Færsluflokkur: Bloggar
Hinn dásamaði & drottnaði dr. Gylforce hélt vitaskuld upp á dánardag hins heilaga Þorláks, sem ku vera okkar eini dýrlingur & hélt á vit vagna. En ekki hvað???
Dr.-inn gekk að þessu sinni að sínu nýja Mekka, Mjóddinni, en fann þar hvörgi þá kæstu, hvar hann hélt áfram í miðborg okkar Reykvíkinga með vinum vorum - vögnunum. Nema hvað.
Dr.-inn sporðrenndi Tindabikkjunni & lagði svo leið sína með leið 3 að Mekka, hvar hann langaði að taka leið 28.Töluverðar breytingar verða á leið 28 þann 7. janúar þegar vagninn hættir að aka niður í Mjódd. Leið 2 mun taka við kefli hans & verður fróðlegt að sjá útfærslu byggðasamlagins á breytingum á leiðum 2 & 28 í efri byggðum Kópavox. Hvað um það.
Enda þótt langt sé í þann sjöunda er nokk ljóst að þetta var síðasta ferð doksa kallsins með leið 28 frá Mjóddinni. Eins & vera ber kom Hollendingurinn fljúgandi - VDL-vagn frá Kynnisferðum - & sýndi doksa efri byggðir, hvar dr.-inn þrýsti þéttingsfast - en þó fimlega - & umfram allt - tímanlega - á stanzrofann & hélt glaður í bragði í Stútulautarselið sitt.
Amen.
Ég hélt í mína hinstu för
með Hollendingi vænum.
Eptir kæsta með hnoðmör
- helvíti grænum!
Bloggar | 23.12.2017 | 20:49 (breytt kl. 21:06) | Slóð | Facebook | Athugasemdir (0)
Hinn hátíðlegi & háfleygi dr. Gylforce var hugsi & hissa er hann hélt á vit vagna í jólastúss þennan annars ágæta frjádag, hvar hann sá hinn gamla & sænskættaða 188 Volvo-vagn á leið 3.
Dr.-inn beið öngvra boða & sté inn í vagninn. Greinilegt var á öllu að vagninn hefir ekki verið á vígvöllum veganna um nokkurt skeið. Sætin voru köld & rök en öngvu að síður var unaður að sitja í sænska stálinu. Dr.-inn tók marga aukahringi með þessum gamla jálki & raulaði vitaskuld jólalög í tilefni aðventunnar.
Nema hvað.Vagninn beygir, vagninn beygir
vagnverjar þá halda sér.
Doksi segir, doksi segir:
Dýrlegt er að vera hér.
Hæ hæ, ég hlakka til
hossast um bí og borg.
Björt ljós á Bus-inn vil
brunandi um Lækjartorg.
Bloggar | 22.12.2017 | 19:26 (breytt kl. 22:01) | Slóð | Facebook | Athugasemdir (0)
Þúsari tæpur eptir þrusustuð
þýt ég með næturvagni.
Í þeim gula ég er sem Guð
ganga þeir fyrir rafmagni?
Hinn gæfuríki & glaðhlakkalegi dr. Gylforce hefir gengið nokk hægt & lítt inn um vagnanna dyr undanfarið, hvar hann hefir hapt í önnur dekk að dunda. Nema hvað.
Þjónustuaukning 2018
Það er hinsvegar tilhlökkun & tjútt í loptinu hjá doksa kallinum, hvar nokkuð veigamiklar breytingar verða á þjónustu Strætó um áramótin.
Þar ber hæst að nefna gjaldskrána en það hefir vakið gjörhygli Gylforce-ins að það mun kosta 920 kr. í næturvagnana úr miðbænum um helgar, en þó aðeins fyrir þá sem staðgreiða ellegar eiga miða. Aðrir fá annað verð & lægra.
Hví ætli það sé??? Og hvar eru rafmagnsvagnarnir níu?!?!?!?! Spyr sá sem eigi veit.
Amen.
Bloggar | 20.12.2017 | 17:30 | Slóð | Facebook | Athugasemdir (0)
Kominn er úr hverri spjör
krankleiki hann hissir.
Ljúfi doksi lagstur í kör
af leiðum sínum missir.
Hinn vagnmáttugi & veraldarvani dr. Gylforce er með böggum hildar, hvar hann hefur lagst í kör helgi þessa & kemst eigi út á meðal vina sinna, vagnanna.
Í vikunni, þegar heilsunnar naut við, hélt doksi kallinn á vit vagna. Það gladdi hans gamla hró að sjá grænleit jólaljós í einum góðum Irisbus Karosa á leið 3.
Dr.-inn sté inn í þristinn við Stútulautarselið sitt & ætlaði einungis með honum að Mjódd okkar Breiðhyltinga.
Það breyttist snarlega þegar jólafílingurinn umlék doksa kallinn & hélt hann sönglandi jólalög alla leið að endastöð við Hlemmtorg með vagninum, sér til ánægju - öðrum til ama.
Nema hvað.
Bloggar | 9.12.2017 | 12:22 (breytt kl. 12:26) | Slóð | Facebook | Athugasemdir (0)
Í pásu verður brátt í brók
í bobba er nú drullan.
Öngvinn þrífur, algjört djók
með endaþarminn fullan.
Öngvinn þrífur nyrðra
Bloggar | 5.12.2017 | 22:57 (breytt kl. 23:02) | Slóð | Facebook | Athugasemdir (0)
Af æðstu stjórn hef illan keim
illir siðir grassera.
Vinstri-græn nú gjörast leim
gott að vera EKKI í þeim.
Hvað er hún eiginlega að gera
í umgengni með þeim tveim???
Hinn samhæfi dr. Gylforce stillti saman strengi sína í gær, hvar hann hélt loks á vit vagna úr Hamraborg þeirra Kópvæginga.Dr. Gylforce hélt með hinum fagra en sérstaka jólaálfavagni á leið 4, sem ku vera númer 177, frá Voginum fagra að Hlemmi. Langt var síðan doksi kallinn spísporaði & valhoppaði um víðar lendur Hlemmtorgsins. Maður lifandi!
Að mati Stútulautardoksa bar ekki alveg jafn vel í veiði, hvað heimferðina snerti. Dr.-inn einhenti sér í leið leiðanna - enda yfirleitt urmull af eðalvögnum þar á ferðinni.
Að þessu sinni fékk dr.-inn 137 Irisbus vagninn en þessi rúmlega 5 ára jálkur heillar doksa ekki mikið. Það er aukinheldur merkilegt hve mikill munur er í gæðum fyrir okkur vagnverjanna á Iveco Crossway & Irisbus Crossway. Hvað um það.
Dr.-inn var á leið snemmindis & gladdi það hans gamla hró hvar vagninn varð sneisafullur af menntskælingum við Lækjargötu enda prófatörn á þeim vígstöðvunum. En ekki hvað???
Neðsta mynd: Fenginn af The Citybus Collection, http://citybus.piwigo.com/uploads/s/w/v/swv6019f87//2014/08/31/20140831123320-47435cd4.jpg
Bloggar | 5.12.2017 | 15:09 (breytt kl. 15:18) | Slóð | Facebook | Athugasemdir (0)
Eg gekk einn morgun árla
út í skýlið hér.
Dagur gaf doksa varla
dýra birtu af sér.
Í för með fögrum verjum
ferðast gerði ég þá,
furðu fagur var einn sá.
Bloggar | 2.12.2017 | 21:54 (breytt kl. 22:01) | Slóð | Facebook | Athugasemdir (0)
Komið budget á borgarlínu
hjá borginni.
Samt er það bara pinku pínu
pons af heildinni.
Viðtal við borgarstjórann
Hinn þjáði & þreytti dr. Gylforce hefir lítt sést í vögnunum undanfarið vegna flensu, hvar hann þarf að gera bragarbót á því. Nema hvað.
Doksi kallinn verður að hætta þessu gaufi & fara að gefa vögnunum - vinum vorum - meiri gaum. En ekki hvað???
Doka, dunda, tvínóna,
drattast, gaufa.
Slóra, slæpast & lóna
slugsa, paufa.Í eymingsskap sínum sá dr.-inn gott viðtal við borgarstjórann sinn, hvar hann sagði frá því að á fimmta milljarð króna væru eyrnamerkt Borgarlínunni á næstu árum.
Sú tala gæti aukinheldur hækkað ef ríkið kæmi inn með framlag á móti.
Það eru spennandi tímar framundan & vonandi heldur samstaða sveitarfélaganna á höfuðborgarsvæðinu áfram, hvað Borgarlínuna varðar, eptir kosningarnar í maí 2018. Maður lifandi!
Bloggar | 28.11.2017 | 14:05 (breytt kl. 14:09) | Slóð | Facebook | Athugasemdir (0)
Í dag boðar dr. Gylforce mikinn fögnuð, hvar hann hefir í 12 ár bloggað um vagnaferðir sínar. Maður lifandi!!!
Síðurnar eru þrjár talsins, sú fyrsta liggur reyndar niðri en sú sem hér er ku vera bráðlifandi!
Fyrsta síðan, www.straeto.blogcentral.is, er vitaskuld geymd enda gleymir netið víst öngvu.
Hægt er að sjá hana á http://wayback.vefsafn.is/wayback/20091121013029/http://straeto.blogcentral.is/eldra/2007/12/
Hin, www.dr-inn.blog.is, er sprelllifandi. Sem og þessi.
Hvað um það.
Dr.-inn mun að sjálfsögðu halda upp á daginn. Nema hvað - en ekki hvað???
Bloggar | 25.11.2017 | 15:36 | Slóð | Facebook | Athugasemdir (0)
Unaður þessi Ivecó
í okkar jólastúss.
Gylforce-ins geðfró
góður eptir einn sjúss.
Jólavagninn
Bloggar | 24.11.2017 | 16:06 | Slóð | Facebook | Athugasemdir (0)
Færsluflokkar
Bloggvinir
Ágúst 2025 | ||||||
S | M | Þ | M | F | F | L |
---|---|---|---|---|---|---|
1 | 2 | |||||
3 | 4 | 5 | 6 | 7 | 8 | 9 |
10 | 11 | 12 | 13 | 14 | 15 | 16 |
17 | 18 | 19 | 20 | 21 | 22 | 23 |
24 | 25 | 26 | 27 | 28 | 29 | 30 |
31 |
Heimsóknir
Flettingar
- Í dag (25.8.): 2
- Sl. sólarhring: 3
- Sl. viku: 19
- Frá upphafi: 124047
Annað
- Innlit í dag: 2
- Innlit sl. viku: 19
- Gestir í dag: 2
- IP-tölur í dag: 2
Uppfært á 3 mín. fresti.
Skýringar