Algjört nýnæmi ...

Hinn gassi & gomsari dr. Gylforce gekk hnarreistur til vagna sinna í gær hvar hann hitti fyrir hina glæstu & glænýju Crossway vagna. Eins & komið hefir hér fram hafa þeir nánast yfirtekið sviðið á vígvöllum veganna. 

Enda þótt dr.-inn sachni nú sænska stálsins, þ.e. Scania Omnicity & -link, má ekki líta framhjá þeirri staðreynd að milli kl. 9-14 virka daga, kvöld & helgar getur byggðsamlagið Strætó hæglega boðið okkur vagnverjum upp á nánast alla vagna sem eru innan við tveggja ára.

Verktakinn suður í Firði er aukinheldur yfirleitt líka með Crossway vagna á sama tíma sem ekki eru eldri en 4-5 ára. Þetta er mikil breyting frá því sem áður var þegar flestir vagnar voru allt að 15-20 ára gamlir. Maður lifandi.

Undantekningin er verktakinn vestur á Kársnesi. Hann leyfir oss vagnverjum reyndar að kynnast sænska Volvo-stálinu sem er yfirleitt um 12 ára gamalt. Bara eins & eðal viskí!

Hinir engilsaxnesku & funheitu MAN 304 & 305 eru 11 ára gamlir & ættu að eiga nóg eptir. Það verður fróðlegt fyrir oss Kópvæginga að sjá hvað gerist eptir næsta útboð Strætó á leiðum sínum.

Hver mun í Vogi aka haustið 2016???

Vinir eru vagnarnir
vinareitur okkar.
Akandi um auðfarnir
eins & herflokkar.

Mynd: mbl.is

Ofsaveður - öngvir vagnar ...

Hinn stórviðrasami & vitaskuld stórvitri dr. Gylforce stóð vart á sama í ofsaveðrinu síðastliðinn laugardag hvar hann ríghélt sig heima & hugði á öngvar vagnaferðir. Það var aukinheldur hyggilegt því upp úr dúrnum kom að vagnarnir - vinir vorir - hættu öllum akstri vegna ofsans & héldu sig í vari við endastöðvar sínar.

Griðlönd okkar vagnverjanna - biðskýlin - hentust á lopt í sterkviðrinu & þeyttust í allar áttir eins & sjá má í myndskeiðinu hér að neðan sem Egill nokkur Jóhannsson tók. Nema hvað.

Þegar veðrinu slotaði hélt dr. Gylforce vitaskuld á vit vagna. Við Hamraborg okkar Kópvæginga kom aðvífandi upp rampinn frá Garðbæingum hinn glænýi & glæsti 149 Crossway vagn á leið leiðanna, leið 1. 

Hinn aldni vagnverji hapði hinn unga með sér í för í leið 1 & hjó eptir því að vagninn var nánast fullur af vagnverjum sem voru af erlenda berginu. Merkilegt & mjög ánægjulegt en þorðu Íslendingarnir ekki út eptir veðurhvellinn???

Hinn ungi & aldni sáu í tvígang hinn sænskættaða Scania 105 Omnilink sem heldur betur varð fyrir barðinu á æðiveðrinu. Sennilega hefir framhlífin á vagninum fokið út í veður & vind & sagði hinn ungi vagnverji í sífellu: "Þessi strætó á ekki að keyra, hann er bilaður." Hvað um það.


Á hvíldardeginum hélt dr.-inn í hægviðrinu í leið 4. Þrátt fyrir að doksi kallinn sé þybbulegur & þrekinn tókst honum eigi að síður að fylgjast grannt með leiðum 1,2 & 4. Hann sá öngva sænskættaða á ferð enda er nú sú staða uppi að starfskrafta þeirra gerist ekki þörf á sunnudögum eptir að byggðasamlagið fékk 20 glænýja & glæsta Crossway vagna. 

Þá er bara að treysta á verktakann vestur á Kársnesi hvar hann hefir hina sænskættuðu Volvovagna ætíð í akstri á leiðum 28 & 35.

Það gjörði doksi & fékk ágætisrúnt með 303 Volvovagninum á leið 28.


Allir vita að skítur skeður,
skýlin hentust vel á flug.
Kom hér algjört ofsaveður
öngvir vagnar höfðu dug. 

Mannúð & mildi ...

Hinn góðlyndi & gæski dr. Gylforce gekk hröðum skrefum í gær út úr mennta- & menningarsetrinu hér við Kársnes & Kastala hvar hann hugði á vagnavachtina. Enn & aptur - aptur & enn. Nema hvað.

Verktakinn vestur á Kársnesi sendi á vettvang hinn sænskættaða 306 Volvo-vagn á leið 35. Sá er nýkominn aptur á vígvöllinn eptir að hafa brætt úr sér í endalausum hringjum upp á þá hörðustu & aptur til baka á leið 28. En ekki hvað???

Dr. Gylforce tók til kostanna leið 4 að þessu sinni. Erfitt hefir henni reynst að halda tímaáætlun sinni & verða gerðar breytingar á leiðinni ásamt nokkrum öðrum hinn 22. mars nk. Leiðir 2 & 4 eiga t.a.m. afar erfitt með að koma tímanlega upp í Hamraborg á leið í hverfin & ljóst að breytinga er þörf.

Dr. Gylforce fékk eins & hálfs árs gamlan gæða Crossway vagn eystur við Engihjalla. Sá hefir númerið 135 & færði dr.-inn fagurlega í Mjódd þeirra Breiðhyltinga. Doksi kallinn henti sér aukinheldur inn í fleiri vagna á leið 4. Urmull vagnverja var í flestum þeirra & athyglivert að sjá 135, 139, 177, 178 & 179 Crossway vagnana á vachtinni.

Þá settist Stútulautarhertoginn inn í einn 169 Karosavagninn á leið 4 & leið með honum frá Mjódd að Hamraborg okkar Kópvæginga. Doksi kallinn náði sumsé að hitta fyrir sex af þeim sjö vögnum sem eru á leið 4 á annatíma. Ekki amalegt það.

Svo er upprunninn nýr dagur með nýjum vögnum & ævintýrum. Dr.-inn getur vart beðið eptir því að losna úr menningunni & halda á vit vagna. Maður lifandi!

Gleði færir Gylforce í ár
& glettni fyrir alla.
Blandan verður bros og tár
& bundna málið snjalla.


Neðri mynd: citybus.piwigo.com

Hrakningar, volk & vos ...

Hinn þengli & þjóðrækni dr. Gylforce fann til með vögnunum í gær þegar blindbylurinn geisaði á suðvesturhorni landsins. Maður lifandi.

Dr. Gylforce fylgdist grannt með fréttum & sá þar einn blágulan þriggja hásinga vagn fara út af við Kjalarnes. Sá hefir líklega verið á leið 57. Ekki tók betra við í sjónvarpsfréttum beggja stöðva hvar doksi kallinn sá að einn stuttur Heuilez vagn, annaðhvort númer 163 eða 165, lenti í óhappi á Kringlumýrarbrautinni á leið í Voginn. 

Þá lentu vagnarnir í kröppum dansi í úthverfunum. Á myndinni má sjá hinn spánnýja & spennandi 307 VDL-vagn þeirra Kynnisferða vera fastur & einn sænskættaður Volvo vagn fyrir aptan hann á góðri leið með að ná honum. Hvað um það.


Dr. Gylforce skellti sér í kópvægsku hringleiðina nú síðdegis þegar hún var komin á korterstíðni. Nema hvað.

Hinn engilsaxneski & funheiti 304 MAN vagn er aptur kominn á vígvelli veganna & virðist hafa leyst systurvagn sinn, 305 MAN, af hólmi. Vagninn sá var heldur seinn fyrir en eystur í Engihjalla hélt aukavagninn vel áætlun. Góðu heilli.


Dr.-inn settist inn í aukavagninn á leið 35 & bauð byggðasamlagið að þessu sinni upp á Citelis 129 vagninn.

Eitthvað var vagnstjórinn heldur vankaður hvar hann lagði vagninum þar sem leiðir 1, 2, & 4 leggja í Hamraborginni áður en þær halda áleiðis í miðbæinn.

Vagnstjórinn rankaði fljótt úr rotinu sem betur fór & lagði vagninum á réttum stað, gegnt Bókasafni okkar Kópvæginga.

Illa hraktir í erg & gríð
& urðu að stöðva för.
Stormsins bylur & stórhríð
svo strætó lagðist í kör.

Myndir: mbl.is, ruv.is, visir.is, citybus.piwigo.com o.fl.

Ofsahríð & öskubylur ...

Hinn sorti & svarti dr. Gylforce sá fyrir sér urmul eðal vagnaferða með vögnunum vitaskuld nú síðdegis eptir að hafa dælt út úr sér fræðslu & fróðleik við ungviðið hér í mennta- & menningarsetrinu vestur á Kársnesi. En ekki hvað???

Dr.-inn hapði hug á að kynna sér hrífandi & kitlandi króka & kima Árbæinga & fara á fjörurnar við leiðir 5 & 26. Doksi kallinn missti nefninlega af þeirri síðarnefndu er hann heimsótti Grafhyltinga á dögunum & varð mjög skúffaður. Nema hvað.

Nú er hinsvegar skollinn á snjóæsingur & sortahríð & viðrar öngvan veginn vel til vagnarannsókna. Því miður.

Ferðir hinna blágulu vagna liggja eðlilega niðrí í svona svartabyl en nú berast aukinheldur tilkynningar um að leiðir 6, 21, 23 & 44 komist eigi nema hluta leiðar sinnar.

Mínir virðulegu vagnverjar! Vér verðum að þreyja þorrann & fylgjast vel með www.straeto.is & sjá hvort vinir vorir geti sinnt skyldum sínum í þessari moldösku.

Nú er úti kalt & hvítt
kemst ég eigi í ferðir.
Vagnverjinn breitt & vítt
- víst hann hugann herðir.

Efri mynd: mbl.is

Borgarbeygur ...

Hinn fráleitt kjöllni & kvíðni dr. Gylforce kom sér í borgarbeyginn eins fljótt & auðið var á frjádagskveldið hvar hann hugði á rokk & ról í henni Hörpu.

Dr.-inn, Bubbi & Dimma - þvílík þrennd! 

Af einhverjum undarlegum & óútskýranlegum ástæðum arkaði dr. Gylforce inn í leið 4 við Álfhólsveginn & fékk sér til fulltingis hinn glæsta & glænýja 179 Crossway vagn. Sá var þýður sem fyrr & þaut um kópvægskar koppagrundir unz hann staðnæmdist við Hamraborg okkar Kópvæginga. Nema hvað.

Við Hamraborg & Hálsatorg hélt vagnakerfið áfram að vera í S-inu sínu. Upp rampinn frá Garðbæingum & Firði kom líka glæstur & glænýr 148 Crossway vagn. Sá var þéttsetinn af virðulegum vagnverjum & sté Stútulautarhertoginn ekki út fyrr en við Lærða skóla þeirra Reykvíkinga. Hvað um það.

Dr.-inn kneyfaði ölið af áfergju í óttans borg samhliða því að gæða sér á einni eldbakaðri, fiðurmjúkri flatböku. Eptir drykklanga stund var hann & reiðubúinn til að valhoppa yfir í Hörpuna & drekka í sig dásemd & dýrð Bubba & Dimmu. 

Með auknu rennsli mjaðar & veigum dvínaði kvíði kaupstaðar óðfluga & tóku grúpppíur, gleði & goggolía algerlega völdin í hinu gamla hró dr.´s.

Maður lifandi - meira svona!

Í óttans borg arkaði
í einum nýjum.
Andann þar auðgaði
ásamt grúpppíum.

Blíðlátur baugur ...

Hinn glaði dr. Gylforce gekk glaðhlakkalega að biðstöð sinni hér við Kársnes & Kastala hvar hann hugði á hafnfirzkar sveitir & lendur.

Já, mínir virðulegu vagnverjar. Dr.-inn fýsti í ferðir meðal Gaflara & sjá hvaða vagnakost þeir hafa upp á að bjóða. Nema hvað.

Doksi kallinn lék sín kunnuglegu stef við kópvægskar koppagrundir hvar hann svá áði við Mjódd þeirra Breiðhyltinga. 

Frá Mjóddinni að Firði gengur leið 21. Hún hefir endurvakið hina gömlu leið 142 sem var í árdaga en dr.-inn man því miður ekki hvort hin 21. leið sé nákvæmlega eins & sú gamla. Hvað um það.

Dr. Gylforce heilsaði vagnstjóranum með virktum en leið 21 skartar optast hinum stuttu 254 & 255 Heuliez vögnum sem eitt sinn stóðu sig með prýði á leiðinni sem bindur leiðakerfið saman, leið 24. En ekki hvað???

Dr. Gylforce ætlaði sér vitaskuld að hitta fyrir hafnfirzka víkinga & vagnverja. Besta leiðin til þess er án efa að arka inn í leiðir 43 & 44 en þær eru hafnfirzkar hringleiðir er aka aðeins eptir hádegið um virka daga. Þegar doksi kallinn var kominn að Firði með leið 21 leit hann sem snöggvast á úrið sitt & var ei til vagnasetunnar boðið. Því miður. 

Dr.-inn varð í snarhasti að vinda sér upp í hinn sænskættaða 101 Omnilink á leið leiðanna, leið 1, því hann var orðinn seinn fyrir.

Fari það í hurðarlaust helvíti! Enn & aptur komst doksi kallinn ekki í hinar hafnfirzku hringleiðir. Hvað er eiginlega að „sge“???

Dr. Gylforce fékk blíða & bljúga ferð með sænska stálinu frá Firði að Hamraborg okkar Kópvæginga hvar hann einhenti sér svá inn í hinn stutta 156 Heuliez á leið 35 & hélt nokk vonsvikinn að fegurstu laut jarðarkringlunnar, Stútulautinni.


Doksi dýrlingur
dreif sig í sveit.
Hafnfirzkur hringur
- huggulegheit.

Í Firði fiðringur
fljótt þangað leit.
Var þar víkingur
á vígðum reit.


Myndir: citybus.piwigo.com

Troðjól & troðningur ...

Hinn mildi & meinlausi dr. Gylforce mjakaði sér í leið leiðanna, leið 1, síðastliðinn sunnudag ásamt unga vagnverjanum hvar þeir fengu eðal sænskættaðan Scania Omnilink. Maður lifandi.

Ungi & aldni vagnverjinn tóku sér far með 105 Omnilinknum frá Hamraborg okkar Kópvæginga & var vagninn sneisafullur af virðulegum vagnverjum. En ekki hvað???

Já, vagninn var troðfullur frá kópvægskum koppagrundum, um þjóðveg í þéttbýli (Miklabraut) & alla leið að Háskóla Íslands. Nema hvað.

Ungi vagnverjinn varð að gera sér að góðu að sitja á annarri hjólaskálinni ásamt hundinum sínum, Dodda. Honum þótti það reyndar mikið stuð & vill ólmur fá að sitja þar aptur. Það er reyndar ekki heiglum hent nema í Omni-vögnunum & því þurfa þeir feðgar að finna þennan eðal sænska málm hið snarasta.

Þrengsli mikil & öngþveiti
um þjóðvegi & stræti.
Urmull verja & áreiti
& sá ungi í hásæti.

Mynd: citybus.piwigo.com/

Angló-saxó ...

Hinn pendli & passasami dr. Gylforce lét pendúl sinn & innri orku leiða sig í vagnana í gær líkt & aðra daga hvar hann hitti fyrir vagna báða er óku hringleiðina númer 35 hér i Voginum. Nema hvað.

Það gladdi hið gamla hró hvar styttri vagnar tóku slaginn á leið 35. Það er affarasælla & heppilegra að hafa slíka vagna á hringleiðinni því á henni leynast mörg þröng gatnamót sem reynast þung í skauti fyrir stóru vagnana. Má í því sambandi nefna gatnamót Valahjalla/Engihjalla & Álfabrekku/Álfhólsveg.

Hinn funheiti & engilsaxneski MAN 305 vagn þeirra Kynnisferða reis upp úr öskustónni & ók líkt & öngvin væri morgundagurinn. Hann hefir fengið um 10 daga hlé frá vígvöllum veganna & virtist bara hress að sjá; öngvin píp eða óþarfa skrölt að heyra. Vagn þessi er aukinheldur einn sá hlýjasti sem dr.-inn hefir setið í sem kemur sér vel um hávetur. Hvað um það.

Hinn vagninn á leið 35 var hinn stutti 156 Heuliez frá Strætó bs. Vagnstýran á honum mátti hafa sig alla við að vera ekki á undan áætlun enda eru optast mun færri vagnverjar í aukaferðinni heldur en í aðal.

Kom þú funi fagnandi
í ferðir um Voginn.
Angló-saxó akandi
eins& leiðtoginn.

Myndir: citybus.piwigo.com

Ávallt árvakur ...

Hinn eptirtektarsami & aðgætni dr. Gylforce arkaði í vagnana í gærkveldi hvar hann hitti fyrir fagra vagna; glænýja & glæsta & jú, vitaskuld einn sænskættaðan. Nema hvað.

Dr. Gylforce hjó eptir því í Mjódd þeirra Breiðhyltinga að Irisbus Crossway sem var á stæðinu hjá leið 11 var merktur "er ekki á leið". Það finnst doksa skrýtið því svá þegar nær dregur 22 eða 52 mínútum yfir heila tímann breytist hann í "11 - Seltjarnarnes". 

Hví er vagninn ekki alltaf merktur þannig??? Hann er það iðulega á daginn. Þetta er undarlegt & ekki vel til fallið fyrir nýja vagnverja að átta sig á þessu. Margur gæti haldið að leið 11 væri farinn.

Dr.-inn rykkti sér hinsvegar inn í einn glænýjan & glæstan Crossway vagn á leið 3. Sá var númer 176 & var þýður & mjúkur. Maður lifandi.

Eitt var þó til ama. Upplýsingataflan í vagninum virkaði ekki sem skyldi. Á henni var klukkan 06:58 alla leiðina & svo stóð www.straeto.is í stað þess að koma með nöfnin á biðstöðvunum. Þá vakti þetta óöryggi hjá nokkrum vagnverjum að ekki skyldi koma ljós eptir að ýtt hapði verið - þéttingsfast en þó fimlega - á stansrofann.

Að minnsta kosti tveir vagnverjar fóru fram í & spurðu vagnstjórann hverju þetta sætti. Honum virtist vera slétt sama & hélt bara áfram akstrinum.

Mörgum kann að finnast þetta smáatriði & skipta litlu máli. Doksi kallinn er þó á öndverðum meiði. Það eru einmitt smáu hlutirnar sem geta gert gæfumuninn & orðið til þess að unnt sé að fjölga vagnverjum ennfrekar.

Starfsmenn & stjórn Strætó bs. þarf að vera á tánum hvað öll smáatriði varðar. Vonandi verður bætt úr svona hnökrum svá vér vagnverjar getum setið áhyggjulausir & afslappaðir í vinum vorum - vögnunum.

Aldrei umlar bölv né ragn
aldrei blundar hugur.
Út um grundir eltir vagn
eins & köttur flugur.