Þinglegt þrugl ...

Hinn þjóðrækni & þingfasti dr. Gylforce hugðist gerast þaulsætinn í sófa sínum á miðvikudagskvöldið & horfa á imbakassann. Þar átti & að hefjast stefnuræða forsætisráðherrans & umræður á eptir. Spennandi. Nema hvað.

Dr.-inn skellti poppi í maskínuna & klaka í Maxið; nú skyldi gaumur gefinn með ráðamönnum þjóðarinnar & það af áhuga & áfergju!

Hinsvegar fékk doksi kallinn sig alveg fullsaddan af þrugli þingheims fljótlega & uppgötvaði sér til mikillar hamingju að stutt væri í að leið 35 myndi koma askvaðandi framhjá Stútulautinni. Málið dautt! 

Dr.-inn gafst upp á hinu háa Alþingi & hélt á vit vagna. Hinn sænskættaði 302 var að þessu sinni á leið 35 & fékk doksi nánast sérferð með honum að Hjallahverfi okkar Kópvæginga. Hvar voruð þið mínir virðulegu kópvægsku vagnverjar??? Allir að fylgjast með Simma Dé & Bjarna Bé??? Tæplega. 

Í Mjódd Breiðhyltinganna tyllti dr. Gylforce sér tignar- & tígulega í 134 Citelisvagninn sem ók leið 4 þetta annars ágæta miðvikudagskvöld. Margir vilja kalla dag þennan "vippudag" hvar maður nefninlega "vippar" sér úr fyrri hluta vikunnar yfir í þann síðari. Hvað um það.

Vagnstýran á Citelisvagni númer 134 - sem optast er á leið 2 - keyrði vagninn þýðlega um lendur kópvægskra Smiðja, Túna, Brekkna. Að lúkningu áði vagninn í Hamraborgina háu & tók þar góða tímajöfnun. 

Úr miðbæ Kópavogs hélt hinn geðþekki dr. Gylforce í þekktar stærðir. Amen.

Síþruglandi Simmi Dé
svo doksi hélt á leið.
Ekki skárri Bjarni Bé
bullandi silfurskeið! 

Mynd: citybus.piwigo.com/

Nú tekur að hýrna um Hóla & Sel ...

Hinn stefnuræðandi & stóryrti dr. Gylforce stóðst ei stuðið á Týsdag hvar hann strunsaði eins fljótt & vagnar leyfðu upp í efra Breiðholt. Þar hugðist hinn kópvægski dr. líta á hið guðdómlega vegglistaverk eptir Erró. Og jú, það er stórgæsilegt að sjá.

Dr.-inn beið öngvra boða & brunaði með 145 Crossway vagninum á leið 4 frá Efstahjalla & alla leið um Hóla & Sel þeirra Breiðhyltinga. Gylforce-inn linnti eigi látum fyrr en hinn ársgamli meginlandsvagn hapði áð á nýjan leik við Mjódd þeirra Breiðhyltinga.

Dr. Gylforce virtist vera orðinn eilífur augnakarl í hinum sænskættaða 301 vagni á leið 35 en Týsdaginn góða bauð Vesturbæjarverktakinn upp á 302 Volvoinn að þessu sinni sem færði doksa kallinn fagurlega í hið kópvægska Hjallahverfi.

Eptir unaðshring um efra & neðra Breiðholtið kom dr.-inn bergnuminn í Mjóddina eins & áður sagði. Hið kynngimagnaða listaverk á blokkargaflinum átti hug hans allan þennan annars indæla þriðja dag vikunnar hvar doksi kallinn hóaði aptur í leið 4 & fékk ágætis Karosavagn & svá leið 35 frá Hamraborginni áleiðis í fegurstu laut jarðarinnar, Stútulautina.

Doksi orðinn lítt abbó
út í stóra Breiðholt.
Unaðsverkið hans Erró
er orðið þeirra stolt.


Myndir: ruv.is & citybus.piwigo.com/

Hratt leið leið ...

Hinn alvitri en þó uppivöðlusami dr. Gylforce er skýjum ofar um þessar mundir hvar hann hefir uppgötvað nýjan eðalhring í hinu umfangsmikla leiðakerfi okkar höfuðborgarbúa. Það er nefninlega það.

Dr. Gylforce skáskaut sér enn eina ferðina í hinn sænskættaða 301 Volvovagn á leið 35 við Kársnes & Kastala. Vagn þessi er nú orðinn nánast heimilisvinur doksa hvar hann er æði opt á vachtinni á hinni 35. hringleið.

Við hinn kópvægska Valahjalla var svá tími til kominn að stíga létt úr sænska stálinu & halda á önnur mið. Dr.-inn baðaði út höndum hvar hann sá meginlandavagn númer 145 koma aðvífandi á leið 4. Síðasta vetur ók vagn þessi fyrir Mosfellinga & reykvíska Vesturbæinga en virðist nú eiga að taka slaginn um Voginn & neðra & efra Breiðholt. Gaman að því.

Í Mjódd þeirra Breiðhyltinga var urmull vagna & vagnverja eins & vera ber. Doksi velti vöngum yfir skipulagi vagna á stæðinu hjá Breiðhyltingunum. Mikill fjöldi vagnverja kemur nefninlega úr blágulu vögnunum á leiðum 51,52 & 57 & eru optar en ekki með farangur með sér. Þurfa þeir svo að klöngrast með sitt hafurtask yfir tvær götur vagna til þess að komast í biðsalinn. Sennilega væri betra að færa blágulu vagnana nær byggingunni & setja t.d. leið 11 fjær. Ef fjármagn er fyrir hendi væri hyggilegast að skipuleggja svæðið algerlega upp á nýtt. Vonandi er það í pípunum hjá byggðasamlaginu á næstu misserum. Hvað um það.

Dr.-inn fékk Irisbus Citelis númer 133 á leið 4 frá Mjódd að Hamraborg okkar Kópvæginga. Þar beið hinn sænskættaði 301 vagn eptir doksa & lokaði hringnum farsællega & færði hann að fegurstu laut jarðarkringlunnar, Sútulautinni.

Eptir kennslu um þjóð & þing 

þaut doktorinn af stað.

Búinn að hanna nýjan hring 

huggulegt - en ekki hvað???

 

Myndir: mbl.is & http://citybus.piwigo.com/

Hin hýra hamingja ...

Hinn hýrlegi & himinlifandi dr. Gylforce hyggur senn á vagnavit & ræður sér vart kæti. En ekki hvað???

Eptir andartak lýkur hann uppfræðslu ungviðisins við mennta- & menningarsetrið hér við Kársnes & Kastala & verður ekki lengi að hóa í eins & einn sænskættaðan. Nema hvað.

Spennandi!

Í glyrnurnar komið glit
glýjaður & kátur.
Heldur senn á vagnavit
& verður svo þakklátur.



Mynd: www.svenskbusshistoria.se/

Gult & gjöfult ...

Hinn spraðabassalegi & spókaði dr. Gylforce spratt upp úr stól sínum við Kársnes & Kastala um leið & hann gat & hélt vitaskuld rakleitt á vit vagna. Dr. Gylforce er leiði-gjarn & vagngefinn maður með afbrigðum & því ekki eptir neinu að bíða. Nema hvað.

Dr. Gylforce heilsaði hinum sænskættaða 301 vagni með látum við mennta- & menningarsetrið vestur á Kársnesi. En ekki hvað??? Þessi vagn er orðinn þaulsetinn á leið 35 þótt doksa dreymi nú um að fá styttri vagn & liðugri til að taka hringinn um kópvægskar koppagrundir.

Doksi kvatti hinn sænskættaða með virktum við hinn kópvægska Valahjalla hvar hann fýsti í unaðshring með leið 4. Hinn rúmlega ársgamli 144 Crossway vagn kom aðvífandi en hann var á A-vachtinni á leið 4 að þessu sinni. Það gladdi hið gamla hró doksa að búið er að rótera þessum annars ágætu vögnum en 144 var síðasta vetur á leið 15.

Tilbaka frá Mjódd þeirra Breiðhyltinga birtist 167 Karosavagninn á E-vachtinni & færði Stútulautarmeistarann í Hamraborgina háu & fögru. Að lúkningu var aptur komið að sænskættuðu stáli á leið 35. 

Leiðakerfið er lostafullt 
á leiðir við nú herjum. 
Appelsínugult & gjöfult
- gleði hjá vagnverjum!

Hið snjalla snöfurmenni ...

Hinn stýfði & snöfurmannlegi dr. Gylforce sá sér leik á borði í hæsta degi hvar hann hélt rakleitt á vit vagna. En ekki hvað???

Eptir dag þennan á doksi kallinn nefninlega eigi svá hægt um vik með að næla sér í þrásetu góða um hádegisbilið. Hvað um það.

Dr.-inn tölti út í glampandi sólskinið & leið eigi á löngu unz hinn sænskættaði 301 Volvovagn kom lullandi á leið 35. Sá virðist eiga að taka slaginn á þessari kópvægsku hringleið í vetur.

Doksi kallinn hepði nær haldið að styttri vagn væri hentugri á hringleiðinni um Voginn & leggur nú til & mælir með að Vesturbæjarverktakinn festi kaup á einum stuttum Heulizvagni eða einhverju viðlíka. Eða fær hann jafnvel lánaðan sunnan úr Firði???

Dr. Gylforce hapði & gjörhygli sína í góðu lagi & gladdi það hró hans að ganga inn í 144 Crossway vagninn á leið 4 með urmul vagnverja innanborðs. Já, um 18 vagnverjar voru á leið í hádeginu áleiðis í Mjódd & Breiðholt & yfir 20 slíkir sátu sem fastast í 135 vagninum sem ók þýðlega á sömu leið frá Mjóddinni að Hamraborg okkar Kópvæginga.

Dr.-inn lokaði hringnum með sama vagni & í upphafi & kom kátur, reifur & hreifur með þeim sænskættaða að mennta- & menningarsetrinu við Kársnes & Kastala. Nema hvað.

Doktorinn upp úr stólnum sté
strax byrjaði að fagna
því komið var nú hádegishlé
& hélt á vit vagna.


Mynd: http://citybus.piwigo.com/

Á vit vagna ...

Hinn stífi & stirðbusalegi dr. Gylforce er í þann mund að gjörnýta hádegishlé sitt & halda á vit vagna. 

Dr.-inn heldur nú til við Kársnes & Kastala en þar ekur aðeins ein leið um sem er hinn 35. í röð byggðasamlagsins. Hinn kópvægski verktaki út á Kársnesi, Kynnisferðir, sjá um akstur á þeirri leið & hafa boðið oss vagnverjum hinn sænskættaða Volvo-vagn í gríð & erg í sumar. 

Doksa hefir hinsvegar borist það til eyrna að hinn stutti & funheiti MAN vagn sé kominn aptur á vígvelli veganna & vill vitaskuld kanna það til hlítar. Nema hvað.

Ljúfir vagnar lífs & friðar
leið þeirra er vænleg.
Þegar sólin sest til viðar
þrásetið þá hefi ég.

Draumfarir djöfullegar ...

Hinn dreymni & dreissugi dr. Gylforce datt nánast út úr bedda sínum í morgun hvar hann átti harðar & djöfullegar draumfarir. Doksa kallinum dreymdi nefninlega að búið væri að ræna öllu af þeim sem ekkert eiga en öngvu af þeim er auðugir eru.

Dr.-inn vaknaði upp með andfælum eptir draum þennan & fannst hann skrýtið í fyrstu en er hann svo einkennilegur??? Er þetta ekki ákkúrat það sem hefir verið að gerast í okkar þjóðfélagi??? Hvað um það.

Í dag er hinn raunverulegi fyrsti dagur vetraráætlunar byggðasamlagsins. Dr. Gylforce beið öngvra boða & hélt rakleitt á vit vagna.

Þessa dagana er t.a.m. aðreinin lokuð að Hafnarfjarðarvegi, frá hringtorgi við Borgarholtsbraut & suður í Fjörð. Það þýðir að leiðir 1 & 2 verða að aka vestur Borgarholtsbraut, inn Urðarbraut & austur Kópavogsbraut. Þetta tefur vagnana um nokkrar mínútur en er spennandi útúrdúr sem doksi kallinn varð hreinlega að prófa.

Dr.-inn hóaði í sænskan Omnilink á leið 1 & tók nýja hringinn með honum. Fór svá suður með honum & fékk svá hinn glæsilega 198 Volvovagn tilbaka á sömu leið. Sá vagn er alltaf jafn tignarlegur, það vantar ekki. Áður hapði doksi tekið langdvöl góða í hinum sænskættaða 306 vagn á leið 35. Nú er búið að draga hann upp á dekk & virtist hann nú enn tirju- & tuskulegur.

Vagnstjórinn varð hvað eptir annað að stöðva vagninn á leiðinni & djöflast í mælaborðinu til þess að halda för áfram. Enda þótt dr.-inn sé fyrir þá sænsku þá eru margir Volvovagnar þeirra Kynnisferða orðnir nokkuð lúnir & endurnýjunar er þörf. Nema hvað.

Vísnagerð nú vanda skal
& í vagna þjóta.
Gaumgæfa svo vagnaval
& virkilega njóta!

Ætlun vetrar ...

Hinn heilaga hvíldardag seytjánda dags ágústmánaðar hefst vetraráætlun byggðasamlagsins. Fljótt á litið verður hún með svipuðu sniði & síðasta vetur sem eru ákveðin vonbrigði satt best að segja.

Í pípunum hefir verið hjá Strætó bs. að hefja akstur á nokkrum leiðum á sunnudagsmorgnum aukinheldur sem auka hefir átt tíðnina á annatíma á fjölförnum leiðum eins & leiðum 1 & 6. Ekkert slíkt er boðað í vetraráætlun 2014-2015 - því miður.

Til viðbótar við þetta vantar oss kópvægskum Vesturbæjarvagnverjum sárlega leið 36 á nýjan leik sem kemur til með að drífa oss úr hverfinu & rakleitt upp í Hamraborg. Að mati dr.´s þarf vagn þessi ekki að aka um austurbæinn hvar þeir hafa leiðir 4 & 28 með korterstíðni á annatímum. Vesturbæjarvagnverjar hafa ekkert nema leið 35 á hálftíma fresti.

Önnur lending í þessu gæti verið sú að láta leið 35 aka upp Hábraut & stoppa við Hamraborg, halda svo áfram niður Skeljabraut & svo austur Nýbýlaveg. Vagninn gæti gert þetta einungis á annatímum svá við vagnverjar gætum tekið leiðir 1,2,4 & 28 upp í Hamraborg sem eru með 15 mínútna tíðnina.

Gallinn við þetta er auðvitað skert þjónusta við Sæbælinga, Helgubraut & nærsveitir. Vitaskuld þarf að vega þetta & meta en eptir stendur að Vesturbæjarvagnverjar eru útundan í leiðakerfi byggðasamlagsins. Það er bara þannig.

Yfir&út!

Blíðlát bæjarferð ...

Hinn bleikalótti & bísperrti dr. Gylforce brá sér af bæ - eða öllu heldur laut - & hélt á vit vagna í blíðviðri gærdagsins. Er sól gekk til viðar hapði doksi kallinn þrásetið sex vagna & kynnst urmul vagnverja. En ekki hvað???

Hinn aldni vagnverji hapði unga vagnverjann sér til fulltingis í ferðum sínum. Þeir feðgar biðu öngvra boða & hóuðu í sænskættaðan kagga á leið 35 hér í Voginum. Þar birtist að þessu sinni 309 Volvovagn þeirra Kynnisferða & virðist vera búið að lappa aðeins upp á hann fyrir baráttu vetrarins.

Eptir enn einn eðalhringinn um Voginn settust þeir kumpánar í Karosavagn númer 169 á leið 4 & héldu með honum rakleitt að Hlemmi. Frá miðstöð vagnanna tóku þeir 137 Crossway vagn á leið 13. Í sumar hefir nýju Crossway vögnunum verið róterað vel á leiðum en síðasta vetur tóku 141 & 142 slaginn á hinni þrettándu leið. Hvað um það.

Dr.-inn fagnaði ógurliga hvar hann sá hinn sænskættaða Omnilink vagn númer 106 á leið 1. Öngvin spurning þar. Doksi kallinn hepði viljað komast í Omnicity sem voru á vappi á leið 3 en það verður að bíða um sinn.

Áður en dr.-inn komst í fegurstu laut jarðarkringlunnar fór hann á fjörurnar við sænskættað stál frá Kynnisferðum upp í Kór & vel tilbaka. Hinn spánnýi & spennandi 307 VDL-vagn var hinsvegar víðs fjarri að þessu sinni. Nema hvað.

Doktor á flakkið fór
fann urmul vagna
niðrí bæ & uppí Kór
& át svo lasagna!



Mynd: hekla.is