Næsta stans - Ísland trans ...

Fjölbreytileika nú fögnum
flottur þessi vagn.
Allir með öllum í vögnum
ekkert bölv & ragn!

Stjórnendur Strætós bs. halda áfram að gleðja oss vagnverja með fallega skreyttum rafvögnum. Maður lifandi.

Að þessu sinni er kominn á vígvelli veganna glæstur vagn í tilefni Hinsegin daga 2020. Vagninn er sumé tileinkaður transfólki á Íslandi og réttindabaráttu þeirra.

Vagn þessi hepði efalítið verið fremstur í flokki í Gleðigöngunni en hún hefir verið blásin af í ár vegna kórónuveirunnar sem er skiljanlegt & skynsamlegt.

& talandi um veiruna skæðu:

Nú urmull Íslendinga
afneitar veiru.
Baulið í honum Binga
bölvanlegt í eyru.

Bollaleggingar Binga

Endurtaka þarf leikinn ...

Er nú framkvæmdafrestun
fljótt þarf að brúa bil.
Borgarlína er bestun
borgarbúum heilla til.

Foxvoxbrúin fagra

Illu heilli var hönnunarsamkeppni um Fossvogsbrúna fögru felld úr gildi á dögunum. Ljóst er að halda þarf aðra keppni sem mun fresta framkvæmdum um einhvern tíma.

Talsmaður Borgarlínunnar telur þó að frestunin hafi ekki áhrif á áætlun fyrsta legg línunnar en hann á að vera tilbúinn árið 2023.

Fossvogsbrúin er vitaskuld lykilatriði í Borgarlínunni enda mun hún valda straumhvörfum fyrir Kópvæginga, einkum þá sem búa á Kársnesinu. Maður lifandi!

Févíti & fokk ...

Ef fargjaldið á
eigi að greiða
mun farþeginn fá
fésekt leiða.

Févíti & fokk

Hægt & bítandi er Ísland að færast inn í nútímann hvað almenningssamgöngur varðar. Góðu heilli. Stafræn strætóskýli með rauntímakorti vagna hafa verið tekin í notkun út um allan bæ, raf- & metanvagnar eru að ryðja sér til rúms, greiðslulausnin Klappið er handan við hornið aukinheldur sem Borgarlínan er í burðarliðnum. Maður lifandi!

Aukinheldur er í smíðum í samgöngu- & sveitarstjórnarráðuneytinu lög sem heimila að beita sektum eða svokölluðum févítum á þá farþega sem ekki inna greiðslu af hendi í vini vora - vagnana. 

Það verður sumsé ekki lengur í höndum vagnstjórans að fylgjast með hvort vagnverjar borga eður ei. Það er vel. Hlutverk hans á eingöngu að vera aksturinn, halda áætlun & aðstoða vagnverja sem þurfa á því að halda en reyna þó að lágmarka slíkt. Óþarfa spjall við vagnstjórann er ekki lengur í boði. Hvað um það.

Enn & aptur - það eru því spennandi tímar framundan.

Velvakandi verktakar ...

Ekki falla í fúlan pytt
forstjóri með meiru.
Splæstu í alla vagna spritt
spornaðu við veiru.

Dr. Gylforce gerði mjög svá óvísindalega könnun á þessum annars milda frídegi verslunarmanna. Maður lifandi.

Dr.-num lék forvitni á að vita hvort sprittbrúsar væru í vinum vorum - vögnunum. & til að athuga málið varð doksi kallinn að taka hús á leiðum sem eru í umsjá Strætó bs. & verktaka. En ekki hvað???

Gylforce-inn gekk hnarreistur inn í leið 3 hvar byggðasamlagið sjálft sér um akstur á þeirri leið. Öngvann sprittbrúsa var í vagninum að sjá - illu heilli - en vagnverjar voru þó velflestir með grímu.

Því næst tók dr. Gylforce hús á leið sem Kynnisferðir annast, leið 15. Þar var spírinn góði í brúsa fremst á áberandi stað & allt til fyrirmyndar. Vel gert!

Að lúkningu sté dr.-inn inn í leið 11 sem er á vegum Hópbíla. Þar var einnig brúsa að finna þannig að í fljótu bragði má segja að verktakar á vegum Strætó bs. séu með puttann á púlsinum & velvakandi meðan byggðasamlagið sjálft þarf að gyrða sig í brók.

Koma svoooooo!

Gríman grímulaus áróður...???

Höldum áfram herjans glímu
við hina veiru skæðu.
Höfum uppivið andlitsgrímu 
ásamt hugarfari jákvæðu.

Gríma - ekki gríma???

Eitthvað virðast skilaboðin frá byggðasamlagi Strætó vera misvísandi þessa dagana. Almannavarnir gáfu út í gær að nota ætti grímur í almenningssamgöngum & voru stjórnendur Strætós snöggir til. En ekki hvað???

Frá og með hádegi var skylda að nota grímur í vögnunum, hvar dr.-inn lét ekki sitt eptir liggja & hélt á vit vagna vopnaður einni slíkri. Nema hvað.

Ekki var nú gott að hafa grímuna & gleraugun samtímis hvar dr.-inn lagði glerið því til hliðar. Langflestir vagnverjar höpðu grímu á sér sem var vel aukinheldur sem allir vagnstjórar báru slíkt. Hvað um það.

Nú síðdegis breytti svá Strætó verklagi sínu & gaf út að gríman sé ekki skylda en mælist þó með að verjar noti hana.

Það var og. Koma svo - við erum öll almannavarnir.

Næturstrætó á ný ...???

Laganna verðir vilja nú
vekja upp næturvagna.
Opnun lengja - fáir edrú
eigendur bara fagna.

Næturstrætó á ný???

Yfirmenn löggæslunnar í landinu létu af orðastympingum & einelti sín á milli eina stund í gær, hvar einn af þeim mætti á upplýsingafund Almannavarna. Góðu heilli!

Til skoðunar er að lengja opnunartíma öldurhúsa til jafnvel kl. 01 eftir miðnætti í ágústmánuði. Til að koma í veg fyrir svokallaða hópamyndun eptir lokun skemmtistaða vill lögreglan að Strætó bs. endurvekji næturvagna sína. 

Það er vel.

Þeir voru hinsvegar ekki mikið nýttir meðan þeir voru við lýði. Hinar svokölluðu stofnleiðir í leiðakerfinu - leiðir 1-6 - hætta margar akstri rúmlega 24 þannig að þær ættu að duga ef opnunartíminn verður aðeins lengdur um eina klukkustund.

Sjáum hvað setur.

Yfir&út!

Amatörinn amma ...

Í ræmunni var rugl
um ribbaldann Hófí.
Víxluðust vagnar - þrugl
viðvaningslegt en hví???

Dr. Gylforce brá sér í kvikmyndahús í gærkvöldi, hvar hann fór á skemmtilega mynd um hana Ömmu Hófí. Nema hvað.

Aðalpersónur myndarinnar ferðuðust góðu heilli í vinum vorum - vögnunum - grimmt en aðeins suður í Firði.

Hinsvegar brá dr.-num í brún hvar þau skunduðu inn í rafvagn við Fjörðinn. Afar sjaldgæft er að sjá þá á þeim slóðum enda væri það aðeins hægt á leið leiðanna, leið 1. Þar eru þeir sjaldan á vaktinni.

Steininn tók þó úr þegar persónurnar, Hófí & Pétur, vippuðu sér í rafvagninn er ók af stað. Næsta skot var þyrlu (eða dróna) skot en þá sást allt annar vagn!!! Þar var Iveco Crossway vagn á ferðinni - öngvinn rafvagn - maður lifandi!!!

Hvaða amatörar stóðu að þessari mynd???

Dr.-inn er furðu lostinn, jafnvel niðurbrotinn.

Inn að aptan nyrðra ...

Inn að aptan hér við lýði
öngvin er véfrétt.
Vilja bara hlýða Víði
vagnstjórum er létt.

Það hefir vakið gjörhygli Gylforce-ins hvar enn er oss vagnverjum meinað að ganga inn í vagnana hér nyrðra að framan vegna Covid-19.

Hvers vegna það er enn við lýði hér í höfuðstað Norðurlands er dr. Gylforce ekki kunnugt um, en öngvu að síður skapar þetta lítið vandamál hvar gjaldfrjálst er í vagnana.

Vagnverjarnir geta valsað inn & út að aptan & hefir það lítil áhrif, ólíkt byggðasamlaginu fyrir sunnan en þar þvældist greiðslan eilítið fyrir í framkvæmdinni. Hvað um það.

Annars er vagnakostur Strætisvagna Akureyrar með miklum ágætum. Undanfarin ár hefir flotinn verið endurnýjaður & er t.d. möguleiki á að hafa 75-100% af vögnunum sem eru í umferð metanvagna.

Það er glæsilegt - & sænskættaðir í þokkabót! 

... "komist í sjúklegar álnir" ...

Er hann kom í höfuðstað
hjá Norðlendingi.
Strax í metan - en ekki hvað?
Indæla fór hringi. 

Sjúklegum álnum situr í 
sá guli er sko hnoss.
Ábyggilegur um borg & bí
brosmildur er Gylfoss.

Hinn ungi & aldni vagnverji voru vart komnir inn Eyjafjörðinn, hvar þeir einhentu sér um hæl í hina sænskættuðu metanvagna hér nyrðra. Unaður.

Reyndar var aðeins leið 6 á vaktinni líkt & Oddeyringar hafa um helgar. Leiðin sú fer um nær allar lendur nyrðra & er fyrirtaks "sightseeing" um höfuðstað Norðlendinga. Nema hvað.

Hopp & vagn - skopp & fagn ...

Á hoppandi flakki feðgar nú
flottar eru rafskútur.
Við vagna held enn tryggð & trú
tek mér mínar mínútur.

Hinn ungi & aldni vagnverji héldu rakleitt í leið 4 frá Stútulautarselinu i ágætisveðri, hvar þeir ætluðu að bardúsa nokk sem mikið er í uppáhaldi hjá þeim; vagn & hopp. Maður lifandi!

Leiðir 3, 4, 14 & 17 komu við sögu hjá vagnverjunum víðförlu aukinheldur sem rafskútur frá Hopp voru brúkaðar af miklum móð í miðbænum. Þvílíkt stuð!

Fleiri svona daga takk!