Vélabrögð vagnverja ...

Í fréttamiðlum undanfarið hefir komið fram að töluvert sé um fölsuð strætókort í umferð. Framkvæmdastjóri byggðasamlagsins gengur svo langt & telur að um skipulagða glæpastarfsemi sé að ræða. Nema hvað.

Að mati dr.´s hefir Strætó bs. skriplað á skötu hvað varðar eptirlit í vögnunum. Það er ófært að láta vagnstjórana um að fylgjast með kortum vagnverjanna; krefjandi starf er að keyra vagnana & keppast við að halda áætlun.

Dr. Gylforce hefir ekki séð eptirlitsmenn frá Strætó um alllanga hríð. Vissulega hefir það kostnað í för með sér & líklega fleiri starfsmenn en það hlýtur að skila sér þegar upp er staðið. 

Víða erlendis eru háar sektir við því að vera með fölsuð kort í almenningssamgöngukerfunum. Slíkt þarf að taka upp hér, það er morgunljóst.

Aukinheldur þarf byggðasamlagið að endurvekja & efla eptirlitið til muna í vögnunum. 

Táldregnir í tonnavís
af töturum & bófum.
Eptirlitið sett á ís
endurvekjum - prófum!

http://stundin.is/frett/svipt-straetokortinu-og-sokud/

Svona 1,6 km frá sænum ...

Hinn trassafengni & trauðla tæpi dr. Gylforce tölti af stað á sunnudagskveldinu hvar hann hugði sækja vagnverja heim. Nema hvað.

Ferðaáætlanir hins viðmótsþýða vagnverja voru að enda hjá Sólfarinu snotra við Sæbrautina. Leiðir 35 & 1 hepðu þá átt að vera texti dagsins hjá hinum hávelborna doktor en hann hugði á tvist, þó fráleitt tvist & bast. Hvað um það.

Dr.Gylforce renndi sér inn í leið 35 við Stútulautina fögru. Að þessu sinni bauð verktakinn vestan af Kársnesinu upp á hinn sænskættaða 311 Volvovagn. Hann sést nú ekki opt á leið 35 en þeim mun optar á leið 28.

Það er heldur einkennileg sætaskipanin í 311 vagninum aukinheldur sem liturinn á áklæðinu er frábrugðin hinum Volvovögnunum.

Eptir góðan hring með 311 vagninum hepði verið eðlilegt fyrir doksa kallinn að einhenda sér í leið leiðanna, leið 1, til þess að komast að Sólfarinu við Sæbrautina. En doksi tvistaði grimmt hvíldarkvöldið góða.

Dr.-inn tyllti sér tignarlega inn í 147 Crossway vagninn á leið 2 & hélt með honum að Borgarleikhúsinu. Þar valhoppaði hann yfir götuna & eptir drykklanga stund kom leið 13 aðvífandi. Að þessu sinni kom 141 Irisbus-inn & létu vagnverjar sig vanta í ferð þessa; einungis þrír verjar voru með í för.

Dr. Gylforce leið með leið 13 - & leið vel - um Hamra- & Lönguhlíð, Flókagötu, að Hlemmtorgi & svo að lúkningu að sólfarinu við Sæbrautina.

Doktor tvist í vögnum tók
í trans féll í bænum.
Í Irisbusnum doksi ók
alla leið að sænum.



Efri mynd: pinterst.com

Grunnhyggni eða gróði ...???

Stjórn Strætó bs. hefir sent frá sér tilkynningu þess efnis að 1.mars nk. komi gjaldskráin til með að hækka.

Í fyrstu gæti það hljómað rökrétt að láta fargjöld fylgja verðlagi. Eins & allir vita hafa orðið launahækkanir í þjóðfélaginu ásamt öðrum kostnaðarahækkunum fyrir utan eldsneytið sem hefir lækkað umtalsvert. Hvað um það.

Það sem vekur furðu dr.´s er sú ákvörðun að hækka staðgreiðslufargjaldið um 20 krónur! Hvaða gerir það í raun fyrir efnahagsreikninginn??? 20 krónur??? WTF!!! Ef út í hækkanir á að fara hepði verið lágmark að hafa það 50 kr. eða jafnvel 100 krónur.

Önnur undarleg ákvörðun er að endurvekja á ný sérgjald fyrir 18 ára og yngri, aldraða og öryrkja. Þar með er hringavitleysan hafin því þetta gjald var til fyrir nokkrum misserum. Aukinheldur er erfitt að sjá að þessar ákvarðanir komi til með að auka tekjur Strætó. Það þarf þá að verða mjög hressileg fjölgun á vagnverjum í þessum flokkum svo að þess sjái merki í bókhaldinu.

Það væri nær að hækka kort til nema þótt dr.-inn sé svosem ekki hlynntur því að auka álögur á þann hóp. En að árskort í strætó fyrir 6-11 ára kosti aðeins 7900 krónur er of lágt. Þar mætti hækka verðið upp í 9900 krónur & samt væri þetta góður kostur fyrir foreldra. 
 
http://www.visir.is/gjaldskra-straeto-haekkar-um-allt-ad-helming/article/2016160209173

Vagnverjar með veskið nú
víst að þeim ofbjóði.
Strætó með trausta trú
að tuttugu sé gróði.

Nikkan notalega ...

 Hinn andakti & absúrdi dr. Gylforce óð elginn & andaði að sér unaði & yndi hvarvetna í hvívetna hvar hann komst í kynni við leið leiðanna, leið 1.

Hinn glæsti & glænýi 158 Iveco Crossway á leið 1 var við Hamraborgina um kl. 12:20. Doksi kallinn sté inn með stolti & kastaði kveðju á vagnstjórann. En ekki hvað???

Dr. Gylforce leið með leiðinni alla leið að endastöð leiðarinnar sem er við Hlemmtorgið. Ferðin var öll hin fínasta & ekki annað að sjá en að vagnverji séu ánægðir með þessa nýju vagna. Nema hvað.

Dr.-inn gladdist á leið sinni til baka hvar hann fékk hinn sænskættaða 105 Omnilink á leið 1. 

Það sem vakti furðu doksa á leiðinni var að beint fyrir framan 105 Omnilinkinn var liðvagninn ljúfi, "harmonikkuvagn" númer 171, sem aukavagn á leið 1. & það var ekki annað að sjá en að hann væri hálftómur eins & reyndar 105 vagninn sem doksi sat í.

Það vekur athygli enda dýr hver kílómetrinn í hinu lostfagra leiðakerfi. Það er spurning hvort Strætó bs. þurfi ekki að greina enn betur farþegafjöldann á hverjum tíma á hverri leið til þess að vera ekki að aka tveimur hálftómum vögnum í halarófu á sömu leið???

Harmonikkan huggulega
hálftóm á vakt.
Byggðasamlagið barnslega
breyta þarf um takt.

Rælni & ásælni ...

Hinn rælni & fráleitt röggsami dr. Gylforce rak í rogastans við reinina hjá mennta- & menningarsetrinu við Kársnes & Kastala hvar flotafulltrúi Strætó bs. bauð upp á glæstan & glænýjan Iveco Crossway vagn á leið 35.

Vagnverjinn viðmótsþýði valhoppaði inn í nýja vagninn sem hefir fengið númerið 157. Eptir að nýju vagnarnir komu hefir 166 Karosavagninn séð um leið 35 á annatíma, þ.e. kl. 7-9 & 14-18 virka daga. Nú er hinn gamli 156 Irisbus Heuliez kominn úr umferð & eptir því sem doksi kemst næst á byggðasamlagið öngva styttri vagna.

Það er miður því slíkir henta ákaflega vel á hringleiðinnni hér um Voginn. Hvað um það.




Mynd. citybus.piwigo.com

Vagnþekktur vagnverji ...

Reif mig upp úr rúminu
& rambaði á leið.
Hugljúft var í húminu
í hörkugaddi beið.

Þæfingsþref ...

Í þæfingi & þjarki
þokast vagninn nú.
Þrjátí´& fimm & fjarki
- flestir þar edrú!

Hinn vagnfríði & vel vímaði vagnverji, dr. Gylforce, var ekki lengi að vafra út úr mennta- & menningarsetrinu hér við Kársnes & Kastala hvar hann vildi vitaskuld hitta vagnana, vini vora. 

Ofankoma hefir verið á höfuðborgarsvæðinu í morgun & hefir hún hægt á hinu lostfagra leiðakerfi.

Dr. Gylforce gekk greiðlega á hinni gráuhvítu grundu & goppaði inn í leið 35. Hinn funheiti & engilsaxneski MAN 305 vagn var aptur kominn á vígvelli veganna & renndi doksa kallinum alla leið eystur að Efstahjalla. Nema hvað.

Dr.-inn strunsaði að strætóstoppistöð þeirra Breiðhyltinga við Mjódd. Þar beið ársgamall 179 Iveco-Crossway vagn eptir doksa á leið 4. Hann beið lengi hvar leiðir 17 & 24 voru vel á eptir áætlun. Það þýddi aptur að litlu mátti muna að doksi myndi missa af leið 35 í Hamraborg.

Dr. Gylforce náði í skottið á þeim engilsaxneska á leið 35 & hélt glaður í bragði að mennta- & menningarsetrinu á nýjan leik.

Yfir&út!

Hið tiginborna tilhaldsmenni ...

Við dagsetur doktorinn
dreif sig á leið.
Karlmenni & kynborinn
í kyrrðinni beið. 

Hinn ærslafengni & undursamlegi dr. Gylforce leið óþægindi mikil í gærkvöldi hvar hann var eigi á leið á leið; leið & beið, sálin leið því öngvin var leið & leið því eigi á löngu hvar doksi leiddist svo út í kvöldrökkrið. Hvað um það.

Hinn viðmótsþýði vagnverji valhoppaði af stað út í skýlið sitt hvar hann vildi komast í vagninn sinn. Nema hvað.

Slík voru lætin & hamagangurinn að doksi kallinn mætti snemmindis við Stútulautina & beið eptir vagni sínum í kvöldkyrrðinni. Líkt & myndin sýnir öngvan veginn kom hinn sænskættaði Volvo 303 vagn aðvífandi á leið 35 & varð úr prýðisrúntur hjá doksa; sálartetrið spikfitnaði & hið gamla hró dr.´s fann sannkallaðan sæluhroll. En ekki hvað???

& enn er dr. Gylforce á leið á leið, maður lifandi!

Hveró-lant ...

Doksi austur fyrir fór
fjall & heiði.
Kom hún hvít eins & snjór
hvað er á seyði?

Hinn fjallmyndarlegi & forkunnarfagri dr. Gylforce fór heldur betur fýluferð með ungviðið í dag hvar hann hlakkaði ótrúlega mikið til að komast í blágulu vagnana. En nei, nei, það varð eigi raunin - illu heilli. 

Við Mjódd þeirra Breiðhyltinga beið eptir oss hvítur rútuskratti frá Hópbílum á leið 51 & því ljóst að skrattinn atarna myndi ekki sjást á rauntímakorti & ekki heldur vera með fullnægjandi upplýsingatöflu inn í vagninum.

Það er ótrúlegt hvað byggðasamlagið sýnir verktökum sínum mikla linkind. Doksi kallinn fékk djöful þennan bæði fram & til baka frá Hveragerði & vonar að verktakinn suður í Firði fái væna sekt fyrir að bjóða upp á þennan fararskjóta.

Sveiattan!!!

Margan hefir vagninn villt ...

Margan hefir vagninn villt
vagnarnir suma lokka.
Doksa finnst það töff & tryllt
að tylla ser inn & fokka.

Hinn vel tennti & taktfasti dr. Gylforce tölti af stað á vit vagna hvar hann vildi finna eitthvað af hinum átta nýju vögnum byggðasamlagsins. Maður lifandi.

Á sunnudögum þarf Strætó bs. að kalla út um 30 vagna til að halda úti leiðum sínum, verktakar eru svo með um 25 vagna í akstri. Hvað um það.

Enda þótt doksi kallinn sé einarður aðdáenda hinna sænskættuðu jálka var eitthvað töff við að sjá einungis Crossway vagna á vígvöllum veganna í kvöld. Öngvir Karosa, Citelis ellegar Omnilink, hvað þá Omnicity eða Volvovagnar voru sjáanlegir nema vitaskuld þrír sænskir hjá Kynnisferðum á leiðum 28 & 35 ásamt VDL-vagninum góða.

Dr. Gylforce komst í tvo nýja vagna & hjó hans gamla hró eptir því að þeir voru settir á leiðir 1 & 6. Nýi ilmurinn tók á móti dr.-num í 173 Crossway vagninum á leið 6 & sömuleiðis í 156 Crossway vagninum á leið 1. Nú hefur byggðasamlagið um 40 vagna til umráða sem ekki eru 0-3 ára. Það er dágott.

Svo er spenna fyrir morgundeginum; Gylforce-inn hyggur á heimsókn með blágulum vagni austur fyrir fjall!

Hér á sjá doksa kallinn brosa sínu breiðasta á spánnýja Crossway vagninum á leið 6.