(Styrktar)Félag vagngefinna ...

Hinn smásmugli en fráleitt skrýtni dr. Gylforce smellti sér í vagnana - vini vora - á mánudaginn hvar hann varð ekki fyrir vonbrigðum enda vagn-gefinn & leiði-gjarn maður með eindæmum.

Doksi kallinn skáskaut sér inn í vagna þrjá & voru þeir með ýmsu móti. Einn af þeim var í styttra lagi & en ferðin með honum reyndist fráleitt stutt.

 

Guli um allar trissur ekur

unaðinn í sinni finn.

Ávallt gleði vagninn vekur 

vagngefinn er dr.-inn.

Dr.-inn einhenti sér inn í hinn stutta 163 Heuliez-vagn á leið 4 við Mjódd þeirra Breiðhyltinga. Þar var allt eins & það átti að vera; urmull vagnverja & vagnstjórinn með Útvarp Sögu í botni. "Þjóðnýting", "eignauppnám", "helv. lífeyrirsjóðirnir" voru orðin sem glumdu úr viðtækinu en dr.-inn sinnti því í öngvu & hófst þegar handa við vagnarannsóknir sínar.

Doksi kallinn hjó aukinheldur eptir því að vagninn var mjög tímanlega á öllum biðstöðvum & renndi svo að lúkningu inn á hárréttum tíma í Hamraborg okkar Kópvæginga.

Þar tók við þekkt stöff mínir virðulegu vagnverjar.

 

Mynd: http://citybus.piwigo.com/

Gula gleðin ...

Hinn hávísindalegi & háttvísi dr. Gylforce hefir farið mikinn á fjörurnar við vini vora - vagnana - undanfarna daga hvar hann hefir rannsakað margt & komist í kynni við urmul vagna. Nema hvað.

Á ljúfum & lítillátum laugardegi laumaðist dr. Gylforce inn í leið 3 við Sæ(roks)braut þeirra Reykvíkinga & langaði með honum upp að Hlemmtorgi. Dr.-inn fékk hinn sænskættaða 105 Omnilink sem var allur skakkur & skældur að þessu sinni & dauðþreyttur á vígvöllum veganna. Hlemmur reyndist aukinheldur hans endastöð & var vagninn í framhaldinu dreginn upp á Háls til viðgerðar. Hvað um það.

Eptir linnulitlar rannsóknir hefir doksi kallinn komist að raun um það að um helgar breytist leið 3 yfir í leið 4 við Hlemmtorg sem átti einkar vel við hvar dr.-inn var á leið í Voginn sinn. Þar fór hann enn & aptur eðalhring með hinum stutta 304 MAN vagni á leið 35.

Í vini mína ljúft ég loks
á leið um hávetur.
Leynda kimi Kópavogs
kanna vil ég betur.*

Í blæðandi sári morgunsins hóaði dr. Gylforce í 303 vagninn á leið 28 við Salalaugina & fékk með honum snotran sænskan túr að hörðustu völlum okkar Kópvæginga.

Svo eptir stutta stund skal enn haldið á vit vagna & verður fróðlegt að sjá hvaða vagnar verða á vegi doksa. 

Fylgist með - fylgist með!

 
Mynd: http://citybus.piwigo.com/
seinni línur fengnar frá http://johanneslaxdal.blog.is

Lemstraður & lúinn ...

Hinn lipri & lagni dr. Gylforce ráfaði um í reiðileysi í lautinni sinni síðla kvölds hvar hann langaði ógurliga að eiga stefnumót við vagnana, vini vora. Doksi kallinn beið því öngvra boða & hætti sér út í svellalög & hálku & hóaði venju samkvæmt í hinn stutta MAN 304 vagn á leið 35. Vagnstjórinn virtist eigi taka eptir doksa & varð hann að baða út höndum sínum til að ná athygli ökumannsins. Vagnstjórinn bar við þreytu & dimmu & sagðist vera að taka lítinn vaktastubb eptir langan & strangan dag á vígvöllum veganna.

Hinsvegar var gaman að sjá hve vagnverjar fjölmenntu í för þessa. Um 15 verjar sátu mestalla leiðina sem er góður fjöldi miðað við ferð seint um kvöld hér í Voginum. Hvað um það.

Ekki virtist vagnstjórinn hressast við aksturinn hvar hann í tvígang gleymdi að stöðva vagninn eptir að ýtt hapði verið - þéttingsfast en þó fimlega - á stanzrofann. Aukinheldur var skollin á fljúgandi hálka & ljóst að hygli stjórans varð að vera í hámarki.

Kvöldvöktunum knúnir
keyrandi stubbabrot.
Lemstraðir & lúnir
langar heim í sitt kot.

Dr. Gylforce sté stoltur út úr hinum ljósa MAN við Engihjallann & hélt rakleitt í Mjódd þeirra Breiðhyltinga.

Meira síðar mínir virðulegu vagnverjar ...


Mynd: www.microcuts.net

Vagnverja vagnþekking ...

Hinn snjóugi & snoppufríði dr. Gylforce huxaði snoturlega til vina sinna - vagnanna - í snjómuggu morgunsins. Doksi kallinn hefir & tekið eptir því að hinn ljósi MAN 305 vagn - sem optar en ekki skiptist á við 304 að aka hringinn um Voginn - virðist vera kominn yfir móðuna miklu. Hann hefir ekki tekið slaginn á vígvöllum veganna í háa herrans tíð. Hvar ertu hr. 305??? Hvað um það.

Litli & stóri vagnverjinn eru orðnir eilífir augnakarlar í hinum stutta MAN 304 vagni á leið 35 eins & þráfaldlega hefir verið nefnt hér á þessari síðu. Næst þegar þeir gera sig gildandi fyrir MAN-inn hyggst sá stóri reiða fram gítargarminn sinn & gutla hinn alkunna slagara:


Við þekkjum þennan vagn
sjáum hann - gerum fagn
Vagnverjunum gerir mikið gagn


Jamm & já - yfir&út!









Myndir: www.citybus.piwigo.com 

Loflegur laugardagur ...

Hinn sauðski & slefmælti dr. Gylforce gat vart setið á sér á laugardagsmorguninn hvar hann gekk um gólf í híbýlum sínum & huxaði bara um eitt. Já, aðeins eitt mínir virðulegu vagnverjar. Hann vildi inn í vagnana - vini vora & það strax!

Ekki var annað að sjá en að litli vagnverjinn væri sama sinnis. Hann slefaði í sífellu & sagði við stóra vagnverjann "dædó dædó" & vitaskuld varð að verða við þessu ákalli litla verjans.

Feðgarnir dúðuðu sig vel & dembdu sér svo að skýlinu við Stútulautina. Þar kom í hægðum sínum - enn & aptur - hinn stutti MAN 304 vagn á leið 35 & lá lítið á að því er virtist. Klukkan var aukinheldur rétt skriðin yfir átta & fáir vagnverjar á ferli.

Hið djarfa dúó tók hringinn sinn um Voginn en lét þar eigi staðar numið. Þeir geystust næst inn í 138 Crosswayvagninn á leið 4 & vildu kynna sér vagnana við Mjódd þeirra Breiðhyltinga.

Unaður um borg & bí
bruna allir vagnar.
Sá guli geysist æ & sí
Gylforceinn því fagnar. 

Frá Mjódd reyndust ferðir þeirra feðga nokk hepðbundnar. Leið 4 var tekin til baka & að lúkningu tylltu þeir sér tignarlega í hinn hlýja & góða MAN 304 & héldu í lautina fögru.

Stóísk stilling ...

Hinn mjórómaði en fráleitt mjóleiti dr. Gylforce mjakaði sér í Mjódd þeirra Breiðhyltinga í gær & færðist allur í aukana hvar vagnarnir brunuðu inn á biðstöðina. Allir þessir vagnar, allar þessar leiðir; blágulir á leiðum 51 & 57; sænskættaðir á leið 4; hinn glæsti & þýski MB á leið 11 & svona mætti lengi telja.

Dr.-inn sté stoltur til inngöngu í leið 4 & fékk hinn glænýja 138 evrópska meginlandsvagn. Enn & ný leið sú leið ljúft um Gula- & Grágötu Smiðjuhverfisins unz hann kom að Hamraborg okkar Kópvæginga.

Þar bættist litli vagnverjinn í hópinn & vissi vart hvert hann ætlaði þegar hann sá alla vagnana koma að Hálsatorginu: leið 1 - leið 2 - leið 4 - leið 28 - leið 35. & sá gamli skildi hinn unga vel en mælti þó: "Þetta er erfitt sonur, en stilltu þig!" Litli vagnverjinn tók sönsum & kom fljótt yfir hann stóísk ró um leið og vagnarnir héldu sína leið.

Feðgarnir tóku unaðshring með hinum stutta 304 MAN vagni á leið 35 & komu lox að lautinni fögru hvar þeir héldu glaðir í bragði heim á leið.

Senn styttist í næstu ferðir þeirra feðga - fylgist með!

 

Mynd: www.citybus.piwigo.com 

Vagn & velta ...

Hinn framfúsi & frjálsviljaði dr. Gylforce fór heldur betur á fjörurnar við vini vora í gær & hapði - nú sem endranær - litla vagnverjann sér til fulltingis. Feðgarnir þurftu ekki að huxa sig tvisvar um heldur einhentu sér í verkefnið & hófu leik venju samkvæmt á hinum stutta 304 MAN vagn á leið 35 hér í Voginum. Í honum er iðulega gaman að vera á annatíma hvar urmull vagnverja er í vagninum sem þýðir optar en ekki að stanzrofinn er í stöðugri notkun, litla vagnverjanum til ómældrar ánægju. 

Í þeim ég & friðinn finn
- feiknarmikill kraptur
brunandi um bæinn minn 
- brátt til í þá aptur!

Feðgarnir áðu við Hamraborg okkar Kópvæginga stutta stund en héldu svo áfram vagnarannsóknum sínum af einstaka natni & nákvæmni. Þeir skutu sér inn í hinn sænskættaða 309 vagn á leið 28 & liðu ljúflega með honum um kópvægska Hjalla & Smára hvar þeir síðan hoppuðu út.

Vagnarnir með bros á brá
bæta verjans flóru
alltaf þrái ég ilminn frá
ykkar pústum stóru.

Frá Smáranum var komið að evrópskum meginlandsvagni. Litli & stóri vagnverjinn smugu inn í 131 Irisbus Citelis á leið 2 & svifu með honum að Hamraborginni. Um 15 vagnverjar voru með í för á þessum heldur napra degi & hoppuðu flestir út við hina kópvægsku gjá.

Að lúkningu héldu litli & stóri verjinn aptur í 304 vagninn á hringleið sinni um Voginn & fóru með þessum funheita vagni að fegurstu laut jarðarinnar, Stútulautinni.

Lifið veil!



Mynd: www.citybus.piwigo.com

Víðvöppun ....

Hinn vammlausi & veraldarvani dr. Gylforce var heldur betur á vagnbuxunum um helgina hvar urmull vagna lá í hans val síðla kvölds á sunnudegi.  

  

Vagnar líð´um víðar lendur

virðulegir hvar sem er.

Doktorinn í stafni stendur

stoltur með þeim gulu fer. 

Dr.-inn gat vart setið á sér á laugardagsmorguninn & hóaði í snarhasti venju samkvæmt í hinn stutta 304 MAN vagn á leið 35 í Voginum. Vagninn skyldi nú hringaður & biðu bæði litli & stóri vagnverjinn í ofvæni eptir þeim stutta við Stútulautina. Nema hvað. 

Einn af vagnstjórum Kynnisferða, sem sjá um akstur leiðar 35, sá litla & stóra vagnverjann & varð að orði: "Nei, er ekki kominn strákahelgi?" Sá er heldur um stýrið er greinilega farinn að þekkja feðgana enda eiga þeir unaðslegar þrásetur & langdvalir í þessari kópvægsku leið. Hvað um það.

Á hvíldardeginum var svipað upp á teningnum. Vagnverjarnir ættaðir frá Stútulaut héldu í leið 35 en aukinheldur komust þeir í kynni við hina spánnýju 138 & 140 Crosswayvagna á leið 4. Allt var þetta jafn yndislegt & gaman að stoppa drykklanga stund í Mjóddinni & kanna vagnakost á hinum ýmsu leiðum.

Yfir&út!

Mynd: www.citybus.piwigo.com

Hugheilt hanagal ...

Hann doksi fer á fætur
við fyrsta hanagal
að sitja inn í vögnum
í kópvægskri laut & dal

Hinn árrísuli & áreiðanlegi dr. Gylforce leitaði ásjár hjá hinni fyrstu ferð á leið 35 í gær hvar hann fékk hinn heita & stutta MAN 304 vagn sem kom stundvíslega að Stútulautinni kl. 6:41. Fáir vagnverjar voru um borð í þessari ferð & fæstir af þeim hvítir á hörund. Nema doksi. Hvað um það. 

Eptir einn góðan hring um kópvægskar koppagrundir einhenti dr.-inn sér í leið 28 í Hamraborginni & leið vel með honum upp að allra hörðustu völlunum. Doksi kallinn var snemmindis á ferð & lét það eptir sér að fá sér eina góðu kríu á leiðinni. Litlu mátti þó muna að hann færi framhjá Hörðuvöllum en það slapp nú allt saman.

Heimleiðin var & unaðsleg mínir virðulegu vagnverjar. Eptir sænskættuð kynni tyllti dr.-inn sér tignarlega í evrópskan meginlandsvagn. Leiðin var hinn fjórða & vagn þessi af gerðinni Irisbus Karosa númer 167 sem tekur nú E-vachtina.  Doksi fær ei betur séð en 167-169 séu komnir á leið 4 & séu til taks þegar ekið er með 15 mínútna tíðni. Gaman að því.

Hún var heldur slyddusöm veðráttan í morgun hér upp á Hörðuvöllum hvar dr. Gylforce hóaði enn & aptur í leið 28. Vagninn var vel á áætlun á annatíma & færði dr.-inn fagurlega í Mjódd þeirra Breiðhyltinga. Eptir nokkuð rask & rannsóknarvinnu þar tók doksi þekktan unaðshring; leið 28 frá Hörðuvöllum - leið 4 í Mjódd - leið 28 í Hamraborg - & komst heilu & höldnu aptur að þeim hörðustu. Þvílík byrjun á góðum degi maður lifande ...

Njótið heil!



Mynd: www.citybus.piwigo.com

Tími til ...

Hinn annríki & apalsami dr. Gylforce var alsæll í eðalferðum sínum í Voginum um helgina hvar hann fékk eingöngu sænskættaða vagna á hinni kópvægsku 35. leið. Hinir sænsku 302 & 310 tóku vachtina & gerðu það með bravör þótt litli vagnverjinn hepði viljað fá hina stuttu MAN vagna & heyra í þeirra íðilfögru bjöllu. Hvað um það.  

Eptir yndislega hringi með leið 35 var komið að því að bregða á leik við Hálsatorg okkar Kópvæginga.

Unaðslegt á ljúfri leið
leiðangrinum glæsta.
Samt er kominn tími til
að tygja sig í næsta. 

Dr.-inn skáskaut sér inn í hinn splunkunýja 138 vagn á leið 4 hvar hann tók A-vachtina. Á ljúfum laugardegi þarf vagnstjórinn að aka löturhægt frá Hamraborg okkar Kópvæginga að Mjódd þeirra Breiðhyltinga til þess að vera ekki alltof fljótur á sér. Fáir vagnverjar voru á ferli aukinheldur sem umferð var með minnsta móti & vagninn beinlínis leið undursamlega áfram.

Frá Mjóddinni fékkst 135 Crossway vagninn til fararinnar & var sérdeilis gaman að upplifa róteringuna á vögnunum á leiðum 2,3, & 4 um helgar. Þar eru nýju Crosswayarnir í öndvegi & ekkert nema gott um það að segja.

Að lúkningu settist doksi kallinn inn í leið 35 á nýjan leik & hélt í fegurstu laut jarðarinnar, Stútulautina.

Amen.

Myndir: www.mbl.is & citybus.piwigo.com