Mjódd & Miðbær ...

Hinn háðski en þó fráleitt hatrammi dr. Gylforce hélt á vit vagna í dag hvar hann hjó eptir því að leið 35 - hringurinn um Voginn - var sænsk í stýr´& stál.

Já, mínir virðulegu vagnverjar. Byggðasamlagið Strætó var í stuði & bauð upp á hinn sænskættaða 117 Omnilink sem seinni vagn en hinn fyrri var frá verktakanum vestur á Kársnesi, 301 Volvo-vagninn. Sumsé, tvöföld sænsk gleði fyrir oss vesturbæjarvagnverjana.

Dr.-inn hélt hnarreistur til vagna sinna er hann uppgötvaði þetta & átti þrásetu í 117 Omnilinknum sem segir sex! Vagnstjórinn var með á nótunum & hélt vel áætlun í þæfingnum & vagnverjar voru nokk fjölmennir í ferð þessari.

Dr.-inn hélt með 169 Karosavagninum á leið 4 yfir í Mjódd frá Engihjallanum. Þar hugði doksi kallinn á ferðir með hinum glæstu & glænýju Crossway vögnum. Eitthvað fór Stútlautarhertoginn út af sporinu meðal Breiðhyltinga hvar hann óvænt sté inn í 213 Crossway vagninn á leið 12 áleiðis á Hlemminn.

Dr. Gylforce stóðst svá ekki mátið er hann sá hinn glæsta 179 Crossway vagn á leið 4 & hélt með honum frá Hlemmi, í gegnum Miðbæinn við Háuleitisbraut & upp í Hamraborg okkar Kópvæginga.

Í vagnana varfærinn
víst er það fjör!
Hlemmur, Mjódd & Miðbærinn
með mikinn sjarmör!

Vellíðan vagnverjans ...

Hinn affarasæli & auðnusami dr. Gylforce komst fyrir skemmstu í álnirnar sjúku líkt & Stífur Hilmars söng svo fagurliga um fyrir langa löngu. Hvað um það.

Dýrðin & dásemdin hófst í Mjódd þeirra Breiðhyltinga hvar doksi kallinn komst í kynni við einn kostfagran blágulan eðal vagn frá þeim Fjarðarmönnum. 

Nefnilega leið 51 mínir virðulegu vagnverjar!

Dr. Gylforce var í för með um 20 vagnverjum sem héldu frá Mjóddinni að Hveragerði & Selforce með afar vökum & vinalegum 409 vagninum. Vagnstjórinn var hinn kurteisasti & leiðbeinti vagnverjum sem inn komu.

Dr. Gylforce var á leið á Selforce hvar hann ætlaði að skipta um einn blágulan & halda áfram för sinni að Borg í Grímsnesi. Maður lifandi. Hvílíkt ævintýri! Hvílík upplifun!

Við Selforce áði vagninn við N1 sjoppuna. Þar beið annar blágulur vagn eptir dr.-num. Númer 72. Dr. Gylforce valhoppaði & tók bangsahlaup inn hann en hjó eptir því að öngvir voru vagnverjarnir. & það í allri ferðinni!

Dr.-in fékk sumsé sérferð frá Selforce að Borg í Grímsnesi sem var vitaskuld ágætt þótt doksi hepði nú hapt gaman af að ræða við aðra vagnverja á leiðinni. Hvað um það.

Við Borg sté dr.-inn út úr þessari munúðarfullu ferð & getur hann vart beðið eptir næstu vagnaferðum með þeim blágulu.

Með Maxið & bús & bland
bláguli vagninn spes.
Stökk um allt Suðurland
staðar nem - Grímsnes!

Mynd: citybus.piwigo.com

Meðal Grafvæginga ...

Hinn dagsfarsprúði & vel drýldni dr. Gylforce hefir farið mikinn í vagnarannsóknum sínum undanfarna daga & vikur. Á dögunum heimsótti hann Grafvæginga & átti með þeim unaðsþrásetur & langdvalir. Maður lifandi.

Dr. Gylforce kom sér með hepðbundnum hætti í Mjódd þeirra Breiðhyltinga hvar hann svá hóaði að þessu sinni í 217 Crossway vagninn sem var á leið 24. Nú skyldu lendur Grafvæginga kannaðar.

Við Fjallkonuveg hjá þeim Grafvægingum er mögulegt að skáskjóta sér upp í leiðir 6, 24 & 31. Dr.-nn valdi að ryðjast til inngöngu í leið 31 sem er hverfisleið sem hefir þá sérstöðu að hún stöðvar ekki við Spöng líkt & aðrir vagnar. Hvað um það.

Dr. Gylforce sté inn í leið 31 & fékk nýlegan 250 Heuliez vagn frá þeim Fjarðarmönnum. Leiðin ekur frá Gufunesi, í gegnum Hamrahverfið, austur Fjallkonuveg, upp hjá Húsahverfi & svá niður að Egilshöll hvar doksi kallinn hoppaði út.

Frá Egilshöll fýsti doksa í að taka leið 6 & fara með honum að Háholti í Mosfellsbæ en það hefir hann aldrei gjört áður. Þar kom glænýr & glæstur Crossway vagn en það var heldur spes að vera eini vagnverjinn alla leið upp í Mosfellsbæ. Aukinheldur er sérstakt að vagninn stoppar við Barðastaði en svo ekki fyrr en upp í Háholti, það er langur rúntur. 

Dr. Gylforce nældi sér í ljúfa langdvöl með glænýjum & glæstum 183 Crossway vagn á leið 15 frá Háholti áleiðis að Hlemmtorginu.

Við Hlemminn hapði sá leiði atburður átt sér stað að 201 vagninn ók utan í einn af glænýju vögnunum sem var á leið 13. Fyrrnefndi vagninn rispaðist eilítið en sá nýi skemmdi annan spegilinn sinn. Doksi kallinn lét þetta ekki á sig fá heldur slafraði í sig einni eldheitri & fiðurmjúkri flatböku frá Alsiringunum á Devitos & hélt svo með hinum glænýja 179 vagni á leið 4 áleiðis í Hamraborg okkar Kópvæginga.

Bind við vagna trú & traust
tala þeir máli mínu.
Út um hvipp & hvappinn skaust
með Crossway-unum fínu.

Eðall á auka ...

Aukaferðirnar á leið 35 í gær voru af dýrari gerðinni. Maður lifandi. Enda þótt dr. Gylforce hefir sagt að styttri vagnar eru heppilegri á þeirri leið, var gaman að sjá að hinn sænskættaði jálkur Scania Omnicity 183 tók slaginn á morgunvachtinni & nýi & notalegi Crossway 146 vagninn var til taks eptir hádegið.

Því miður mátti doksa kallinn gera sér að góðu að horfa á vagna þessa vafra þýðlega um vígvellina hvar hann átti ekki heimangengt í þá að þessu sinni. 

Í morgun var svo aptur kominn stuttur Heuliezvagn á leið 35. Spurning hvað gerist á mánudaginn???



Myndir: http://citybus.piwigo.com/

Villu vaðandi verktaki ...

Hinn blestmælti & vel blessaði dr. Gylforce brá sér á leið í gærkvöldi enda getir hann vart á sér setið vitandi af urmul glænýrra & glæstra vagna á vígvöllum veganna. Maður lifandi. Slíkt kallar vitaskuld á vagnarannsóknir - en ekki hvað???

Dr. Gylforce valhoppaði & tók nokkur bangsahopp í bið sinni eptir vagninum við Stútulautina. Gleðin dvínaði fljótt þrátt fyrir að hinn sænskættaði 303 Volvovagn kæmi aðvífandi. Öngva skiptimiða var hægt að fá í Volvonum & síðar um kvöldið þegar doksi kallinn hugði á heimferð með vagninum var sama upp á teningnum. Slakt hjá vertakanum vestur á Kársnesi & ljóst að metnaður hans til okkar vagnverja hefir dalað hressilega upp á síðkastið. Hvað um það.

Frá Hamraborg okkar Kópvæginga kom fyrstur hinn glænýi & glæsti 176 Crossway vagn á leið 2. Dr.-inn fær alltaf netta nostalgíu hvar eðal Scania Omnicity bar þetta númer hér forðum daga.

Hinn glæsti er vitaskuld eins & hinir 19 vagnarnir; þýður & þægilegur, hljóðlátur & hlýr. Dr. Gylforce sat ei sem fastast í vagninum að þessu sinni í nýju lyktinni. Hann vildi freista þess að ná annaðhvort leið 14 eða 18 á Bústaðaveginum. & varð það úr.

Leið 18 kom um hæl við Borgarspítalann á leið á Hlemm & var þar 143 Crossway vagninn. Þarna er kominn skemmtilegt tvist í vagnavali doksa. Næst hyggst hann taka leið 14 á svipuðum slóðum enda langt um liðið síðan hann tók þá eðalleið.

Dr. Gylforce varð vitni að merkilegri samræðu milli vagnstjóra á Hlemmi eitt kvöldið. Þannig var að leið 13 kom að Hlemmi á leið vestur í bæ. Vaktaskipti áttu að vera á leiðinni & gerði vagnstjórinn - sem leit út fyrir að vera nýbyrjaður - sig kláran að fara út úr vagninum. En öngvin kom til að leysa hann af. Hann beið & beið & var nú vagninn orðinn 3 mínútum of seinn. Þá hoppaði hann út úr vagninum & leitaði að eptirmanni sínum. Hann gekk í áttina að kaffistofu vagnstjóranna & þá loksins kom heldri maður út. "Ég kem bara þegar ég er búinn að gera það sem ég þarf að gera," sagði roskni vagnstjórinn við nýliðann. ÖÖÖÖÖ NEI! Þú ÁTT að vera tilbúinn & sjá til þess vaktaskiptin gangi snurðulaust fyrir sig & vagninn verði ekki á eftir áætlun. Þetta er dapurt viðhorf hjá vagnstjóranum en sem betur fer heldur dr.-inn að þetta sé undantekning. Langflestir vagnstjórar sinna starfi sínu vel & eru kurteisir & ávallt tilbúnir að aðstoða vagnverja.

Dr.-inn sté inn í hinn glæsta 151 Crossway á leið 6 í fyrsta sinn. Aptur & enn svifu liðnir tímar um hugarvötn doksa hvar hann optsinnis tók gamla 51 Scaniavagninn (5D) á leið 5 & fór með honum vestur á Mela. Gylforce-inn fékk eðalferð að Ártúni með hinni sjöttu leið & hljóp svo niður rampinn að Breiðhöfða til að ná leið 24 áleiðis í Mjóddina. Það rétt slapp hjá doksa. 

Eptir það spilaði dr.-inn kunnugleg stef í vögnunum, leið 4 frá Mjódd með 145 Crossway vagninum & svá 303 Volvovagninn til þess að komast á koddann í fegurstu laut jarðarinnar, Stútulautinni.

Í vitleysu verktakinn
vestur á Kársnesi.
Að ég hygg í hinsta sinn
sem hann er lúsablesi.

Verktakavitfirring ...

Hún reyndist heldur undarleg vagnaferð dr. Gylforce í dag hvar hann hugði taka leið 35 frá Hamraborg kl. 15:07 að Stútulautinni sinni fögru. 

Á stæðinu þar sem leið 35 leggur opt & einatt var þessi hvíti rútukálfur sem sést á myndinni. Doksi kallinn velti því fyrir sér hvers vegna einhver legði þarna meðan hann beið eptir vagninum. En viti menn. Í glugganum á hvítu rútunni var illa krotaður miði sem á stóð "35"!!!

Vagnstjórinn útskýrði vandræðalega að þetta væri vagninn vegna mikilla bilana í flota Kynnisferða en verktakinn sá sér um leiðir 28 & 35 hér í Voginum.

Inn í þessari rútu var hvorki hægt að borga með peningum né fá skiptimiða. Það var ekki hægt að ýta á stanzrofa því þeir voru öngvir & þegar maður vildi út varð maður að öskra til vagnstjórans. Þetta minnti óþægilega mikið á verktakann Teit nokkurn Jónasson þegar hann var að sýsla í strætóakstri hér fyrir nokkrum árum. Góðu heilli er hann nú á bak & burt. 

Þetta var ein daprasta vagnaferð sem doksi kallinn hefir lent í lengi. Það er meö öllu óásættanlegt að verktakar sem annast akstur fyrir Strætó bs. geti ekki gert það með sómasamlegum hætti. Vitaskuld geta alltaf komið upp óvæntar bilanir á vögnunum en er þá ekki hægt að fá lánaðan vagn hjá Strætó bs. eða Hópbílum suður í Firði???

Er ekki líka vert að skoða samsetninguna á flotanum hjá Kynnisferðum??? Enda þótt þeir eigi urmul af sænskættuðum vögnum eru langflestir vagnarnir komnir vel til ára sinna & því hætt við að viðhald þeirra sé orðið mjög mikið. 

Nú þarf þessi verktaki að skeina sér & hysja svo upp sig - þetta er ekki boðlegt.

Nýir vagnar daglega ...

Hið kynngimagnaða en þó framkvæmdastjóralausa byggðasamlag, Strætó, hefir boðið okkur vagnverjum hér í vesturbænum upp á margvíslega vagna á leið 35 þessa vikuna.

Þetta eru allt hinir stuttu Heuliez vagnar en þeir henta afar vel á leið eins & hinni 35. Sumir eru með rauð sæti & en þetta eru vagnar sem byggðasamlagið fékk í skiptum við Hagvagna hér um árið. Hvað um það.

Dr.-inn er samt örlítið hugsi yfir því hve fáir nýta sér enn þá aukavagninn á leið 35. Kannski hepði verið betra að endurvekja leið 36 að hluta, þ.e. að láta hana aka frá Hamraborg, niður Skeljabrekku, vestur Kársnesbraut & svo hinn hepðbundna hring um vesturbæinn rangælis. Með því móti komast vesturbæjarvagnverjar með skjótum hætti í tengingu við leiðir 1,2,4 & 28 sem væri afar gott.



Myndir: http://citybus.piwigo.com/

Glás af glæstum ...

Hinn ringlaði & ráðvillti dr. Gylforce hefir verið í álnunum sjúklega undanfarið hvar hver vagninn hefir rekið annan í lífi hans. Maður lifandi. Dr.-inn hefir komist í kynni við fjölmarga glænýja & glæsta Crossway vagna aukinheldur sem hinir sænskættuðu eru aldrei langt undan.

Í vikunni hefir Strætó bs. boðið upp á 156 & 157 Heuliezvagnana á leið 35 í stað 159 & er bara gaman að þeirri nýbreytni.



Vindasamur vetur er
vagnverjum til ama.
Í vagnana nú feta fer
& fljótt þá dásama.

Í gærkvöldi gerði dr. Gylforce sér far með hinum engilsaxneska & funheita 305 MAN vagni á leið 35 & fékk sér hring um Voginn áleiðis upp í Hamraborg. Þar sá doksi kallinn glitta í 106 Omnilink á leið 2 & beið öngvra boða þrátt fyrir urmul glænýrra & glæstra vagna. Fátt jafnast á við sænska eðalmálminn.

Dr.-inn fór gömlu leið 141 með leið 2, þ.e. framhjá Verzló, Borgarspítala (biðstöðin heitir það þrátt fyrir að byggingin heiti Landspítalinn Fossvogi), & svo niður á Grensás, vestur Suðurlandsbraut & inn á Hlemm.

Á Hlemmi var greinilegt að hinir glænýju & glæstu eru að taka yfir leiðakerfið á kvöldin. Þannig voru 152-154 á leið 6, 136, 149 & 151 á leið 1 & 181 á leið 13.

Dr.-inn ákvað hinsvegar að heilsa upp á 239 Crossway vagninn á leið 12. Þetta var síðla kvölds & gaman að upplifa fjölmörg innstig í vagninn þrátt fyrir tímasetninguna. Heldur er þó skrýtið að hin 12. leið ekur nú inn á Hlemm frá Sæbraut á leið upp í Mjódd & klöngrast svo nánast sömu leið til baka. Betra væri ef vagninn gæti beygt til vinstri frá Hlemmi inn á Rauðarárstíg, niður Bríetartún & fara svo að Höfðatorgi. Hvað um það.

Dr.-inn gerði sér svo dælt við glænýjan 179 Crossway vagn á leið 4 í Mjóddinni & hélt með honum áleiðis að Hamraborginni. Því var ekki að neita að hún var tignarleg sjónin hjá okkur Kópvægingum kl. 23:05 þegar 6 Crossway vagnar voru á leiðum 1,2, & 4 í sitthvora leið.

Svá hefjast ný ævintýri um leið & uppfræðsla ungviðisins lýkur hér í mennta- & menningarsetrinu við Kársnes & Kastala. Maður lifandi ...

Kvikmynd ársins ...

Nýnæmi ...

Hinn snefsni & hvefsni dr. Gylforce var heldur betur á vagnavachtinni um helgina hvar hann fylgdist sérstaklega með hvort nýju Crossway vagnarnir séu ekki að verða klárir & tilbúnir á vígvelli veganna. Nema hvað.

Dr.-inn sá að 183 & 185 eru komnir glænýir & glæstir út á vígvellina aukinheldur sem gamli 183 Scania Omnicity var líka á vachtinni, á leið 13. Gaman að því. Dr.-inn er vitaskuld enn afar skotinn í hinum sænskættuðu vögnum & reynir eptir föngum að finna þá.

Dr. Gylforce á eptir að gera sér ferð til Grafhyltinga með leiðum 6 & 18 en þar er ugglaust að finna nokkra glænýja & glæsta Crossway vagna. En ekki hvað???

Glæsta vagna, geym ei meir
geysist út í hvelli.
Glæsilegir, tugir tveir
tjúttið um vígvelli.