Hinn eineygði andskoti ...

Hinn porreygði & pervisni dr. Gylforce paufaðist í vini vora, vagnana, um helgina hvar hann & hapði unga vagnverjann sér til fulltingis. Nema hvað.

Feðgarnir fóru á flug hvað vagna áhrærði & hófu vitaskuld leik með því að vafra inn í sænska stálið á leið 35. Eptir unaðshring um Voginn áðu þeir félagar við Hamraborg okkar Kópvæginga. En ekki hvað???

Á leið 28 var hinn spánnýi & spennandi VDL 307 vagn frá verktakanum vestur á Kársnesi. Þetta var ekki spurning. Feðgarnir valhoppuðu báðir inn í vagninn & höfðu á orði hvor við annan hve langt er um liðið síðan þeir áttu þrásetu í þessum vagni. Nú skyldi haldið í Kópavogsdalinn í gluggaveðrinu & hann málaður eldrauður!

Klukkan datt í 14:06 þennan napra laugardag & hinn aldni vagnverji áréttaði við þann unga að halda sér nú fast því vagninn væri að fara af stað. En ekkert gerðist. Vagninn rann úr hlaði úr Hamraborginni ekki fyrr en kl. 14:11 eða heilum fimm mínútum á eptir áætlun!!! Það gengur ekki þótt færð sé góð, umferð heldur lítil & vagnverjar ekki margir á laugardagseftirmiðdegi. Vagnstjórar verða að bera virðingu fyrir áætlun vagnanna. Nema hvað. 

Gylforcenum leiðist gauf
guggt & slæpingur.
Ferðin reyndist puð & pauf
púl var þessi hringur.

Annars hefir Strætó bs. verið nokk gjöfult hvað vagna varðar á leið 35 á annatíma. Dr.-inn hefir tyllt sér inn í 120 Citelis & 103 Omnilink & grenilegt að hinir stuttu Heuliez vagnar eru í pásu. Hvað um það.

Hinn velviljaði dr. Gylforce var svá á ferðinni í miðborginni á hvíldardaginn. Enn & aptur er hann hugsi yfir leiða- & vagnamálum í miðborginni & þeirri staðreynd að vagnarnir aka hvorki niður Laugarveg né Hverfisgötu.

Meir um það síðar mínir virðulegu vagnverjar.

Hinn spikfeiti sálarspegill ...

Hinn fráleitt haukfráni & huggulegi dr. Gylforce hefir þurft að taka því rólega undanfarna daga hvar hann hefir nælt sér í bólgur í aðra lithimnu sína. Nema hvað. 

Í blæðandi morgunsárinu átti doksi kallinn að koma í endurkomu til Gláka augnlæknis & notaði vitaskuld tækifærið & hélt á vit vagna. Þegar dr.-inn sté upp úr síðasta vagni sínum við fegurstu laut jarðarinnar hapði hann tekið til kostanna sjö vagna af hinum ýmsum gerðum. Dr.-inn settist inní leiðir 4, 5, 12, 18 & 35. Maður lifandi.

Það var fátt sem vakti gjörhygli Gylforce-ins í vögnunum þennan annars fallega en svala morgun. Vagnakerfið var á blússandi siglingu milli klukkan 8 & 9 í morgun en datt svo í mikil rólegheit þegar dr.-inn hélt til síns heima rétt um ellefuleytið. Flestir vagnar voru á réttri leið nema þá helst að dr.-inn sté inn í hinn glæsta á glænýja 185 Crossway vagn á leið 18 við Snorrabrautina. Yfirleitt er vagninn sá á leið 15 ásamt hinum nýju 182-184 vögnunum. En ekki hvað???

Það gladdi hið gamla hró dr.´s hve tillitssamir vagnstjórarnir voru í morgun. Dr.-inn tók sér far með 239 Crossway vagninum á leið 12 upp í Mjódd. Við Laugarnesveg veifaði eldri maður vagninum & stöðvaði vagnstjórinn snarlega. Sá gamli var greinilega nýr vagnverji & vissi ekki hvað kostaði í vagninn aukinheldur sem hann þurfti ítarlegar upplýsingar um hina 12. leið. Vagnstjórinn lét allar upplýsingar í té & gaf sér góðan tíma í að aðstoða manninn eins & frekast var unnt. Vel gert!

Dr. Gylforce hélt í glæstan 179 vagninn á leið 4 frá Mjóddinni. Þegar inn í Voginn var komið steig annar eldri maður inn í vagninn. Vagnstjórinn beið vel & lengi þartil maðurinn var sestur niður áður en hann hélt áfram för. Það er nú allur gangur á slíku meðal vagnstjóranna þótt mikill meirihluti þeirra sé mjög kurteis & tillitssamur.

Dr.-inn fékk í tvígang hinn sænskættaða 306 Volvovagn á leið 35 & nú virðast hinir engilsaxnesku 304 & 305 MAN vagnar vera alveg búnir á því. Eða hvað???

Verjinn eigi vínhneigður
& vill sjaldan boxa.
Orðinn nánast eineygður
hvað er að sjá doksa?

Hinn vitiborni vagnverji ...

Hinn greinótti & glöggi dr. Gylforce gekk glámskyggn til vagna sinna um helgina hvar hann hefir ekki enn fengið bót meina sinna. Hvað um það.

Dr.-inn hefir tekið þá ófáa hringina með leið 35 um helgina & einatt fengið hina sænskættuðu jálka frá verktakanum vestur á Kársnesi. Nú má ljóst vera að hinn engilsaxneski 304 MAN vagn sé kominn upp á lyftu & orðinn bilaður enn & aptur. Nema hvað.

Hinn aldni vagnverji hefir aukinheldur haldið á vit vagna með hinn unga & óreynda verja. Feðgarnir hafa & komist í kynni við hina glænýju & glæstu Crossway vagna á leið leiðanna, leið 1. 

Varðandi leið 1 er það allra athyglivert að eitt sinn var hún ekin með lengri vögnum vegna þess hve margir vagnverjar tóku vagninn. Gott mál & gleðilegt. En nú virðist það hending ein ef 13,7 metra vagnarnir - 3ja hásinga - aki leið 1. Nema þá kannski sem aukavagnar. Samt er ekki að sjá að fækkun hafi orðið meðal vagnverja. Leið 1 er t.a.m. þéttsetin um helgar á ákveðnum tímum & færi betur á því að hafa lengri vagna til taks á vígvöllum veganna. Humm, humm??? 

Feðgarnir áttu góðar stundir í 148 & 149 vögnunum á leið leiðanna & enduðu vitaskuld för með einum sænskættuðum á leið 35 í Stútulautina.

Í blæðandi morgunsárinu einhenti svá doksi kallinn sér á aukavaktina á leið 35. Þar lullaði hinn stutti Heuliez 156 vagn & var öngvu líkara en vagninn sá væri að gefa upp öndina. Doksi veit að systurvagn hans, 157, er ekki á leið & á leið til feðra sinna & spurning hvort slíkt hið sama gerist senn með þennan???

Í vögnum ég friðinn finn
frelsi & gott næði.
Situr þar vagnverjinn
vill yrkja sín kvæði.



Neðri mynd: citybus.piwigo.com

Sífellt sýktur ...

Hinn kotungs- & kyrpingslegi dr. Gylforce er kátur eigi þessa dagana & er með böggum hildar. Doksi kallinn hefir nefninlega nælt sér í slæma sýkingu í annað augað & á því erfitt um vik að halda á vit vagna. 

Dr.-inn lét þó hvorki hugarvíl né harmkvæli stöðva sig á hvíldardaginn síðasta hvar hann tók hús á nokkrum vina sinna, vagnanna.

Til að auka unaðinn hapði hinn aldni vagnverji hinn unga sér til fulltingis sem var vitaskuld fullur af fjöri & feginleik yfir því að komast í vagnana. En ekki hvað???

Hinn ungi & aldni hófu leik venju samkvæmt með því að stíga í vænginn við hinn engilsaxneska MAN 304 vagn á leið 35. Eftir unaðshring um Voginn - er vaggaði börnum & blómum - fóru þeir á fjörurnar við hinn glænýja & glæsta Crossway vagn á leið leiðanna, leið 1. Nú skyldi í höfuðstaðinn haldið!

Feðgarnir áðu við Hörpu hvar þeir hittu vagnverja af erlenda berginu & áttu gott spjall við þá. Eptir gott innlit & andvara við sjávarsíðuna vildu þeir feðgar komast upp á Hlemm. Þeir hóuðu í leið 3 & fengu annan glæsnýjan & glæstan vagn.

Það hinsvegar vachti gjörhygli Gylforce-ins hvar leið 3 breyttist ekki í leið 4 við Hlemminn líkt & opt áður. Vera kann að Strætó bs. sé að draga út róteringu á vögnunum? Það væru góðar fréttir því þá væri betra að merkja vagnana að innan & líkurnar á rangri leiðamerkingu að utan yrðu minni. Hvað um það.

Hinn ungi & aldni tóku ansi þéttan tvist til að komast í heimkynni sín. Þeir einhentu sér inn í leið 12 & fengu að þessu sinni Karosa 264 vagninn & héldu í Mjódd þeirra Breiðhyltinga. Langt var í leiðir 1,2, & 4 frá Hlemmi & því allt eins gott að tylla sér inn í hina 12. leið. 

Frá Mjódd þeirra Breiðhyltinga voru leikin kunnugleg stef í fegurst laut jarðarinnar. 

Amen!

Á Gylforce er að grassera
glámskyggni ei ágætis.
Er í rénun að rótera
raunum vagna strætis?

 

 

Augnamynd: ersdesigns.co

Merk merking ...

Hinn lágstemmdi & ljúflegi dr. Gylforce hefir opt leitt hugann að því hve vinir vorir - vagnarnir - eru illa merktir að innanverðu. Í öllum löndum sem doksi hefir komið til er reynt að hafa upplýsingaflæðið til vagnverja eins & best er á kosið. Hér er því vart til að dreifa. Nema hvað.

Hvar sem maður kemur er t.a.m. stórt & skýrt skilti í vagninum sem sýnir hvaða leið vagninn er að fara. Allar stoppustöðvar eru inn á kortinu og jafnvel tengimöguleikar við aðrar leiðir. Hér sést ekkert slíkt heldur bara eitt skilti á stangli um að setja nú ekki fæturnar í sætin, óþarfa spjall við vagnstjóra ekki heimilt o.s.frv.

Hjá Strætó bs. hafa vagnamálin þróast á þann veg að mikil rótering er á vögnum byggðasamlasgins. Í kvöld- & helgaráætluninni keyrir einn vagn t.d. þrjár leiðir, þ.e. leiðir 2,3 & 4. Slík ráðstöfun flækir mjög allar merkingar á vögnum hvað einstaka leið varðar.

Dr.-inn hepði haldið að nær væri að hverfa aftur til þess þegar einn vagn ók eina leið & hefjast handa við að merkja vagnana vel.

Það verk skal vanda, oss vagnverjum til handa!



Merkja skal nú vagna vel
svo verjar munu fagna.
Ég þann draum í brjósti el
að fá í alla vagna.

Þriggja vachta ...

Hinn funheiti & engilsaxneski MAN 304 vagn er aptur kominn á leið 35 hvar það rauk nú hressilega úr honum fyrir nokkru dögum síðan. Nema hvað.

Verktakinn vestur á Kársnesi hefir náð að klambra honum saman & er hann sumsé kominn aptur á allar vachtirnar þrjár; morgun-, dag- & kvöldvacht. En ekki hvað???

Þriggja vakta vagn
um Voginn fer.
Gott & mikið gagn
gerir oss hér.

Dr. Gylforce hefir verið aufúsugestur í hinum engilsaxneska vagni undanfarið. Hinsvegar virðist ástandið á honum blessuðum á þann veg að betur færi ef verktakinn ætti nýrri vagn á leið 35 & hepði 304 vagninn til vara. En að öðru.

Það hefir & vakið gjörhygli Gylforceins að á heimasíðu Vogarins, kopavogur.is, er tilgreint að fimm strætisvagnaleiðir aki um Kópavog. Það er nefninlega það. 

Dr.-inn hefir talið & talið & alltaf telur hann að vagnaleiðirnar séu sex; leiðir 1, 2, 4, 24, 28 & 35. Opinber síða sveitarfélagsins telur ekki með leið 24, sem ekur Smárahvammsveg, hjá Smáralind & um Dalveg.

Leið 24 er ekki áberandi í hinu kópvægska leiðakerfi en það ætti nú öngvu að síður að telja hana með.


Neðsta mynd: citybus.piwigo.com

Friðarvika frelsarans ...

Hinn glettni & gemsaði dr. Gylforce hefir gengið afar greitt til vagna sinna í kyrravikunni sem opt & einatt er þekkt undir nafninu dymbilvika. Nema hvað.

Dr. Gylforce fór þekktar leiðir að Hlemmtorgi þeirra Reykvíkinga, þ.e. tók einn sænskættaðan á leið 35 & svá einn glæstan & glænýjan Crossway á leið 4. En ekki hvað???

Doksi kallinn lagði við hlustir á torginu góða & heyrði einn vagnstjóra lýsa því hve skrýtin vacht hans væri. Hann taldi svo til að hann æki um 10 strætisvögnum á nokkrum leiðum á einni vacht! Hann þarf sumsé að hlaupa á milli vagna til þess að dæmið gangi upp. Þarna þarf byggðasamlagið að gera bragarbót á & bæta vachtkerfi vagnstjóranna. Hvað um það.

Dr. Gylforce gaumgæfði að þessu sinni leið 14. Langt er síðan hann tók sér far með henni & því tilvalið að kynna sér laugdælska vagnverja & íbúa í Vogunum. Dr.-inn fékk meginlandsvagn númer 211 frá verktakanum suður í Firði. Þetta er hinn ágætasti Irisbus Crossway vagn, líklega um 4-5 ára gamall. Hann varð fljótt sneisafullur af áðurnefndum vagnverjum & sat doksi kallinn sem fastast með hinni fjórtándu leið að Verzlunarskólanum.

Það er aukinheldur allra athyglivert að við Borgarspítalann koma leiðir 2, 11, 14 & 18 nánast á sömu mínútunni á annatíma. Dr.-inn settist líka í 208 Crossway vagninn á leið 14 & fór með honum til baka, þ.e. frá Verzló, um Voga, um hinn ljúfa Laugardal & Langholtsveg unz hann staðnæmdist svo við Hlemminn.

Dr. Gylforce dreymdi um að komast í hinn glæsta & glænýja 150 Crossway vagn á leið leiðanna, leið 1. Vagninn sá hefir ekki mikið verið á vígvöllum veganna en er nú kominn á fulla ferð. Því miður atvikuðust hlutir á þann veg að dr.-inn hitti ekki á vagninn en fékk í stað hans hinn sænskættaða 114 Omnilink & 147 Crossway á hinn fyrstu leið.

Dr.-inn hafði ennfremur hug á að hoppa inn í aukavagna er aka á leiðum 1 & 6. Hann sá hinsvegar öngva slíka & spurning hvort þeir fái frí í dymbilvikunni hvar langflestir skólar eru komnir í páskafrí???


Dymbilvika er dásamleg
dýrleg & án háska.
Með gleð´& gáska segi ég:
Gleðilega páska!


Efri myndir 2: citybus.piwigo.com
Neðsta mynd: mbl.is

Armæða Englendings ...

 

 

Hinn óttagjarni & uggandi dr. Gylforce fylgdist áhyggjufullur með afdrifi hins engilsaxneska & funheita 304 MAN vagns í Hamraborginni á þriðjudaginn. Doksi kallinn var í hægðum sínum á bóksafninu hvar hann horfði reglulega út um gluggann á dýrð vagnanna. En ekki hvað?

Dr.-inn sá hvar hvítur reykur steig upp úr vélarrúmi MAN vagnsins. Dr.-inn rauk vitaskuld út & tók nokkra vagnverja tali. Þeir sögðu að töluverð reykjarlykt hepði verið inn í vagninum. Þeim engilsaxneska var því snarlega kippt af leið & einn sænskættaður kom í hans stað.

Í sömu andrá bilaði einn sænskættaður Omnilink vagn á leið leiðanna, leið 1, í Hamraborginni svo segja má að viðgerðarmenn vagnanna hafi haft í nógu að snúast þennan annars ágæta Týsdag.

Armæða Englendings
alhvítur reykur.
Vagn þessi vesalings
virkilega smeykur!


Mynd: citybus.piwigo.com

Fiðringur frjádagsins ...

Hinn vel fæddi & frjálsi dr. Gylforce fagnaði frjádeginum með fiðringi & flaug nánast út í skýli sitt hér við Kársnes & Kastala hvar hann varð hreinlega að komast á vit vagna. Nema hvað. 

Aldrei þess vant var veður dágott & gráupplagt fyrir hinn dísæta Gylforce að fara á fjörurnar við vini vora, vagnana. 

Dr.-inn tók hring hlutvandan með leið leiðanna, leið 1 & fékk sér til fulltingis hinn sænska 106 Omnilink. Það er einmitt sami vagn & sjónvarpsmaðurinn geðþekki & síglottandi Gísli Marteinn notaði í nýja sjónvarpsþætti sínum sem hóf göngu sína í gær, Þú ert hér. Gaman af því. Þarna er gott innslag sem sýnir vel dásemd & dýrð sænska stálsins. Maður lifandi.

Dr. Gylforce fékk 169 Karosavagn til að flytja sig frá Engihjallanum að Mjódd þeirra Breiðhyltinga. Frá Mjóddinni sá dr. Gylforce 155 Karosa vagninn á leið 17. Langt er um liðið síðan doksi kallinn sté síðast í þennan 10 ára gamla meginlandsvagn. Það varð úr & fékk dr.-inn sannkallaða salibunuferð með vagninum. Vagnstjórinn brunaði eins & hann ætti líf sitt að leysa & hoppaði doksi & skoppaði í sæti sínu. Kannski var flýtirinn ekkert skrýtinn hvar doksi sá sama vagnstjóra vera kominn á leið 2 við Hamraborg skömmu síðar. Nóg að gera jafnt hjá vagnverjum sem & vagnstjórum að ná vögnum!

Heimferð dr. Gylforce var nokk þekkt. Hann einhenti sér inn í leið leiðanna & fékk hinn sænskættaða 110 Omnilink. Sá var mjög tímanlega kominn upp í Hamraborg okkar Kópvæginga hvar enn & aptur beið sænskt stál eptir doksa. Nú var það vitaskuld leið 35 sem færði Stútulautarhertogann í fegurstu laut jarðarkringlunnar.

Amen!

Í reiðileysi ráfaði
reynd´að finna vagn.
Með sænskum blíður brunaði
braust þá út gott fagn.

 

Glýjaður Gylforce ...

Hinn galgopaskapaði & gemsaði dr. Gylforce gat ekki setið á sér í gær hér við mennta- & menningarsetrið vestur við Kársnes & Kastala & varð hreinlega að komast á vit vagna. 

Það var aukinheldur ekkert vit í öðru hvar veðurguðirnar skörtuðu loksins sínu fegursta & því gráupplagt að hefja vagnarannsóknir. En ekki hvað???

Leiðangrar hins lipra doksa voru vel flestir í þekktari kantinum enda aðeins ein vagnaleið sem ekur um Kársnesið, leið 35. Byggðasamlagið bauð upp á traustan, stuttan 158 Heulizvagn með rauðu áklæði á sætunum. Spennandi.

Dr.-inn setti niður fótinn á leið 4 eystur við Engihjalla & skellti í eina "selfie" & hélt svo rakleitt með 167 Karosavagninum að Mjódd þeirra Breiðhyltinga. 

Í Mjóddinni var venju samkvæmt urmull vagnverja & fjöldinn allur af eðal vögnum sem gott væri að rannsaka. Doksi kallinn átti afar erfitt með að ákveða sig að þessu sinni & ráfaði um gólf þeirra Breiðhyltinga. Að lúkningu lagði hann leið sína í leið 12 & tyllti sér inn í 239 Crossway vagn þeirra Fjarðarmanna. 

Doktorinn um gólfin gekk
glens var verja á meðal.
Í mörg glitti gúmmídekk
á glæsivögnum eðal.

Dr. Gylforce var meðal um 25 vagnverja um borð í meginlandsvagninum á leið 12 sem sveif um sundin blá, inn Kirkjusandinn, framhjá Wall street okkar Mörlendinga hvar hann áði loks við Hlemmtorgið. Doksi kallinn hoppaði út en vagninn hélt áfram að Skeljanesi. Það var og.

Það er alltaf jafn unaðslegt að lóna aftur & fram við Hlemminn & sjá mannmergðina & marbreytileika vagna sem þó hefir farið minnkandi undanfarið. Hvað um það.

Dr. Gylforce sá glitta í hinnn glæsta & glænýja 177 Crossway á leið 4 & hlammaði sér niður í huggulegheitin, um Háaleitisbraut & alla leið í Hamraborg okkar Kópvæginga.

Neðri mynd: citybus.piwigo.com