Allt við það sama ...

Öngvum til ama
í unaði.
Allt við það sama
í alla staði.

Dr. Gylforce lagði leið sína á leið & leið ekki á löngu hvar leið 3 ók leiðar sinnar. Nema hvað! 

Eins & svo opt áður var rafvagn á leið 3 en dr.-inn var að vonast eptir því að fá annan af hvítu metanvögnunum en þeir virðast ekki aka þristinn dag þennan. Illu heilli.

Gengur bara betur næst!

Sjálfkeyrandi strætó ...

Strætisvagnar nú sjálfkeyrandi
seilingar innan - nema hvað!
Af stað er farið í öðru landi
afar fróðlegt verður það.

Sjálfkeyrandi strætóar

Danir hafa riðið á vaðið hvað sjálfkeyrandi strætó varðar & eru nú tveir slíkir í notkun í Álaborg. Aka þeir bílstjóralausir á 18 kílómetra hraða og mun starfsmaður vera í vögnunum fyrst um sinn.

Tilraunir með sjálfkeyrandi vagna hafa verið gerðar t.d í Las Vegas í Bandaríkjunum þar sem ekki tókst betur en svo að vagninn lenti í árekstri eftir aðeins tvær klukkustundir!

Laskaður Las Vegas vagn

Aukinheldur hafa Finnar verið framarlega í þessum málum og fyrir um fjórum árum komu á götuna sjálfkeyrandi litlir strætisvagnar í Helsinki, Espoo & Tampere.

Sjálfakandi meðal Finna

Nú er bara að sjá hvort möguleiki verði á því að hafa einhvern hluta af Borgarlínunni sjálfkeyrandi???

Forseti vor kann að ferðast ...

Fyrirmyndarforseti
á ferðalögum sínum.
Á leistunum & í leti
- í lestunum fínum. 

Forsetinn

Guðni Th. Jóhannesson, forseti lýðveldisins, var í opinberri heimsókn í Póllandi á dögunum. Það væri vart í frásögur færandi nema hvað að forsetinn brá á það ráð að nota almenningssamgöngur til þess að komast á milli staða. Takk fyrir túkall!

Þessar ferðavenjur forsetans eru til mikillar eftirbreytni & man dr. Gylforce vart eptir því að hafa séð forvera Guðna sitja meðal almennings á ferðalögum. Það kann þó að vera.

Vonandi verður ekki langt til þess að bíða þar til Guðni Th. nýtir sér vagnana - vini vora - & jafnvel skellir sér í leið 23 sem ekur frá Ásgarði að Álftanesi.

Maður lifandi - það yrði nú saga til næsta bæjar!



Mynd:  Ryszard ÅÅ¡wilski 

Spíritus á leið ...

Bætist nú við enn eitt blogg
bíð ég eptir vori.
Doktorinn reis upp við dogg
með "dáldið" af hori.

Vagnstjórar nú með vaðið
vel fyrir neðan sig.
Spara ekki sprittbaðið
sprauta á mig & þig.

Gríma & spritt

Hinn kunni & kumpánalegi vagnstjóri á leið 11 kallar ekki allt ömmu sína & vill greinilega hafa vaðið fyrir neðan sig. Er það vel.

Eins & sjá má hefir vagnstjórinn geðþekki bæði grímu & spritt við hendina til þess að koma í veg fyrir smitleiðir á hinn válegu veiru sem gegnumsýrir flest allt í þjóðfélaginu um þessar mundir.

Nú er bara að bíða & sjá hvort aðrir á leið feti ekki í sömu fótspor.

Yfir&út!


Mynd: eirikurjonsson.is

Auðveldara að ná áttum ...

Hef nú verk að vinna
verjast betur skal.
Vögnunum víst sinna
svo verði ég aðal.

Breyting hjá áttunni

Það berast ánægjuleg tíðni af litlu leiðinni númer átta, hvar hún ekur milli BSÍ & Nauthóls. Strætó bs. hyggst gera hana að svokallaðri skutluleið, þ.e. fara bara eins margar ferðir & hægt er óháð öllum tímatöflum. 

Þetta mun gilda virka daga frá morgni til rúmlega hálfsjö.

Það verður fróðlegt að sjá hvernig þessu reiðir af. Munu hinir veiruhræddu nemar í HR taka þessu fagnandi auk annarra vinnustaða þarna í grennd???

Illu heilli hefir dr. Gylforce aðeins einu sinni brugðið sér í hina áttundu leið en eptir þessa breytingu verður freistandi að standa hnarreistur & huggulegur í skýlinu við BSÍ & fá unaðsakstur að Nauthól/HR á svokallaðri núlleinni!

Yfir&út!

Skemmtilegur á leið ...

Þessi virðist léttur á leið
ljúfur & greiðvikinn.
Öruggt er í hans bifreið
enginn verður svikinn.

Skemmtilegur strætóbílstjóri

Það er ávallt mun ánægjulegra að lesa jákvæðar fréttir heldur en hitt & ekki vanþörf á nú þegar veirur & válynd tíðindi tröllríða allri umfjöllun. Nema hvað.

Góðu heilli virðist vera afar góður vagnstjóri á leið 15 um þessar mundir. Illu heilli hefir dr. Gylforce ekki tekið þá löngu & ljúfu leið í dágóðan tíma. Doksi kallinn þarf að gera bragarbót á því & endasendast meðal Mosfellinga & miðbæjarfólks - maður lifandi!

Aukinheldur virðist sem örmiðillinn eirikurjonsson.is hafi sérstakan áhuga á vögnunum - vinum vorum - & er það vel.

Líf í rappi

Subbur á leið???



Efri mynd: eirikurjonsson.is

Keyrt af leið á Kjalarnesi ...

Bálhvasst nú fyrir blágulu
af braut fór einn alveg.
Snælduvitlaust í snjóhulu
snérist út af veg.

Enn lenda hinir blágulu vagnar landsbyggðarinnar í kröppum dansi á Kjalarnesi. 

Svæðið er vitaskuld alþekkt fyrir vind & hviður en góðu heilli voru aðeins þrír vagnverjar um borð að þessu sinni.

Aukinheldur er það nokkuð spaugilegt að verktakinn suður í Firði, sem annast þá blágulu, sendi á vettvang einkabíl enda einvörðungu þörf á því að gefa þremur vagnverjum far í bæinn.

Kjalarnes

 

Finish/Finnish ...

Vagnverji einn segir farir sínar ekki sléttar suður í Firði á dögunum, illu heilli.

Verjinn sat í sakleysi sínu í leið 44 á leið út í Fjörð hvar hann ætlaði síðan í ásinn. Nema hvað.

Einhverra hluta vegna fór vagninn sá ekki á endastöð eins & áætlanir gera ráð fyrir & lét vagnverjann út við Hafnarfjarðarkirkju!!!

En gefum vagnverjanum orðið (birt án hans leyfis :/ ):

"Ég lenti í því annan daginn í röð að vagn fer ekki á endastöð og hendir mér út fyrr til að komast fyrr af vakt. Ætlaði að taka leið 44 og skipta í leið 1.

Hann hendir mér út hjá Hafnarfjarðarkirkju og segir svona fjörutíu sinnum í röð "finish" og skilur ekki orð af því sem ég segi."

Ja hérna, eða er hér um einhvern góðlátlegan misskilning að ræða???

Máske er hér fynd & fliss
fljótt ég nú útskýri.
Með frekju æpti "Finish/Finnish"
- er Finni undir stýri???

Rammþýskt rafmagn ...

Hér er rammþýskt rafmagn
um reinarnar fer.
Virkilega fínn vagn
á vegunum af ber.

Grá gæði á götunum

Þessi grái & gullfallegi Mercedes Benz rafvagn hefir verið til reynslu hjá Strætó bs. ásamt verktökum undanfarnar vikur. 

Góðu heilli náði dr. Gylforce einni ferð með vagni þessu fyrir nokkrum vikum & leist afar vel á.

Enda þótt rafvagnarnir fjórtán frá kommúnistunum í Kína séu ágætir virðist sá grái vera annað & meira. Sem vagnverji virtist hann mun mýkri & þýðari aukinheldur sem pláss í sætum var betra.

Vonandi kemur sá þýski vel til greina hjá Strætó þegar þeir taka ákvörðun um kaup á tíu nýjum vögnum á þessu ári. 

Það væri ansi gaman að sjá þessa á vígvöllum veganna.

Yfir&út!

Ákall að norðan ...

Fleiri ferðir & stundvísi
færri í sínum öngum.
Í bænum birtist sáttfýsi
fyrir bættum samgöngum.

Tíðari ferðir & stundvísi

Eitthvað virðast vera að rofa til hjá Norðlendingum, hvar þeir hafa sett á laggirnar alls kyns rýnihópa með það fyrir augum að breyta & bæta leiðakerfið nyrðra. Nema hvað.

Akureyrarbær hefir meira að segja hlustað á & hapt samráð við börn & unglinga varðandi strætó & leiðakerfið í heild. Það er afar vel gert hjá stjórnendum bæjarins & vonandi hlusta þeir vel. Börn hafa nefnilega mikið til málanna að leggja í þessum málaflokki auk þess sem þau eru vagnverjar framtíðarinnar. En ekki hvað???

Dr. Gylforce hefir margopt rætt um það hér hversu furðulegt leiðakerfið er í höfuðstað Norðurlands. Fjórir vagnar aka þar þvers & kruss á sex leiðum sem flestar eru ekki með góða tíðni aukinheldur sem steininn tekur úr á kvöldin & um helgar með einni leið á klukkutímafresti.

Dr.-inn elur þá von í brjósti að Oddeyringar & nærsveitamenn nái nú loksins að gera leiðakerfið þétt & skilvirkt enda er það mikill plús nyrðra að hafa vagnana - vini vora - gjaldfrjálsa.

Amen.