Hættið þessu hangsi Kynnisferðir!!!

Hinn fráleitt pasturslitli & pestnæmi dr. Gylforce er nokk pirraður hvar hann hefir tekið þrásetu & langdvala með vinum vorum, vögnunum. Nema hvað.

Dr. Gylforce hefir einkum verið meðal félaga sinna á leið 35 hér í Voginum. Eins & kunnugt er er leiðin sú á hendi verktakans vestur á Kársnesi, Kynnisferða. Að þessu sinni virtist hinn funheiti & engilsaxneski 305 MAN vagn vera fjarri góðu gamni.

Stöðu hans tók hinn sænskættaði Volvovagn númer 301 & tók hringinn í gríð & erg. Það er orðið afar þreytandi hve illa vagnstjórum frá Kynnisferðum gengur að fara eptir tímaáætlun leiðar 35. Það er nánast hending ef vagninn leggur af stað 07 eða 37 mínútur yfir heilatímann. Til að mynda var doksi kallinn staddur í Hamraborg okkar Kópvæginga áðan. Vagnstjórinn var úti við í spjalli við kollegana. Hann álpaðist inn í vagninn klukkan 15:10 & lagði af stað mínútu síðar. Þá er hann orðinn heilum 4 mínútum of seinn!

Þetta er ólíðandi & ekkert annað fyrir dr.-inn að gera en að leggja inn kvörtun til Strætó bs. Að mati dr.´s er morgunljóst að byggðasamlagið þarf að efla innra eptirlit sitt til mikilla muna. Langt er um liðið síðan doksi sá síðast eptirlitsmann í vögnunum. Hvar eru þeir???

Þetta hangs verður að stöðva & setja vagnana - vini vora - af stað.

Að degi liðnum sólin sest
ég spái í aðgerðir.
Því við jú finnum flest
fíkn í vagnaferðir.

Að ánetjast neti ...

Tökum lagið með trompet
tjúttið má ei þagna.
Nú er komið þráðlaust net
í næstum alla vagna.

Byggðasamlagið Strætó heldur áfram að bæta þjónustuna við oss vagnverja & hefir nú skellt nettengingu í vagna sína. Haf fyrir þökk!

Reyndar er verktakinn vestur á Kársnesi, sem ekur leiðum 28 & 35, ekki kominn svo langt því ekki fann dr.-inn net í hinum funheita & engilsaxnesa 305 MAN vagni á leið 35 í gær. Vonandi verða verktakarnir ekki eftirbátar byggðasamlagsins.

Að mati dr.´s þarf nú Strætó bs. að hefjast handa við að setja upp betri merkingar, bæði í vögnunum & í biðskýlum. Byggðasamlagið þarf að halda áfram að festa vagna á ákveðnum leiðum & setja upp mynd af þeirri leið, öllum biðstöðvum & tengimöguleikum. 

Þá þarf að setja upp skilti í biðskýlum sem sýna hve langt er í vagninn. Vonandi koma þau á næstu misserum.

Koma svo byggðasamlag - þið getið þetta! 

http://www.straeto.is/um-straeto/frettir/nr/889

Vagnar vagnar ...

Bara svo þessu sé haldið til haga hér á síðu Gylforce-ins. 

Fríkeypis ferðir ...

Hinn hálfdimmi & húmaði dr. Gylforce hljóp af stað í fríkeypis vagna í gærkvöldi. Maður lifandi. Doksi kallinn mátti öngvan tíma missa. Nema hvað.

Dr. Gylforce gekk að skýli sínu & varð heldur leiður hvar hin funheita leið 35 kom 5 mínútum of seint. Doksi undraðist það því yfirleitt er ekki mikið um tafir á vögnunum á kvöldin. Hvað um það.

Dr.-inn heilsaði með virktum leið 11 í Mjóddinni & settist inn í einn af fjölmörgu Crossway-vögnum þeirra Fjarðarmanna. Vagnstjórinn sem var á vacht þetta kvöldið virtist vera á hraðferð hvar vagninn var yfirleitt um þremur mínútum of fljótur. Það er líka hvimleitt þegar það gerist & skrýtið að upplifa vagnstjóra sem virðist vera slétt sama um það.

Dr. Gylforce gekk út úr hinni elleftu leið við Hlemmtorgið & átti von á því að vagnstjórinn myndi tímajafna vagninn. Ó, nei. Hann brunaði af stað & skeytti öngvu um tímaáætlanir leiðar 11.

Langt er um liðið síðan doksi kallinn sté inn í leið 15 & gerði hann bragarbót á því. Hinn 185. Crossway vagn kom aðvífandi & tyllti dr.-inn sér tignarlega í vagninn. Hann hugði á ferð upp í Ártún með vagninum en fékk nóg af gelgjulátum í nokkrum vagnverjum & hoppaði út við Grensás.

Beint fyrir aptan leið 15 beið leið 2 & hoppaði Stútlautardoksi upp í hann & hélt í Voginn.

Hann lokaði svá hringi sínum venju samkvæmt í þeim funheita á leið 35 & hélt í fegurstu laut jarðarkringlunnar.

Lifið veil!


Urmull af fríum ferðum
fór þó seint um kvöld.
Glæstir, af öllum gerðum
& gleðin var við völd.

Eðall án endurgjalds ...

Hinn bísperrti & blóðheiti dr. Gylforce gat vart beðið eptir degi þessum hvar hinn bíllausi dagur er & frítt í vagnana, vini vora.

Doksi kallinn endurtekur: Það er gratís í hina glæstu & glænýju vagna - & líka í alla hina!!!

Dr.-inn spáði & spekúleraði í þessum spennandi degi en þó aðallega hvernig hann gæti náð langdvölum & þrásetum í vögnunum. Nema hvað.

Eptir drykklanga stund ákvað dr.-inn hreinlega að fara með ungviðið hér í mennta- & menningarsetrinu við Kársnes & Kastala í góðan rúnt í hinu lostfagra leiðakerfi. En ekki hvað????

Ungviðið hélt rakleitt ásamt hinum aldna vagnverja að hinum funheita & engilsaxneska 305 MAN vagni á leið 35. Öngvra boða var svo beðið & áfram haldið í leiðir 4 & 1. Þar bauð byggðasamlagið upp á nýju Crossway vagnana, 177 & 148 sem reyndar eru nú orðnir meðgöngugamlir, þ.e. 9 mánaða. Hvað um það.

Illu heilli er dr. Gylforce fastur í mennta- & menningarsetrinu þessa stundina en valhoppar út meðal vagnanna um leið & færi gefst enda lætur hann ekki þennan eðal framhjá sér & það án endurgjalds!!! Maður lifandi.

Óstýrlátt var ungviðið
á ókaldri leið.  
Reyndi á raddsviðið
& röddinni sveið.

Gratís gleði ...

Hinn glufukenndi & gallaði dr. Gylforce er gríðarlega spenntur mjög nú í miðri samgönguvikunni hvar hann getur vart þagað eins & tjörupappi. Öðru nær.

Á morgun er nefninlega bíllausi dagurinn & þá fáum vér vagnverjar gratís í vagnana. Maður lífandi. Nema hvað. 


Að morgni dags í myrkrinu
í miðri samgönguviku.
Á leið með verjum til vinnu
í vögnunum síkviku.





Mynd: straeto.is

Fland & bland ...

Hinn ráfandi & reikuli dr. Gylforce reif sig út á hæsta degi við mennta- & menningarsetrið við Kársnes & Kastala. Þessa dagana er evrópsk samgönguvika hvar stjórnvöld hvetja oss til þess að blanda okkar flandri. Nema hvað.

Dr. Gylforce á nokkuð erfitt með blönd þessa hvar hann vill bara vera meðal vina sina, vagnanna. Stöku sinnum notast hann við tvo jafnfljóta en skjaldan óvininn mikla, einkabílinn. Hvað um það.

Áður en doksi kallinn hélt á vit vagna skipulagði hann næstu ferðir ungviðisins í áfanganum "Allir með strætó." Næsti áfangastaður krakkanna er að kynnast hinum kynngimögnuðu tengimöguleikum í Ártúni þeirra Reykvíkinga. 

Í Ártúni geta vagnverjar tekið leiðir 5, 6, 12, 15, 16, 18, 24 & 57. Verkefni krakkanna er mismunandi & verður fróðlegt að fylgjast með framvindu þeirra á mánudaginn.

Dr. Gylforce sté hinsvegar á hæsta degi inn í hinn funheita 305 MAN vagn á leið 35 sem er aptur kominn á vígvelli veganna. Að því loknu hóaði hann í 135 Crossway vagninn á leið 4.

Það er mjög erfitt að sjá framan á Crossway vagninum að hann sé númer 4. Taflan er alltof dauf & verða þeir Hestshálsmenn að gera þarna bragarbót á. Dr. Gylforce hapði ekki mikinn tíma aflögu hvar hann sté aptur & enn í leið 35 & hélt í mennta- & menningarsetrið.
.

Feðgaflakk ...

Hinn ungi & aldni vagnverji ráku glyrnur sínar í það að hinir rauðu & reffilegu tveggja hæða vagnar - dobbeldekkerarnir - verða nú senn komnir í pásu.

Síðustu ferðir þeirra voru reyndar í gær, hinn 15. september. Feðgarnir hófu leik við hina hljómfögru Hörpu hvar þeir hoppuðu svá út við Perluna.

Eptir gott stopp & regnbogaskoðun í Öskjuhlíðinni einhentu þeir sér inn í þann rauða á nýjan leik & luku hringnum með eðalrúnti um Laugardalinn, Skipahöfn & sundin blá. Maður lifandi.

Einn hringur með þessum rauðleitu vögnum kostar 3500 krónur & er það raunar AÐEINS dýrara en í þá gulleitu. En mun skemmtilegra - en ekki hvað???

Hinir fríðu feðgar náðu þremur ferðum með þessum draumavögnum í sumar sem er dágott & hlakka til að sjá þá á nýjan leik á næsta ári.

Farvel mínir fögru vagnar!

Enn á flakki feðgarnir
fóru í síðasta sinn.
Sætsýnarnir senn farnir
til söknuðar ég finn. 

Skærbleikir akrar Úlfarsárdals...

Hinn óðslegi & öri dr. Gylforce átti einn sinn albesta dag meðal vinanna, vagnanna, á fimmtudaginn hvar hann náði í tíu trylltar ferðir. Doksi kallinn endurtekur; tíu tryllt tjútt!!! Maður lifandi. Nema hvað.

Dr. Gylforce fékk sænskættaðan jálk á leið 35 frá mennta- & menningarsetrinu við Kársnes & Kastala. Það var slepja & slúði úti fyrir svá doksi kallinn henti sér inn í leið 2 við Hamraborg okkar Kópvæginga. 

Frá Hlemmtorgi var löngu kominn tími fyrir dr. Gylforce að taka leið 16 & kynnast Árbænum. Doksi hóaði í 167 Karosavagninn & sat þar kirfilega hvar vagninn kom að Árbæjarskóla. Þar áttu ævintýrin að gerast.

Dr. Gylforce hugðist nefnilega skáskjóta sér í fyrsta sinn í leið 26 & kanna unaðsakra Úlfarsárdals, Grafarholts & Grafarvogs. En ekki hvað???

Eptir Max drykklanga stund kom hinn stutti 249 Heuliez vagn á leið 26 við Árbæjarskóla. Dr.-inn henti sér inn í vagninn & vissi að í vændum var rúmlega 30 mínútna raðfullnæging um skærbleika akra Úlfarsárdals mínir virðulegu vagnverjar!

& það varð úr. Dr.-inn átti algera dásemd í leið 26 um Þúsaldir, Gvendargeisla, Skyggnisbraut & hvað þetta heitir allt saman hvar hann endaði för við Spöng þeirra Grafvæginga.

Leið 26 gengur aðeins á klukkustundarfresti & er það miður en einn vagn sér um akstur á leið þessari. Vonandi verður bætt úr því þegar frá líða stundir.

 

 

Doktorinn drullusvalur
dreif sig í túr.
Fagur er Úlfarsárdalur
aftan- & niðrúr!

Allir með strætó ...

Hinn hversdagsgæfi & kviki dr. Gylforce hepst handa í dag að kenna ungviðinu hér í mennta- & menningarsetrinu við Kársnes & Kastala á vagnana, vini vora.

Jú rétt, það er komið að hinum vinsæla áfanga "Allir með strætó." Tuttugu nemendur eru skráðir til leiks fyrir áramót & aðrir tuttugu eptir áramót sem er dágott.

Krakkarnir fá verkefni í hendurnar frá dr.-num sem þau eiga að leysa. Þau eiga að koma sér á ákveðinn stað á ákveðnum tíma í vögnunum vitaskuld & taka þar mynd máli sínu til sönnunar.

Nú er bara að sjá hvurnig tekst til að ala upp fleiri vagnverja!




Í förum ávallt fljótur
fyrsti kosturinn.
Skýst á milli skjótur
í skýlum vagnverjinn. 




















Myndir: forlagid.is