Fundur, fundur ...

Kynningarfundir komnir af stað
kynna gagnlegt mál.
Mikið er á miðlum bloggað
margir alveg brjál.

Verkefnastofa Borgarlínu og Strætó hafa hrint af stað kynningarfundum til þess að kynna hið veigamikla verkefni sem Borgarlínan er. Aukinheldur fær nýtt leiðanet Strætós kynningu á fundum þessum & því mikilvægt að fara á fund & kynna sér málið. En ekki hvað???

Í dag, 29. október, er komið að Háskólatorginu og munu fulltrúar frá þessum aðilum standa þar vaktina frá kl. 12-18. 

Það er vel að Borgarlínan sé kynnt rækilega enda sýna kannanir að rúmlega 40% aðspurðra þekkja hana ekki vel eða misskilja hvað hún er. 

Dr. Gylforce hefir í hyggju að kíkja vestur í bæ & vonandi verður hann margs vísari fyrir vikið.

Sænska veikin ...

Einatt þegar dr. Gylforce heldur á vit vagna virðist hellast yfir hann einhvers konar "sænsk veiki" hvar hann einfaldlega verður að eiga þrásetu & langdvöl í sænskættuðum strætisvagni. Nema hvað. 

Svona er víst sænska veikin
ef vel er að gáð.
Algjörlega illa leikinn
alger neyð í bráð.

Vagnar frá Svíaríki mega reyndar muna sinn fífil fegurri hvar þeir óðum eru að týna tölunni á vígvöllum veganna.

Örfáir Scania vagnar eru eptir & enn færri Volvoar. Illu heilli.

Sem betur fór voru tveir sænskættaðir vagnar á vachtinni á leið 4 hér í gettóinu nú síðdegis. 

Dr. Gylforce beið öngvra boða; hann gjörðist kvikinskur & kærulaus á komandi verkefni & kúrði kátur & keikur í sínum sænsku vögnum. En ekki hvað???

Góðu fréttirnar í vagnamálum eru þær að nýjasti vagninn í flota Strætó bs. er sænskættaður & má búast við hvíta 101 metan-beljakanum á vígvöllum veganna á allra næstu dögum.

Það verður gaman.

Yfir&út!

Norðurljós á leið ...

Rannsóknir vagna reyna á
rembist þeim að sinna.
Öngva daga ég sit hjá
þett´er botnlaus vinna.

Hinn netti & þétti dr. Gylforce hélt í sínar vagnarannsóknir í norðurljósadýrð gærkvöldsins. Nema hvað.

Einar Ben, sá er vildi norðurljósin selja, orti um þau svo fagurliga:

Veit duftsins son nokkra dýrlegri sýn
en drottnanna hásal í rafurloga?

Hvað um það.

Það voru fáir vagnverjar á ferli í gærkvöldi, ugglaust allir í leið 11 á leið út að Gróttu til að sjá ljósapartýið á himnum sem best.  

Dr. Gylforce einhenti sér hinsvegar inn í leiðir 2 & 4 við Mjódd okkar Breiðhyltinga & tyllti sér síðan í kirkjugarð þeirra Kópvæginga til þess að fylgjast með sjónarspili himinsins. Maður lifandi!

Á ferli fölur sem nár
fer í vagna ótrauður.
Þótt hann sé gugginn & grár
er Gylforce-inn ei dauður.

 

Norðurljósamynd: vedur.is

Vetni, rafhlöður eða metan fyrir vagna Borgarlínunnar ...???

Græn er orkan okkar
er endurnýjanleg.
Nú fara menn að flokka
fer allt á besta veg.

Græn Borgarlína

Það berast enn spennandi fregnir af hinni svokölluðu Borgarlínu. Á dögunum undirrituðu Strætó bs., Landsvirkjun, Vegagerðin og Samtök sveitarfélaga á höfuðborgarsvæðinu (SSH) samkomulag hvar leitað verður lausna & fundinn hentugasti orkugjafinn fyrir vagna Borgarlínunnar. Áætlað er að fyrstu tvær línur hennar hefji akstur árið 2023.

Markmiðið er að línan verði vistvæn og orkugjafinn innlendur. Vetni, rafhlöður og metan hafa mismunandi eiginleika og koma allir til greina fyrir vagna Borgarlínunnar.

Dr. Gylforce hélt reyndar að búið væri að ákveða að um rafvagna yrði að ræða en um að gera að fara í rækilega greiningu á því hvað sé hentugast.

Vonandi tekur sú vinna ekki of langan tíma því útboðið sjálft á vögnunum verður líklega flókið og nokkuð tímafrekt eins & gengur & gerist hjá opinberum aðilum.

Vetni? Metan? Rafmagn? Dr.-inn er orðinn spenntur nú þegar - maður lifandi!!!

 

Enn meira metan ...???

Hvítur & hreinn er
hraustur á velli,
útblástur minni
yndislegt lopt.
Metanvagn hér
mér ég í skelli,
ver´í þeim inni
virkilega opt.

Dr. Gylforce leitar nú dyrum & dyngjum að nýjasta vagni í flota byggðasamlagsins, hvar sá er hvítur að lit aukinheldur að vera metanvagn með raðnúmerið fyrsta & geðþekka, 101. Maður lifandi!

Dr. Gylforce langar svá að sjá hann á vígvöllum veganna & mæla: "Sjaldséðir eru hvítir vagnar." Hvað um það.

Svá virðist sem Strætó bs. hafi hug á að festa fjár í enn fleiri metanvögnum sem er fagnaðarefni. Forvígismenn SORPU hafa t.a.m. komið á fund hjá stjórn byggðasamlagsins til skrafs & ráðagerðar um væntanlega hvu mikið hægt er að framleiða af metangasi & afhenda upp á Hestháls eða því sem næst. Nema hvað. 

Annar af gömlu metanvögnunum, 119 vagninn, hefir sést aptur á vígvöllunum & var á leið 4 í gær.

Illu heilli náði dr. Gylforce ekki í skottið á honum en vonar að vagninn sá eigi töluvert eptir á tanknum til þess að gleðja oss vagnverja með sænskættuðu stáli & hreinni útblæstri.

Yfir&út!

Gaflaragleði ...

Velkominn vertu
í vagninn góða
vinir í sætum,
vinsemd & ró.
Kær okkur ertu,
eðall fjársjóða 
dansandi á strætum,
dásemd - bravó!

Gaflara-gleði

Þá er loksins komið á hreint hvernig leiðakerfi þeirra Gaflara verður háttað. Dr. Gylforce hefir nú æði opt gagnrýnt það hér í bloggi þessu & góðu heilli á nú að einfalda það til mikilla muna. Hipp-hipp-húrrey!

Gylforce-inn vonar heitt & innilega að Gaflarar taki breytingu þessari vel en næsta sumar verða aðeins tvær leiðir innanbæjar, leið 19 & 21 auk leið leiðanna, leið 1 & leið 55. Nema hvað.

Fyrirhugaðar breytingar ríma vel við Borgarlínuna - sem er vel - & hlakkar hinn lautelski doktor til sumarsins til þess eins að líða um lendur Hafnfirðinga í þessum tveimur leiðum.

Amen. 

Brenglar Borgarlínan borgarbúa ...???

Borgarlínan brenglar

Sit inn í vögnum
saddur & glaður,
Hér eru verjar
hér er fjör!
Þessu við fögnum
þægilegur staður,
á okkur senn herjar
unaðsleg för.

Hinn torráðni & tregi dr. Gylforce hefir dregið sig í hlé undanfarið en brýst nú út í bloggheima sína með berserks- & æðibunugangi miklum. Ó-já. Maður lifandi!

Það hefir vakið gjörhygli Gylforce-ins hve margir borgarbúar, eða ríflega 40%, halda að Borgarlínan sé annaðhvort lestakerfi (hrað- eða léttlestir) ellegar sporvagnakerfi. Hún er nefninlega hvorugt. Hún er gæða strætókerfi, jafnvel hágæða.

Dr. Gylforce telur að það hafi ekki verið gáfulegt að koma upp með nafnið Borgarlína. Með því halda flestir að eitthvað annað sé í vændum en bara hepðbundið vagnakerfi. Nema hvað.

Hinsvegar má segja nafninu til varnar að í upphafi var ákveðið að kanna hagkvæmni og kostnað við einhvers konar lestakerfi. Fékk verkefnið því nafnið Borgarlína. Eptir ítarlegar rannsóknir var fallið frá því að hafa línuna lestakerfi, einkum vegna mikils kostnaðar, en þó með því að búa svo um hnútana að hægt sé að breyta henni í slíkt kerfi í framtíðinni, ef vilji er fyrir því. 

Það var &.

Amen.

Nýtt leiðanet á laggirnar ...

Sett á laggirnar leiðanet
lít ég á það brátt.
Búast má við á beinum ket
býst ég við langri nátt.

Hið lostfagra leiðanet

Hið nýja leiðanet leit dagsins ljós á dögunum, hvar óhætt er að segja að með neti þessu verður gerbreyting á almenningssamgöngum á höfuborgarsvæðinu. Maður lifandi!

Leiðanetið er enn í mótun & geta áhugasamir mætt á fundi sem fyrirhugaðir eru & vonast dr. Gylforce um að sitja þá nokkra. Nema hvað.

Þangað til hyggst Stútulautardoktorinn stúdera þessar fyrstu tillögur sem minna hann í fljótu bragði á leiðakerfisbreytingarnar sem gerðar voru hjá Strætó sumarið 2005. Meir um það síðar.

Tengikerfi/púlsakerfi ...

Leiðakerfi tillögur

Á dögunum komu hingað bandarískir háskólanemar hvar verkefni þeirra var m.a. að rannsaka leiðakerfið hjá Strætó og koma með hugsanlegar úrbætur.

Nemarnir voru nokk fljótir að spotta út að eitt & annað er athugavert við tengikerfið hjá Strætó, svokallað púlsakerfi, sem þýðir að strætóleiðir koma á svipuðum tíma í Hamraborgina, Mjóddina, Fjörðinn, Ártún, Ásgarð & Spöngina til þess að vér vagnverjar þurfum ekki að bíða þegar við skiptum um vagn. Nema hvað.

Á annatíma fer tengi/púlsakerfið út um þúfur því strætisvagnar sitja fastir í umferðarteppum sem þýðir að vagnverjinn þarf að hinkra lengi eptir næstu leið er aptur gerir hann efalítið ergilegan. En ekki hvað???

Púlsakerfi á bak & burt
er Borgarlínan hefst?
Kannski verður það um kjurt
& kerfið áfram tefst?

Nemendunum finnst affarasælla að segja skilið við tengi/púlsakerfið & auka tíðni á leiðum til að lágmarka biðtíma verjanna. 

En er það ekki mun dýrari lausn? Dr.-inn hepði nær haldið það. Hann vissulega myndi fagna því ef tíðnin verði aukin - maður lifandi! 

Það verður því fróðlegt að sjá hvernig leiðakerfið verður aðlagað að fyrirhugaðri Borgarlínu & þá hvort tengi/púlsakerfið heyri ekki sögunni til.

Fuðra upp aðeins fimm ára ...

Eldurinn blossar ótt
ekki var sá á leið.
Greip um sig skelfing skjótt 
skapaðist þó öngvin neyð.

Eldur í vagni

Dr. Gylforce er heldur dapur í bragði dag þennan, hvar einn af vinum vorum - vögnunum - tók upp á því að brenna á sér apturendann í morgun. Nema hvað.

Góðu heilli hapði vagn þessi, 179 Iveco Crossway, sem er tæplega fimm ára gamall, nýlokið akstri um morguninn á annatíma & var kominn upp í höfuðstöðvar Strætó að Hesthálsi. En ekki hvað???

Vitaskuld gera slysin ekki boð á undan sér. Dr.-inn er hinsvegar hugsi yfir því að ekki eldri vagn en þetta fuðri upp. Doksi kallinn hepði skilið það betur ef einhver af gömlu jálkunum hepðu langað að hita sig vel upp :)

Hvað um það. Vonandi verður hægt að lappa upp á þennan fína vagn en þó er ljóst að skemmdirnar eru talsverðar.

Yfir&út!

Myndir: mbl.is