Innan fárra ára ...

Innan fárra ára
akandi sjálfur.
Um alla útnára
& aldrei hálfur.

Ekur sjálfur innan fárra ára

Það verður ei ofsögum sagt að spennandi tímar séu framundan hvað almenningssamgöngur varðar. & reyndar samgöngur almennt. Maður lifandi!

Í mörgum löndum í kringum okkur er allt á fullu við að prófa sjálfkeyrandi strætisvagna. Yfireitt er um að ræða litla vagna sem eru með einum starfsmanni til að byrja með. Má benda á lönd eins & Danmörku, Noreg og Finnland í því sambandi.

Framkvæmdastjóri byggðasamlagsins er opinn & jákvæður í garð þessara sjálfakandi vagna og er það vel. Meira að segja hefur Strætó reynt að fá til sín slíka vagna til reynslu en ekki orðið ágengt ennþá í þeim efnum.

Vonandi finnur framkvæmdastjórinn fé til þess að leigja einn sjálfkeyrandi vagn. Það yrði virkilega athyglisvert - maður lifandi!

Yfir&út!

Batnandi borgarfulltrúum best er að lifa ...

Sjálfkeyrandi vagna nú vill
vagnana tók í gaggó.
Ölvaður í denn sem ekill
hepð´átt að taka strætó.

Ég brun´innan í mér (með strætó)

Það hlaut að koma að því að borgarfulltrúar Sjálfstæðisflokksins væru með puttann á púlsinum & búnir að átta sig á breyttu ferðamynstri fólks í framtíðinni. Nema hvað.

Fulltrúarnir vilja skora á stjórn Strætós um að hefja tilraunir með sjálfkeyrandi vagna. Það er um að gera að prófa nýja hluti - en ekki hvað???

Á næstu árum má jafnvel sjá ákveðnar leiðir í Borgarlínunni margumtöluðu með sjálfkeyrandi & umhverfisvænum strætisvögnum. Sérstaklega þær sem koma til með að aka stóran hluta leiðar sinnar á sérrýmum. Hvað um það.

Það fór vel á því að oddviti Sjálfstæðismanna í borgarstjórn, sellóistinn geðþekki, hepði framsögu um málið því í eyrum Gylforce-ins er þetta hljómfögur framtíðarmúsík.

Borgarlínan & búningahönnuður ...

Á drottningarviðtal við Dóru leit
dellan tóm þar kraumar. 
Um Borgarlínuna allt best veit
búninga samt saumar.  

Búningahönnuður bullar

Hið geðþekka dagblað, Morgunblaðið, slengir fram viðtali við búningahönnuð einn hvar hann hefir undarlegar & athyglisverðar skoðanir á Borgarlínunni. En ekki hvað???

Enda þótt gott sé að sem flestir hafi skoðanir á jafn mikilvægu og veigamiklu verki eins og línan er, verður þó viðkomandi að hafa kynnt sér málið. Er það ekki???

Búningahönnuðurinn virðist vera með böggum hildar vegna þess að framkvæmd þessi muni jafnvel setja sveitarfélög á hausinn & fara ansi illa með fjárhag ríkissjóðs. Þar virðast áhyggjuefnin einkum vera sú að verið sé að leggja spor og teina út um allan bæ. Það var og.

Stór hluti Borgarlínunnar verður í sérrýmum svokölluðum sem verða hvorki spor né teinar, heldur venjulegur vegur. Reyndar þarf að hafa í huga að langir vagnar verða á reinum þessum og því ekki gott að vera með hringtorg og krappar þröngar beygjur og þess háttar.

Án þess að dr.-inn sé nú sérfræðingur í vegagerð hlýtur að vera hægt að breyta þessum sérrýmum í venjulega vegi ef stjórnvöld og meirihluti fólks hafnar Borgarlínunni og ákveðið verður að hætta við hana á einhverjum tímapunkti.

Þá sætum við raunar uppi með kostnað vegna stoppistöðva og vitaskuld umhverfisvæna vagna en þá mætti líklega selja.

Það er sjálfsagt að setja fram gagnrýni á Borgarlínuna. Nema hvað. Til að mynda hvort það sé réttlætanlegt að eyða svona miklu almannafé - 70 milljörðum hið minnsta - í aðeins um 12% af öllum ferðum á höfuðborgarsvæðinu? Og munu íbúar nýta sér línuna??? Verða komnar aðrar lausnir til þess að ferja fólk sem eru þægliegri, ódýrari og umhverfisvænni???

Þetta eru spurningar sem fólk ætti að rökræða en ekki slengja fram einhverri vitleysu um teina þegar margopt hefir verið bent á að Borgarlínan er einfaldlega umhverfisvænir langir strætisvagnar - og á hjólum.

Nóg af rausi - yfir&út! 

Með auðmýkt & andakt ...

Með auðmýkt & andakt
arkar doksi af stað.
Vagn auka á morgunvakt
verjar renna í hlað.

Dr. Gylforce hélt loksins á vit vagna í blæðandi morgunsári gærdagsins, hvar hann hitti fyrir sænskættaðan aukavagn sem spillti nú ekki fyrir. Öðru nær. Maður lifandi!

Hinir gömlu sænsku jálkar fengu að mestu leyti frí frá vígvöllum veganna í sumar en eru mættir til leiks. Dr.-inn sté inn í hinn geðþekka 116 Omnilink sem var aukavagn á leið 3 á föstudagsmorguninn. Nema hvað. 

Síðasta vetur fengum vér vagnverjar opt annan sænskættaðan gamlan jálk á þessari aukavakt, Volvo 188, en svo virðist sem hann sé farinn yfir móðuna miklu & kvatt vígvelli veganna fyrir fullt & allt.

Hvað um það.

Dr.-inn skipti um vagn í Mjódd okkar Breiðhyltinga & hélt svá síðar um daginn á vit margra vagna. 

Þvílíkur unaðsfrjádagur - maður lifandi!

Gríman 2020 ...

Mínir virðulegu vagnverjar!

Munum að hafa grímur með okkur þegar við förum með vögnunum þótt það sé ekki nauðsynlegt nema í ferðum sem eru lengri en 30 mínútur.

Í vögnunum oft ég verð

með vísu & rímu.

Ef ég hygg á hálftímaferð

hef ég á mér grímu.

Gríman 2020

Vagnakostur vetrarins ...

Með böggum hildar harla
hrikalegur vandi.
Vagnarnir eru varla
á vetur setjandi. 

Já, dr. Gylforce er heldur betur með böggum hildar hvað vagnakost byggðasamlagsins áhrærir & kvíðir vetrinum. Maður lifandi!

Öngvinn nýr vagn kemur í flotann á árinu 2020 vegna Covid og tekjufalls & verður að notast við gömlu jálkana eina ferðina enn. 

Enda þótt dr.-inn sé mikill aðdáandi sænskættuðu vagnanna Scania Omnilink er ljóst að þeir eru alveg á síðustu (kíló)metrunum.

Góðu heilli eru nýju metanvagnarnir hvítu frá Svíaríki & vonar dr.-inn að byggðasamlagið verði duglegra að láta þá á fleiri leiðir en 6 & 18. 

Vonandi nær Strætó bs. að fjármagna ný kaup á vögnum fljótt á næsta ári því útboðsferlið tekur tíma. Við gætum þá átt von á nýjum vögnum á vordögum 2021.

Doksi kallinn getur vart beðið.

Gamli tvistur - Jesús Kristur!!!

Lætur hann á sjá, er lúinn
langar að hvíla sín dekk.
Líklega er hann bara búinn
best að senda hann í tékk.

Einhvurn góðviðrisdag nú í ágúst hélt dr. Gylforce í vinafagnað með vögnunum, hvar hann hitti fyrir vagna sem komu á götuna fyrir sléttum 14 árum.

Irisbus Citelis heita þeir & eru evrópskir. Yfirleitt vafra þeir á vígvelli veganna á annatíma virka daga & taka örfáa hringi.

Dr.-inn tók hús á þeim bæði á leið 2 & 4 & verður að segja að vagnar þessir muna nú fífil sinn fegurri. Maður lifandi!

Vegna aðstæðna & veiru verður ekki unnt að endurnýja vagnaflotann á þessu ári en vonir standa til að byggðasamlagið geti veitt um 300 milljónum króna í vagnakaup á næsta ári.

Minna má það varla vera enda dugar slík fjárhæð aðeins fyrir fjórum rafvögnum eða svo.

Liðónýtur á leið
í löturhægum sit.
Endurnýjun ei greið
andskotans Covid!
 

Vagnstjóri með víni ...?!?!

Ei gjörla sagt í gríni
að gera er dauðadæmt.
Vagnstjóri með víni
varla á afturkvæmt.

Vín og vagn eiga ekki samleið

Það bárust ekki skemmtilegar fréttir af vagnstjóra einum í morgun á leið 17. Hann er grunaður um ölvun við akstur & var snarlega tekinn af vaktinni.

Sem betur fer varð ekkert óhapp en atvinnubílstjóri undir áhrifum er vitaskuld grafalvarlegt mál sem byggðasamlagið Strætó mun efalítið taka föstum tökum.

Næsta stans - Ísland trans ...

Fjölbreytileika nú fögnum
flottur þessi vagn.
Allir með öllum í vögnum
ekkert bölv & ragn!

Stjórnendur Strætós bs. halda áfram að gleðja oss vagnverja með fallega skreyttum rafvögnum. Maður lifandi.

Að þessu sinni er kominn á vígvelli veganna glæstur vagn í tilefni Hinsegin daga 2020. Vagninn er sumé tileinkaður transfólki á Íslandi og réttindabaráttu þeirra.

Vagn þessi hepði efalítið verið fremstur í flokki í Gleðigöngunni en hún hefir verið blásin af í ár vegna kórónuveirunnar sem er skiljanlegt & skynsamlegt.

& talandi um veiruna skæðu:

Nú urmull Íslendinga
afneitar veiru.
Baulið í honum Binga
bölvanlegt í eyru.

Bollaleggingar Binga

Endurtaka þarf leikinn ...

Er nú framkvæmdafrestun
fljótt þarf að brúa bil.
Borgarlína er bestun
borgarbúum heilla til.

Foxvoxbrúin fagra

Illu heilli var hönnunarsamkeppni um Fossvogsbrúna fögru felld úr gildi á dögunum. Ljóst er að halda þarf aðra keppni sem mun fresta framkvæmdum um einhvern tíma.

Talsmaður Borgarlínunnar telur þó að frestunin hafi ekki áhrif á áætlun fyrsta legg línunnar en hann á að vera tilbúinn árið 2023.

Fossvogsbrúin er vitaskuld lykilatriði í Borgarlínunni enda mun hún valda straumhvörfum fyrir Kópvæginga, einkum þá sem búa á Kársnesinu. Maður lifandi!