Lystugur & leiði-gjarn ...

Hinn stútungi en þó stæðilegi dr. Gylforce frá Stútulaut hefir stundað vagnarannsóknir sínar grimmt undanfarna daga hvar hann hefir borið niður í ýmsar leiðir & vagna. Doksi kallinn hefir aukinheldur brúkað & haft til fulltingis hugbúnað nokkurn er yfirleitt er kallaður „app" í daglegu tali. Nema hvað.

  

Með unaðslegt strætó app
alla vagna í síma.

Vagnaferðir um hvipp & hvapp

hvarvetna alger príma.

Dr.-inn gerði sitt ítrasta til þess að komast í hinn spánnýja & spennandi VDL-vagn á leið 28 um helgina & tókst það í tvígang. Nokk vel gert. Hann sveif með þessu töfravagni tvisvar sinnum að Mjódd þeirra Breiðhyltinga. Þar sá doksi kallinn í fyrra skiptið fyrsta Crossway-vagn þeirra Fjarðarmanna, 201 vagninn á leið 11 & einhenti sér um borð. 

Dr.-num finnst alltaf jafn undarlegt að líða um með leið 11 í gegnum Bústaðaveginn að Háaleitisbraut & koma við á biðstöð er ber heitið „Miðbær".  Í huga dr.´s er miðbær þeirra Reykvíkinga á öðrum stað en við leitin háu. Hvað um það.

Dr. Gylforce hapði & litla vagnverjann með sér við helgarrannsóknirnar sínar. Er þeir feðgar sáu hinn stutta 159 Heuliezvagn á leið 17 voru þeir & sammála. Inn skyldi haldið. Í þessum snotru vögnum er breitt sæti sem hentar mjög vel fyrir litla & stóra vagnverjann. Héldu þeir & með Heuliezvagninum að Mjóddinni eptir stuttan en góðan stanz í hinum eina & rétta miðbæ þeirra Reykvíkinga. 

Frá Mjódd að Hörðuvöllum kemur aðeins ein leið til greina. Leið leiðanna - leið 28. Hinn sænskættaði 310 vagn var á vachtinni & flutti þá feðga farsællega upp á þá hörðustu hvar þeir dvelja nú um stundir vegna mikilla framkvæmda í Stútulautinni.



Efri mynd: citybus.piwigo.com
Neðri mynd: http://www.saltks.is/

Nákvæm nautska ...

Hinn deflaði & dávæni dr. Gylforce dedúaði við vagnana - vini vora - á sunnudaginn hvar hann hringaði tvær leiðir í eptirköstum & þynnku. En ekki hvað?

Doksi kallinn gekk hröðum skrefum að biðstöðinni upp við Hörðuvellina hvar hann sá hinn spánnýja & spennandi VDL-vagn á vachtinni á leið 28; kynsysturnar kátína & kæti svömluðu um hæl um hið spikfeita sálartetur doksa. Hvað um það.

Í þunnudagsþynnkunni
þaut hann af stað.
Doktorinn í drykkjunni
dátt - nema hvað???

Eptir unaðshring með hinum spánnýja 307 var röðin komin að 140 meginlands Crossway vagninum á leið 4. Dr.-inn endasentist með honum um Neðra-Breiðholt, Efra-Breiðholt, Smiðjuveginn - grá gata/gul gata/Golgata, Nýbýlin, Álfhólinn & að lúkningu um hið digra nes. Nema hvað.

Eptir þessa aukinheldur yndishringi tvo æpti hið gamla hró innra með sér: Meira, meira ...

Feðgar & fóru ...

Hinn eðlilegi & óþvingaði dr. Gylforce var maður eigi einsamall hvar hann boðaði þing hér í námunda við Hörðuvelli. Nema hvað. Doksi kallinn & hapði litla vagnverjann sér til fulltingis. Er þeir sáu hinn spánnýja & spennandi VDL-vagn koma á leið 28 biðu þeir öngvra boða. 

Þeir feðgar gengu dreissugir & dramblátir um borð & hófu þegar talningu á vagnverjum & rannsóknir á innviðum vagnsins. Nema hvað. Um 10 vagnverjar stóðu sína plikt & áttu innstigin í vagninn eptir að tvöfalda þá tölu.

Þegar vagninn áði við Hamraborg okkar Kópvæginga vorum vér einhvörðungu þrír eptir & héldu sá gamli & litli þegar í næsta verkefni sem var meginlandsvagn númer 140 á leið 4.

Vagnstjórinn á leið 4 var ekkert að hafa fyrir því að bjóða þeim feðgum góðan dag heldur nikkaði kollinum & gaf þeim merki um að setjast hið snarasta. Svá ók hann nokkuð hart & stirrt að Mjódd þeirra Breiðhyltinga.

Víða var verjinn í Mjóddinni & urmull af vögnum. Dr.-inn skráði þetta allt samviskusamlega niður & sá litli æpti "eins" á suma vagna & á aðra "ekki eins". Greinilegt er á öllu að þeim stutta hefir tekist afar vel til að tileinka sér vagnarannsóknir á örskömmum tíma. 

Dr. Gylforce rak lox sín haukfráu augu í hinn sænskættaða 303 vagn á leið 28. Ekki spillti fyrir að kynþokkafyllsta vagnstýran hélt - þéttingsfast en þó fimlega - um stýrið & ljóst var á öllu að ferð þessi gat eigi klikkað. Aukinheldur var gaman að fá enn & aptur að sitja í vöffunum tveimur; VDL & Volvo. Nema hvað.

Loforðin stóðu stóru
stemmning vögnum í.
Hringinn sinn feðgar fóru
& fengu vöffin tví. 

Fyrirmyndar flengingar ...

Hinn ofsakáti & örláti dr. Gylforce átti góðar stundir bolludag þennan hvar allt saman endaði svá með algjöru ofáti hjá doksa kallinum. Hvað um það.

Eptir deig, rjóma & sukk drattaðist dr.-inn í vagnana upp á þeim hörðustu & er óhætt að segja að ákaflega vel hafi borið í veiði. Nema hvað.

Þegar tímann vantaði um fjórðung í þrjú kom aðvífandi lánsvagn frá þeim Fjarðarmönnum á leið 28. En ekki hvað? Hinn snotri Karosa 265 vagn tók kópvægskan slag á vígvöllum veganna & var virkilega gaman að sitja í honum alla leið að Mjódd þeirra Breiðhyltinga.

Dr. Gylforce var í þekktri þrennd hvar hann hóaði í 106 Omnilink vagninn á leið 4 & hapði gaman af því að snúa hlutverkunum við, meginlandsvagn á leið 28 & hinn sænskættaði vaktaði leið 4. Optast nær er því öfugt farið.

Dr.-inn sótti litla vagnverjann & arkaði með hann að Hálsatorgi okkar Kópvæginga. Þar var hann. Í öllu sínu veldi mínir virðulegu vagnverjar. Hinn spánnýi & spennandi 307 VDL-vagn var á leið 28 & einhentu feðgarnir sér inn í vagninn & sátu sem fastast einn eðalhring um kópvægskar koppagrundir. Nema hvað.

 

Doksi kallinn drottnaði
dásemd er feðgaflakk.
Bollurnar hann borðaði

uns belgurinn sprakk.

Mynd: http://citybus.piwigo.com/

Eptirsjónarsviptir ...

Það er ekki laust við að hinn meskni & maskni dr. Gylforce sé mæðulegur þessa dagana & engist upp í angist af & til. Ástæðan? Jú, sjáið til mínir virðulegu vagnverjar. 

Hinir engilsaxnesku stuttu MAN vagnar þeirra Kynnisferða, 304 & 305, hafa heldur betur fengið hvíldina á kópvægskum vígvöllum veganna undanfarið.

Doksi kallinn er nánast farinn að sakna þeirra & skilur eigi hvað hafi komið fyrir þá báða. Þetta eru einu vagnarnir sem dr.-inn veit um sem eru ávallt heitir & hlýir að innan & því mikilvægt að sjá þá á kópvægskum koppagrundum yfir kaldasta vetrartímann. Hvað um það.

Vonandi hressast þeir fljótt & snúa aptur á leið 35 hér í Voginum.

Funheitir & ferðbúnir
fallegir að vanda.
Á vígvöllum vélknúnir
vagnverjum til handa.


Mynd: citybus.piwigo.com 

Einvaff - tvívöff ...

Hinn fáviskuhjalandi & firraði dr. Gylforce fékk loxins drauma sína uppfyllta á vígvöllum veganna í gær hvar hann sá hinn spánnýja & spennandi VDL-vagn þeirra Kynnisferða - 307 vagninn - tilbúinn til aksturs á leið 28 í Hamraborg okkar Kópvæginga.

Hvílík gleði - hvílík spenna!

Doksi kallinn þreif undireins í litla vagnverjann & nánast réðst til inngöngu. Vagnstjórinn er vel varinn í vagninum með öryggisgleri en því eigum vér vagnverja ekki að venjast hér. Aukinheldur reyndist VDL-vagninn þýður & mjúkur en örlítið hávær miðað við að vera nýlegur. Hvað um það. 

Litli & stóri vagnverjinn sátu vonglaðir & væntnir í vagninum & fundu fyrir mikilli væntumþykju honum til handa. Þeir neyddust að lúkningu til að fara út úr vagninum & hóuðu í kjölfarið i hinn sænskættaða Volvo-vagn sem einnig var á leið 28.

Dagur þessi verður lengi í minnum hapður & var virkilega gaman að hafa upplifað vöffin tvö; VDL & hinn sænskættaða Volvo.

Nú er bara að bíða eptir næstu ferð með VDL-vagninum mínir virðulegu vagnverjar.

 

Arkaði sæll inn í tví-vöff
án þess að koksa.
Öngvin eru í strætó ströff
fyrir stoltan doksa.

Niðdimmt & náðugt ...

Hinn voveifilegi & illviðráðanlegi dr. Gylforce hélt á vit vagna á miðvikudagskvöldið hvar það viðraði nú ekki vel til vagnarannsókna; hávaðarok & jafnvel hraglandi. Hvað um það. 

Dr.-inn hóf vinnu sína við Hamraborg okkar Kópvæginga hvar hann tyllti sér inn í leið 2. Það urðu næstum því fagnaðarfundir milli dr.´s & vagnstjórans því sá sem um stýrið hélt ók svo opt leið 5 í gamla strætókerfinu, 5D vagninum, sem var eðal Scania CN 112. Dr.-inn átti þrásetur & langdvalir í þeim vagni þegar hann átti að liggja yfir bókunum vestur á Melum. Nema hvað.

Hinsvegar voru fáir vagnverjar á ferli eins & myndin sýnir & leið vagninn á mettíma að Hlemmi. 

Eptir ítarlega rannsókn við Hlemmtorgið skáskaut dr. Gylforce sér í leið 18. Aldur & ár er síðan doksi kallinn sté síðast inn í hina átjándu leið & var virkilega gaman að stúdera vagn & verja & upplifa fumlausan akstur vagnstýrunnar. 

Kyrrlát ei var kvöldstund
kúrði vagni í.
Doktor í djúpvitund
& djöfulli sexý!

Það var þó skrýtið að vagninn var merktur "er ekki á leið" við Rauðarárstíginn hvar hann hans upphafsreitur er. Það er mjög villandi fyrir vagnverja, sérstaklega þá sem eru að jafnvel að nota vagninn í fyrsta sinn.

Doksi kallinn lét það ekki á sig fá heldur hóaði næst í leið 19 við Ártúnið & fór með 212 Crossway vagni þeirra Fjarðarmanna að miðstöð vagnanna við Hlemmtorg.

Frá reykvískri miðstöð vagna einhenti dr.-inn sér upp í Hamraborg okkar Kópvæginga hvar þekkt sænskættuð stærð færði doksa kallinn í fegurstu laut jarðarinnar.

Ódrukkin óheppni ...

Hinn óskáldlegi & iðjulausi dr. Gylforce reyndi enn & aptur að komast í kynni við hinn spánnýja & spennandi VDL-vagn er ekur eins & burgeis & dólpungur um koppagrundir Kópavox á leið 28 um þessar mundir. Nema hvað.

Dr.-inn sté stórlátur inn í leið 28 um níuleytið í morgun við Salalaug & freistaði þess að setjast inn í dýrðina. Svo varð nú ekki, því miður. VDL-vagninn virðist aðeins aka á annatíma & missti doksi því af honum enn & aptur. Hvað um það.

Þess í stað fékk dr.-inn hinn sænskættaða 306 vagn & leið með honum á leið, alla leið að Mjódd þeirra Breiðhyltinga. Dr.-num var svá eigi þar til setu boðið & fékk 308 vagninn til baka úr Mjóddinni áleiðis að Hörðuvöllum.

Ævintýr með Vaff-Dé-Ell verða því enn að bíða um sinn en hve lengi? Hve lengi???

Óheppnin eltir doksa nú 
aldrei í nýjan kemst.
Allsgáður situr & edrú
& afmaxaður fremst.


Mynd: http://citybus.piwigo.com

Vítt & breitt ...

Hinn nægjusami & nálegi dr. Gylforce naut sín til hins ítrasta í vögnunum í gær hvar hann tók litla vagnverjann með sér. Að þessu sinni hófu þeir feðgar leik upp við Hörðuvelli & enduðu vitaskuld í fegurstu laut jarðarinnar, Stútulautinni. Nema hvað.

Dr.-inn gerði hvað hann gat til að hremma hinn spánnýja & spennandi VDL-vagn á leið 28 síðdegis í gær en allt kom fyrir ekki. Því miður. Öngvu að síður fengu feðgarnir öndvegis sænskættaðan eðalvagn sem færði þá fagurlega að Mjódd þeirra Breiðhyltinga. 

Í Mjóddinni kom urmull vagna & átti bæði litli & stóri vagnverjinn fullt í fangi með að skrá niður & stúdera alla þá vagna er aðvífandi komu. Það var gaman að sjá þar 237 & 238 vagnana á leiðum 12 & 28 en þessir munaðarfullu meginlandsvagnar tóku eitt sinn slaginn á leið 1. Hvað um það.

Þeir kumpánar einhentu sér næst inn í hinn stutta 159 Heuliezvagn á leið 4. Þar gat doksi kallinn loxins setið í víða & breiða sætinu fyrir aptan apturhurðina sem virðist vera hannað fyrir einn lítinn & einn stóran vagnverja.

Þeir svifu með þeim stutta um gulu & gráu götu Skemmuvegs & alla leið að Hamraborg okkar Kópvæginga. Þar gengu þeir rakleitt inn í Náttúrusafnið & skoðuðu fiskana, krabbana & öll hin dýrin.

Að lúkningu hóuðu þeir feðgar í leið 35 sem þessa dagana er ekinn af sænsku stáli & spígsporuðu svo í laut hinnar miklu fegurðar.

Með vagninum vítt & breitt
í víðu & góðu sæti.
Sá guli keyrir fráleitt greitt
& gleðin í kaupbæti!

Góðir hálsar - torg ...

Hinn goðmagna & goðsagnakenndi dr. Gylforce greip í litla vagnverjann í morgun & var ekki lengi að valhoppa með þann stutta út að biðstöðinni við Stútulautina. Von bráðar kom þar askvaðandi hinn sænskættaði 308 Volvovagn á leið 35 & gladdi það hið gamla hró dr.´s hve margir vagnverjar voru um borð svona snemmindis.

Hinir fjörugu feðgar tóku eðalhring með Svíanum hvar þeir svá áðu við Hálsatorg okkar Kópvæginga. 

Friðsælt hlé er Hálsatorg
heimkynni vagna.
Heiðurstorg við Hamraborg
háborg goðsagna.

Þá gerðist það. Hratt en örugglega. Hinn spánnýi & spennandi VDL-vagn á leið 28 kom aðvífandi. Vagn þessi var kosin "vagn ársins" árið 2011 & skal það öngvan undra. Hann virkar mjög stílhreint & traustvekjandi á doksa kallinn & bíður hann nú í ofvæni eptir því að einhenda sér inn í vagninn til frekari rannsókna.