Hratt leið leið ...

Hinn alvitri en þó uppivöðlusami dr. Gylforce er skýjum ofar um þessar mundir hvar hann hefir uppgötvað nýjan eðalhring í hinu umfangsmikla leiðakerfi okkar höfuðborgarbúa. Það er nefninlega það.

Dr. Gylforce skáskaut sér enn eina ferðina í hinn sænskættaða 301 Volvovagn á leið 35 við Kársnes & Kastala. Vagn þessi er nú orðinn nánast heimilisvinur doksa hvar hann er æði opt á vachtinni á hinni 35. hringleið.

Við hinn kópvægska Valahjalla var svá tími til kominn að stíga létt úr sænska stálinu & halda á önnur mið. Dr.-inn baðaði út höndum hvar hann sá meginlandavagn númer 145 koma aðvífandi á leið 4. Síðasta vetur ók vagn þessi fyrir Mosfellinga & reykvíska Vesturbæinga en virðist nú eiga að taka slaginn um Voginn & neðra & efra Breiðholt. Gaman að því.

Í Mjódd þeirra Breiðhyltinga var urmull vagna & vagnverja eins & vera ber. Doksi velti vöngum yfir skipulagi vagna á stæðinu hjá Breiðhyltingunum. Mikill fjöldi vagnverja kemur nefninlega úr blágulu vögnunum á leiðum 51,52 & 57 & eru optar en ekki með farangur með sér. Þurfa þeir svo að klöngrast með sitt hafurtask yfir tvær götur vagna til þess að komast í biðsalinn. Sennilega væri betra að færa blágulu vagnana nær byggingunni & setja t.d. leið 11 fjær. Ef fjármagn er fyrir hendi væri hyggilegast að skipuleggja svæðið algerlega upp á nýtt. Vonandi er það í pípunum hjá byggðasamlaginu á næstu misserum. Hvað um það.

Dr.-inn fékk Irisbus Citelis númer 133 á leið 4 frá Mjódd að Hamraborg okkar Kópvæginga. Þar beið hinn sænskættaði 301 vagn eptir doksa & lokaði hringnum farsællega & færði hann að fegurstu laut jarðarkringlunnar, Sútulautinni.

Eptir kennslu um þjóð & þing 

þaut doktorinn af stað.

Búinn að hanna nýjan hring 

huggulegt - en ekki hvað???

 

Myndir: mbl.is & http://citybus.piwigo.com/

Hin hýra hamingja ...

Hinn hýrlegi & himinlifandi dr. Gylforce hyggur senn á vagnavit & ræður sér vart kæti. En ekki hvað???

Eptir andartak lýkur hann uppfræðslu ungviðisins við mennta- & menningarsetrið hér við Kársnes & Kastala & verður ekki lengi að hóa í eins & einn sænskættaðan. Nema hvað.

Spennandi!

Í glyrnurnar komið glit
glýjaður & kátur.
Heldur senn á vagnavit
& verður svo þakklátur.



Mynd: www.svenskbusshistoria.se/

Gult & gjöfult ...

Hinn spraðabassalegi & spókaði dr. Gylforce spratt upp úr stól sínum við Kársnes & Kastala um leið & hann gat & hélt vitaskuld rakleitt á vit vagna. Dr. Gylforce er leiði-gjarn & vagngefinn maður með afbrigðum & því ekki eptir neinu að bíða. Nema hvað.

Dr. Gylforce heilsaði hinum sænskættaða 301 vagni með látum við mennta- & menningarsetrið vestur á Kársnesi. En ekki hvað??? Þessi vagn er orðinn þaulsetinn á leið 35 þótt doksa dreymi nú um að fá styttri vagn & liðugri til að taka hringinn um kópvægskar koppagrundir.

Doksi kvatti hinn sænskættaða með virktum við hinn kópvægska Valahjalla hvar hann fýsti í unaðshring með leið 4. Hinn rúmlega ársgamli 144 Crossway vagn kom aðvífandi en hann var á A-vachtinni á leið 4 að þessu sinni. Það gladdi hið gamla hró doksa að búið er að rótera þessum annars ágætu vögnum en 144 var síðasta vetur á leið 15.

Tilbaka frá Mjódd þeirra Breiðhyltinga birtist 167 Karosavagninn á E-vachtinni & færði Stútulautarmeistarann í Hamraborgina háu & fögru. Að lúkningu var aptur komið að sænskættuðu stáli á leið 35. 

Leiðakerfið er lostafullt 
á leiðir við nú herjum. 
Appelsínugult & gjöfult
- gleði hjá vagnverjum!

Hið snjalla snöfurmenni ...

Hinn stýfði & snöfurmannlegi dr. Gylforce sá sér leik á borði í hæsta degi hvar hann hélt rakleitt á vit vagna. En ekki hvað???

Eptir dag þennan á doksi kallinn nefninlega eigi svá hægt um vik með að næla sér í þrásetu góða um hádegisbilið. Hvað um það.

Dr.-inn tölti út í glampandi sólskinið & leið eigi á löngu unz hinn sænskættaði 301 Volvovagn kom lullandi á leið 35. Sá virðist eiga að taka slaginn á þessari kópvægsku hringleið í vetur.

Doksi kallinn hepði nær haldið að styttri vagn væri hentugri á hringleiðinni um Voginn & leggur nú til & mælir með að Vesturbæjarverktakinn festi kaup á einum stuttum Heulizvagni eða einhverju viðlíka. Eða fær hann jafnvel lánaðan sunnan úr Firði???

Dr. Gylforce hapði & gjörhygli sína í góðu lagi & gladdi það hró hans að ganga inn í 144 Crossway vagninn á leið 4 með urmul vagnverja innanborðs. Já, um 18 vagnverjar voru á leið í hádeginu áleiðis í Mjódd & Breiðholt & yfir 20 slíkir sátu sem fastast í 135 vagninum sem ók þýðlega á sömu leið frá Mjóddinni að Hamraborg okkar Kópvæginga.

Dr.-inn lokaði hringnum með sama vagni & í upphafi & kom kátur, reifur & hreifur með þeim sænskættaða að mennta- & menningarsetrinu við Kársnes & Kastala. Nema hvað.

Doktorinn upp úr stólnum sté
strax byrjaði að fagna
því komið var nú hádegishlé
& hélt á vit vagna.


Mynd: http://citybus.piwigo.com/

Á vit vagna ...

Hinn stífi & stirðbusalegi dr. Gylforce er í þann mund að gjörnýta hádegishlé sitt & halda á vit vagna. 

Dr.-inn heldur nú til við Kársnes & Kastala en þar ekur aðeins ein leið um sem er hinn 35. í röð byggðasamlagsins. Hinn kópvægski verktaki út á Kársnesi, Kynnisferðir, sjá um akstur á þeirri leið & hafa boðið oss vagnverjum hinn sænskættaða Volvo-vagn í gríð & erg í sumar. 

Doksa hefir hinsvegar borist það til eyrna að hinn stutti & funheiti MAN vagn sé kominn aptur á vígvelli veganna & vill vitaskuld kanna það til hlítar. Nema hvað.

Ljúfir vagnar lífs & friðar
leið þeirra er vænleg.
Þegar sólin sest til viðar
þrásetið þá hefi ég.

Draumfarir djöfullegar ...

Hinn dreymni & dreissugi dr. Gylforce datt nánast út úr bedda sínum í morgun hvar hann átti harðar & djöfullegar draumfarir. Doksa kallinum dreymdi nefninlega að búið væri að ræna öllu af þeim sem ekkert eiga en öngvu af þeim er auðugir eru.

Dr.-inn vaknaði upp með andfælum eptir draum þennan & fannst hann skrýtið í fyrstu en er hann svo einkennilegur??? Er þetta ekki ákkúrat það sem hefir verið að gerast í okkar þjóðfélagi??? Hvað um það.

Í dag er hinn raunverulegi fyrsti dagur vetraráætlunar byggðasamlagsins. Dr. Gylforce beið öngvra boða & hélt rakleitt á vit vagna.

Þessa dagana er t.a.m. aðreinin lokuð að Hafnarfjarðarvegi, frá hringtorgi við Borgarholtsbraut & suður í Fjörð. Það þýðir að leiðir 1 & 2 verða að aka vestur Borgarholtsbraut, inn Urðarbraut & austur Kópavogsbraut. Þetta tefur vagnana um nokkrar mínútur en er spennandi útúrdúr sem doksi kallinn varð hreinlega að prófa.

Dr.-inn hóaði í sænskan Omnilink á leið 1 & tók nýja hringinn með honum. Fór svá suður með honum & fékk svá hinn glæsilega 198 Volvovagn tilbaka á sömu leið. Sá vagn er alltaf jafn tignarlegur, það vantar ekki. Áður hapði doksi tekið langdvöl góða í hinum sænskættaða 306 vagn á leið 35. Nú er búið að draga hann upp á dekk & virtist hann nú enn tirju- & tuskulegur.

Vagnstjórinn varð hvað eptir annað að stöðva vagninn á leiðinni & djöflast í mælaborðinu til þess að halda för áfram. Enda þótt dr.-inn sé fyrir þá sænsku þá eru margir Volvovagnar þeirra Kynnisferða orðnir nokkuð lúnir & endurnýjunar er þörf. Nema hvað.

Vísnagerð nú vanda skal
& í vagna þjóta.
Gaumgæfa svo vagnaval
& virkilega njóta!

Ætlun vetrar ...

Hinn heilaga hvíldardag seytjánda dags ágústmánaðar hefst vetraráætlun byggðasamlagsins. Fljótt á litið verður hún með svipuðu sniði & síðasta vetur sem eru ákveðin vonbrigði satt best að segja.

Í pípunum hefir verið hjá Strætó bs. að hefja akstur á nokkrum leiðum á sunnudagsmorgnum aukinheldur sem auka hefir átt tíðnina á annatíma á fjölförnum leiðum eins & leiðum 1 & 6. Ekkert slíkt er boðað í vetraráætlun 2014-2015 - því miður.

Til viðbótar við þetta vantar oss kópvægskum Vesturbæjarvagnverjum sárlega leið 36 á nýjan leik sem kemur til með að drífa oss úr hverfinu & rakleitt upp í Hamraborg. Að mati dr.´s þarf vagn þessi ekki að aka um austurbæinn hvar þeir hafa leiðir 4 & 28 með korterstíðni á annatímum. Vesturbæjarvagnverjar hafa ekkert nema leið 35 á hálftíma fresti.

Önnur lending í þessu gæti verið sú að láta leið 35 aka upp Hábraut & stoppa við Hamraborg, halda svo áfram niður Skeljabraut & svo austur Nýbýlaveg. Vagninn gæti gert þetta einungis á annatímum svá við vagnverjar gætum tekið leiðir 1,2,4 & 28 upp í Hamraborg sem eru með 15 mínútna tíðnina.

Gallinn við þetta er auðvitað skert þjónusta við Sæbælinga, Helgubraut & nærsveitir. Vitaskuld þarf að vega þetta & meta en eptir stendur að Vesturbæjarvagnverjar eru útundan í leiðakerfi byggðasamlagsins. Það er bara þannig.

Yfir&út!

Blíðlát bæjarferð ...

Hinn bleikalótti & bísperrti dr. Gylforce brá sér af bæ - eða öllu heldur laut - & hélt á vit vagna í blíðviðri gærdagsins. Er sól gekk til viðar hapði doksi kallinn þrásetið sex vagna & kynnst urmul vagnverja. En ekki hvað???

Hinn aldni vagnverji hapði unga vagnverjann sér til fulltingis í ferðum sínum. Þeir feðgar biðu öngvra boða & hóuðu í sænskættaðan kagga á leið 35 hér í Voginum. Þar birtist að þessu sinni 309 Volvovagn þeirra Kynnisferða & virðist vera búið að lappa aðeins upp á hann fyrir baráttu vetrarins.

Eptir enn einn eðalhringinn um Voginn settust þeir kumpánar í Karosavagn númer 169 á leið 4 & héldu með honum rakleitt að Hlemmi. Frá miðstöð vagnanna tóku þeir 137 Crossway vagn á leið 13. Í sumar hefir nýju Crossway vögnunum verið róterað vel á leiðum en síðasta vetur tóku 141 & 142 slaginn á hinni þrettándu leið. Hvað um það.

Dr.-inn fagnaði ógurliga hvar hann sá hinn sænskættaða Omnilink vagn númer 106 á leið 1. Öngvin spurning þar. Doksi kallinn hepði viljað komast í Omnicity sem voru á vappi á leið 3 en það verður að bíða um sinn.

Áður en dr.-inn komst í fegurstu laut jarðarkringlunnar fór hann á fjörurnar við sænskættað stál frá Kynnisferðum upp í Kór & vel tilbaka. Hinn spánnýi & spennandi 307 VDL-vagn var hinsvegar víðs fjarri að þessu sinni. Nema hvað.

Doktor á flakkið fór
fann urmul vagna
niðrí bæ & uppí Kór
& át svo lasagna!



Mynd: hekla.is

Risið upp við dogg ...

Hinn fráleitt nánasarlegi & nýtni dr. Gylforce hefir notið vagna á höfuðborgarsvæðinu undanfarna daga hvar hann er loksins kominn heim í heiðardalinn. Nema hvað. 

Dr. Gylforce dró augað í pung á miðvikudagskvöldið & heilsaði nokkrum Crossway vögnum á leiðum 2,3, & 4 með virktum. Í dag á Strætó bs. 12 slíka vagna en fljótlega á næsta ári verða þeir orðnir 32 talsins. Þá eru þeir Fjarðarmenn með 20 slíka í gangi þannig að þá verða rúmlega 50 slíkir á vachtinni hverju sinni & hætt við að mínir sænskættuðu verði orðnir mikill minnihlutahópur. Hvað um það.

Doksi kallinn hjó aukinheldur eptir því að hinar kópvægsku Kynnisferðir eru orðnar ansi fátækar í vagnakosti. Í sumar þurfa þeir aðeins fjóra vagna á leiðum 28 & 35 en verða þó að fá lánsvagn endrum & sinnum frá verktaknum suður í Hafnarfirði. Verktakinn verður að hressa upp á flotann fyrir næsta vetur.

Í kvöld tóku hinn ungi & aldni vagnverji sér far með leið 1 & 35. Þeir fengu sænskættaða Volvo & Scania Omnilink í ferðum sínum. Ljóður var þó á þegar í Hamraborg var komið. Feðgarnir tylltu sér tignarlega í hinn sænskættaða 301 vagn á leið 35 kl. 18:05 & gerðu svo ráð fyrir að vagninn léti úr vör tveimur mínútum síðar. En aldeilis ekki.

Vagnstýran stóð úti ásamt vagnstjóranum á leið 28 & smókuðu þau sig í gríð & erg. Rettan var kláruð & máttum vér vagnverjar bíða í heilar 5 mínútur áður en sá sænskættaði lagði af stað. Þetta er algjörlega óásættanlegt að mati doksa & leiðinlegt að vagnstjórar virði ekki tímatöflur. Það ætti eiginlega að tilkynna svona dónaskap til byggðasamlagsins.

Doksi fékk sér gott í gogg
gekk svo milli vagna.
Hleður nú í brjálað blogg
því bullið mun ei þagna.


Mynd: www.ruv.is

Aðdráttarafl Eyjafjarðar ...

Hinn virti & vitri dr. Gylforce hefir farið hamförum meðal eyfirska vagna í dvöl sinni hér nyrðra undanfarið & átt hverja þrásetuna á fætur annarri. En ekki hvað???

Eyfirskir vagnstjórar & vagnverjar eru kurteist fólk upp til hópa & er hægt að komast ferða sinna með þremur leiðum innanbæjar. Til taks eru þrír vagnar hverju sinni & hefir það vakið gjörhygli dr.´s að öngvir sænskættaðir vagnar (Scania - Volvo) eru á eyfirskum vígvöllum veganna. 

Nyrðra eru þrír Mercedes Benz vagnar, einn mjög litið notaður, tveir meginlangds stuttir Heuliezvagnar & svá er hér Ikarusvagn. 

Dr.-inn hefir dvalið lengstum í leiðum 3 & 4 í dag & í gær & fengið fyrirtaks ferðir. Í boði hafa verið MB Citaro, Heuliez & Ikarusvagn. Leiðakerfið hér er uppbyggt á þann veg að hver leið ekur um sem flest hverfi bæjarins. Þannig fer t.a.m. leið 1 frá miðbæ að Glerártorgi & hring um hverfin þar, kemur svá aptur að miðbæ & fer svo næst um Drottningarbraut, upp með Skautahöll & um nýju hverfi Eyfirðinga. Nema hvað.

Þrjár leiðir koma um Túnin hvar doksi dvelur þessa stundina. Allar leiðirnar eru á klukkutímatíðni & því hægt að taka vagninn á 20 mínútna fresti að meðaltali. Tíðnin hrynur svá niður á kvöldin & um helgar & er það eitthvað sem Norðlendingar ættu að huga að.

Aukinheldur vekur það furðu að öngvinn vagn gengur að flugvellinum & því erfitt að koma flugleiðina í Eyjafjörðinn & ætla svá með vagninum niður í miðbæ. Þessu þarf að kippa í liðinn. 

Að öðru leyti er unaðslegt að vera hér en þó er ekki lokið fyrir það skotið að doksi kallinn sé farinn að sakna þeirra appelsínugulu sunnan heiða.

Í strætónum ég staðar nem
stari, spyr & svara
veit þó eigi hvaðan ég kem
né hvert ég er að fara.