Lærum að met´ann ...

Vellíðan vel streymir 
vagnar á parti sér.
Doktorinn opt dreymir
um dýrðina hér.

Það er eigi ofsögum sagt að ánægjan & unaðurinn umvefji dr. Gylforce meðal Oddeyringa. Maður lifandi!

Ástæðan er efalítið metanvagnarnir sem eru í ofanálag frá fyrirmyndarríkinu Svíþjóð. Gerist vart betra!

Eina sem angrar hið gamla hró doktors er vitaskuld tíðni vagna - ef tíðni skyldi kalla - um helgar & á helgidögum; einvörðungu leið 6 er í boði & ekur frá kl. 12:18-18:18!!! WTF!!!

Gaman væri að vita hvað liggi að baki þessari furðulegu ákvörðun; hafa aðeins eina leið af sex í gangi um helgar & sleppa öllum akstri á morgnana & kvöldin. Var gerð skoðanakönnun meðal bæjarbúa hér nyrðra??? Vilja þeir virkilega hafa þetta svona??? Hvað um það.

Vagnverjarnir ungu & öldnu hafa vitaskuld tekið nokkra hringi með sexunni enda ekkert annað í stöðunni. Vonandi ber Strætó bs. gæfu til þess að velja þessa sænskættuðu Scania vagna þegar keyptir verða metanvagnar síðar á þessu ári fyrir höfuðborgarsvæðið.

Yfir&út!

Sautján ára sæla ...

Gamli jálkur göslast enn
gæði hrein frá Svíum.
Vonandi þó vagninn senn
víki fyrir nýjum.

Dr. Gylforce hélt ótrauður á vit vagna í gær, hvar hann var óðara kominn að okkar Frónbúar Mekka, Hlemmtorgi. Nema hvað.

Dr.-inn gaut augum sínum að sænskættuðu stáli á leið 2 en vagnar frá fyrirmyndarríkinu virðast óðum týna tölunni hér á höfuðborgarsvæðinu. Illu heilli.

Á þessu ári hyggst byggðasamlagið Strætó festa kaup á metanvögnum. Vonandi verða þeir sænskættaðir en Norðlendingar hafa einmitt tekið þrjá slíka í notkun sem dr.-num líst afar vel. á. Svo vel raunar að í næstu viku vill hann óður taka hús á þeim. Hvað um það.

Dr. Gylforce gat eigi setið á sér & settist inn í þennan 17 ára gamla vagn á leið 2 & tók sér 50 mínútna rúnt frá Hlemmi að Mjódd okkar Breiðhyltinga í gegnum Grensás, Hamraborg, Smáralind & efri byggðir Kópavogs & leið þetta líkt & um 5 mínútur væri að ræða.

Unaður.

Dropinn holar ...

Dropinn holar harðan stein
hægt mun bílum fækka.
Í unaði á sér akrein
öll mun streita lækka.

Fleiri nýir vagnverjar

Vel á sjötta þúsund einstaklingar gjörðust nýir vagnverjar eða endurnýjuðu kynnin sín við unaðinn - vagnana - á gráum gærdegi. Maður lifandi.

Dropinn holar steininn segir einhvers staðar & á það vel við í viðleitni Strætó bs. til þess að sporna við svifrykinu. 

Strætó áætlar að hver frír dagur í vögnunum kosti byggðasamlagið um þrjár milljónir króna sem er vitaskuld ekki há fjárhæð í stóra samhenginu.

Vonandi verður áframhald á fríum ferðum ef fleiri gráir dagar eru framundan.

Amen.

Barinn í biðskýli ...

Í biðskýli á Bústaðavegi
barinn í spað.
Átti sér stað á miðjum degi
á skrýtnum stað.

Barinn í biðskýli

Það bárust ekki boðleg tíðindi frá laganna vörðum í gær, hvar ráðist var að því virtist að tilefnislausu á vagnverja einn er beið bísperrtur eptir vagninum. Nema hvað.

Aumt er til þess að vita að verjar geti eigi verið óhultir meðan þeir bíða eptir unaðinum. Góðu heilli heyrir þetta athæfi til undantekninga & vonandi heyrir dr. Gylforce ei meir af málum af þessum toga.

Árásarmaður ófundinn
ekki finnst úr þessu.
Annarlegur & afundinn
ætti að kíkj´í messu!

Fundur með forkólfunum ...

Fokkaðist upp fundurinn
með forkólfum leiða
í djöfuls rugli doktorinn
dæmalaus bleyða!

Strætó hélt opinn fund á dögunum með hagsmunaaðilum sínum. Fundur sá var einkar vel til fundinn & sýnir að byggðasamlagið hyggst hlusta á ábendingar okkar vagnverja. Nema hvað.

Dr. Gylforce hapði vitaskuld hug á að mæta á fund þennan, var meira að segja á leið á fundarstaðinn við Þönglabakkann hvar honum varð brátt í brók & slapp hann með naumindum til síns heima.

Skelfing mig nú skók
úr skólanum mínum.
Varð svo brátt í brók
í bus-i fínum.

Gjarnir á gleymsku ...

Títt í hraki tímans
taka þeir eitt "gleym".
Grípa gjarnan til símans
gerist of oft hjá þeim.

Gjarnir á gleymsku

Vagnverja einum tókst að nappa vagnstjóra í símanum. Þetta kemur fram á dv.is. Atvikið átti sér stað á leið 4 sem dr.-inn þekkir nú vel til. 

Vagnstjórinn tók beygju inn Austurberg hjá Hólabrekkuskóla & virðist hafa hugann við símann sinn í stað umferðarinnar. Illu heilli!

Dr. Gylforce hefir varla orðið var við að vagnstjórar séu mikið í símanum sínum en miðað við fréttir sem berast af & til er þetta eitthvað sem þeir verða að bæta.

Ímynd þeirra & áreiðanleiki er í húfi. Vagnstjórar, upp með sokkana, kippið þessu í liðinn. Þetta á vitaskuld ekki að sjást.

Yfir&út!


Mynd: dv.is

Verkfall vagnstjóra ...

Vagnstjórar í verkfall
vilja meiri aur.
Upphefja sitt ákall
orðnir alveg staur.

Verkfall vagnstjóra

Í morgun hófst verkfall meðal vagnstjóra Kynnisferða sem ku hafa áhrif á 10 strætisvagnaleiðir. Eptir að verkfallið hófst sátu þeir þó ekki auðum höndum, heldur þrömmuðu fylktu liði um Hlemmtorgið í kröfugöngu.

Verkfall þeirra er frá 1.-30. apríl frá kl. 7-9 & 16-18 virka daga. Sumsé, á annatíma þegar flestir eru að nota vagnana.

Enda þótt dr. Gylforce sé leiður yfir því að vita til þess að vagnarnir séu stopp, styður hann vagnstjórana & vonar svo innilega að samningar takist um sanngjörn kjör.




Mynd: Benjamin Julian, tekin (án leyfis :( )af FB síðu samtaka um bíllausan lífsstíl.

... sem á mann er (illa) lagt ...

Bíllinn er ofar öllu
hjá Eyvindi & Höllu.
Gylforce langaði að gá
en gekk ekkert að sjá.

Dr. Gylforce hélt í göngu úr gettói sínu, hvar hann hugði nú bæta bæði bakeymsli sín sem & sitt gamla hró. Nema hvað.

Óðara var doksi kallinn kominn á æskustöðvar sínar & algjörlega búinn á allri göngu & brölti. Var þá vitaskuld aðeins eitt í stöðunni.

Inn í vagna vildi dr.-inn. En ekki hvað???

Dr.-inn ætlaði að taka leið 36 en átti nú erfitt að komast að tímatöflunni við stoppistöð eina. Eyvindur & Halla (eða Jón & Gunna eða hvað sem þau nú heita) virðast ansi áfjáð í að leggja óvininum - einkabílnum - upp á hvaða grasbala sem er. 

Þá var aukinheldur erfitt að sjá er vagninn kom vegna bifreiðanna sem þarna var lagt þvers & kruss & öngvu líkara en að vagnaferðir séu ekki í miklum forgangi hjá kópvægskum hvammverjum. Illu heilli.

Niðurfelling ferða ...

Féll nú ferð mín niður
fúll í skýli stóð.
Er það afar miður
& upphófst táraflóð.

Hinn ginnheilagi & glysgjarni dr. Gylforce gerði sér dag góðan í gær, hvar hann fór með ungviðið úr mennta- & menningarsetrinu við Kársnes í heimsókn meðal Mosfellinga. Maður lifandi!

Hópurinn skellti sér vitaskuld í leið 36 frá Kársnesi & leið leiðanna, leið 1, að BSÍ hvar ætlunin var að taka hús á leið 15 upp í Mosfellsbæinn. Nema hvað.

Ferðin sóttist vel & stoppaði hinn hollenski VDL-vagn á leið 15 kl. 14:40 við Háholt þeirra Mosfellinga.

Dr. Gylforce hapði & hug á að leyfa ungviðinu að kynnast Mosfellingum um hríð. Doksi kallinn gekk svo sjálfur yfir götuna & ætlaði að taka leið 15 tilbaka. Samkvæmt tímatöflu hepði vagninn sá átt að koma kl. 14:48 & ku ekki vera sami vagn & doksi kom með. Hvað um það.

Ekkert bólaði hinsvegar á vagninum sem var mjög skrýtið & dapurlegt. Svo virðist sem korterstíðnin hafi eitthvað klikkað þarna hjá verktakanum, Kynnisferðum.

Dr. Gylforce beið votur um augun um stund & fékk sama vagn tilbaka kl. 15:03. Skandall - en ekki hvað???

Fimm & fimmtán ...

Bus-ar bregða af leið
brautin er of þröng.
Á Barónsstígnum beið
blístraði & söng.

Hinn bljúgi & bænheyrði dr. Gylforce var ekki lengi að böðlast á leið eptir að hafa blessað börnin í mennta- & menningarsetrinu við Kársnes. Nema hvað.

Dr.-inn hapði vitaskuld mikinn hug á að kynna sér leiðir fimm & fimmtán, hvar þær aka nú um Barónsstíg, Egils- & Bergþórugötu vegna framkvæmda við nýjan Landspítala. En ekki hvað???

Hart sækir hægðartregða
helsár - nema hvað!
Af leið nú bus-ar bregða
bölvanlegt er það!

Að þessu sinni náði hinn geðþekki Gylforce einungis að klófesta leið 15 í blástri miklum við Barónsstíginn.  Karleplið varð að gera sér að góðu að skella hettunni upp - maður lifandi!

Fyrsta upplifun doksa kallsins á þessari nýju leið var sú að þrengslin eru mikil enda götur þessar ekki gerðar fyrir níu metra langa vagna. Allt slapp þetta svo sem í þetta sinn en gert er ráð fyrir því að leiðirnar tvær, 5 & 15, aki þarna um næstu sex árin vegna framkvæmda við hátæknisjúkrahúsið.

Takk fyrir túkall!

Það verður eitthvað!

En, meira síðar mínir virðulegu vagnverjar!






Miðmynd: frettabladid.is