Hvað fæst fyrir 500.000.000 kr...???

Hvað núna fyrir fæst
fimmhundruð kúlur???
Í vistvæna skal splæst
með vel gular súlur.

Fjárhagsáætlun Strætós

Í fjárhagsáætlun byggðasamlagsins er gert ráð fyrir rúmlega 500 milljónum króna í endurnýjun á vagnaflotanum á næsta ári. Dr.-inn er að deyja úr spenningi & getur vart hamið sig - en ekki hvað???

En hvað skyldi nú fást fyrir þá aura??? Það verður allra athyglivert að sjá hvers konar vagna stjórnin mun bjóða okkur vagnverjum upp á fljótlega á nýju ári??? 

Fleiri metanvagna??? Eða aðra gusu af rafvögnum frá kommúnistunum í Kína??? Eða rafvögnum úr þýsku stáli, MB-vagna??? Jafnvel vetnisvagna???

Metanvagnar eru mun ódýrari en t.d. rafmagnsstrætóar & getur munað næstum því helming. Hafa ber þó í huga að rafvagn er að öllu jöfnu ódýrari í rekstri en metan eða þar til skipta þarf um rafhlöðu í honum. Þá hækkar nú reikningurinn - maður lifandi!!!

Þannig mætti splæsa í um 14 metanvagna fyrir þessa upphæð - 500 milljónir - meðan aðeins 8 rafvagnar fengjust fyrir þá upphæð.

Svá ber að hafa hugfast hvort SORPA bs. geti afgreitt svona mikið magn af hágæðametan fyrir slíkan flota. Humm, humm???

Hvað sem því líður verður afar fróðlegt að fylgjast með næstu skrefum byggðasamlagsins.

Dr. Gylforce verður á tánum & fylgist grannt með málum.

Amen.

Bráðabirgðabiðstöðvar ...???

Til bráðabirgða stoppar
breytist vonandi lítt.
Taumlaust ruglið sig toppar
trauðla er það nýtt.

Nú hefir verið komið upp nýjum bráðabirgðabiðstöðvum í stað hringtorganna svá hvorki vagnstjórar né bílstjórar á eptir þeim gerist nú lögbrjótar. Það viljum við ekki. Nema hvað.

Að öðru leyti er umræðan skrýtin í ljósi þess að biðstöðin við Hagatorg hefir verið þar í áratugi án þess að einhver hafi fett fingur út í það. Aukinheldur man dr.-inn ekki eptir umræðu um hversu stórhættulegt það hafi nú verið að láta vagninn stöðva þarna í öll þessi ár.

Heyr á endemi - yfir&út!


Myndir: strætó.is

Orkuskipti í almenningssamgöngum ...

Sænskættaða ég virði vel
vil að þeir mig keyri.
Í metaninu dátt ég dvel
dreymir mig um fleiri.

Dr. Gylforce bíður í ofvæni eptir því að fá hvíta vagninn á leið 3 eða 4 svo hann geti optar tyllt sér í vagn þennan.

Annar slíkur metanvagn er væntanlegur hér á höfuðborgarsvæðinu. Vert er að geta þess að 75% af innanbæjarvögnum norður á Akureyri eru metanvagnar. Það er vel gert. Reyndar eru aðeins fjórir vagnar í notkun í einu en sýnir vel framsýni & metnað Norðlendinga í umhverfismálum.

Að mörgu er að hyggja i orkuskiptum. Metanvagnar eru mun ódýrari í innkaupum en t.d. rafmagnsvagnar en þeir fyrrnefndu losa örlítið af gróðurhúsalofttegundum út í andrúmsloptið meðan rafvagninn gerir það ekki.

Ef Strætó hyggst fjölga metanvögnum verður SORPA vitaskuld að geta tryggt hágæðametan fyrir vagnana & líklega þarf Strætó að fá áfyllingarstöð til sín á Hestháls í stað þess að treysta á þessa sem er í Bíldshöfðanum.

Aukinheldur voru nú lánamál & bókhald eitthvað að stríða SORPU-mönnum á dögunum & því spurning hvar þeir standa í öflun á hágæða metani. 

Þá verður Strætó að finna lausn á því hvar hraðhleðslustöðvar fyrir rafvagnana 14 eiga að vera því eins og er nýtast þeir ekki nema að hluta úr degi. Það er bagalegt að vera með fjárfestingu upp á tæpan milljarð & ná ekki að nýta hana til fullnustu. Koma svo!

Yfir&út!

Hring(torgs)avitleysa ...

Stoppistöðvar í hringtorgum hafa mikið verið í umræðunni að undanförnu. Eðlilega svo sem. Hvað eiga hinir yndislegu vagnar með að stöðva þar þegar það reynist ólöglegt samkvæmt umferðarreglum??? Humm, humm.

Ólöglegt stopp eður ei???

Málið virðist allt hið undarlegasta. Úr ranni Reykjavíkurborgar heyrist t.d. að Hagatorgið fagra vestur í bæ sé ekki hringtorg heldur akvegur. Aukinheldur hefir vagninn stoppað þar í áratugi en þá hefir torgið fagra hapt tvær akreinar. Nú hefur því verið breytt í aðeins eina rein. Því vekur það nokkra furðu að láta vagninn stoppa þar & stöðva alla umferð á meðan.

Dr. Gylforce man nú vel eptir þeirra stoppistöð er hann hékk yfir bókum lon & don vestur á Melum. Nema hvað. Þarna stoppaði t.d. gamla leið 6 sælla minninga.

Illu heilli lagði dr.-inn ekki stund á almenningssamgöngufræði þar vestra & braust því til mennta á því sviði með öðrum hætti. Hvað um það.

Vonandi leysa borgaryfirvöld & Strætó þetta mál í snarhasti en um fleiri tilvik er að ræða en vestur í bæ, t.d. við Hádegismóa & í Firðinum.

Amen.

Strætó stoppar þarna ei meir
strax þarf nú að leysa.
Kyngja stolti, gleyma gorgeir
svo gerist ekki hneisa.


Hringavitleysa hringtorga

Miðmynd: stræto.is

Hverfisgötu katastrófa ...???

Hverfisgötu katastrófunni virðist lokið í bili, hvar opnað hefir verið fyrir umferð eptir því sem dr.-inn kemst næst. Vinir vorir - vagnarnir - hefja þó ekki leik um götu þessa fyrr en í næstu eða þar næstu viku. Nema hvað.

Dr. Gylforce átti leið um miðbæinn á dögunum, hvar hann vatt sér inn í eina af fáu verslunum sem þarna eru núorðið. Dr.-inn sté inn, fann sinn hlut, gekk að afgreiðsluborðinu & hugðist nú spjalla við kaupmanninn um framkvæmdirnar í miðbænum á meðan hann borgaði. 

Dr.-inn hapði varla sagt orðið framkvæmdir þegar kaupamaðurinn nánast froðufelldi:

Hverfisgötu katastrófa
klaufsk eru svörin.
Hörmulegt og út í hróa
helvítis aðförin!

Gylforce-inn flýtti sér að borga & hraðaði sér út & þakkaði Guði fyrir að hafa ekki nefnt orð eins og strætisvagn eða göngugata við manninn. Hvað um það.

Dr.-inn hóaði í leið 3 við Lækjargötuna & fann hvernig sálartetrinu leið æ betur eptir því sem það fjarlægðist miðbæinn.

Yfir&út!

Vagnarnir um Hverfisgötu



Mynd: visir.is

Urmull ábendinga ...

Urmull ábendinga
úr hér að moða.
Fyrir staffið slynga
sem á að skoða.

850 ábendingar

Sérfræðingar í leiðakerfi Strætós, sem eru tveir ef dr.-num skjöplast ekki, hafa í mörg horn að líta þessa dagana. Alls komu um 850 ábendingar frá vagnverjum & velunnurum Strætós varðandi nýja leiðanet byggðasamlagsins sem koma á fót samhliða Borgarlínunni margumtöluðu.

Fræðingarnir hafa hafist handa við að flokka allt sem kom inn & stefna að því að kynna helstu hugmyndir fyrir stjórn Strætós fyrir jól.

Flestar ábendingarnir komu úr Árbænum & ljóst er að sérfræðingarnir verða að gefa því svæði sérstakan gaum.

Dr.-inn játar að vera ekki vel að sér í leiðakerfinu þar en vonandi að nýja netið veiti Árbæingum von um góðar & öflugar almenningssamgöngur.

Yfir&út! 

Germönsk gæði á göturnar ...

Hér verða germönsk gæði
með gott & hreint lopt.
Njótum hans í næði
náum honum opt.

Strætó bs. hefir heldur betur glatt hið gamla hró dr. Gylforce, hvar þeir hafa nú fengið glæstan & glæsilegan germanskan MB-rafvagn til reynslu. Yndislegt - nema hvað???

Dr.-inn nappaði enn & aptur mynd af upplýsingafulltrúa byggðasamlagsins í gegnum samfélagsmiðla án hans vitneskju hvar hún glögglega sýnir að sá germanski verður brátt tilbúinn en stefnt er að því að hann aki til reynslu á vígvöllum veganna í 2-3 vikur.

Dr. Gylforce getur vart beðið. Fyrir er aðeins einn MB-vagn í flotanum en sá er ekki af verri endanum - sjálfur liðvagninn. Maður lifandi!

Mjúklyndur í metan ...

Gylforce-inn hélt á leið um leið
& hann lauk sinni vakt.
Sagði bless við sína bifreið
& bljúgur fann sinn takt. 

Dr. Gylforce spásseraði fyrir framan Mjódd okkar Breiðhyltinga á þriðjudaginn, hvar hann sá gamlan metanvagn á leið 3. Málið dautt!

Inn vildi dr.-inn.

Strætó bs. hefir nú tvo metanvagna á vígvöllum veganna, hinn gamla gulgræna 119 Scania Omnilink (118 vagninn virðist úr leik) & hvíta nýlega víkinginn sem fékk raðnúmerið 101 & ekur aðallega á leið 18. Nema hvað.

Verktakar á vegum byggðasamlagsins hafa öngva slíka til reiðu en hægt er að komast í kynni við metanunaðinn norðan heiða. Hvað um það.

Dr. Gylforce endasentist með leið 3 að Hlemmtorgi & aptur upp í gettóið & fékk aðeins á tilfinninguna að vagn þessi ætti nú ekki marga kílómetra eptir - hvur veit???

Síðustu forvöð ...

Ábendingar - allir með
eflum nú leiðanetið.
Gerum betra, bætum geð
gott kerfi er vanmetið.

Á morgun er síðasti dagurinn til þess að koma með ábendingar varðandi hið svokallaða nýja leiðanet Strætós. 

Strætó bs. er í óðaönn að aðlaga leiðakerfið sitt að Borgarlínunni. Nú liggur fyrir hvar línan liggur (!) til ársins 2033 & því óþarfi að venjulegir vagnar fari sömu leið & línan.

Aukinheldur verður ný öflug tengistöð tekin í notkun í Vogahverfinu, BSÍ mun breytast í samgöngumiðstöð & margt áhugavert & spennandi í burðarliðnum. Maður lifandi!

Hvað um það, áhugasamir ættu að snara sér inn á eftirfarandi slóð & leggja orð í belg.

Ábendingar fyrir leiðanetið 

Ósamræmi ...???

Eintóm sæla var samkundan
síðan í vagninn næ.
Er sá mínútu á undan
ei það skilið ég fæ.

Um helgina fór dr. Gylforce út á galeiðuna & kneyfaði ölið af girnd & kátínu meðal Kópvæginga. En ekki hvað???

En eins & opt vill verða skal jú hætta leik þá er hæst stendur. & stóð það heima.

Dr. Gylforce hélt í Hamraborgina háu & fögru & hugðist taka síðasta vagn á leið 4 áleiðis að Stútulautarseli hans.

Dr.-inn var fullur sjálfstrausts eptir gleðina miklu & þurfti því hvorki að skoða heimasíðu Strætós né appið. Doksi kallinn var með þetta á hreinu; vagninn - leið 4 - á að fara kl. 00:36 úr Hamraborg á leið upp í Mjódd. Punktur & basta.

En hvað? Nei, leggur ekki fjarkinn af stað kl. 00:35 samkvæmt tímatöflum byggðasamlagsins eða mínútu fyrr! Góðu heilli náði dr.-inn að veifa vagnstjóranum & hann svo vinalegur að hleypa doksa kallinum inn. Nema hvað.

Kannski finnst mörgum dr.-inn full smámunarsamur. Staðreyndin er hinsvegar sú (einn af uppáhaldsfrösum stjórnmálamanna!) að mínúta getur skipt vagnverjann máli. Það er nú bara þannig.

Hvers vegna fer síðasta ferðin fyrr en hinar??? Ætli það skipti máli út frá kjarasamningum að vagnstjórinn sé kominn með vagninn mínútu fyrr upp á Hestháls??? Varla.

Eða er þetta ekki bara einhver meinleg villa í tímatöflunni því eitt sinn lagði leið 4 af stað 05 & 35 yfir heila tímann???

Humm, humm???