Gylforce-inn hinn geðþekkni ...

Hinn viðfelldni & viðkunnanlegi dr. Gylforce hefir verið í góðum & vænum gír undanfarið hvar henn hefir hringsólað huggulega með leið 35. Kynnisferðir, sem annast akstur leiðarinnar, hafa boðið upp á margvíslega vagna þessa dagana & svo virðist sem hinn engilsaxneski & funheiti MAN 305 vagn sé kominn í góða viðhaldsskoðun. 

 

Í stað 305 MAN vagnsins hafa hinir sænskættuðu Volvo-vagnar, 302, 303 & 309, tekið hringinn holla hér um hinn kópvægska vog. Eitthvað vagnahallæri er þó að hrjá Kynnisferðirnar hvar þeir hafa fengið lánsvagn, 237 Irisbus Karosa, suður úr Firði. Fróðlegt verður að sjá hvernig þeir ætla að haga sínum málum þegar þeir þurfa að bæta einum vagni við á leið 35 eptir áramótin.

Doksi kallinn hefir hinsvegar tekið grimmt leið 11 síðustu daga. Enda þótt öngvir sænskættaðir séu þar á ferðinni er leiðin vel vögnum búin af hálfu þeirra Fjarðarmanna en þar eru aðallega meginlandsvagnarnir, 201, 206 & 209 Crossway ásamt hinum glæstu þýsku Mercedes Benz vögnum, 222 & 223.

Leið 11, Seltjarnarnes-Mjódd veitir hugarró & hvíld hvar hún líður um Bústaðaveg, Háaleitisbraut & framhjá Miðbænum, í gegnum Háteigsveg, niður á Hlemm & dántán; svá vestur Hagatorg & hringinn hugljúfa hjá Seltirningum. Nema hvað.



Vagnverjinn í vænum gír
væflast milli leiða.
Huggulegur - ávallt hýr
með hlýja brosið breiða.


Myndir: citybus.piwigo.com

Omni-afmælis-link ...

Hinn borubratti & borginmannlegi dr. Gylforce brá sér vitaskuld út meðal vagnanna á afmælisdag síðunnar, 25. nóvember síðastliðinn - en ekki hvað??? Doksi kallinn fór marga unaðshringi meðal vagnanna en upp úr stóð þráseta góð í 102 Omnilink á leið leiðanna, leið 1. Nema hvað.

Dr. Gylforce lék kunnugleg stef út úr Stútulaut sinni enda ekkert annað hægt en að kalla á leið 35 þar um slóðir. Hinn engilsaxneski MAN 305 vagn var til taks & verður fróðlegt að sjá hvaða vagn kemur til með að aka með honum eftir áramót þegar auka á tíðni leiðarinnar á annatímum. Það verður spennandi.

Dr. Gylforce stóð eins & spjátrungur & buxnaskjóði í Mjódd þeirra Breiðhyltinga þetta annars milda þriðjudagskvöld. Byggðasamlagið lokar biðstöðinni á kvöldin & megum vér vagnverjar gera okkur það að góðu að hírast útivið í bið okkar eptir vinum vorum. Hvað um það. Dr.-inn tók sér far með 205 Crossway vagninum sem var á leið 24 & fékk sérferð með honum alla leið að Ásgarði þeirra Garðbæinga. Þar upphófst dýrðin.

Hinn áreiðanlegi & öruggi 102 Omnilink var á leið leiðanna - leið 1 - & hoppaði dr.-inn inn með mikilli gleði. Þessi vagn hefir verið á vígvöllum veganna frá árinu 2001 en það er vart að sjá & finna. Fimleikinn & mýktin var alger & sat doksi vitaskuld vinstra megin í vagninum & naut ferðarinnar til hins ýtrasta. Vagninn þaut um víðar lendur Garðbæinga, eðalhverfi Arnarnesinga, hvanngræna hvammana & upp rampinn að Hamraborg okkar Kópvæginga. 

& áfram hélt stuðið. Omnilink leið um fögur engi Fossvogsins, framhjá Kringlunni & ók svo áfram í átt að miðbæ Reykvíkinga á ljósrauðu akreininni uns hann staðnæmdist við Hlemminn.

Dr.-inn hélt svo áfram með 102 vagninum & fór til baka að Hamraborginni háu & fögru. Þvílíkur eðall, þvílíkt afmæli! 



Í sænskættuðum snilldarlegum
setu góða afmælis.
Gylforce-inn á gæfuvegum
glaður leitar þar hælis.

Mynd 3: citybus.piwigo.com

Afmæli - afmæli ;)

Það var á þessum degi fyrir níu árum hvar dr. Gylforce settist niður & reit sína fyrsta strætóbloggfærslu. Hún birtist á fyrri síðu hans sem er www.straeto.blogcentral.is & fjallaði um gamla Volvo 29 vagninn sem hapði verið breytt í Latabæjarvagninn. 

Það var sumsé hægt að borga með gjaldmiðlinum Lató í 29 vagninum hér i denn, sjá http://www.straeto.is/um-straeto/frettir/nr/57.

Þessi vagn er farinn yfir móðuna miklu en í fyrstu færslunum var líka fjallað um vagn sem bar hið geðþekka nafn hjá Gylforcenum "Hlandgula helvítið" sjá http://straeto.blogcentral.is/blog/2005/11/27/hlandgula-helvitid/  Vagn þessi er enn i notkun er númer 230 hjá þeim Fjarðarmönnum. Merkilegt nokk. Hann fékk þetta viðurnefni því hann var mun skærgulari á litinn en aðrir vagnar á vígvöllum veganna. Því hefir nú verið breytt, góðu heilli.

Dr.-inn mun halda upp á tímamótin í kvöld með fengsælum & fýsilegum ferðum meðal vina vorra - vagnanna. Fylgist með, fylgist með.

Tryllt tvist ...

Hinn æðablái & ægifagri dr. Gylforce æddi áfram í blíðu hvíldardagsins í gær hvar hann hitti fyrir vagna þrjá & átti með þeim dýrðarstundir. Nema hvað.

Dr. Gylforce eisaði út úr Stútulaut sinni um hádegisbilið & anaði inn í hinn sænskættaða 302 Volvovagn á leið 35. Hvað um það.

Við hinn kópvægska Lund brá doksi kallinn á það ráð að stíga út úr sænska stálinu, rölta yfir dalinn & í átt að endastöð leiðar 13 við Sléttuveg. Maður lifandi!


Þessi prósessía tók hátt í 12 mínútur & hitti dr.-inn fyrir 136 Crossway vagninn á hinni 13. leið en hann var að tímajafna sig við veginn slétta. Dr. Gylforce var eini vagnverjinn lengi vel meginlandsvagninum & fór svo út við Frakkastíg/Sæbraut. Þetta var skemmtilegt tvist á tengingar í vagnakerfinu & verður efalítið notuð aptur. En ekki hvað???

Opt & einatt hefir doksi kallinn rætt um það hér á þessum vettvangi/vettvagni hversu hvimleitt það geti verið að þurfa að fara allan hringinn um Voginn með leið 35. Hinsvegar er hægt að tengjast leið 4 í gegnum Skeljabrekku en það er erfitt þegar sú leið ekur með hálftímatíðninni líkt & hún gerir á sunnudögum.

Vagnarnir með bros á brá
bæta verjans flóru.
Alltaf þrái ég ilminn frá
ykkar pústum stóru.

Gufunes & Grafarvogur ...

Við sænskættaða í slagtogi
í þrásetunni dvaldi
Gylforceinn í Grafarvogi
- glaður þar vagna taldi.

Hinn kratíski en þó fráleitt klunnalegi dr. Gylforce var alls ekki á kunnuglegum slóðum í gær hvar hann heimsótti grafvogska vagnverja. Að mati doksa eru þeir lukkunnar pamfílar hvar þeir fá einatt sænskættaða vagna á hinni sjöttu leið & voru þeir nú ekki af verri endanum í gær. Öðru nær.

Scania Omnilink réð ríkjum í gær & ók um gerskar grundir Grafarvogs. Á leið 6 voru eðalvagnarnir 101, 103, 107 & 110 Omnilink með allri sinni mýkt & þýðleika. Líklegt má þó telja að vagnar þessir kveðji vígvelli veganna þegar nýju Crossway vagnarnir koma öðru hvoru megin við áramótin.

Grafvogskir vagnverjar líta vart á sig sem Reykvíkinga & er óhætt að segja að hverfisvitund sé mjög rík í þessum bæjarhluta. Gjörhygli doksa greindi mikla nálægð Grafvoginga við náttúruna & vitaskuld margar forvitnilegar vagnaleiðir. Þarna aka t.d. leiðir 6, 18, 24, 26 & 31. Ekki aka þær þó allar um helgar. 

Dr.-inn tók til kostanna leið 6 & átti unaðsstundir með þeim eins & myndbandið glögglega sýnir. Áður hapði doksi kallinn hóað í 215 Crossway á leið 24 & vitaskuld hinn sænskættaða 302 Volvovagn sem ók leið 35 að þessu sinni.


Mynd: citybus.piwigo.com

1-5-9 ...

Hinn öndverðalegi & árlaði dr. Gylforce beið í ofvæni í gærmorgun hvar hann langaði á vagnavapp. Doksi kallinn valhoppaði niður stíginn að biðstöð sinni hér við Stútulautina hvar hann vissi að hinn engilsaxneski & funheiti MAN 305 kæmi eptir örskotsstund. Sem & gjörðist. En ekki hvað???

Englendingurinn á leið 35 var þéttsetinn af vagnverjum enda munúðarfull morgunferð hjá vagni þessum & fjöldinn allur af verjum á leið til vinnu eða skóla. Vagnstjórinn var hinn kurteisasti & bauð doksa kallinum góðan dag með virktum. Ferðin varð hinn fýsilegasta hvar doksi sté svo út eystur við Engihjalla. Hvað um það.

Í eystasta hluta Vogsins er hægt með nokkuð góðu móti að taka fjórar vagnaleiðir; leið 4, 24, 28 eða 35. Dr.-inn valdi - nú sem optar - leið 4 við Hólmagarðinn enda hapði hann hug á að komast í Hamraborg okkar Kópvæginga með nokkuð skjótum & öruggum hætti.

Hinn stutti 159 Irisbus Heuliezvagn byggðasamlagsins kom aðvífandi á leið 4 & var sneisafullur af vagnverjum. Gleðilegt.

Flestir hurfu út úr vagninum við stærsta vinnustað bæjarins, MK. Doksi kallinn fór hinsvegar alla leið að Hamraborginni & rölti svo að mennta- & menningarsetrinu við Kársnes & Kastala. Dr.-inn kom með 8:20 ferðinni hjá leið 4 & því var langt í næstu ferð hjá leið 35 því innanbæjarvagninn ekur með 30 mínútna tíðninni. 

Það mun hinsvegar breytast eptir áramót þegar leið 35 tekur upp korterstíðni á álagstímum, góðu heilli.

Rauk upp úr rúminu
rýndi í strætóapp.  
Hélt af stað í húminu
hugði á vagnavapp. 


Myndir: citybus.piwigo.com/

Viðmótsþýðir vagnverjar ...

Hinn einarði & eftirlátssami dr. Gylforce lét loksins eptir sér unaðshringi í gærkvöldi meðal vina vorra - vagnanna - hvar hann sat í þremur eðalvögnum af hinum ýmsum stærðum & tegundum. Nema hvað.

Dr. Gylforce sté venju samkvæmt inn í hinn engilsaxneska & funheita MAN 305 vagn á leið 35. Doksi kallinn bauð vagnstjóranum gott kvöld en uppskar einungis þögn til baka. Það er alltaf jafnmerkilegt hve margir vagnstjórar eiga erfitt með að kasta kveðju á okkur vagnverja. Það er einfaldara en maður heldur vagnstjórar!

Dr.-inn áði við Engihjallann & hélt rakleitt í átt að enn einni náttúruperlu okkar Kópvæginga; Einbúa við Skemmuveg. Þar slafraði dr.-inn Maxinu í sig af sinni alkunnri áfergju ásamt nokkrum karamellum & hélt svo í Mjódd þeirra Breiðhyltinga. 

Í kvöldáætluninni eru Irisbus Crossway vagnar nánast allsráðandi. Dr. Gylforce hóaði í 143 vagninn á leið 3 & tók góða setu með honum að Hlemmtorginu. Vagnverjar voru nokk fjölmennir í ferð þessari & viðmótsþýðir með afbriðgum & meira að segja vagnstjórinn var kurteis & prúður í fasi. En ekki hvað???

Frá Hlemmi var hinn sænskættaði 105 Omnilink að gera sig kláran að halda á leið á leið leiðanna, leið 1. Örlög doksa voru ráðin. Hann einhenti sér inn í sænska stálið & fékk eðalferð í Hamraborg okkar Kópvæginga hvar kunnuglegt stef var leikið til þess eins að sækja heim fegurstu laut jarðarkringlunnar, Stútulautina.

Urðu hringir heljarstuð
með huggulegum verjum.
Gylforce-inn & jafnvel guð
glöddust í vagni hverjum.

Amen.


Myndir: citybus.piwigo.com

Þrásetur í þaula ...

Um eðalvagna nú skal ort
sem aldrei munu fúna.
Urmul miða en öngvin kort
á hann doksi núna.

Hinn dúnmjúki & dreissugi dr. Gylforce hefir birgt sig vel upp af miðum fyrir ferðum framtíðarinnar meðal vina vorra - vagnanna. En ekki hvað???

Senn styttist í næstu ferðir doksa & situr hann heimavið & skipuleggur í þaula. 

Leið 5 næst? Eða leið 6 með sænskættuðum ...??? Humm humm.

Verji vagnanna ...

Hinn gunnreifi & gapandi dr. Gylforce neyðist þessa dagana til þess að dvelja heimavið hvar litli vagnverjinn hefir nælt sér í hina hlaupandi bólu. Litt verður af vagnaferðum meðan svo er. Því miður.

Þá gefst & tími til að ígrunda liðnar unaðsstundir meðal vina vorra - vagnanna - í hinum ýmsum löndum & álfum. Myndirnar sem fylgja hér segja meira en mörg orð. 

Njótið vagnverjar!

Ég er verji vagnanna
vil þá ávallt knúsa.
Álpast milli álfanna
með eðalmax á brúsa.

 

Viðraði vel til vagnarannsókna ...

Hinn hripleki en þó höfðinglegi dr. Gylforce hófst handa við vagnarannsóknir sínar síðastliðið þriðjudagskvöld. Veður var lygnt & stillt & ekkert því til fyrirstöðu að eiga unaðs þrásetur & langdvalir meðal vina vorra - vagnanna. En ekki hvað???

Dr.-inn tók eðahring með hinum engilsaxneska MAN vagni á leið 35. Vagnstjórinn átti í erfiðleikum með að halda vagninum á áætlun, þ.e. hann var alltaf á undan áætlun sem er mjög hvimleitt fyrir okkur vagnverja. Nema hvað.

Dr.-inn rölti svá í Mjódd þeirra Breiðhyltinga. Þar var Citelisvagn á leið 3 & beið doksi öngvra boða & skellti sér einn góðan hring með honum að Hlemmtorgi.

Dr.-inn stóð bergnuminn meðal vagnanna á Hlemmnum hvar hann sá svá hinn sænskættaða 190 Volvovagn á leið 1. Hann skáskaut sér með Svíanum alla leið að Firði. Ferðin tók ekki nema rúman hálftíma sem er vel viðunandi ferðatími milli þessara staða. Hvað um það.

Til baka í Voginn hóaði doksi kallinn aptur í einn sænskættaðan. Scania Omnilink var það heillin & færði Stútulautardoktorinn í Hamraborg okkar Kópvæginga. Lokaleikurinn er svo þekktur; hinn funheiti & engilsaxneski MAN 305 vagn á leið 35 mínir virðulegu vagnverjar!

 

Gleðihljóð á gígju slæ
glaumur fær að óma
því vagnavachtin sí & æ
vekur unaðshljóma










Eins & myndir glögglega sýnir er gleðin ávallt við völd þegar vagnarannsóknir eru annars vegar.