Leiðir í lest ...???

Hinn eptirláti & auðmjúki dr. Gylforce hefir nýtt gjörhygli sína & rýnt í fyrirhugaða þjónustuaukningu byggðasamlagsins. En ekki hvað???

Eitt af því sem stendur fyrir dyrum eru töluverðar breytingar á leið 21. Ekki reynist vanþörf á því, hvar leiðin ekur nú um Reykjanesbraut & stoppar hvergi í námunda við Smáralind & Smáratorg sem er afar sérstakt. 

Nú verður breyting á & er ætlunin að leið 21 aki um Smárahvammsveg & stoppi hjá Smáralindinni. Það er mjög gott framtak. Aukinheldur mun leiðin aka lengur á kvöldin & á sunnudögum sem vitaskuld ber að fagna!

Hinsvegar verður skrýtið ef leið 21 verður látin keyra um Smárahvammsveg, stoppa hjá Smáralindinni & aka svo um Dalveginn að Mjódd. Það er nákvæmlega sama leið & leið 24 tekur núþegar - & yrðu þær aukinheldur á mjög svipuðum tíma. 

Þá er hætt á því að leiðir 21 & 24 verði í lest & halarófu þennan spölinn. Betra er að láta leið 21 aka lengra í austurátt, framhjá Elko í Lindum, inn á Reykjanesbraut & þaðan i Mjódd.

Það verður því spennandi að sjá hvort byggðasamlagið ætlar þessum leiðum að aka í einni lest & halarófu - maður lifandi!

Aumt er að sjá í einni lest,
eðal leiðir tvær.
Held okkur muni fýsa flest
að fjarlægja þær.

Kúvending hjá Kópvægingum ...

Paufast ég með mitt pár
plágan hér er grimm.
þægilegar leiðir þrjár
eins& þrjátíu&fimm.

Hinn snúni & snari dr. Gylforce hefir skoðað - sem gamall Kópvægingur - breytingarnar sem í Voginum fagra eru í vændum um áramótin.

Byggðasamlagið hefir boðað að breytingar verði á þremur leiðum í Voginum; leið 2, 28 & 35. Nema hvað.

Það er fagnaðarefni að lengja skuli leið 2 & stytta leið 28 á móti. En hvernig verður það útfært? Það er spurningin.

T.d., hvor leiðin mun aka Salaveginn & um Þingmannaleið niður í Dalaþingið?

Vonandi mun leið 2 aka áfram um Salina & beygja svo & halda áfram Arnarnesveginn áleiðis á Rjúpnaveginn & niður í Mjódd.

Vonandi er planið að leið 28 haldi áfram að aka niður í Dalaþingið. 

Þá er umhugsunarvert að láta leið 35 aka ýmist í austur eða vesturátt. Verður það ekki ruglingslegt þótt vagninn verði betur merktur að framanverðu?

Hepði ekki bara verið nær að endurvekja leið 36? Láta leið 35 aka 07-37 frá Hamraborg & leið 36 22-52 eins og forðum? Það er mun skýrara að mati dr.´s.

Doksi kallinn hepði nær haldið það.

Styttri strætóferðir ...???

Á þig set ég allt mitt traust
í unaðslegum ferðum.
Þegar fer að húma í haust
hollvinir við verðum.

Hinn hrjúfi & heiti dr. Gylforce huggnast nú eigi sá ráðahagur byggðasamlagsins, hvar það ætlar að stytta þær leiðir sem koma til með að aka á næturnar um helgar eptir áramót. Nema hvað.

Með styttingu leiða hlýtur að vachna sú spurning hvort ekki verði hreinlega að nefna þær nýjum númerum. Ankannalegt er að mati doksa að vera t.d. með leið leiðanna, leið 1, með öðrum hætti á næturnar en að degi til.

Þetta þekkist reyndar í dag á leið 12 sem ekur aðra leið í gegnum Bergin í Breiðholtinu á daginn en á kvöldin. Hvað um það.

Aukinheldur verða næturvagnarnir með þeim hætti að þeir koma til með að aka bara í aðra áttina ef svo má segja, þ.e. þeir sjá um að ferja oss vagnverjana úr miðbænum & heim til okkar en ekki öfugt. Er það miður en minnir óneitanlega á vagnana sem Hópbílar sáu um að aka fyrir um aldarfjórðung eða svo.

En vissulega er þetta jákvætt skref að Strætó bs. hefji næturakstur & bíður dr.-inn í ofvæni eptir að prufa þennan ferðamáta.

Maður lifandi!

Leið 7 í sjónmáli ...

Skýtur nú skökku við
skrýtin þessi tala.
Byggðasamlagið - 
bæta verður skala.

Hinn bísperrti & brogni dr. Gylforce er nokk með böggum hildar, hvar byggðasamlagið hefir kynnt fyrir oss vagnverjum nýja leið sem hefir akstur um áramótin.

Þegar doktornum barst til eyrna breytingarnar sem fyrirhugaðar eru, kjaftaði af honum hver tuska; varð hann nánast óðamála & illviðráðanlegur af spenningi - en ekki hvað???

En nú hefir dr.-inn hoggið eptir því að í þjónustuaukningu byggðasamlagins er ráðgert að stofnsetja nýja leið sem verður númer sjö. & verður leið 6 stytt á móti & aukin tíðni á henni sem er mjög góð ráðstöfun.

Leið sjö mun aka milli Egilshallar í Grafarvoginum & inn í Helgafellsland í Mosfellsbæ á 30 mínútna fresti. Miðað við það telst hún því til svokallaðra hverfaleiða sem víða aka. Gott & vel.

Það sem vekur gjörhygli Gylforce-ins er þetta númer; sjö. Leiðir 1-18 í hinu lostfagra leiðakerfi eiga það sammerkt að ýmist enda á Hlemmi eða fara um Hlemmtorgið. Síðan eru leiðir 21-44 sem aka í hinum ýmsu hverfum á höfuðborgarsvæðinu.

Af hverju kemur þá ný hverfaleið með númerið 7??? Humm, humm.

Í Grafarvoginum ekur nú leið 31 & hepði verið eðlilegra að mati dr.-ins að láta hina nýju leið bera númerið 32 (eða jafnvel 30).

Næturvagn eða næturgagn ...???

Næturvagna mun nýta mér
eptir nokkra bjóra.
Þá virkilega verður hér
vinalegra að þjóra. 

Hinn drambsami & drottnandi doktor Gylforce fagnar mjög þjónustuaukningu sem stendur fyrir dyrum hjá byggðasamlaginu eptir áramót.

Margvíslegar breytingar eru í farvatninu & mun gjörhygli Gylforce-ins rýna í þær hér næstu daga. 

Eitt af því sem boðað er - & ber að fagna - eru næturvagnar á leiðum 1, 2, 3, 5, 6 og 11 aðfaranótt laugar- og sunnudags. Stefnt er að því að þessar leiðir keyri frá miðbænum á hverjum klukkutíma til klukkan 04:00-04:30.

Næturvagnar minna dr.-inn á þegar þeir voru hér síðast. Doksa minnir að tvær leiðir hafi verið í boði en hann tók bara aðra þeirra. 

Vagninn lagði af stað kl. 1:20 & 3:20 frá Lækjartorgi & hélt í Hamraborg, hvar hann ók austur Álfhólsveg, upp í Mjódd & þaðan í Garðabæ & Fjörðinn ef dr.-inn  misminnir ekki.

Optast var vagninn sneisafullur - já FULLUR - af fullu fólki sem ældi í vagninn & jafnvel meig. Greyið vagnstjórinn var einn á vachtinni & gat lítið ráðið við ástandið í vagninum.

Það verður aukinheldur fróðlegt að sjá hvernig þessu verður háttað nú, rúmum tuttugu árum síðar.

Kunna vagnverjarnir að haga sér?

Næturvagnar






Efsta mynd: mbl.is/hjörtur

Úr Eyjafirði í engilsaxneskt ...

Gylforce-inn á barnum Geit
glápti á rauða keyra.
Með lafandi tungu inn þar leit
langaði ávallt í meira.

Hinn létti & lárétti dr. Gylforce hapði vart kvatt Norðlendinga & nærsveitarmenn, hvar leið hans lá í þá eldrauðu & engilsaxnesku vagna þeirra Englendinga. Maður lifandi. 

Dr.-inn ól manninn í Kensington hverfinu - líkt & vanalega - & hapði sér til fulltingis aðallega leiðir 9, 10, 49, 52, 70 & 452.

Doksi kallinn hélt til á Goat Tavern, Geitinni; kneyfaði hann þar ölið af áfergju & arkaði svá í vini vora - vagnanna - enda stoppuðu þeir beint fyrir framan þessa yndislegu knæpu. Hvað um það.

Dr. Gylforce fór svá hring eptir hring með þessum tveggja hæða vinum sínum & getur vart beðið eptir að komast til Tjallans aptur - en ekki hvað???

Vrövl & víma ...

Mér dylst það ekki,
að dagar kulna,
að verjinn þvaðri
& vagnar gulna,
& leirskáld kveða
- óttaleg kvöð!
Ég óðum nálgast 
nýja stoppistöð.

Hinn lausgeðja & leirskáldaða ljúfmenni, dr. Gylforce, liggur ei á liði sínu þegar leiðir eru annars vegar. 

Dr.-inn fagnar mjög, hvar Eyfirðingurinn hefir tekið sig til & fjárfest í tveimur nýjum strætisvögnum. Kominn tími til! Maður lifandi!

Annar þeirra er hinn klassíski Iveco Crossway, en urmul þeirra má finna hér sunnan heiða, & svá hinn títtnefndi Scania Citywide.

Það má setja út á eitt & annað hjá Norðlendingum. Nýju vagnarnir eru appelsínugulir að lit en gömlu vagnarnir hlandgulir. Það er ekki flott að vera með tvo liti í gangi en líklega er verið að skipta þeim pissugula út sem er vel.

Þá verða Norðlendingar að taka sig til & bæta þjónustuna um helgar. Aðeins einn vagn af fjórum ekur laugardag og sunnudag & hefir ekki akstur fyrr en um hádegisbil. Steininn tekur svo úr þegar akstri lýkur um kvöldmat!!! Halló, halló - öngvar ferðir á morgnana & á kvöldin??? WTF?!?!

Enda þótt að þjónustan sé "ókeypis" er þetta ekki boðlegt. Til að mynda kom þetta sér illa fyrir dr.-inn, hvar hann var í hálfgerði helgarferð nyrðra & gat lítið notfært sér vagnana & komist í kynni við norðlenska vagnverja. 

Þessu verður að breyta. Punktur.

Engilsaxneskt & Eyjafjörður ...

Dr. Gylforce hefir heldur betur látið til sín taka í tjútti norðan heiða & meðal vina sinna, Tjallanna. 

Á Akureyri uss, uss, uss
illskiljanlegt kerfi.
Vagnar keyra þvers & kruss
um kennileit´& hverfi.

Leiðakerfi vagnanna nyrðra er nokkur ráðgáta. Virka daga aka sex leiðir á vegum SVA, Strætisvagna Akureyrar, þvers & kruss um bæinn með klukkustundartíðni.  

Fjórir vagnar eru notaðir til að anna þessum sex leiðum & ekur sami vagn leið 1 & 3 & annar 2 & 4. Síðan eru sér vagnar á leiðum 5 & 6. Sérstakt.

Gleðifregnir úr ranni Norðlendinga er hinsvegar þær að þeir hafa endurnýjað vagnakost sinn.

Tveir spánnýir drekar eru á vígvöllunum nyrðra & annar þeirra sænskættaður Scania metanvagn.

Hér er á ferðinni Scania Citywide sem er allur hinn glæsilegasta - & metanvagn - & vill doksi kallinn ólmur fá þessar týpur hingað suður. Punktur.

Meira síðar mínir virðulegu vagnverjar. Síðar, síðar.