Stappað í strætó ...

Glaðan dag að gera sér
í glampandi sól.
Strætisvagn þá ávallt er
okkar besta skjól.

Huga þarf að tíðni hér
á hátíðardegi.
Fjölga ferðum í korter
svo fækki verjum eigi.

þjappað á þjóðhátíðardaginn

Að vissu leyti teljast það gleðileg tíðindi hvar urmull vagnverja hugðist fara með vinum vorum - vögnunum - í miðbæinn á sjálfan þjóðhátíðardaginn. Maður lifandi.

Illu heilli hefir sunnudagsáætlun verið í gangi þennan dag. Urðu því nokkrir vagnverjar frá að hverfa & bíða í hálftíma eptir næsta vagni.

Vonandi kippir Strætó bs. þessu í liðinn fyrir næsta þjóðhátíðardag & býður upp á þéttari tíðni á stærstu leiðum sínum.

Amen.

Sá seytjándi ...

Heyrðu vinur vagninn minn
vinur snjalli kæri.
Ert’að aka hringinn þinn
án þess að ég þar væri?

          ---
Þá er komin þjóðhátíð
þessi dagur fagur.
Yndi fyrir land & lýð
ljúfur, fagur dagur.

Fjas fyrir fjölmiðla ...

kvart og kvein

Kolbrúnu er tamt að kvarta
kemst á stóra sviðið.
Með nöldri reynir að narta
í neikvæða liðið.

Dr. Gylforce finnst alltaf jafn merkilegt hve fjölmiðlafólk er fljótt að hoppa á hinn svokallaða neikvæða vagn. Það er líklega eini vagninn sem dr. Gylforce vill ekki sjá neins staðar! Burt með hann!!!

Í fréttum gærdagsins skeiðaði borgarfulltrúi Flokks fólksins fram með "stórfrétt" þess efnis að athugasemdir/ábendingar séu tæplega 9000 á undanförnum þremur árum hjá Strætó bs.

Sumsé, um 3000 á hverju ári.

Áður en lengra er haldið skal tekið skýrt fram að dr. Gylforce tengist Strætó bs. ekki á nokkurt hátt, aldrei unnið þar, setið í stjórn eða neitt þess háttar.

Þrjúþúsund er há tala en í hvaða samhengi er hún? Hepði ekki verið ráð að segja frá í fréttinni að Strætó bs. flytur 11,4 milljón farþegar/vangverja á hverju ári? Að byggðasamlagið hefir 125 vagna á sínum snærum á annatíma akandi svo marga kílómetra að dr.-inn kann ekki að nefna hana???

M.o.ö., að mati dr.-ins virðist borgarfulltrúinn einfaldlega ekki gera sér grein fyrir umfangi byggðasamlagsins & klykkir út með því að halda að athugasemdirnar ættu að vera um 100-200 talsins.

Með neikvæðni að vopni nær þó fulltrúinn eyrum fjölmiðla, gagnrýnir meirihlutann í Reykjavík óbeint & skorar örugglega hátt hjá kjósendum sem líður svo vel við að heyra neikvæðar fréttir. 

Vissulega er þó alltaf hægt að gera betur. Það er upplifun sá er hér párar að á allra síðustu árum hafi Strætó bs. gert skurk í að bæta þjónustu sína, tekið upp gæðakerfi & reynt virkilega að bæta ímynd fyrirtækisins. 

Vonandi verður framhald á því.

Vonbrigði vagnverjans ...

Eins & títt er á þessum tímapunkti í skólaárinu var komið að því að uppfræða ungviðið í mennta- & menningarsetrinu útivið í einmuna veðurblíðu. En ekki hvað???

Dr. Gylforce stakk að sjálfsögðu upp á eðal vagnaferð með ungmennin hvar hann langaði með þau í fjöruferð; þang & þari, hrúðukarlar & hagaköngulær. Nema hvað.

Það vakti gjörhygli Gylforce-ins hve illa öllum leiðum tókst að halda áætlun. Doksi kallinn var með unglingana utan annatíma, um sumar en samt sem áður voru allar leiðir með seinkomur upp á 4-6 mínútur. Nokk furðulegt.

Dr. Gylforce hélt með ungviðið frá Kársnesi að Ægisíðu með leið leiðanna - leið 1, leið 15, leið 11 & leið 4. Hvað um það.

Já, þetta voru svo sannarlega vonbrigði vagnverjans, allar þessar seinkomur. Maður lifandi!

Inn í ellefuna arka
með eðalnemendur.
Fer svo næst í fjarka
fjarska sólbrenndur.

Í vagni að Ægisíðu
með yndislegan feng. 
Með börnin í veðurblíðu
í barndóm aptur geng.

Milljón ellegar munaðurinn ...???

Milljón ellegar munaðurinn???

Ein milljón á ári
í umferðarfári.
Eða undir hundrað
sem er vert undra
& magnaðar ferðir fjári.

Byggaðsamlagið Strætó heldur ótrautt áfram að hvetja alla til þess að nýta sér vistvæna samgöngumáta á borð við vagnana, vini vora. Nema hvað.

Nú hefir samlagið í samstarfi við tvö önnur firma á boðstólum 50% endurgreiðslu á tveimur fargjöldum í gegnum Strætó appið. Gildir þetta kostaboð í júní.

Þá kemur aukinheldur fram í fréttinni hér að ofan að árlegur rekstrarkostnaður bifreiðar er um ein milljón króna. Árskort í strætó er undir 70.000 kr. Yfirleitt duga nú vagnarnir ekki einvörðungu en ef verjar vorir eru snjallir & skynsamir geta þeir notfært sér deilibíla (zip car), fengið far, brúkað hjólfákinn & vitaskuld hina margrómuðu - tvo jafnfljóta.

Með því móti er hægt að spara sér umtalsverðar fjárhæðir sem flestir myndu taka fagnandi. Maður lifandi - en ekki hvað???




Efsta mynd: eyjan.is

Leið leiðanna leiðandi ...

Leið leiðanna, leið 1, ber ægishjálm yfir aðrar leiðir hvað fjölda vagnverja varðar. Nema hvað.

Langflestir verjarnir gera sér far með leið þessari sem hefir leik suður á hafnfirzkum völlum & ekur beina & fagra leið um lendur Garðbæinga, Kópvæginga; framhjá Kringlu, HÍ, Lækjartorgi hvar hún lýkur leik við Hlemmtorgið huggulega. & svá aptur tilbaka - en ekki hvað???

Í ljósi þessarar talna um vagnverjanna vekur það nokkra undrun hjá dr. Gylforce að 1. áfangi Borgarlínunnar skuli ekki ná allavega frá Firði um Hamraborg & þaðan í miðbæinn. Áætlanir línunnar gera ráð fyrir að hún hefjist við Hamraborg & fari niður í bæ um Kársnesið & svá fari úr bænum upp í Ártún. Hvað um það.

Þá er aukinheldur furðulegt að leið 6 hefir sömu tíðni, 10 mínútur á annatíma eins & leið leiðanna, leið 1. Aðrar ekki. Upp úr dúrnum kemur að sexan, leið 6 er aðeins fjórða vinsælasta leiðin í hinu lostfagra leiðakerfi.

Næstar á eptir ásnum eru leiðir 12, 3 & 4. Munar reyndar litlu á leiðum 3, 4 & 6 en samt eitthvað sem byggðasamlagið þarf að skoða vandlega enda hefir það í bígerð að auka tíðni á aðalleiðum sínum niður í 7,5 mínútur.

Það verður spennandi að sjá hvort eitthvað verði til í peningakassanum til þess að hrinda því í framkvæmd. Vonandi. 

Amen.

Vagnverjinn situr í ásnum
voldugur & stór.
Í unaðinum innblásnum
umlar sitt faðir vór.

Hún er ein af okkar djásnum
eptir mikið þjór.
Fráleitt fer hjá Grensásnum
finnst þar öngvinn bjór.

Hringinn í kringum Kópavog ...

Hinn sérhlífni & síngjarni dr. Gylforce hefir nú opt ætlað sér hagldirnar en hinum töglin í lífi sínu. Hvað um það.

Það hefir vakið gjörhygli Gylforce-ins í ársskýrslu Strætó bs. hvað svipaður fjöldi vagnverja virðist nota hringleiðirnar 35 & 36 í Voginum fagra. Fyrir nokkrum árum var akstri á leið 36 hætt í hagræðingarskyni & líka vegna þess hve fáir nýttu sér ferðirnar. 

Góðu heilli virðist nú annað uppi á teningnum. Fyrirfram hepði það ekki komið dr.-num á óvart ef leið 35 - réttsælis að Hamraborg - væri vinsælli en sú er fer rangsælis að borginni háu & fögru.

En getur verið, að tölfræði byggðasamlagsins sé einfaldlega betra nú en áður??? Á síðasta ári var í fyrsta sinn sama tíðni á öllum leiðum allt árið & því loxins hægt að skoða fjöldann á öllum leiðum. Í ár kemur örlítil skekkja í tölfræðina hvar þrjár leiðir 18, 24 & 28 hafa ekki sömu tíðni allt árið & dregið er úr ferðum á kvöldin.

Vonandi er þetta síðasta árið með þessu skerðingarrugli. Nema hvað.

Um Kópavog í kringum
keyra leiðir tvær.
Í unaðlegum hringum
eru báðar þær.

Þrettándinn & þingmannaþvaður ...

Ugglaust eins & stór hluti þjóðarinnar fylgdist dr. Gylforce með sjónvarpi Alþingis í nátt & síðustu nátt. Nema hvað.

Doksi kallinn hapði meðferðis popp & sódavatn (Maxlaus mánuður) & fylgdist agndofa með eldræðum & orðkynngi þingmanna Miðflokksins. En ekki hvað??? Hver vill missa af þessum munaði???

Steini Sæm & Doktorinn*
spjalla ei við aðra.
Umræðan er orkupakkinn
endalaust þeir þvaðra.

Inn í salinn Simmi Dé
syfjulegur með bauga.
Ekkert veit hvað er að ske
alls staðar sér drauga.

*Dr. Ólafur nb. (ekki dr. Gylforce)


Hvar dr. Gylforce er víst úr holdi & blóði þurfti hann á hvíld að halda eptir þennan mergjaða málflutning Miðflokksmanna & var þá fátt betra en að halda á vit vagna; halda í griðland Gylforce-ins.

Dr. Gylforce kom sér í kynni við leið 13 - eða þrettándann svokallaða - eptir kennslu í mennta- & menningarsetrinu & dormaði doktorinn títt & ótt meðan vagninn leið um vesturbæ þeirra Reykvíkinga & safnaði kröptum. Nema hvað.

Leið þrettán þaut
- þýðlega
Var á beinni braut
- bráðlega
Vagnverjanna naut
- vandlega
Glyrnum mínum gaut 
- glaðlega
Hitti þá fúlan faut
- fljótlega!



Myndir: mbl.is & citybus.piwigo.com

Málþóf & munaður ...

Hinn munúðarfulli & makindalegi dr. Gylforce mjakaði sér mikið í vagnana í blíðviðri helgarinnar. Nema hvað.

Það fór vel á því að einhenda sér á leið eptir að hafa fylgst gaumgæfilega með þingmönnum Miðflokksins í hrókasamræðum við sjálfa sig nátt eptir nátt á hinu háa Alþingi. En ekki hvað??? 

Miðflokkurinn í málþófi nú
með miklu fjáraustri.
Í sinni vinnu varla edrú
vaktina end´á Klaustri.

Dr. Gylforce tók vel hús á fjórum leiðum hvar hann heimsótti dekk & drif þeirra í sífellu. Var hér um að ræða leið leiðanna, leið 1, leið 4 & hringleiðirnar huggulegu í Voginum fagra, leiðir 35 & 36.

Doktorinn fékk dýrindisferðir með öllum þessum leiðum & vögnum hvar hann náði átta unaðsrúntum á vel lukkuðum laugardegi. 

Meira svona.

Amen.

Skýtur skökku við ...

Skýtur nú skökku við 
skerðingin rugl.
Ei get hana afborið
endemis þrugl!

Skerðing í sumar

Dr. Gylforce verður ávallt dapur í bragði, hvar hann les & fréttir af skerðingum í hinu lostfagra leiðakerfi höfuðborgarsvæðisins. Nema hvað.

Það er þó vert að staldra við þessa þjónustuskerðingu. Hún einfaldlega skýtur skökku við. Í fjölmiðlum & á samfélagsmiðlum sjáum við t.d. borgarstjórann okkar geðþekka annaðhvort ræða um Borgarlínuna ellegar vera bergnuminn yfir almenningssamgöngunum í Osló. Á svipuðum tíma er samflokksmaður hans & fulltrúi Reykvíkinga í stjórn Strætós að samþykkja skerðingu á vögnunum í sumar. Aukinheldur man dr.-inn ekki betur en fyrrum stjórnarformaður Strætós - & flokkssystir þeirra beggja - hafi rætt um það í fyrra (eða hitteðfyrra) að sumaráætlun Strætós væri tímaskekkja. 

Henni er dr. Gylforce algerlega sammála. Með sumaráætlun & skerðingu felst ákveðin viðurkenning í að almenningssamgöngur séu aðallega fyrir nema & eigi að vera öflugar á veturna en svona la la á sumrin. 

& þá skal munað: Eigi er nemi nemi nema hann nemi. Nema hvað. Já, nema hvað???

Nóg í bili. Dr. Gylforce er brjálaður yfir þessari skerðingu.

Yfir&út!