Dregur sig saman sem dámlíkast er...???

Hinn ljóslifandi & lýsandi dr. Gylforce leit yfir netfréttir & hnaut þar um að samið hefir verið við nýjan aðila til þess að sjá um skýlin fyrir oss vagnverja.

Nýju strætóskýlin

Góðu fréttirnar við nýjan rekstraraðila eru þær að skýlum verður fjölgað úr 147 í 210 talsins. Öngvu að síður verða alltof margar staurar áfram í hinu lostfagra leiðakerfi. Hvað um það.

Aukinheldur verður loksins hrint í framkvæmd að gefa upp rauntímaupplýsingar um vagnana í skýlunum, líkt & víða erlendis.

Reyndar verður slíkt aðeins í boði í um 50 skýlum eða í tæplega 24% þeirra.

Hinsvegar veldur útlit nýju skýlanna nokkrum vonbrigðum. Þau eru áþekk hinum gömlu, sem hvorki halda vatni né vindum, & ljóst að áfram mun gnauða & gnísta um okkur vagnverjanna á biðstöðvunum. Brrrrrr!

Þau virðast hafa glopp & gat
Gylforce skilur ei baun.
Líkjast þeim gömlu, gabb & plat!
Gefa þó tímann í raun.

Lúrt á ljósum ...

Á ljósunum hann lúrði
langaði í sveim.
Á kontór sínum kúrði
komst í draumaheim.

Lúrt á ljósum

Hinn léttleikandi & lærði dr. Gylforce las fréttina hér fyrir ofan & minntist þess að hafa lent í svipuðu tilviki. Einhverju sinni dottaði vagnstjóri í tímajöfnun & varð vagnverji einn að ýta við honum. Hvað um það. Vonandi náði þessi góðum mínútum til þess að hressa sig við & halda áfram för. Nema hvað.

Það voru hinsvegar öngvin þreytumerki á vagnstjóranum sem ók dr.-num á leið 3 í gær. Ó-nei.

Það gladdi hið gamla hró dr.´s óskaplega að sjá rafvagn á vaktinni á sunnudegi.

Eina sem hissar Gylforce-inn er að upplýsingataflan er enn ekki komin í gagnið. Hin íðilfagra rödd Herdísar grýlu heyrðist þó sem er bót í máli en byggðasamlagið verður að kippa þessu í liðinn hið snarasta. 

Koma svoooooo!!!

Ferð Freyjudagsins ...

Hinn göfuglyndi & gjafmildi dr. Gylforce hefir af því bæði gagn & gaman að taka vagna á föstudags- & laugardagskvöldum. Nema hvað.

Optar en ekki er rólegt í vögnunum á þessum tíma sem hentar Gylforce-num stundum ágætlega.

Doksi kallinn rölti yfir til Kópvæginga eitt indælt frjádagskvöld & tók leið 2 við Salaveginn. Vagninn var á leið í Mjódd okkar Breiðhyltinga með um 10 vagnverja sem var í raun óvenjulegur fjöldi. 

Þegar betur var að gáð voru allir vagnverjarnir, utan doksa, af erlendu bergi brotnir. Dr.-inn skipti um vagn í Mjódd & hugði á ferð í Fjörðinn með leið 21.

Hugmyndin var að nema staðar í Firði & ganga með Göflurum en ekki þó ganga af göflunum. Vonandi ekki!  

Góðu heilli voru flóttamennirnir tíu á sömu leið og dr.-inn. Af þeim voru sex hressir krakkar sem héldu uppi stuðinu alla leið. Þrátt fyrir ys & þys í vagninum gaf þetta doksa kallinum hugarró & hugljúfa ferð á þessu ljúfa frjádagskveldi. 

Amen.

Hugarró var í unaðsferð
út í Hafnarfirði.
Með flóttafólki af bestu gerð
sem fráleitt er byrði.

Víndrukkinn á vagni ...

Víndrukkinn vagni ók
vegurinn of mjór.
Tvo kagga með sér tók
í tugthúsið fór.

Víndrukkinn á vachtinni

Hinn fráleitt slurkaði & slompaði dr. Gylforce var stúrinn & sorgmæddur nú í blæðandi morgunsárinu, hvar hann renndi yfir netfréttir dagsins. Nema hvað.

Illu heilli virðist vagnstjóri einn hafa verið nokk við skál á vachtinni í gær. Það sem truflar þó doksa mest varðandi frétt þessa er að laganna verðir tala um að þetta hafi átt sér stað á gatnamótum Dalvegar og Smiðjuvegar??? Eru þau til???

Dr.-inn hepði haldið að Dalvegur endi á ljósunum við Nýbýlaveg. Ætli sé ekki verið að meina hringtorgið þar sem Skemmuvegur & Smiðjuvegur mætast? Þar sem leið 4 er á leið annaðhvort í Mjódd okkar Breiðhyltinga eða í Hamraborg þeirra Kópvæginga???

Gylforce meðal Grafvæginga ...

Hinn kaldi karl & stælgæi dr. Gylforce hélt til Grafvæginga í gær, hvar hann þurfti að sinna þar erindagjörðum. Nema hvað.

Dr.-inn sat í leið 24 frá Mjódd okkar Breiðhyltinga að Spönginni. Við þá tengistöð þeirra Grafvæginga hefir nú Bjarg íbúðafélag hafist handa við að byggja íbúðir. Félag þetta ku vera sjálfseignastofnun á vegum ASÍ og BSRB.

Félaginu er ætlað að tryggja tekjulægri hópum þak yfir höfuðið til lengri tíma & munu þarna án efa búa hópur vagnverja í framtíðinni. Það er vel.

Dr.-inn ætlaði að bregða sér tilbaka með leið 6 sem átti að leggja úr vör á slaginu klukkan 15:00. Ekkert bólaði á vagninum fyrr en þremur mínútum síðar. Það er nokk skrýtið því hér er um aukavagn að ræða sem ætti að koma askvaðandi og á réttum tíma frá Hesthálsi. Hvað um það.

Vagnstjórinn rann í hlað á gömlum en góðum sænskum Omnilink jálk númer 115. Stjórinn ók sem óður væri á aðeins 27 mínútum að Lærða skólanum við Lækjartorg. Samkvæmt áætlun á ferð þessi að taka um 32 mínútur en slíkt var ekki í boði að þessu sinni.

Dr. Gylforce sté út niðrá torgi hálf sjóveikur & ringlaður eptir þessa kynngimögnuðu ferð. Hann jafnaði sig stutta stund en leitaði svá fleiri vagna - en ekki hvað???

Ók sem lífið ætti að leysa
lengst inn í Grafarvog.
Við stýrið lét gamminn geisa
svo Gylforceinn fékk flog.

Hinn gjálífi Gylforce ...

Í þristinn minn fór eptir þjór
þónokkuð sljór & hreifur.
Indælis bjór á knæpukontór
kófdrukkinn, frjór & reifur.

Hinn kímilyrti & kámugi dr. Gylforce hélt kátur & keikur á vit vagna, hvar hann tók leið 3 áleiðis í sollinn. Já, rétt, í borg óttans fór dr.-inn mínir virðulegu vagnverjar. & það á sjálfan þjóðhátíðardag Kanans.

Það fer vel á því að bróðir Gylforce-ins, fagnar einmitt sama afmælisdag & Amríkanarnir. & því skal fagnað - vitaskuld með því að kneyfa ölið af áfergju - en ekki hvað???

Bræður gengu til drykkju & gerðu sig svá glaða að Óminnshegrin - helvítið atarna - flögraði sem óður væri um sali & kontóra knæpunnar & glap okkar geð guma. 

& þegar dagur kom - hvenær sem hann nú kom - skorti okkur túramennina ekki timburmenn heldur túskilding & héldu bræður með taktfastan hausverk & tóma vasa í næsta vagn. Nema hvað.

Annar þeirra fékk stuttan rúnt með eðalvagni en hinn hélt með leið 3 að fegursta Stútulautarseli jarðarkringlunnar. 

Já, staupaþing, samdrykkja & strætóferðir svíkja öngvan í höfuðborginni. Maður lifandi!!!

Rafvagnar & rennbleyta ...

Gylforce-inn er við margt að glíma
en sú gula reynist fátíð.
Rauðgulu eru á réttum tíma
í rennblautri sumartíð.

Hinn alvitri & alvoti dr. Gylforce var ánægður & ásáttur, hvar hann hitti aðeins fyrir rafvagninn númer 196 á leið 3 í gær. Nema hvað.

Rafvagninn er sá glæsilegasti af þeim fjórum sem komnir eru til landsins. Það skýrist nú fyrst & fremst á merkingunum á honum sem er fallegar & flottar.

Vætan á vígvöllum veganna - & alls staðar raunar - virðist ekki skipta vagninn neinu máli sem er hið besta mál. Dr. Gylforce brunaði með þristinum um breiðar lendur Breiðholtsins, að Háskólanum við Melana & aptur heim. 

Dr.-inn bíður i ofvæni eptir næsta skammti af rafvögnunum sem hlýtur að koma í næsta mánuði - en ekki hvað???

Aptansöngur á annatíma ...

Hinn annasami en fráleitt annarlegi dr. Gylforce hapði alhug á því í gær að einhenda sér í vagna, hvar hann hapði góðan tíma & stóð aukinheldur bísperrtur í Mjódd okkar Breiðhyltinga á annatíma. Nema hvað.

Dr. Gylforce hélt á vit vagna & settist í leið 3 áleiðis í miðbæinn. Til fararinnar var hinn þokkalegasti Irisubus Karosa númer 166, 13 ára jálkur sem virðist samt orðinn nokk þreyttur. Hvað um það.

Doksi kallinn hapði varla tyllt sér þegar hin verstu óþægindi í maga gerðu vart við sig. Hvað var að ske? Bakteríupartý í þörmum? Sníkjudýrasukk í görn? Allt heimsins lopt í mallakút á doksa? 

Enda þótt ys & þys sé í vögnunum á háannatíma var ljóst að aptansöngur doksa kæmi til með að yfirgnæfa allt & alla. Jesús María - maður lifandi!

Dr.-inn rétt náði að víxla & koma sér meðal vagnverja í leið 3 áleiðis í Sel & Fell & hundskast heim á dolluna!

Yfir-aptan-&út!

Hér áður var Gylforce gæfur
glaðsinna dægrin löng.
Hann er ei í vagna hæfur
með háværan aptansöng.

Umbreyting í uppsiglingu...???

Fækka hjá fjórtán
fjölga hjá þrettán.
Lán eða ólán
lukka eða áþján?

Hinn vel spennti & fráleitt spánnýi dr. Gylforce hefir spáð & spekúlerað í þær fréttir sem honum hefir borist til eyrna.

Nú ku vera uppi hugmyndir um að breyta leið 14 þess efnis að vagninn hætti að fara framhjá Háskóla Íslands á leið sinni út á Granda & að Verzlunarskóla Íslands. 

Það virðist vera góð hugmynd hvar þrjár aðrar leiðir, 1,3 & 6, fara þennan spotta. Verji úr Háskólanum getur tekið eina af þessum leiðum & farið svo út við BSÍ. & svá öfugt, hægt verður að taka vagninn við skólann & fara út á Fríkirkjuvegi á leið sinni út á Grandagarð.

Með þessari ráðstöfun er mögulegt að fækka um einn vagn á leið 14 & færa hann yfir á leið 13 án verulegrar kostnaðarhækkunar. 

Hin þrettándi leið, Sléttuvegur-Eiðisgrandi, hefir átt í miklum erfiðleikum með að halda áætlun, einkum seinni part dags. Gott verður því að fá inn aukavagn.



Myndir: citybus.piwigo.com

Gakk & vagn ...

Hinn léttleikandi & ljúfi dr. Gylforce ákvað að gjörast Göngu-Hrólfur á hvíldardeginum, hvar hann stjáklaði um í heimabyggð sinni. Nema hvað.  

Dr.-inn spígsporaði um holtin breiðu & fann bæjarstæði hvar Breiðholtsbærinn stóð forðum aukinheldur sem bænhús var þar helgað hinum heilaga Blasíus. Hvað um það.

Gylforce-inn gekk hröðum skrefum, eptir að hafa drekkt í sig þennan fróðleik, að Mjódd okkar Breiðhyltinga. Leið 12 áði í báðar áttir & vitaskuld var málið þar með steindautt.

Eptir þrammið, þráin gaus
þetta var nú streð.
Í vagna orðinn viðþolslaus
ég varð að fara með.
Hollendingurinn bilandi, VDL, var til taks bæði niðrúr & inneptir & ákvað doksi að fara í miðbæðinn með leið 12.

& tilbaka í selið fagra fékk dr. Gylforce líka hinn hollenska VDL-vagn.