Hveró í einum hvelli ...

Hinn ráðvandi & ráðagóði dr. Gylforce reif sig í góða ferð með ungviðið úr mennta- & menningarsetrinu við Fannborgina, hvar við héldum austur fyrir fjall. Nema hvað.

Eptir stuttan rúnt með leið 4 upp í Mjódd skellti dr.-inn sér í leið 51 með ungviðið. Að þessu sinni var förinni heitið til Hveragerðis. Vagnar sem aka út á land eru í flestum tilfellum blágulir á litinn. 

Vagninn var á leið til Víkur - en nemur auðvitað staðar í Hveragerði & Selfoss - & heldur svo áfram alla leið að Höfn í Hornafirði eptir stuttan stans í Mýrdalnum.

Hópbílar annast akstur á leið þessari & bjóða oss vagnverjum upp á fína Irisbusvagna, þýðlegan akstur, gott fótapláss & vitaskuld bílbelti í hverjum sæti - en ekki hvað???

Í blágulum er hátíð í bæ
börkinn heila seiðir.
Ávallt ég minn fiðring fæ
er fer hann sínar leiðir.

Flunkunýr á fyrstu leið ...

Í Garðabænum skipt´um gír
Gaflara hitti næst.
Í flotanum er flunkunýr
flottur - dísess kræst!

Hinn öri & ágæti, frækni & fullhugi dr. Gylforce gerði sér far með nýjasta vagninum í flotanum, 125 Iveco Crossway, hvar hann spígsporaði inn í leið leiðanna, leið 1. Nema hvað.

Dr. Gylforce hélt til Gaflara & gekk glaðsinna & gæfulegur inn í leið 1 í Hamraborg þeirra Kópvæginga. 

Aldrei þess vant voru ekki ýkja margir vagnverjar um borð  - enda vagninn utan háannatíma - & brunaði hann í gegnum Garðabæinn áleiðis í Fjörðinn. 

Vagn þess hefir staðið sína vacht frá því seint á haustdögum. Og nú berst doksa kallinum það til eyrna að Kynnisferðir séu að fá 10 slíka vagna innan tíðar. Verða þeir aðallega brúkaðir á leið 15 aukinheldur sem búast má við þeim á öðrum leiðum þeirra. Hvað um það.

Það verður veisla - maður lifandi!

Illa vankaður vagnstjóri ...

Hinn eðalborni & eðlisgóði dr. Gylforce lenti í heldur furðulegu atviki, hvar hann hugðist aptur reyna að komast í leið 28 við Hvammsveg þeirra Kópvæginga. Nema hvað.

Að þessu sinni mætti dr. Gylforce vel tímanlega við stoppistöðina & ætlaði ekki að missa aptur af gjörbreyttri leið 28.

Dr.-inn stóð við staurinn & hugðist taka leið 28 til vesturs. Vagninn kom & doksi undirbjó Appið í símanum. Sá guli hægði á sér en stoppaði EKKI & ók framhjá doksa kallinum!!!

Dr.-inn varð svo hissa & reiður að hann hljóp á eptir hinum stutta 337 Ivecovagni öskrandi & veifandi eins & geðsjúklingur. Hvernig í ósköpunum gat vagnstjórinn ekki séð hann???

Loksins virtist hann hafa heyrt í doksa & stoppaði u.þ.b. 50 metra frá staurnum. Vagnstjórinn virkaði þreytulegur & sagði bara; sorry, sorry.

Tveir aðrir vagnverjar fengu síðan vægt sjokk í ferð þessari þegar vagninn ók inn í hringtorg á Fífuhvammsveginum & fór sömu leið tilbaka; héldu þeir að vagninn væri aptur á leið upp í efri byggðirnar.

Þetta er breyting á leiðinni, sem varð 7. janúar síðastliðinn & er örugglega til hins verra. 

Vonandi sér Strætó bs. það hið fyrsta & lætur leið 28 ganga aptur um Dalsmárann.

Yfir&út!

Vankaður er vagnstjórinn
virkar ekki glaður.
Hleypir ekki doksa inn
- endemis þvaður!

Tímaáætlun í tómu tjóni ...

Aksturinn reyndist optast spól
því er ekki að neita.
Tíminn eins& álfur út úr hól
sem ætti strax að breyta.

Hinn freðni en þó forkunnarfagri dr. Gylforce fór á fjörurnar við vini vora, vagnana, í fimbulkuldanum, hvar hann hugði kynna sér leið 28 en endaði í tvistinum. Nema hvað.

Dr. Gylforce skondraðist milli sveitarfélaga & sótti Kópvæginga heim & vildi inn í leið 28. Leiðin sú hapði hinsvegar öngvan áhuga á doksa kallinum & brunaði hinn stutti Iveco vagn framhjá honum við Hvammsveg einni mínútu á undan áætlun. Svei!

Nú voru góð ráð alls ekki dýr, hvar leið 2 er steinsnar frá Hvammsvegi & rölti doktorinn að Fífuhvammsvegi/Salavegi.

Leið 2 kom á réttum tíma við Nettó Salaveg áleiðis í Mjóddina. Dr. Gylforce hapði hug á að tjútta með tvistinum að Mjódd okkar Breiðhyltinga & troða sér næst í þristinn heim að Stútlautarselinu sæla. En, viti menn, kárnaði þá gamanið - maður lifandi!

Leið 2 á erfitt með að halda áætlun í efri byggðum Kópavox. Einhver gæti bent á að færðin sé nú ekki sú besta - sem er satt.

Hinsvegar er því ekki að leyna að á laugardagseptirmiðdegi á öngvin strætisvagnaleið að vera á eptir áætlun vegna þess að vagnverjar eru yfirleitt ekki jafnmargir og aðra daga aukinheldur sem umferð er að öllu jöfnu minni.

Strætó bs. þarf að laga tímaáætlanir á leið 2. Vagninn þarf að fara fyrr af stað frá Hlemmi sem hefir reyndar þann ókost að vera þá meir úr takti við leiðirnar í Hamraborginni. Svo verður að vera aukinheldur sem núna á leið 2 að koma í Mjódd 21-51 sem er sami tími & aðrar leiðir fara þaðan!

Það er skrýtin ákvörðun & kallar bara á vesen fyrir okkur vagnverjana sem viljum skipta um leið.

Koma svoooooo!!!

Velvild í vögnum ...

Eptir mér hann blíður beið
brunaði svo af stað.
Elsti vagninn ávallt á leið
ööö - nema hvað!

Hinn dagfarsprúði & dáði dr. Gylforce einhenti sér í leið leiðanna, leið 1, við Hamraborg þeirra Kópvæginga í gær, hvar sú ágæta leið var komin með tíu mínútna tíðni. Nema hvað!

Venju samkvæmt valhoppaði doksi kallinn á leiðinni í vagninn. Gylforce-inn var reyndar seinn fyrir & var einn elsti vagninn í flotanum, hinn sænskættaði 101 Omnilink, í þann mund að leggja af stað.

Vagnstjórinn virtist sjá doksa kallinn veifa & hinkraði eptir honum. Það var vel gert & var stjórinn aldeilis á tánum í vinnunni. Hann t.a.m. nappaði vagnverja einn með útrunninn skiptimiða.

Góðu heilli fyrir verjann - sem var af erlendu bergi brotinn - sat dr. Gylforce fremst & splæsti vitaskuld á ferðalanginn farmiða svo hann gæti haldið áfram för í þessum sænska unaði & komist leiðar sinnar.

Amen.

Stútfullir strætóar ...

Fullir vagnar út um allt
endalaus glaumur.
Bætir þelið þúsundfalt
þetta er sko draumur!

Hinn draumkenndi & duttlingafulli dr. Gylforce dreif sig á vit vagna í fimbulkuldanum, hvar hann hitti fyrir leið leiðanna, leið 1 & þristinn þægilega. En ekki hvað???

Það má með sanni segja að loksins loksins séu almenningssamgöngur komnar á blað, bæði hjá fjölmiðlum & fólki. 
 
Skýrist það einkum af kosningum í vor & almennilegri kynningu á Borgarlínunni margumtöluðu. Nema hvað.

Þrír af fjórum frambjóðendum í leiðtogakjöri Sjálfstæðisflokksins í Reykjavík gefa ekki mikið fyrir Borgarlínuna. Þar fer fremstur í flokki hermaurinn úr hnakkabænum fyrir austan fjall & hefir hann rætt um að vagnar aki tómir um borgina. Hvað um það.

Til að sýna hinum sjálfstæða sellóleikara að hann vaði villu, hefir myllumerkið #tomirvagnar verið notað á samfélagsmiðlum undanfarna daga. 

Myndin sem hér fylgir er einmitt ein af þeim en dr. Gylforce tók þessa í leið 3 seint um kvöld.

Tómur vagn???

Ginning eða glaumur ...???

Strætó bs. er um margt sérstakt byggðasamlag. Í kynningarefni sínu fyrir leiðakerfisbreytingarnar hinn 7. janúar sl. eru boðaðar breytingar á leið 35 í Kópavoginum.

Héðan í frá skal hún aka bæði réttsælis & rangsælis. Fyrir nokkrum árum var slíkur háttur hapður á en þá hét önnur leiðin 35 & hin 36. Hvergi er hægt að sjá það nú að leið 36 sé til NEMA maður taki sig til & taki vagninn!

Í Hamraborginni blasti nefnilega við dr.-num leið 36 sem hvergi fyrirfinnst á heimasíðu Strætó bs.

Dr.-inn fagnar vitaskuld að bæði númerin séu nú við lýði en skilur ekki hringlandaháttinn & harmar að hvergi sé hægt að nálgast upplýsingar um leið 36, bara leið 35 rangsælis! Þetta ruglar oss vagnverja.

En mikið hepði nú dr. Gylforce viljað hafa leið þessa þegar hann bjó vestur í Kársnesi & sótti vinnu upp við Hörðuvelli þeirra Kópvæginga.

Það hepði gert lífið mun bærilegra aukinheldur sem leið 2 fer nú beint frá Hamraborginni að þeim hörðustu - maður lifandi!


Hilling eða hlutvera
í Hamraborginni?
Æ, þín fjandans fjarvera
fokkaði mínu sinni.

Mjódd-Mammon-Fjörður ...

Í vagna dreif sig með sitt der
sem doktorsins er iðja.
Framhjá Smáralind nú fer
við fáum Mammon að tilbiðja.

Hinn hugljúfi & heldri dr. Gylforce heldur áfram að kanna leiðabreytingar byggðasamlagsins, sem tóku gildi síðastliðinn sunnudag, hvar komið var að hinni tuttugustu & fyrstu leið. Nema hvað.

Dr. Gylforce hóaði í leið leiðanna, leið 1, við Hamraborgina & hélt rakleiðis með 151 Crosswayvagninum að Firði, hvar leið 21 tímajafnar sig.

Leið 21 ekur frá Firði að Mjódd, með viðkomu í Kaplakrika, Kauptúni & fer nú um Smárahvammsveg & framhjá Smáralindinni. Leiðin sleppir krók um Fjarðarkaup & Slökkvistöð en bætir við sig góðum spotta í Kópavoginum eins & fyrr segir.

Áður nam vagninn staðar við Vífilsstaði & síðan ekki fyrr en í Mjódd okkar Breiðhyltinga.

Þetta er góð breyting á leið þessari þótt vissulega sé eptirsjá af Skútu-, Hóls- & Bæjarhrauni þeirra Gaflara.

Yfir&út!

Tvistur úr takti ...???

Tvisturinn úr takti
með tímaplön. 
Reinina hans rakti
reyndist á skjön.

Hinn taktfasti en fráleitt tregi dr. Gylforce tók sig til & hélt á vit vagna, hvar hann hitti fyrir hina nýju leið 2, tvistinn.

Dr.-inn hlakkaði virkilega til að valhoppa inn í leið 2 við Mjóddina í fyrsta sinn, hvar hann það & gerði.

Vagninn reyndist 7 mínútum of seinn en hann átti að leggja úr vör kl. 17:02 en kom & fór kl. 17:09.

Tímaáætlun tvistsins er um margt einkennileg.

Vagninn fer á undan öðrum leiðum á annatíma úr Mjóddinni enda með tímaplanið 02-17-32-47 meðan aðrar leiðir eru þar 06-21-36-51. 

Á kvöldin & um helgar er leið 2 á pari við aðra vagna í neðra Breiðholtinu en þá er hann vesalingurinn út úr korti í Hamraborginni á leið á Hlemm eða með tímann 46-16 meðan t.d. leið 1 er þar 05-35.

Máske er einhver skýring á þessu sem hið gamla hró doksa kemur ekki auga á enn sem komið er. Hvað um það.

Dr.-inn tók 40 mínútna rúnt með tvistinum sem var langt á eptir áætlun þangað til hann kom í Hamraborgina, þá "græddi" hann nokkrar mínútur því þar átti vagninn að vera kl. 17:25 & fara kl. 17:29. 

Hinn fagri 148 Crossway vagn á A-vachtinni með dr.-inn innanborðs, kom aðvífandi í hjarta Kópavogs kl. 17:30 & náði svo réttum tíma á Grensásveginum. Þá var nú heldur stuttur spölur eptir að endastöð við Hlemminn. 

Allt saman nokkuð sérstakt en kannski skiljanlegt á háannatíma???

Velkomin í vagnakerfið ...

Velkomin í vagnakerfið
virðulega leið.
Ekur um nýja úthverfið
alls ekki hraðskreið.

Hinn létti & lánsami dr. Gylforce lagðist loks í leiðangur & hélt á vit vagna, enda ekki hægt annað á fyrsta degi nýrrar vetraráætlunar. En ekki hvað???

Dr. Gylforce fannst nýja leiðin - leið 7 - áhugaverðust við leiðakerfisbreytinguna þennan svellhála sunnudag & ákvað að sækja Grafvæginga heim. Nema hvað.

Dr.-inn sté stoltur inn í leið 24 við Mjódd okkar Breiðhyltinga & hélt með henni alla leið að Spöng þeirra Grafvægina. Doksi kallinn var spenntur mjög vegna leiðar sjö & hapði aldrei þess vant annan vagnverja sér til fulltingis.

Nýja leiðin ekur frá Spönginni eystur í Mosfellsbæ & tengir saman nýju hverfin við Helgafellsland & Leirvogstungu.

Númerið sem byggðasamlagið hefir gefið leiðinni er skrýtið & betra væri að hafa hana á pari við hverfaleiðir - enda er hún ein slík - & nefna hana t.d. leið 32. Hvað um það.

Tímasetningar leiðarinnar eru aukinheldur furðulegar. Á kvöldin & um helgar leggur leið 7 af stað frá Spönginni 06 & 36 mín. yfir heila tímann sem rímar einungis við leið 18 en ekki leið 6 & 24. Humm, humm??? 

Þegar leið 6 er með 10 mínútna tíðninni - sem er mikið fagnaðarefni - er málunum öðruvísi farið.

Öngvu að síður átti dr.-inn unaðsþrásetu & yndislangdvöl í þessari nýju leið með 156 Iveco Crossway vagninum & voru um fjórir verjar með í för að doksa kallinum frátöldum.

Nú er bara að kynna sér næstu leiðir sem tekið hafa breytingum: leið 2, 6, 21 & 28. Maður lifandi!