Dyr & dyngja ...

Hinn teinótti & tignarlegi dr. Gylforce á ansi erfitt með að sitja heima vitandi að á annan tug nýrra vagna eru komnir á vígvöllum veganna.

Dr. Gylforce brá sér venju samkvæmt í hinn funheita & engilsaxneska 305 MAN vagn á leið 35. Fáir vagnverjar voru á ferli að þessu sinni enda dagur að kveldi kominn.

Dr.-inn gekk hröðum skrefum úr Engihjallanum að Mjódd þeirra Breiðhyltinga til þess að komast í kynni við hina glæstu & glænýju Crossway vagna.

Doksi kallinn kom að Mjóddinni & var hún þá lokuð. Það er alltaf jafn skrýtið að hún sé ekki opin meðan vagnarnir ganga. Hvað um það. Dr.-inn tók leið 24 enda kom hún fyrst & fékk nokkuð gamlan 265 Karosavagn til þess að flytja sig suður til Garðbæinga.

Í Ásgarði kom hinn langi & liðugi 198 Volvo 3ja hásinga vagn á leið leiðanna, leið 1. Doksi er alltaf jafn ánægðum með vagn þennan & tyllti sér fremst hjá vagnstjóranum & hélt áleiðis að Lækjartorgi eða Hlemmi.

Þegar leið 1 kom að Hamraborg okkar Kópvæginga sá doksi glæstan & glænýjan 152 Crossway vagn á leið 2. Þetta var öngvin spurning. Hann hoppaði út & skellti sér með honum góðan & gylltan hring. Ekki spillir fyrir að nú ekur leið 2 líkt & leið 141 gerði forðum; framhjá Verzló, Borgarspítalanum & svá niður Grensás.

Á Hlemmtorgi leit dr. Gylforce vel í kringum sig því hann vildi endilega rannsaka fleiri glæsta & glæsilega nýja vagna. En þvi var vart að heilsa. Alltof fáir slíkir voru á vachtinni. Öngvu líkara var en að það væri Citelisdagur hjá byggðasamlaginu því urmull af 120-134 vögnunum voru í akstri.

Dr-inn reyndi hvað hann gat að finna fleiri glæsta en tókst það því miður ekki. Hinsvegar fékk hann nokkra aðra Crossway vagna, t.d. 144 & 146 & tók nokkra hringi með þeim & lét sér það gott heita hvar hann svá endaði með 305 vagninum í fegurstu laut jarðarkringlunnar, Stútulautinni.

Gylforceinn i gullhringjum
með gleði, ást & hlýju.
Dyrum leitar & dyngjum
að drossíunum nýju.


Mynd; straeto.is

Á vit vagna ...

Í þessum töluðu/rituðu orðum er dr. i djúpum vagnarannsóknum mínir virðulegu vagnverjar.

 

Meira síðar.

Gnægð glæstra ...

Það er allra athyglivert að eptir innkomu 20 nýrra Irisbus Crossway vagna hjá byggðasamlaginu er sá möguleiki fyrir hendi að hafa þá nær einvörðungu á vígvöllum veganna. Þeir eru nú orðnir 32 talsins upp á Hesthálsi & allir innan við tveggja ára gamlir. Það er ekki amaleg staðreynd.

Þetta væri hægt um kvöld & helgar. Aukinheldur býr verktakinn suður í Firði yfir rúmlega 20 slíkum vögnum & því mögulegt að sjá þá bara í ferðum á höfuðborgarsvæðinu fyrir utan einstaka hverfaleiðir.

Líklegra er þó að hinn sænskættaði eðalmálmur verði eitthvað með í för, einkum á leiðum 1 & 6, sem kemur nú til með að gleðja hið gamla hró Gylforce-ins.

Er nú af glæstum glás
gleði er hjá doksa.
Irisbusinn með innrás
sem eigi mun koksa.

Eilífur augnakarl ...

Hinn dæli en sjaldan dreissugi dr. Gylforce dreif sig út í skýli sitt í morgun hvar hann fýsti í frekari ferðir með hinum stutta 159 Heuliezvagni sem nú er á leið 35. Doksi kallinn hefir nú átt urmul ferða með vagni þessum & er orðinn eilífur augnakarl í honum eptir aðeins tæpa viku! Nema hvað.

Það veldur þó dr.-num nokkrum vonbrigðum hve fáir vagnverjar sitja yfirleitt í þessum aukavagni á leið 35. Vonandi koma þeir til & nýta sér þessa stórauknu þjónustu við okkur Kópvæginga. Hvað um það.

Eystur í Engihjalla einhenti dr. Gylforce sér inn í sænskættaðan eðalmál. En ekki hvað??? Þar var á ferðinni 104 Omnilink á leið 4 & átti dr.-inn með honum dýrðarstund að Mjódd þeirra Breiðhyltinga.

Í Mjóddinni gerði doksi kallinn sér dælt við glænýjan & glæsilegan 147 Crossway vagn á leið 3. Ferðin var hin þægilegasta enda sætin afar mjúk, vagninn hljóðlátur & fjöðrun hans með miklum ágætum. Á leiðinni sá dr. t.a.m. aðra nýja vagna; á leið 18, leið 15 aukinheldur sem það glitti í 152 vagninn á leið 2.

Dr. Gylforce hapði hug á að hlaupa inn í leið 4 við Hlemminn en brá í brún hvar þar var stuttur 158 Heuliez vagn á stæðinu. Þeir eru ekki alveg tesa dagsins núna þegar um 20 nýir vagnar eru u.þ.b. að koma á vígvelli veganna. Voru nú góð ráð dýr.

Dr.-inn sá þá að 145 Crossway vagninn var að ýta úr vör á leið 2 & beið öngvra boða. Það var gaman að aka nýju leiðina sem tvisturinn fer núna & ekki laust við að doksi hafi fengið nostalgíu í leið 141 hér forðum daga. Sú góða leið ók einmitt um Grensás, Bústaðarveg & inn hjá Borgarleikhúsinu & Verzló. Þá voru nú ógeðisvagnar á borð við Renault PR-100 í gangi en vonandi eru nú allir búnir að gleyma því drasli!!!

Leið 2 þaut upp í Hamraborg okkar Kópvæginga á mettíma & varð að bíða ansi lengi eptir leiðum 1 & 4. Urðu því þessar leiðir um 5 mínútur of seinar upp í hverfi. Dr.-inn fór hinsvegar á fjörurnar við hin funheita MAN 305 vagn á leið 35 sem færði hann farsællega í mennta- & menningarsetrið hér við Kársnesið.

Yfir&út!

Nýir vagnar - nýtt upphaf
notalegir þeir eru.
Í vögnum liprum sat lengstaf
með ljúfa nærveru.

Mynd: flickrhivemind.net

Dimmhvítur dagur ...

Hinn sljóvgi & slævi dr. Gylforce hefir reynt eptir föngum að ferðast með vinum vorum - vögnunum - í nýja leiðakerfinu sem tók gildi 4. janúar síðastliðinn. Nema hvað.

Dr. Gylforce hefir tekið til skoðunar tvo nýja Irisbus Crossway vagna, annan hjá byggðasamlaginu & hinn hjá verktakanum suður í Firði. Þetta eru 177 & 219 vagnarnir. Sá fyrri er á leið 4 en hinn síðari tekur slaginn á leið 12. Reyndar var hann á leið 11 þegar dr. bar að garði um daginn.

Í fljóti bragði virðast þessir nýju vagnar vera enn betri en fyrirrennarar þeirra, þ.e. 135-146 vagnarnir. Sætin virka stærri & þægilegri fyrir okkur vagnverjana & ekki er annað að sjá en vinnuaðstaða vagnstjórans hafi verið bætt frá því sem áður var. Það er hið besta mál & ekki spillir svo fyrir að „lúkkið“ á vögnunum að aptan er enn flottara en það var. Hvað um það.

Dr.-inn er ekki með það á hreinu hvort allir 20 Crossway vagnar Strætó bs. séu komnir á vígvelli veganna en mun kanna það til hlítar næstu daga. Doksi kallinn hefir hinsvegar tekið eptir því að 144-146 Crossway vagnarnir, sem komu í ágúst 2013, eru nú komnir á leið 2 en öngvir slíkir eru enn sjáanlegir á leið leiðanna, leið 1. Hún er enn mjög sænskættuð í vagnavali & ekki er það nú leiðinlegt fyrir hró doksa.

Dr. Gylforce hóaði í morgun í hinn stutta 159 Heuliez vagn á leið 35 auk þess að gera stuttan stans í hinum funheita 305 MAN vagni á sömu leið. Enn finnst doksa kallinum eitthvað skrýtið að tveir vagnar keyri þessa leið & annar vagninn komi frá verktaka en hinn frá sjálfu byggðasamlaginu. En hvað um það.

Á dimmhvítum degi
doktorinn fór
víða um vegi
í vögnunum sljór

Lúði á leið ...

Hinn fráleitt lúðótti en þó ávallt ljúfi dr. Gylforce réð sér vart fyrir kæti í gær hvar nýja leiðakerfið var komið á fulla ferð. Nú skyldi gaman verða. Aukinheldur voru komnir á vígvelli veganna glæsilegir Crossway vagnar hjá Strætó bs., um 20 talsins, & því virtist taumlaus skemmtun vera framundan. Eða hvað???

Dr. Gylforce sté í fyrsta sinn inn í stuttan Heuliez vagn sem nú er á leið 35. Þetta er aukavagn til að mæta korterstíðni á annatíma. Um koppagrundir Kópavogs hefir orðið fyrir valinu 159 Heuliez sem áður var á leið 4 & því ekki svo ókunnugur póstnúmerinu 200.

Það er allra athyglivert að byggðasamlagið sjálft annist annan vagninn á leið 35 en hinn kemur frá verktakanum vestur á Kársnesi, Kynnisferðum. Hvað um það.

Dr.-inn sá aukinheldur urmul af nýju vögnunum & gat ekki annað en að tekið eina góða þrásetu með 177 Crossway vagninum sem er glærnýr vagn & settur á B-vachtina á leið 4. Gaman að því en vitaskuld saknar doksi kallinn gamla 177 Omnicity vagnsins.

Eftir ýmsa vagna & fínar dvalir meðal vinanna - vagnanna - tók dr.-inn leið 4 frá Hlemmi & fékk þar 168 Karosavagninn. Hann er þar enn. Vagninn ekur nú austur Háaleitisbraut & svá vestur Miklubraut & virðist það vera vel heppnuð breyting. 

Í Hamraborg okkar Kópvæginga hoppaði dr. Gylforce út úr leið 4 & hljóp aptur inn í 159 Heuliez-inn á leið 35. Vagninn var orðinn of seinn en samt fór hann ekki af stað. Svá kom vagnstjórinn & viti menn; sami vagnstjóri & keyrði doksa á leið 4. Sumsé vaktaskipti. Gott & vel.

Vagnstjórinn spratt úr spori & fór venju samkvæmt niður á Kópavogsbraut framhjá Sunnuhlíðinni. Við gatnamótin hjá Melbrautinni hægði hann vel á vagninum & muldraði eitthvað. Dr.-inn var aldrei þess vant mjög aptarlega í vagninum & heyrði ekki hvað hann sagði.

Rétt áður en leið 35 kom að næstu gatnamótum Kópavogsbrautar & Urðarbrautar heyrðist vagnstjórinn kalla aftur í vagninn & spyrja hreinlega hvort hann ætti að beygja eða halda áfram!!!

Hann sumsé þekkti ekki leiðina sem hann átti að keyra. Dr.-inn hefir nú lent í ýmsu í gegnum tíðina í vögnunum, sérstaklega þegar verktakinn Teitur Jónasson var að keyra, en minnist þess ekki að hafa hapt vagnstjóra sem þekkti ekki leiðina. Vissulega eiga þeir til að ruglast á leiðum sem þeir aka en þessi vissi ekkert hvað hann var að gera. 

Góðu heilli fór dr.-inn fljótlega út. Vonandi komust aðrir vagnverjar heilir og höldnu á áfangastaði sína.

Heyr á endemi!!!

Allar duttu dauðar lýs
doksi í þeysireið.
Hyggjulaus á Heuliez
sem hapði ei vit á leið.


Mynd: citybus.piwigo.com

Nýtt upphaf ...

Nýtt upphaf er í dag & breytt leiðakerfi tekur gildi í fyrsta sinn um virkan dag.

Dr.-inn getur vart beðið með að ljúka skyldustörfum við mennta- & menningarsetrið vestur á Kársnesi & halda á vit vagna.

Nýtt sænskættað stál ...

Verktakinn hér vestur á Kársnesi, Kynnisferðir, hefir fengið nýjan vagn sem er af sænskum ættum, góðu heilli.

Næstkomandi mánudag mun leið 35, sem er í umsjá Kynnisferða, aka með 15 mínútna tíðni á annatíma. Það þýðir að bæta þarf einum vagni við flotann.

Enda þótt dr. Gylforce fagni öllum vögnum frá frændum vorum Svíum undrast hann að verktakinn festi kaup á rúmlega 12 ára gömlum Volvovagni. Hver ætli meðalaldur vagnanna sé hjá Kynnisferðum??? Það er skrýtið að upplifa að Strætó bs. sé að reyna að yngja upp flotann sinn upp á Hesthálsi meðan verktaki gerir það ekki. Að vísu sér hann bara um tvær leiðir, 28 & 35, hér í Voginum en hví eiga kópvægskir vagnverjar að fá eldri vagna en aðrir???

Vagnar sem komnir eru á þennan aldur bila yfirleitt meira en hinir & því erfitt að stóla mikið á þá. Til að mynda var vagnahallærið hjá Kynnisferðum algjört fyrir jól að hvít rúta ók á leið 28 sem hvorki var hægt að sjá í rauntímakorti né í öppum!!!

Svona þrugl þarf að uppræta & sjá til þess að verktakar skaffi trausta & nýlega vagna. Það hefir gengið mun betur hjá verktakanum í Firði, Hópbílum, góðu heilli.

Frómur lærdómur ...

Þegar hinn ungi & aldni komu úr sigurför sinni meðal vagnanna í gær hófst þegar undirbúningur heima að næstu ferðum. 

Að loknum vögnum lærdómur
um leiðakerfið kæra.
Ungi verjinn fús & frómur
að fræðast & læra.

Hinn aldni setti upp strætisvagn - sænskættaðan vitaskuld - & settist hinn ungi við stýrið. Svá var brunað með leiðum 1, 2, 4 & 12 & sá ungi varð að leysa ýmsar þrautir úr okkar lostfulla leiðakerfi.

GLEÐILEGT ÁR VAGNVERJAR :)

Hinn ungi & aldni ...

Hinn borginmannlegi & blístrandi dr. Gylforce bauð unga vagnverjanum upp á urmul vagna í dag hvar þeir feðgar njóta nú þess að vera í góðu jólafríi. Nema hvað.

Þeir hófu leik við Hamraborg okkar Kópvæginga hvar þeir stigu inn í hinn stutta Heuliez 159 vagn á leið 4 áleiðis í Mjóddina. Vagnstjórinn kom lullandi á vagninum að Hálsatorginu & var lítt að flýta sér. Feðgarnir tylltu sér í breiða sætið fyrir aptan aptari hurðina & fylgdist sá stutti af athygli með öllum biðstöðvum á leiðinni.

Frá Mjódd þeirra Breiðhyltinga hröðuðu þeir sér inn í 202 Crossway vagninn á leið 12. Við Voga héldu þeir feðgar út úr meginlandsvagninum en hóuðu stuttu seinna í 237 vagninn á sömu leið en sá vagn var nú hér áður á leið leiðanna, leið 1. Það var á tímum þegar verktakinn í Firði annaðist akstur á hinni fyrstu leið. Nú er hún í höndum Strætó bs. Leið feðganna lá að að Hlemmi - tenging við aðrar leiðir.

Doksi kallinn bauð unga vagnverjanum að velja vagn við Hlemmtorgið. "Veldu vinur, veldu, bara hvern sem er".

& ekki varð dr.-inn fyrir vonbrigðum. Sá stutti vildi ólmur inn í hinn sænskættaða 105 Omnilink á leið leiðanna, leið 1. "Vel valið sonur, vel valið" kallaði doksi í sífellu til hans & fylltist stolti.

Feðgarnir flugu með hinum sænskættaða vagni & ekki spillti fyrir að vagnstjórinn var sá hinn sami & keyrði doksa opt & iðulega á leið 5 vestur á Mela hér forðum daga á 51 (5D) Scaniavagninum. Maður lifandi.

Hinn ungi fékk sér örlitinn kríublund í 105 Omnilinknum enda mýktin & þýðleikinn með afbrigðum góður í þessum annars gamla vagni.

Í Hamraborg okkar Kópvæginga kvöddu feðgarnir Svíann með virktum & héldu glaðir í bragði í fegurstu laut jarðarinnar, Stútulautina. 

Ungi & aldni héldu af stað
í eðal vagnaferðir.
Ýmsir "bössar" komust á blað
& býsna margar gerðir.