforce fagnaði ógurliga hvar hinn stutti MAN 304 vagn er aptur kominn á vígvelli veganna eptir nokkurra vikna frí & dembdi vagninn sér um hæl á leið 35 hér í Voginum.

Dr.-inn beið öngvra boða & hefir dvalið títt hjá vagni þessum um helgina. Aukinheldur hefir hann komist í kynni við hinn nýja 136 Crossway-vagn sem að þessu sinni var á leið 4 en ekur yfirleitt leið 3.

Það er gott að sitja í hinum stutta 304 vagni hvar hann er vel upphitaður, sætin mjúk & með öryggisbelti sem er einkar gott fyrir litla sálufélaga dr.-ins sem er ávallt með í för.


Mynd: http://citybus.piwigo.com

Gul gata - grá gata - Golgata ...

Vagnar liggja til allra átta
ægifagrir að sjá.
Doksi bæði dags & nátta
dvelur títt þeim hjá.

Hinn vökuli en fráleitt valdafýsni dr. Gylforce minntist húsgangsins hér að ofan hvar hann hefir tekið urmul vagna undanfarna daga & hitt fjöldann allan af skemmtilegum & virðulegum vagnverjum.

Dr.-inn hefir því miður þurft að halda sig við sömu leiðirnar & er orðinn nokk leiðigjarn, þ.e. gjarn á sömu leiðir. Doksi kallinn hefir komist í kynni við hinn stutta 163 Heuliez & 103 Omnicity á leið 4 auk hinna nýju 138-140 Crossway-vagna aukinheldur sem hinir sænskættuðu vagnar Kynnisferða eiga enn sviðið á leið 35 hér í Voginum.

Með leið 4 er ljúft að líða um frá Mjódd að Skemmuvegi & heyra hina íðilfögru rödd Herdísar Grýlu í vagninum segja: "Næsta stopp er (smá þögn): Smiðjuvegur - gul gata." Svá eptir örskamma stund hún & segir: "Næsta stopp er (enn smá þögn): Smiðjuvegur - grá gata." Það vantar bara hinn fimi bassaleikari mæli  "... næsta stopp er (þögn): Smiðjuvegur - Golgata."  

Vonandi enda þó vagnarnir eigi för sína á Hauskúpuhæð líkt & Krissi forðum. Hvað um það.

Um kaffileytið var gaman að sjá í Hamraborg okkar Kópvæginga hinn glæsta 170 liðvagn byggðasamlagsins. Hann var á aukavacht á leið 1 eins & hann gerir gjarnan snemmindis en var að þessu sinni að koma frá höfuðstaðnum áleiðis í Fjörðinn með fullfermi. En ekki hvað???








Myndir: http://citybus.piwigo.com og straeto.is 

Vagn veður villu ...

Hinn dulúðlegi & dulvitri dr. Gylforce varð heldur dapur í bragði í gær hvar hann tók einn góðan hring með hinum sænskættaða 301 vagni á leið 35. Vagninn var seinn fyrir enda annatími & reyndi vagnstjórinn hvað hann gat að vinna upp tíma á leiðinni svo vér vagnverjar máttum halda oss fast meðan vagninn var á ferð. 

Vagninn fór nýja leið sem doksi kallinn hefir eigi farið áður. Hann beygði inn Heiðarhjallann af Skálaheiðinni vegna framkvæmda sem gaf ferðinni nýja & góða vídd. Vagninn skilaði sér upp í Hamraborg um kl. 16:34 & máttu vagnverjar hafa sig alla við að ná leiðum 1,2, & 4 niður í bæ.

Sömu leiðir voru hinsvegar ekki komnar neðan úr bænum. Venja er samkvæmt reynslu dr.´s að leið 35 bíður eftir leiðum 1,2, & 4 sem eru að koma frá Reykjavík. Sú var ekki raunin í gær & rauk 301 vagninn af stað á slaginu kl. 16:37. Þá var leið 2 að renna í hlað en það virtist ekki skipta neinu máli hjá vagnstjóranum. 

Gylforce-inn skilur að leið 35 geti ekki endalaust beðið eptir Reykjavíkurvögnunum en hafa ber í huga að Kópavogshringurinn er á 30 mínútna fresti & því mjög hvimleitt að koma úr höfuðborginni & vera nýbúinn að missa af hinni 35. leið.  

Að mati dr.´s hepði öngvinn skaði orðið þótt leið 35 hepði beðið í um 3-5 mínútur eftir leiðum 1,2 & 4. Það hefur líka margopt verið gert.

Þarna lá vagnstjóranum eitthvað á en vonandi var þetta undantekningartilvik.

Mynd: http://citybus.piwigo.com 

Fimmföld fullnæging ...

Hinn ályktandi & affarasæli dr. Gylforce komst í álnirnar sjúku líkt & Stífur Hilmars hér um árið hvar hann sat í fimm sænskættuðum vögnum í gær. 

Dr. Gylforce var staddur við Stjórnleysisráðið á hvíldardeginum þegar hinn glæsti sænskættaði 191 vagn kom akandi frá Sæbrautinni.

Þessi fallegi Volvo-vagn byggðasamlagsins ber ábyrgð á C-vachtinni & hugði doksi kallinn endasendast með honum alla leið að Hálsatorgi okkar Kópvæginga.

Úr því varð þó ekki hvar vagnstjórinn kallaði við Kringluna að nú yrði skipt um vagn. Doksi fékk örlítinn hroll & óttaðist að nú tæki við vagn sem yrði fráleitt sænskættaður. En sá ótti varð að fljótt að unaði. Á stæðinu fyrir framan 191 vagninn beið 111 Scanian & brunaði með oss vagnverja að Hálsatorgi okkar Kópvæginga.

Frá Hálsatorgi ákvað doksi kallinn að hafa þetta bara einfalt. Hann lagði einn við 111 vagninn & hoppaði inn í hinn sænska 112 vagn sem að þessu sinni var á leið 4. Hann fékk eðalferð að Mjódd hvar hann skáskaut sér inn í 107 sem einnig var á leið 4. Þar með var dr.-inn kominn með firnagóða sænska vagnafernu & ljóst að dagurinn stefndi í algjöran unað.

Til að hafa daginn fullkominn fór doksi kallinn á fjörurnar við 307 vagninn á leið 35 & þar með var morgunljóst að fullnæging daxins var orðin fimmföld, maður lifande ...

Myndir: http://citybus.piwigo.com

Sitjandi sænsk sæla ...

Hinn svæsni en fráleitt svívirti dr. Gylforce sveif á sænsku gæðastáli allan gærdaginn hvar hann átti stefnumót bæði við Scaniu & Volvovagna út um hvipp & hvapp; maður lifandi, þvílík dásemd.

Doksi kallinn virðist vera orðinn eilífur augnakarl í sænsku sexvögnunum á leið 28. Hann kom sér vel fyrir í einum þeirra & sveif með sænskmálminum alla leið að Mjódd þeirra Breiðhyltinga. Þar munaði litlu að vagninn lenti í árekstri við blá/gulan vagn sem var að hætta akstri á leið 57. Betur þó fór en á horfðist - hjúkket!

Leið 28 þarf að taka U-beygju í Mjóddinni til að komast á stæðið sitt & getur stundum skapast hætta af því. Aukinheldur er akstursstefna á leið 11 skrýtinn. Sú leið þarf líka að taka U-beygju þegar hún leggur af stað áleiðis að Seltjarnarnesi í stað þess að láta vagninn snúa akkúrat í hina áttina. Já, margt er skrýtið í kýrhausnum & þarf hann jafnvel ekki til. Nema hvað. Hvað um það.

Í Mjóddinni kom aðvífandi 101 Omnilink á leið 4. Þessi vagn er líklega orðinn einn af aldursforsetunum í flotanum & sá dr.-inn ekki betur en að hann sé búinn að aka tæplega 900.000 km á vígvöllum veganna. Ágætisafrek það.

Að lúkningu skáskaut dr. Gylforce sér aptur inn í leið 28 við Hálsatorg okkar Kópvæginga. Við mennta- & menningarsetrið á Digranesveginum kom urmull vagnverja inn sem svo aptur týndist út einn af öðrum í Hjöllum/Smárum/Lindum/Sölum en doksi sat vitaskuld sem fastast í þessum sænska eðalmálmi.

Yfir&út!

Mynd: http://citybus.piwigo.com

Landsbyggðaleiðir ...

Í gærkveldi barst frétt inn á fréttavefinn visir.is um að íbúar á Vesturlandi væru uggandi vegna almenningssamgangna. Mikið tap er á rekstrinum & svo gæti farið að hætta verði akstri hinna blá/gulu vagna frá Reykjavík til Akraness & jafnvel alla leið til Akureyrar. 

Leitt ef svo fer. 

Visir.is vitnar í frétt frá Skessuhorni þar sem rætt er við Gunnar Sigurðsson Skagamógul með meiru. Hinsvegar er einkar athyglivert að skoða báðar fréttirnar því blaðamaður á visir.is sleppir síðustu málsgreininni í viðtali Skessuhorns þar sem Gunnar segir að mikil ánægja sé með núverandi fyrirkomulag. 

Af hverju kemur það ekki fram hjá visir.is??? Humm, humm, nú verður doksi kallinn huxi yfir þessum fréttaflutningi. 

 

http://visir.is/-straetisvagnaferdir-til-og-fra-reykjavik-gaetu-haeglega-lagst-af-i-vetur-/article/2013131008996

http://skessuhorn.is/frettir/nr/180714/

Mynd: www.skessuhorn.is

Reikull & ráfandi ...

Hinn óstaðfasti hringlandaseggur dr. Gylforce hefir farið hressilega á fjörurnar við vagnana undanfarna daga. Doksi kallinn er nánast daglegur verji í hinum sænskættuðu vögnum frá Kynnisferðum; 301-303 & 306-310 Volvounum en þeir taka slaginn á leið 28 & eiga það til að taka einn & einn hring með leið 35. Hvað um það.
Mynd: http://citybus.piwigo.com

Dr.-inn hefir tekið eptir því að talningarmenn hafa komið sér fyrir í flestum vögnum á vegum byggðasamlagsins nú í október. Þar sitja þeir gráir fyrir járnum & telja & telja; inn - út - inn - inn - út. Virkilega skemmtilegt starf & minnist doksi kallinn þess er hann var í þessum sporum fyrir um þremur árum síðan. Dýrð & dásemd.

Dr. Gylforce hefir aukinheldur gert sér dælt við leiðina er bindur kerfið saman en það ku vera leið 24. Þar fara yfirleitt um sex vagnar á annatíma frá þeim Fjarðarmönnum & bjóða þeir optast nær upp á Crossway vagnana. Doksi tók eptir því um daginn að sætin eru ansi misjöfn í þeim & þykir honum einna best að hlamma sér í 239 vagninn. Maður hreinlega sekkur djúpt í sætin & getur hvívetna fylgst hvarvetna með vögnum & vagnverjum. 

Vagnar í voða ...

Hinn hugumprúði & hrjúfi dr. Gylforce hefir opnað nýjan vettvang fyrir oss vagnverja. Hér eptir munu birtast hér fagrar lýsingar af vögnum, vagnverjum & vígvöllum veganna.

Dr.-inn gekk um snævi þakta Stútulaut sína í morgunsárið & að biðstöðinni sinni. Þar hóaði hann í sænskættaðan 309 vagn þeirra Kynnisferða sem að þessu sinni tók vachtina á leið 35.

Líklega var vagninn ennþá á sumardekkjum hvar hann átti afar erfitt með að taka af stað við flestar biðstöðvar. Öngvu að síður komst doksi kallinn heilu & höldnu með sænska stálinu að Hamraborg okkar Kópvæginga hvar hann skellti sér í annan Svía á leið 28 upp að þeim hörðustu.

Vagnar áttu víða í vandræðum í fannferginu en líkast til er kerfið komið í samt lag er þessi fyrsta færsla er færð í letur.

Mínir virðulegu vagnverjar - það er kominn vetur.

  

 

http://ruv.is/frett/straeto-utaf-veginum-i-breidholti