Vagnarnir þrír - vitringarnir þrír ...

Vagnarnir voru þrír
verjana ekki hitti.
Algerlega er sem nýr
útspýjaður í spritti.

Dr. Gylforce var með vinum sínum í gærkvöldi, hvar hann tók jafnmarga vagna & vitringarnir voru er vitjuðu Jesúbarnsins fyrir margt löngu. Hvað um það.

Kannski er það bara hið besta mál að vagnverjar séu ekki mikið á vappi meðan faraldurinn geisar. 

Á nýju ári hefjast bólusetningar að öllum líkindum & mun þá verjum fjölga hægt & bítandi.

15 ára afmæli ...

Það er akkúrat 15 ár síðan hliðarsjálfið dr. Gylforce tók algjörlega völdin í lífinu & spratt fram með strætóblogg.

Því fagnar dr.-inn í dag með taumlausum glaum & gleði.


Yfir&út!

EMBLA ...

Nýtt smáforrit, Embla, er á leiðinni sem mun m.a. segja okkur allt um vagna, ferðir & leiðir á okkar ástkæra ylhýra 

Gylforce-inn hlakkar til að brúka þetta app.

Embla freyðir á íslensku

afgreiðir rétt svör.

Vagna veiðir af fagmennsku

verjans greiðir för.

EMBLA

Niður fyrir nefið ...

Þessa helgina eigum við að ferðast innanhúss.

 

Í gær kíkti þó Gylforce-inn aðeins á vini sína, vagnana; stutt í senn & þótti það miður hve margir - vagnverjar sem og vagnstjórar - eru með grímuna fyrir neðan nefið eða jafnvel alveg grímulausir.

 

Koma svo, upp með sokkana eða öllu heldur grímuna!

 

Niður fyrir nefið

svo nasir sjást - skamm!

Gát er nú grunnstefið

gætni líka - jamm.

Næs við gæs ...

Gæs á götu, hann stoppar
góðmennið hana sá.
Hópurinn alltaf hoppar 
er hann ekur framhjá.

Næs við gæs

Þetta er magnað! Dr. Gylforce þarf að komast í leið 15 hið fyrsta & kynnast þessum kynngimagnaða vagnstjóra frá Kynnisferðum.

Maður lifandi!



Mynd: eirikurjonsson.is

Ikea bussen ...

Í vagni er vinningur
sem vagnverja kætir.
Svíinn er öðlingur
ömurð núsins bætir. 

Ikea bussen

Réttsælis eða um ...???

Skýrari skiltakassar
skerpa vel hringleiðir.
Nákvæmt nafnið passar
& nautnina útbreiðir.

Eitthvað á Strætó bs. erfitt með að gefa hringleiðum 35 & 36 í Voginum fagra endanleg nöfn í svokallaðan skiltakassa framan á vögnunum.

Sést hafa t.d. á leið 35 heitin "Kársnes/Hjallar/Hamraborg" eða "Réttsælis að Hamraborg". Og nú er komið enn ein nafngiftin: "Hamraborg um Kársnes og Engihjalla".

Gylforce-inn bíður spenntur eftir þeirri næstu

Skortur á skýlum ...

Útundan & afskipt
upp í gettói.
Tekníkinni svipt
treg´& órói.

Dr Gylforce finnst fá rafærn biðskýli vera kominn upp í hans breiðhylzku lendur. Nema hvað.

Þetta stóra hverfi með um fimm strætisvagnleiðir (fleiri ef við teljum Mjódd & Stekkjarbakka með) hefir aðeins fengið fjögur rafræn strætóskýlu með rauntímatöflu vagnanna. Þau eru við Eyjabakka, Stelkshóla, Fellaskóla & Suðurfell. 

Reyndar eru rafrænu skýlin mun fleiri en það vantar enn rauntímatöflu í þær. Vel má vera að einhverjir tæknilegir annmarkar séu á því hví ekki séu fleiri töflur komnar.

Fátt er með fjórum
fleiri vil eg.
Í tímanum tórum
taumlaust alveg.

Hvað um það. Dr.-inn skorar á verktakann sem sér um skýlin að hraða vinnu sinni & fjölga rauntímatöflum.

Yfir&út!

Rútuskratti á rúntinum ...

Á rúntinum rútuskratti
reyndist þar inni dimmt.
Ætli fólk þarna fatti
að fara með honum grimmt?

Það var löngu tímabært að dr. Gylforce tæki langdvöl með nýjustu leiðinni í hinu lostfagra leiðakerfi. En ekki hvað???

Leið 22 er tilraunaverkefni í eitt ár, hvar leið sú ekur frá Ásgarði um nýja hverfi þeirra Garðbæinga, Urriðaholt. 

Garðbæingar eru nú ekki þekktir fyrir að hafa mikinn áhuga á almenningssamgöngum svo framtaki þessu ber að fagna. Verkefnið mun kosta tæpar 60 milljónir þrátt fyrir að notast sé við svokallaða pöntunarþjónustu stóran hluta dagsins. Nema hvað.

Ákveðið var að bjóða Urriðaholtsverjum upp á 19 manna smárútu í þetta verkefni sem ekur þarna á 30 mínútna fresti á annatíma virka daga. Að öðru leyti er hér um pöntunarþjónustu frá Hreyfli að ræða. Hvað um það.

Dr. Gylforce er lítt gefinn fyrir rútur sem strætisvagna en skilur svo sem að slíkt hafa orðið raunin á þessari leið. Heldur dökkt var inn í smárútunni, engin upplýsingatafla sem var bagalegt fyrir mann eins & doksa sem er að ferðast um nýjar lendur & langaði að vita hvað stoppistöðvarnar heita. Hvað um það.

Dr.-inn fann stansrofa um borð sem var gleðilegt. Aukinheldur vonar hann svo innilega að Urriðaholtsingar taki vagninum fagnandi svo framhald geti orðið á verkefninu.

Yfir&út!

Fleiri fá að met´ann ...

Metanvagn að máta
í mínu stræti.
Verð ég þó að játa
alltof fá sæti.